Lor Sovanney News

UN អនុម័តសម្រាប់ការចាកចេញរបស់កម្ពុជាពីក្រុមប្រទេសអភិវឌ្ឍន៍តិចតួច ======= មហាសន្និបាតនៃអង្គការសហប្រជាជាតិ បានអនុម័តសេចក្តីសម្រេច A/៧៩/L.៤៩ សម្រាប់ការចាកចេញរបស់ប្រទេសកម្ពុជាពីក្រុមប្រទេសអភិវឌ្ឍតិចតួច (LDC) ហើយការចាកចេញពីក្រុមប្រទេសអភិវឌ្ឍន៍តិចតួចជាផ្លូវការគឺនៅរយៈពេល៥ឆ្នាំទៀត។ យោងតាមការចុះផ្សាយលើគេហទំព័រអង្គការសហប្រជាជាតិ កម្ពុជា ជាមួយនឹងប្រទេស ហ្សេណេហ្គាល់ នឹងត្រូវដកចេញពីក្រុមប្រទេសអភិវឌ្ឍន៍តិចតួចជាផ្លូវការនៅថ្ងៃទី១៩ ខែធ្នូ ឆ្នាំ២០២៩។ ការរង់ចាំ៥ឆ្នាំទៀតនេះគឺដើម្បីបន្តតាមដានថាប្រទេសទាំងពីរនេះអាចរៀបចំខ្លួនប្រកបដោយប្រសិទ្ធភាព និងប្រាកដថាចាកចេញមានភាពរលូនមិនត្រលប់មកក្នុងបញ្ជីវិញ។ —————— https://t.me/lorsovanney

មេដឹកនាំក្រុមយុវជនសង្គមស៊ីវិល ចាត់ទុកការញុះញង់របស់ទណ្ឌិត សម រង្ស៊ី ឱ្យពលរដ្ឋធ្វើបដិវត្តនៅកម្ពុជា ជាអំពើ«ភេរវកម្ម» ========== លោក ហេង សំណាង ប្រធានក្រុមយុវជនសង្គមស៊ីវិលនៃសមាគមយុវជនខ្មែរមហានគរ រួមទាំងបណ្តុំអង្គការ សមាគមសង្គមស៊ីវិល បានចាត់ទុកការបំបះបំបោរ និងការញុះញង់របស់ទណ្ឌិត សម រង្ស៊ី ឱ្យប្រជាពលរដ្ឋខ្មែរធ្វើបដិវត្តពណ៌នៅកម្ពុជាតាមរយៈគម្រោង «ផ្ការីក» ថា គឺជាអំពើ«ភេរវកម្ម»សុទ្ធសាធ។ការចាត់ទុកបែបនេះ បន្ទាប់ពីលោកសង្កេតឃើញលោក សម រង្ស៊ី ដែលជាជនក្បត់ជាតិ និងជាអ្នកនយោបាយមានវ័យចាស់ជិតចូលក្តារមឈូសទៅហើយនោះ បានបំផុសបំផុល ញុះញង់ និងបំបះបំបោរឱ្យពលរដ្ឋធ្វើបដិវត្តពណ៌«ផ្ការីក»ផ្តួលរំលំរាជរដ្ឋាភិបាលស្របច្បាប់ដែលកើតចេញពីការបោះឆ្នោត។ —————— https://t.me/lorsovanney

កម្ពុជាទទួលបានគម្រោងវិនិយោគជាង ៤០០ ដែលមានទំហំទឹកប្រាក់ ៦,៩ ពាន់លានដុល្លារ នៅឆ្នាំ ២០២៤ =========== នៅក្នុងឆ្នាំ ២០២៤ រាជរដ្ឋាភិបាលកម្ពុជាបានអនុម័តគម្រោងវិនិយោគចំនួន ៤១៤ គម្រោង កើនពី ២៦៨ គម្រោងនៅឆ្នាំ ២០២៣ ស្មើនឹង ៥៤%។ យោងតាមក្រុមប្រឹក្សាអភិវឌ្ឍន៍កម្ពុជា ទំហំទុនវិនិយោគទទួលបានចំនួន ៩ ៦០០ លានដុល្លារ កើនឡើង ៤០% នៅក្នុងឆ្នាំ ២០២៤ ធៀបនឹងឆ្នាំ ២០២៣ ដែលមានចំនួនតែ ៤ ៩២៧ លានដុល្លារ។ —————— https://t.me/lorsovanney

តំណាងកម្ពុជានៅ UN ឱ្យអ្នកសិទ្ធិមនុស្ស UN ប្រកាន់ក្រមសីលធម៌ លើការរាយការណ៍ពីតំបន់អង្គរ ========= ស្ថានបេសកកម្មអចិន្ត្រៃយ៍កម្ពុជា ប្រចាំអង្គការសហប្រជាតិ និងអង្គការអន្តរជាតិនានា នៅទីក្រុងហ្សឺណែវ បដិសេដនឹងការលើកឡើងរបស់ក្រុមប្រឹក្សាសិទ្ធិមនុស្សអង្គការសហប្រជាជាតិ (UNHRC) ចោទប្រកាន់ថា មានការបណ្ដេញពលរដ្ឋចេញពីតំបន់អង្គរដោយបង្ខំ។ ករណីនេះ ភាគីកម្ពុជាឱ្យក្រុមជំនាញសិទ្ធិមនុស្ស UN ប្រកាន់ខ្ជាប់នូវក្រមសីលធម៌ ដែលបានធ្វើសេចក្ដីថ្លែងការណ៍ មានលក្ខណៈជ្រៀតជ្រែកអំណាចនៅកម្ពុជា។ នេះបើតាមសេចក្ដីថ្លែងការណ៍របស់តំណាងកម្ពុជា។ កម្ពុជា អះអាងថា ការតាំងទីលំនៅថ្មី របស់ប្រជាពលរដ្ឋនៅតំបន់អភិរក្សអង្គរ គឺជាការស្ម័គ្រចិត្ត ដើម្បីជីវភាពរស់នៅសមរម្យ។ ការបកស្រាយនេះ ធ្វើឡើងក្រោយពី អ្នកជំនាញសិទ្ធិមនុស្ស UN បានចោទកម្ពុជា ថាបានបណ្ដេញពលរដ្ឋចេញពីតំបន់បេតិកភណ្ឌ ហើយថែមទាំងអំពាវនាវ ឱ្យគណៈកម្មាធិការបេតិកភណ្ឌពិភពលោក និងរដ្ឋសមាជិកផ្សេងទៀត ឱ្យថ្កោលទោសកម្ពុជា។ ជំនួសការអំពាវនាវទាំងនេះ កម្ពុជាប្រាប់ទៅអ្នកជំនាញសិទ្ធិមនុស្ស UN គួរតែជំរុញដៃគូអភិវឌ្ឍន៍ និងភាគីពាក់ព័ន្ធ ឱ្យគាំទ្រដល់កិច្ចខិតខំប្រឹងប្រែងរបស់រាជរដ្ឋាភិបាលកម្ពុជាវិញ ក្នុងការលើកកម្ពស់ការការពារបេតិកភណ្ឌអង្គរ។ តំណាងកម្ពុជា ពន្យល់បន្ថែម ពីការគាំទ្រ កិច្ចខំប្រឹងប្រែងរបស់កម្ពុជា ស្មើនឹងការធានាសិទ្ធិរបស់ប្រជាពលរដ្ឋ ក្នុងការទទួលបានលំនៅឋានសមរម្យ ហេដ្ឋារចនាសម្ព័ន្ធចាំបាច់ និងសេវាសាធារណៈ ព្រមទាំងជីវភាពរស់ នៅកាន់តប្រសើរ នៅក្នុងតំបន់អភិវឌ្ឍន៍ រុនតាឯកតេជោសែន និងពាក់ស្នែង។ —————— https://t.me/lorsovanney

របបសឹកមីយ៉ាន់ម៉ា បញ្ចេញផែនការរៀបចំការបោះឆ្នោតនៅឆ្នាំ២០២៥ ======= រដ្ឋមន្រ្តីការបរទេសនៃរបបសឹកមីយ៉ាន់ម៉ា បានរៀបរាប់ផែនការបោះឆ្នោតដោយសង្ខេប ទៅកាន់ប្រទេសជិតខាង។ ប្រមុខការទូតថៃ លោក Maris Sangiampongsa បានបញ្ជាក់បែបនេះ នៅថ្ងៃទី១៩ ខែធ្នូ។ ជាច្រើនឆ្នាំហើយ មីយ៉ាន់ម៉ា បានផុងទៅក្នុងជម្លោះផ្ទៃ ដ្បិតយោធា និងក្រុមប្រដាប់អាវុធជនជាតិភាគតិច បានប្រយុទ្ធគ្នានៅតំបន់ជាច្រើន ក្នុងប្រទេសអាស៊ីអាគ្នេយ៍មួយនេះ។ ក្នុងកិច្ចប្រជុំមួយ ដែលរៀបចំនៅថៃ ដោយមានប្រទេសចូលរួមដូចជាចិន ឥណ្ឌា និងបង់ក្លាដែស នៅថ្ងៃទី១៩ ខែធ្នូ រដ្ឋមន្រ្តីការបរទេសនៃរបបសឹកមីយ៉ាន់ម៉ា លោក Than Swe បានរៀបរាប់ដោយសង្ខេបពីផែនការរៀបចំការបោះឆ្នោត នៅឆ្នាំ២០២៥។ —————— https://t.me/lorsovanney

លោកពូទីន ត្រៀមខ្លួនជាស្រេចជួបលោក ត្រាំ ជជែកការផែនការបញ្ចប់សង្រ្គាម ========= លោកប្រធានាធិបតីរុស្ស៊ី វ្ល៉ាឌីមៀ ពូទីន នៅថ្ងៃទី១៩ ខែធ្នូ បានប្រកាសពីគម្រោងជួបជាមួយលោកប្រធានាធិបតីជាប់ឆ្នោត លោក ដូណាល់ ត្រាំ ដើម្បីជជែកពីផែនការបញ្ចប់សង្រ្គាមនៅអ៊ុយក្រែន។ បើតាមលោក ពូទីន រុស្ស៊ី មិនត្រូវការលក្ខខណ្ឌអ្វីឡើយ ក្នុងការចាប់ផ្តើមកិច្ចចរចា។ ជាងរយៈពេល ២ឆ្នាំហើយ សង្រ្គាមនៅអ៊ុយក្រែន មិនទាន់រកច្រកចរចាបញ្ចប់សង្រ្គាមបានឡើយ ដ្បិតទ័ពរុស្ស៊ី បន្តរុលទៅមុខ ដើម្បីសម្រេចគោលដៅសំខាន់ៗរបស់ខ្លួន បើទោះក្រុងកៀវ ទទួលជំនួយជាច្រើនពាន់លានដុល្លារពីប្រទេសលោកខាងលិចក្តី។ ចាប់តាំងពីមុន និងក្រោយជាប់ឆ្នោត លោកដូណាល់ ត្រាំ ប្រធានាធិបតីជាប់ឆ្នោត បានសន្យាជួយបញ្ចប់សង្រ្គាមនៅជុំវិញពិភពលោក រួមទាំងសង្រ្គាមនៅអ៊ុយក្រែន ដ្បិតលោកជាអ្នកនិពន្ធសៀវភៅ «Trump: the Art of the Deal»។ មកទល់ពេលនេះ លោក ត្រាំ មិនទាន់បញ្ចេញចំណុចសំខាន់ៗ ដើម្បីយកទៅចរចា ដើម្បីដោះស្រាយសង្រ្គាមនៅអ៊ុយក្រែនឡើយ។ —————— https://t.me/lorsovanney

Putin ត្រៀមខ្លួនរួចរាល់ជួបចរចាជាមួយ Trump ======= ប្រធានាធិបតីនៃប្រទេសរុស្ស៊ី លោក វ្ល៉ាឌីមៀ ពូទីន បាននិយាយថា លោកត្រៀមខ្លួនរួចជាស្រេច សម្រាប់ការសន្ទនា ជាមួយប្រធានាធិបតីជាប់ឆ្នោតអាមេរិក លោក ដូណាល់ ត្រាំ នៅពេលណាមួយ នេះបើតាមកាសែត Tass។ ផ្អែកតាមទីភ្នាក់ងារសារព័ត៌មានរុស្ស៊ីដដែល បានឲ្យដឹងថា លោក Putin បាននិយាយ នៅឯសន្និសីទកាសែតចុងឆ្នាំ នៅក្នុងទីក្រុងមូស្គូ កាលពីថ្ងៃព្រហស្បតិ៍ថា «ខ្ញុំបានត្រៀមខ្លួនរួចជាស្រេច សម្រាប់ការសន្ទនានេះ នៅពេលណាក៏បាន..ហើយខ្ញុំក៏នឹងត្រៀមខ្លួន សម្រាប់កិច្ចប្រជុំផងដែរ ប្រសិនបើគាត់ចង់បាន»។ —————— https://t.me/lorsovanney

រត់ជាន់គ្នានៅសាលានីហ្សេរីយ៉ា សម្លាប់កុមារ ៣៥នាក់ ======== ប៉ូលិស ប្រទេសនីហ្សេរីយ៉ា បាននិយាយ កាលពីថ្ងៃព្រហស្បតិ៍ថា ការរត់ជាន់គ្នា នៅឯពិព័រណ៍សាលាមួយកន្លែង ស្ថិតនៅភាគនិរតីនៃទីក្រុង Ibadan បានសម្លាប់កុមារចំនួន ៣៥នាក់ និង៦នាក់ផ្សេងទៀត រងរបួសយ៉ាងធ្ងន់ធ្ងរ។ ប៉ូលីសបាននិយាយថា កុមារដែលរងរបួសកំពុងទទួលបានការព្យាបាល បន្ទាប់ពីឧប្បត្តិហេតុដែលបានកើតឡើង កាលពីថ្ងៃពុធ នៅក្នុងទីក្រុងធំទី ៣ របស់ប្រទេស។ រីឯ មនុស្សប្រាំបីនាក់ ត្រូវបានចាប់ខ្លួន ជាប់ពាក់ព័ន្ធលើរឿងនេះ។ ក្នុងចំណោមអ្នកដែលត្រូវបានឃុំខ្លួននោះ គឺជាអ្នកឧបត្ថម្ភសំខាន់ នៃព្រឹត្តិការណ៍នេះ។ កម្មវិធីដែលធ្វើឡើងនៅក្នុងសាលា Basorun Islamic ត្រូវបានរៀបចំ ដោយមូលនិធិ Wings Foundation និង វិទ្យុ Agidigbo FM។ ប្រភពបានបន្ថែមទៀតថា ផ្នែកមនុស្សឃាត នៃនាយកដ្ឋានស៊ើបអង្កេតឧក្រិដ្ឋកម្មរដ្ឋ បានបើកការស៊ើបអង្កេត។ —————— https://t.me/lorsovanney

កម្ពុជា និងហ្វីលីពីនប្តេជ្ញាជំរុញកិច្ចសហប្រតិបត្តិការលើវិស័យសំខាន់ៗ Cambodia and Philippines Commit to Boosting Cooperation in Key Sectors —————— https://t.me/lorsovanney

កម្ពុជា-ជប៉ុន នឹងធ្វើឱ្យទំនាក់ទំនង និងកិច្ចសហប្រតិបត្តិការ កាន់តែស៊ីជម្រៅបន្ថែមទៀត —————— https://t.me/lorsovanney

សម្តេចធិបតី នាយករដ្ឋមន្ត្រី អញ្ជើញដឹកនាំកិច្ចប្រជុំក្រុមប្រឹក្សាអភិវឌ្ឍន៍កម្ពុជា ជាលេីកដំបូង ======= (ភ្នំពេញ)៖ ថ្ងៃទី២០ ខែធ្នូ ឆ្នាំ២០២៤ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងជាប្រធានក្រុមប្រឹក្សាអភិវឌ្ឍន៍កម្ពុជា អញ្ជើញដឹកនាំកិច្ចប្រជុំក្រុមប្រឹក្សាអភិវឌ្ឍន៍កម្ពុជាជាលេីកដំបូង បន្ទាប់ពីរាជរដ្ឋាភិបាលនីតិកាលទី៧ ដំណេីរការ ក្នុងនាមជាប្រមុខរាជរដ្ឋាភិបាលផង និងជាប្រធានផង នាព្រឹកថ្ងៃទី២០ ខែធ្នូ ឆ្នាំ២០២៤ នៅក្រុមប្រឹក្សាអភិវឌ្ឍន៍កម្ពុជា រាជធានីភ្នំពេញ។ សូមបញ្ជាក់ថា ក្រុមប្រឹក្សាអភិវឌ្ឍន៍កម្ពុជា ហៅកាត់ថា ក.អ.ក. ឬ CDC ត្រូវបានបង្កេីតឡេីងនៅថ្ងៃ៥ ខែសីហា ឆ្នាំ១៩៩៤ ដែលមានបេសកកម្មក្នុងការទាក់ទាញវិនិយោគមកកម្ពុជា។ ជាលទ្ធផលស្ថិតិគម្រោងវិនិយោគដែលបានអនុម័ត ដោយ ក.អ.ក.៖ ១/ ចំនួន ២៦៨គម្រោង ឆ្នាំ២០២៣ កេីនដល់ចំនួន ៤១៤គម្រោងឆ្នាំ២០២៤ ស្មេីនឹងកេីនឡេីង ១៤៦គម្រោង = ៥៤% ២/ ទុនវិនិយោគ ៤,៩២៧លានដុល្លារ ឆ្នាំ២០២៣ កេីនដល់ចំនួន ៦,៩០០លានដុល្លារ ស្មេីនឹងកេីនឡេីង ១,៩៧៣លានដុល្លារ = ៤០%។ —————— https://t.me/lorsovanney

រដ្ឋាភិបាលកម្ពុជា ចេញសេចក្តីប្រកាសព័ត៌មានរួមមួយស្តីពីកិច្ចប្រជុំត្រី-វិស័យលើកទី៣ ស្តីពីកសិកម្ម-ទឹក-ជនបទ

ស្រូវតាមច្រកព្រំដែន និងស្រុក ក្រុងមួយចំនួននៅ ខេត្ត តាកែវ មានតម្លៃចាប់ពី១០៣០ – ១៤២០រៀល ក្នុងមួយគីឡូក្រាម ======== តម្លៃស្រូវនៅក្បែរច្រកព្រំដែនកម្ពុជា-វៀតណាមដែលក្នុងនេះនៅច្រកទ្វារភ្នំដិន ស្រុកគិរីវង់ និងនៅតាមស្រុក ក្រុងមួយចំនួនទៀតស្ថិតនៅខេត្តតាកែវ ត្រូវបានឈ្មួញ និងរោងម៉ាស៊ីនស្រូវប្រមូលទិញក្នុងតម្លៃ ចាប់ពី ១០៣០ ដល់ ១៤២០រៀលក្នុងមួយគីឡូក្រាម។

ទណ្ឌិតចំនួន ២៤០នាក់ ត្រូវបានបន្ធូរបន្ថយ និងលើកលែងទោសនៅក្នុងឱកាសទិវាជ័យជម្នះលើរបបប្រល័យពូជសាសន៍ ឆ្នាំ២០២៥ ======== ក្រសួងយុត្តិធម៌បានឱ្យដឹងថាគណៈកម្មការថ្នាក់ជាតិ ពិនិត្យ និងវាយតម្លៃបញ្ជីឈ្មោះទណ្ឌិត ស្នើសុំបន្ធូរបន្ថយទោស និងលើកលែងទោសបានសម្រេចនៅថ្ងៃព្រហស្បតិ៍នេះដោយធ្វើការបន្ធូរបន្ថយ និងលើកលែងទោសដល់ទណ្ឌិតចំនួន ២៤០នាក់នៅក្នុងឱកាសទិវាជ័យជម្នះលើរបបប្រល័យពូជសាសន៍ ឆ្នាំ២០២៥ខាងមុខ។

ព្រះរាជក្រឹត្យ ស្តីពី ការបង្កើតគណៈកម្មាធិការជាតិដឹកនាំអនុវត្ត កម្មវិធីផ្តល់ដី ការពារព្រៃដើម្បីរួមគ្នាអភិវឌ្ឍដោយចីរភាព

លោកខាងលិចបោះដៃទៅរកមេដឹកនាំថ្មីរបស់ស៊ីរី ដែលស្ថិតក្នុងបញ្ជីឈ្មោះក្រុមភេរវនិយមរបស់អាមេរិក? ======== ចាប់តាំងពីក្រុមឧទ្ទាមប្រដាប់អាវុធផ្តួលរំលំរបបបាស្ហាអាល់អាសាដ និងចូលកាន់អំណាចដឹកនាំរដ្ឋាភិបាលអន្តរកាលនៅស៊ីរី ថ្នាក់ដឹកនាំប្រទេសលោកខាងលិច ដែលនៅក្នុងនោះមានសហរដ្ឋអាមេរិកបានបោះដៃ ជាមួយថ្នាក់ដឹកនាំថ្មីរបស់ស៊ីរី។ នៅថ្ងៃអាទិត្យទី១៥ធ្នូ បេសកជនពិសេសរបស់អង្គការសហប្រជាជាតិធ្វើដំណើរទៅដល់រដ្ឋធានីដាម៉ាស ក្នុងខណៈពេលដែលបារាំង និងតួកគី នៅដើមសប្តាហ៍នេះបានត្រលប់ទៅបង្ហូតទង់ជាតិនៅស្ថានទូតរៀងៗខ្លួនបន្ទាប់ពីអវត្តមានជាង១០ឆ្នាំ នៅស៊ីរី។ ក្រោយពីរបបបាស្ហា អាល់អាសាដដួលរលំ សម្ព័ន្ធមិត្តរុស្ស៊ី និងអ៊ីរ៉ង់ដកខ្លួនថយ ចំណែក អាមេរិក និងអង់គ្លេសប្រកាសភ្ជាប់ទំនាក់ទំនងជាមួយថ្នាក់ដឹកនាំស៊ីរីថ្មី ដែលគ្មានអ្នកណាក្រៅពីក្រុមប្រដាប់អាវុធអ៊ីស្លាមជ្រុលនិយម Hayat Tahrir Al-Sham ដែលអាមេរិកនៅតែចាត់ទុកជាក្រុមភេរវនិយម និងស្ថិតក្រោមការដាក់ទណ្ឌកម្មរបស់អង្គការសហប្រជាជាតិ។ —————— https://t.me/lorsovanney

ផលិតកម្មគ្រាប់ស្វាយចន្ទីកែច្នៃនាំចេញទៅទីផ្សារអន្តរជាតិ កំពុងបោះជំហានទៅមុខ ======= ការនាំចេញគ្រាប់ស្វាយចន្ទីកែច្នៃ(ផលិតផលសម្រេច)របស់កម្ពុជាទៅទីផ្សារអន្តរជាតិនឹងមានបរិមាណកាន់តែច្រើនចាប់ពីដើមឆ្នាំ ២០២៥ តទៅ ខណៈក្រុមហ៊ុនក្នុងស្រុក Unique Noble Trading Co., Ltd បានប្រកាសចាប់ផ្តើមសាងសង់រោងចក្រកែច្នៃគ្រាប់ស្វាយចន្ទីជាផ្លូវការនៅក្នុងខេត្តកំពង់ធំ ដែលមានសមត្ថភាពកែច្នៃគ្រាប់ស្វាយចន្ទីបាន ៣០ តោនក្នុង ១ថ្ងៃ។ រោងចក្រកែច្នៃគ្រាប់ស្វាយចន្ទីដែលមានម្ចាស់ជាវិនិយោគិនក្នុងស្រុកនេះ បានបើកការដ្ឋានសាងសង់ កាលពីថ្ងៃទី១៥ ខែធ្នូ ដោយមានទីតាំងនៅក្នុងឃុំសាលាវិស័យ ស្រុកប្រាសាទបល្ល័ង្ក ខេត្តកំពង់ធំ លើផ្ទៃដី ២០ ហិកតា។ គិតរហូតដល់ពេលនេះកម្ពុជាមានសហគ្រាសកែច្នៃស្វាយចន្ទី ចំនួន ៥២ ក្នុងនោះ ៦ ជារោងចក្រធុនមធ្យម (សមត្ថភាពផលិត ៧ ០០០ តោន ទៅ ១៤០ ០០០ តោន ក្នុងមួយឆ្នាំ)។ ចំណែក ៤៨ សហគ្រាសផ្សេងទៀតជាសិប្បកម្មលក្ខណៈគ្រួសារតូចៗ មិនមានផលិតកម្មពេញ ១ឆ្នាំឡើយ។ —————— https://t.me/lorsovanney

ការលើកឡើងរបស់ លោក យង់ ពៅ ទាក់ទិននឹង ហេតុអ្វីគ្មានកម្ចីពីប្រទេសចិនក្នុងរយៈពេលនេះ ========== លោក យង់ ពៅ អគ្គលេខាធិការនៃរាជបណ្ឌិត្យសភាកម្ពុជា បានថ្លែងថា តាមការមើលឃើញរបស់លោក រដ្ឋាភិបាលបានគ្រប់គ្រងបំណុលបានល្អ មិនថាបំណុលចិន ឬ ដៃគូអភិវឌ្ឍន៍នានានោះទេ ហើយបំណុលទាំងនោះមិនអាចឲ្យកម្ពុជាធ្លាក់ក្នុងអន្ទាក់បំណុលដូចការបារម្ភនានានោះទេ។ លោកបន្តថា ក្រៅពីចិន កម្ពុជាអាចខ្ចីប្រាក់ពីដៃគូអភិវឌ្ឍន៍ផ្សេងទៀត ដែលសុទ្ធតែចង់ផ្ដល់កម្ចីដល់កម្ពុជា។ —————— https://t.me/lorsovanney

ការលើកឡើងរបស់ លោក គិន ភា ទាក់ទិននឹង ហេតុអ្វីគ្មានកម្ចីពីប្រទេសចិនក្នុងរយៈពេលនេះ ========== លោក គិន ភា ប្រធានវិទ្យាស្ថានទំនាក់ទំនងអន្តរជាតិនៃរាជបណ្ឌិត្យសភាកម្ពុជា បានថ្លែងថា ដើម្បីដោះស្រាយចម្ងល់ថាតើហេតុអ្វីគ្មានកម្ចីពីប្រទេសចិនក្នុងរយៈពេលនេះ ត្រូវរកឲ្យឃើញថាតើកម្ពុជា បានស្នើសុំកម្ចីពីចិនដែរឬយ៉ាងណា។ លោកថ្លែងថា៖ «ថាតើរដ្ឋាភិបាលចិនពិតជាឈប់ឲ្យរដ្ឋាភិបាលកម្ពុជាខ្ចីឬយ៉ាងណានោះ ខ្ញុំគិតថា ជាសំណួរពិបាកឆ្លើយដោយសារយើងអត់ដឹងថា រដ្ឋាភិបាលបានបន្តខ្ចីលុយចិនទៀត ហើយខ្ចីហើយគេមិនឲ្យឬយ៉ាងណា»។ លោកថា ទំនាក់ទំនងកម្ពុជា ចិន មិនមានសញ្ញាណាមួយបង្ហាញពីការថមថយ ឬ ធ្លាក់ចុះនោះទេ ប៉ុន្តែ ផ្ទុយទៅវិញមានទំនាក់ទំនងជិតស្និទ្ធនៃថ្នាក់ដឹកនាំកម្ពុជា ហើយទំហំវិនិយោគ និងទំហំពាណិជ្ជកម្មរវាងប្រទេសទាំងពីរក៏នៅតែកើនឡើង។ លោកមើលឃើញថា ការអភិវឌ្ឍ និងកំណើនសេដ្ឋកិច្ចកម្ពុជា ពិតជាមានការរួមចំណែកពីកម្ចីរបស់ចិន។ —————— https://t.me/lorsovanney