İnsan yönümlü şəhərlər ️

🚲 BNA-nın vaxtilə səkidə təşkil edilən velozolaqlar bir işə yaramır, amma hər yağışdan sonra qəşənq fotolar çəkmək olur. 🙂

🎂 Bu da 40. ⠀ Deyirlər ki, bu yubileyi qeyd etmirlər. Lakin önəmli bir ildönümüdür. ⠀ 🔹 Bu yaşda insanın bir nömrəli prioriteti sağlamlıq olmalıdır. Bu isə özünə qulluq ilə yanaş sağlam mühitlə bir sintezdə olmalıdır. ⠀ 🌳 “İnsan yönümlü şəhər” piyada gəzmək və velosiped sürməkdən ibarət deyil. Belə şəhər özü özündə sağlam həyat tərzi üçün şərait yaradan, bütün qrup insanlar üçün rahat və yaşamalı bir məkan deməkdir. ⠀ ✍️ Uzun müddətdir ölkəmizi belə bir məkama çevirmək üçün təbliğat aparıram, dövlət qurumları ilə ünsiyyət qurmağa çalışıram. ⠀ 🔸 Hərdən bunu birmənalı qarşılamayan, fikirlərimi “radikal” adlandıran da olur. Bu normaldır, və bütün cəmiyyətlərdə rastlaşmaq olar. Hər sahədə olduğu kimi, qarşılıqlı hörmət saxlayaraq, konstruktiv dialoqlar quraraq və maarifləndirməklə işlərini davamlı apararaq hər kəs üçün xeyirli bir nəticəyə gəlmək mümkündür. ⠀ ❗️ Bu vacib yaş həddinin keçməsinə baxmayaraq, çalışacam bundan sonra da urbanistik məzmunundan izləyiciləri əsirgəməyim. ⠀ Bu işdə dəstək olmaq istəsəniz, sevinərəm. 🙂

✍️ Bayram Axundov Bir çoxlarımız, içi nəqliyyat və şəhərsalma sahələrində çalışanlar daxil olmaqla, bayram günləri və həftəsonları ərzində avtomobillərin şəhər mərkəzinə girişinə qoyulmuş qadağaya "mərkəzi küçələrin bağlanması deyirik". Bu bir vərdiş olaraq baş verir, və çoxlarımız bunu bu formada deməklə özümüzdən ixtiyarsız şəkildə avtomobilyönümlü məntiqin çərçivəsində danışmış oluruq. Əslində, şəhərimizin küçələri elə indiki vəziyyətində "bağlanmış" halındadır. Biz avtomobilləri şəhərin müəyyən ərazilərinə buraxmamaqla, o küçələri BAĞLAMIRIQ, əskinə AÇIRIQ! Şəhər sakinlərinə açırıq, piyada gəzməyi sevən insanlara açırıq, körpələrə açırıq, yaşlı sakinlərə açırıq, fiziki və əqli məhdudiyyəti olan insanlara açırıq, velosipedlə hərəkət edənlərə açırıq, şəhəri gəzib, onun estetikasından zövq almaq istəyən insanlara açırıq. Biz bu yolla şəhəri insanın təbiətinə - onun piyada hərəkətinə açıq eləmiş oluruq. Bunun adı "küçənin bağlanması" ola bilməz. #insanyönümlüşəhər

🚊 Tramvay - 19-cu əsrin nəqliyyatı?! ⠀ 💬 Memar Elçin Əliyev öz müsahibəsində qeyd edir ki, "19-cu əsrin nəqliyyatını 21-ci əsrdə salmaq gülməlidir". ⠀ ❗️Hörmətli Elçin bəy, 21-ci əsrdə salınan tramvay sistemlərinə gəlin baxaq: ⠀ 🇫🇷 Nitsa (2007) 🇪🇸 Sevilya (2007) 🇫🇷 Tuluza (2010) 🇮🇹 Florensiya (2010) 🇹🇷 Samsun (2010) 🇮🇱 Yerusəlim (2011) 🇦🇪 Dubay (2014) 🇹🇷 İzmir (2017) 🇨🇳 Uhan (2017) ⠀ Tbilisidə isə tramvay yoxdur. Kafe kimi fəaliyyət göstərən retro-tramvayın vaqonu var.

⛔️ Yeni cərimələr belə olacaq. ⠀ ✍️ Bu gün Milli Məclisdə ikinci oxunuşda yeni qanun layihəsi müzakirə olunacaq. Onun təsdiq olunma ehtimalı yüksəkdir. Qanuna "velosiped yolu" və "kiçik elektrik nəqliyyat vasitələri" (elektroskuter) anlayışı daxil olur. ⠀ ⚠️ Bəzi cərimələr sərtləşdirir. Qanun layihəsi ilə tanış oldum və bəzi yeni cərimələri diqqətinizə çatdırıram.

🚘 Və bir daha hərəkət zolaqlarının eni barədə. ⠀ 🚧 Deməli, Mirzağa Əliyev küçəsində təmir işləri aparılır, yolun hərəkət hissəsini bağlayıb sürücüləri velozolağa yönəldiblər. Bu addımın nə dərəcədə düzgün olmasını indi qoyaq bir qırağa. ⠀ 🔸 Diqqətinizi başqa məsələyə yönəldim. İkitərəfli velozolağının eni 2,20 metr təşkil edir. Və göründüyü kimi buradan bütün minik avtomobilləri normal keçə bilir. Lakin şəhərlərimizdə əksər zolaqlar 3,5-3,75 metr təşkil edir. ⠀ 🔸 Təbii ki, demirəm zolaqları bu enə daraltmaq lazımdır, lakin onları 3 metrdən artıq etmək dəqiq ehtiyac yoxdur. ⠀ 🔹 8 noyabr prospektində zolaqlar 3,10 metrdir və öncəki paylaşımda da əyani şəkildə görsənir ki, avtomobillər belə zolaqlarda sərbəst hərəkət edə bilir. ⠀ ❗️Təsəvvür edin ki, bu gün Bakıda zolaqları 3 metrə yeniləsək, əksər küçələrdə həm velosiped, həm də avtobus zolağı üçün yer tapılacaq. Şəhərdə ən dəyərli resurs torpaq sahəsidir, onu düzgün istifadə etməliyik.

🚶‍♂️ “AMAY”-ın qarşısında yeni səki salınır. ⠀ 8 noyabr prospektində narahat olduğumuz məsələ öz həllini tapır. ⠀ 🔹 İzləyicinin göndərdiyi fotolardan görsənir ki səki genişləndirilir, velosiped zolağı üçün də yer təyin olunur.

⠀ ⚡️ Bu da ilk qəza. ⠀ “Crescent Mall”-un açılışından sonra Neftçilər prospektində yaranan təhlükəli vəziyyəti sizə yazıb göstərmişdim. ⠀ Bir ay keçməmiş burada iki nəfəri maşın vurdu. ⠀ 🔸 Düşünürəm ki, hadisədən sonra burada iki tədbirdən biri görüləcək - ya ərazi məhəccərənəcək və piyadalar yeraltı keçidlərə qovulacaq (avtomobil yönümlü qərar), ya da burada rahat eynisəviyyəli nizamlanan keçid təşkil olunacaq. ⠀ 🔸 Görülən tədbirdən asılı olaraq biz də biləcəyik, şəhər siyasətində prioritetlər dəyişir yoxsa yox.

💫 Qara Qarayev prospektində möcüzə. “Laçın” ticarət mərkəzinin qabağındakı səkini tam olaraq parkinqdən azad ediblər.

⛔️ Uşaq arabası ilə Bakıda hərəkət etməyin reallığı. Hər bir pilləkən bu analar üçün maneədir. Ona görə şəhərdə mühit baryersiz olmalıdır. 📸: farah_sicoco.