مركز خطاوي للتدريب 😍👌🌸

لمنو نمشي؟ دكتور نفسي ولا معالج نفسي؟ 🧠💡 وصلني سؤال مهم جداً بخصوص الفرق بين الدكتور النفسي والمعالج النفسي خاصة لو الواحدة بتمر بظروف زي (ضعف ثقة بالنفس، صدمات قديمة، اكتئاب، أو أفكار إيذاء للنفس) خلونا نفكك الموضوع ده ببساطة عشان تعرفوا الخطوة الصح 1. الطبيب النفسي (Psychiatrist): دا دكتور خريج كلية الطب متخصص في كيمياء الدماغ والجهاز العصبي شغلوا شنو؟ بيشخص الحالات اللي بتحتاج تدخل دوائي لو في اكتئاب حاد أو أفكار إيذاء للنفس (لا قدر الله) هو الشخص اللي بيعرف يوازن كيمياء الدماغ عشان الشخص يقدر يكون كويس تاني ويقف على حيله🌸 بتين نمشي للدكتور النفسي ؟ لو في أعراض جسدية شديدة أو أفكار مؤذية للنفس أو حالة نفسية موقِفة حياتك تماماً ومش قادرة تمارسي يومك🌸 2. المعالج النفسي (Psychotherapist/Counselor) دا متخصص في علم النفس (ما طبيب درس علم نفس ) بيركز على الكلام والعقل والسلوك شغلوا شنو؟ بيساعدك تفكفكي عقد الطفولة تتعاملي مع مخاوفك تبني ثقتك بنفسك وتغيري طرق تفكيرك اللي بتخليك تقارني نفسك بغيرك هو بياخد بيدك في رحلة فهم نفسك والتعافي🌸 بتين نمشي ليه؟ لو محتاجة زول يسمعك و يوجهك ويعلمك تقنيات تتخطي بيها صدمات الماضي أو ضغوطات الحياة طيب لو الحالة فيها أفكار إيذاء للنفس نمشي لمنو؟ 🤔 هنا الأمان هو الأولوية الأفضل تبدئي بـ طبيب نفسي عشان يتطمن على الحالة كيميائياً وجسدياً ولو لقى إنك محتاجة جلسات كلامية (علاج سلوكي) هو نفسه حيقول ليك يا بنتي محتاجة تتابعي مع معالج نفسي وغالباً أحسن نتيجة بتجي من الجمع بين الاتنين دوا من الدكتور + جلسات تفريغ وفهم من المعالج الخلاصة 🌸 ما تستهيني بأي شعور جواكِ لو تعبانة اطلبي المساعدة الدكتور والمعالج مكملين لبعض والهدف في النهاية إنك تعيشي بسلام وبنفس مطمئنة🤍 #هدى_ادم#اختصاصي_نفسي #صحتك_النفسية #رحلة_تعافي

هل اللايف كوتش بديل للأخصائي النفسي؟؟سؤال بيحير كتير منكم! يا جماعة السؤال ده بيوصلني كتير جداً يا هدى أنا عندي مشكلة أمشي لأخصائي نفسي ولا أحجز جلسة لايف كوتش؟ بما إني بمارس الاتنين خلوني أوضح ليكم الفرق ببساطة عشان تعرفوا كيف تختاروا الطريق الصح 1. الأخصائي النفسي (العمق والماضي) الأخصائي النفسي بيتعامل مع جذور المشكلة لو عندك صدمات قديمة او قلق او اكتئاب أو حابة تفهمي ليه بتتصرفي بطريقة معينة في علاقاتك.. الأخصائي هو وجهتك هو بيشتغل على التعافي من الداخل وبيركز على التاريخ الشخصي عشان يفكك العقد ويساعدك ترجعي لحالتك الطبيعية🌸 2. اللايف كوتش (الحاضر والمستقبل) اللايف كوتش (أو مدرب الحياة) بيشتغل معاكِ على أهداف لو أمورك النفسية مستقرة بس حاسة إنك واقفة في محلك في شغلك أو عايزة ترتبي أولوياتك أو عندك هدف معين عايزة توصلي ليه (بزنس، وزن، تطوير مهارة) الكوتش هنا بيساعدك تختي خطة وتتحركي الكوتش ما بيعالج مرض الكوتش بيصنع نجاح🌸 الخلاصة: لو بتسألي ليه أنا بحس كدة؟ أخصائي نفسي لو بتسألي كيف أعمل كدة؟ لايف كوتش مرات الشخص بيحتاج الاتنين سوا يبدأ بالأخصائي عشان يتصالح مع نفسه وبعدها ينتقل للكوتش عشان يبدأ رحلة الإنجاز🌸 سؤالي ليكم: من وجهة نظركم هل المجتمع السوداني بدأ يفرق بين المسميات دي؟ ولا لسه بنعتبر أي زول بيتكلم في تطوير الذات هو طبيب نفسي؟ شاركوني في التعليقات رأيكم يهمني جداً. 👇 #هدى_ادم #اختصاصي_نفسي

الصحة النفسية ما رفاهية 5 خرافات تمنعنا من أن نعيش بسلام🌸 يا جماعة في مجتمعنا لسه في مفاهيم كثيرة بتحتاج إعادة ضبط مرات بتمر علينا جمل في حياتنا اليومية كأنها حقائق لكن في الحقيقة هي البتاخرنا كتير في طريق تعافينا خلونا نصحح المفاهيم دي مع بعض 🌸 ⭕الصحة النفسية للناس الفاضية يا جماعة الصحة النفسية هي الأساس! ذي ما بتهمي بصحتك الجسدية عشان تمارسي حياتك فالصحة النفسية هي محركك الداخلي لو كان المحرك متعطل ما بكون في جودة لحياتك ولا بيتكِ ولا شغلك بالمستوى الذي البتطمح ليهو 🌸 ⭕الاستشارة النفسية ضعف الضعف الحقيقي هو أن نستمر في المعاناة ونحن عندنا خيار طلب المساعدة القوة الحقيقية بتكون في أن تواجهي نفسكِ وتعترفي أنكِ بتحتاجي تتكلمي مع مختص عشان تفهمي القاعد يحصل جواك 🌸 ⭕المرض النفسي يعني جنون دي من اكتر المفاهيم البتظلم الناس المرض النفسي ذي السكري أو الضغط عرض ليهو أسباب وله علاج اننا نبعد عن الوصمة هو أول خطوة لطلب العلاج قبل ما تتضخم الأمور🌸 ⭕التربية الإيجابية بتعني الدلع كتير من الناس فاكرين التربية الإيجابية أن تخلي الطفل يعمل العايزو الحقيقة أنها احترام للطفل أننا نخت حدود واضحة ومحبة غير مشروطة التربية الإيجابية بتهدف نبني شخصية قوية ومسؤولة لا شخصية مدللة ⭕الزمن بداوي كل شيء الزمن كفيل بمداواة الجروح عبارة جميلة لكن ناقصة الزمن وحده ما بتكفي الزمن بحتاج لوعي الجرح النفسي لو ما انُ تعالج بوعي وبطريقة صحيحة حيفضل بلمك في كل مرة نمر فيها بموقف مشابه🌸 يا جماعة الوعي هو أول خطوة في طريق التغيير سؤالي ليكم 🌸 أي مفهوم من المفاهيم دي باثر في تفكيرك زمان ؟ وهل لسه قاعد تسمع الجمل دي من حولك؟ شاركوني تجاربكم في التعليقات فأنا مهتمة جداً بسماع قصصكم👇 #هدى_ادم #اختصاصي_نفسي

كوني كريمة مع نفسك🧡 يا ست البنات.. ما تخلي زول يقلل من قيمتك ولا تسمحي لزول يخليك تشكي في في مقدراتك في جمالك الداخلي إنتي تستاهلي كل الحُب كل التقدير وكل الاحترام عاملي نفسك كأنك أعز زولة في الدنيا قولي لا للحاجة البتجرحك البتضايقك البتخليك تحسي إنك أقل قوليها بقوة... وبقلب مرتاح خليكي حنينة على نفسك كريمة معاها لما تدي روحك الحب والاحترام الدنيا كلها حترجع ليك نفس المشاعر 💛 إنتي كفاية… وإنتي تستاهلي تعيشي حياة كريمة مليانة حب وراحة وسهولة 🌸 #كوتش_هدى_ادم #اختصاصي_نفسي #الوعي_الانثوي

لفترة طويلة شديد كنت عايشة في دوامة غريبة ما قادرة أفصل بين حياتي الواقعية وتفكيري وبين الحاصل في التايم لاين أي حاجة بتحصل هناك كنت بشيلها معاي في يومي وتفكيري لحدي ما قعدت مع نفسي وقررت إنو لازم يكون افصل طبيعة السوشيال ميديا الحالية – بقت مشحونة ومزعجة بشكل ما طبيعي وتلقي نفسك وسط زحمة وغابة من الطاقات المتضاربة 🌸جانب مشرق ناس بتقدم محتوى ملهم ومفيد وبتديك طاقة إيجابية تفتح النفس ✌️جانب المشاحنات والشد والجذب الجو المشحون في النقاشات والجدل البيظهر فجأة ويقلب التايم لاين لبيئة متوترة وسلبية من غير فايدة حقيقية ⭕جانب الشمارات والفتن الترندات الفارغة البيتم تضخيمها وتوجيه الرأي العام ليها عشان تسحب طاقتنا في الفاضي التحول الحقيقي الحصل معاي شنو؟ لما ركزت مع نفسي واشتغلت على أدواتي وتفكيري قدرت أصل لمرحلة الفرز بقيت أشيل من الميديا الحاجات المفيدة والبتشبهني بس وأعمل فِلتَر وتجاهل تام للباقي وكلكم شايفين وعارفين الجو المشحون والحاصل الأيام دي في الميديا.. لو كنت بنفس عقليتي القديمة وخاصة إذا الجوطة حاصلة من ناس في نفس مجالي كان زماني هسي في حالة استرس (Stress) وضغط نفسي لكن الحمد لله لأنو الوعي بيصنع فرق أنا هسي في حالة استرخاء تامة مرتاحة جداً وبتفرج من بعيد لبعيد من غير ما أطلق أحكام على زول ومن غير ما أخلي أي طاقة سلبية تخترق هدوئي أو تأثر علي رسالتي ليكم من قلبي: الفصلة من طاقة الميديا بقت فرض عين.. إنك تعملي Mute أو Unfollow لأي حاجة بتعكر صفوك دي ما قلة ذوق دي أسمى مراحل حماية سلامك النفسي تلفونك ده فيهو زرار بقفلو.. بس عقلك وصحتك النفسية لو اتهلكوا ما بتصلحوا بلمسة شاشة ارحموا أنفسكم، اشتغلوا على سلامكم الداخلي وافصلوا شوية 💜 #هدى_ادم #اختصاصي_نفسي

يا بنات متذكرين لما قلنا في البداية عادي نطلع المنتج من غير استيكر وبتغليف بسيط؟ تمام الحركة دي مشت معانا في مرحلة اختبار السوق وكسب الثقة بس بعد ما مشروعك وقف على رجليهو وبقى عندك أرباح وزبائن جة الوقت لتطوير الهوية البصرية عشان براندك يظهر بشكل احترافي وينافس بجد دي الخطوات الجاية: 1️⃣ الاستيكر والتغليف (الانطباع الأول) شكل عبوتك أو علبتك هو أول حاجة بتقع عليها عين الزبون صممي استيكر مريح للعين ألوانه متناسقة ومكتوب فيهو المكونات وطريقة الاستخدام بوضوح🩵التغليف النضيف بيحسس الزبون إنه اشترى حاجة قيمة وبتستاهل كل قرش اتدفع فيها 2️⃣ فوتوسيشن احترافي (العين بتشتري قبل) التصوير بالمتاح كان ممتاز للبداية بس هسي محتاجة صور عالية الجودة والوضوح (High-Resolution) الإضاءة الصح الزوايا المظبوطة وإظهار تفاصيل المنتج بشكل واقعي وجذاب بيخلي إعلانك يجذب العميل في أول ثانيتين وهو بيقلب في السوشيال ميديا🩵 3️⃣ الهوية الرقمية الموحدة: خلي حساباتك في إنستغرام فيسبوك أو تيك توك تكون مريحة وموحدة نفس الخطوط نفس الألوان (الباليت) اللي بتشبه لوقو مشروعك الزول لما يدخل صفحتك لازم يحس بالنظافة والترتيب لأنو تنظيم الصفحة من تنظيم الشغل جوة المعمل أو المكتب🌸 4️⃣ احكي قصة البراند: الناس بتنجذب للبراندات الوراها روح شاركيهم كواليس الشغل كيف بتختاري المواد والتركيبات بعناية وكيف بتجهزي الطلبيات بحب دي الحاجة البتعمل ارتباط عاطفي بين الزبون وبينك🩵 الخلاصة: البراندينج والتغليف الاحترافي ما مظاهر كذابة دا الاستثمار البيخليكِ ترفعي قيمة منتجك وتبيعي بسعر أعلى وإنتِ واثقة لأنو شكلك الخارجي بقى بيعكس جودة جوهرك الداخلي شاركونا.. منو فيكم وصلت لمرحلة التغليف والبراندينج؟ وشنو أكتر حاجة فرقت معاكم في نظرة الزبائن لشغلكم؟ 👇🔥 #هدى_ادم #قوتك_في_مشروعك #براندينج #هوية_بصرية #تصوير_منتجات

#اصنعي_نسختك_الأقوى ليك يا غالية 🌸 النجاح ما ضربة حظ ولا معجزة بتنزل وأنتِ قاعدة مستنية المعجزة الحقيقية هي أنتِ لما تقرري تسيبي دور المتفرج وتبقي البطلة في قصة حياتك ما تقولي ما عندي سند أو الظروف صعبة الشكوى ما بتغير واقع بس بتضيع زمنك🩵 لو حاسة إنك واقفة في مكانك: استثمري في عقلك: المهارة الما عارفاها اتعلميها الورش والإنترنت ما خلوا حاجة. نضفي محيطك: ابعدي من الطاقة السلبية وحاوطي نفسك بالناس البتشبه طموحك وبتسحبك لفوق ابني عاداتك: الحماس بيروح والبيخليك تستمري هو الانضباط وعاداتك الصغيرة اليومية أنتِ ما محتاجة إذن من زول عشان تنجحي الخطوة الأولى دايماً صعبة بس الخطوة التانية بتوريكِ قوتك الحقيقية. قومي رتبي أفكارك وابدي بالمتوفر عندك هسة.. الباقي بيجي في السكة مساء القوة والخطوات الواثقة .. ✨🩵 #هدى_ادم #اختصاصي_نفسي

أدعي لنفسك لمدة دقيقة تسهيل الامور و صلاح الحال يارب العالمين ياودود ياودود ياودود ياذا العرش المجيد يافعال لما تريد لك الحمد ولك الشكر على جميع النعم اللهم لك الحمد كما ينبغي لجلال وجهك وعظيم سلطانك اللهم ياحي ياقيوم صل على محمد وعلى آل محمد كما صليت على ابراهيم وعلى ال ابرهيم انك حميد مجيد يارب يارب يارب اسألك بعزك الذي لايرام وبملكك الذي لا يضام وبنورك الذي ملأ اركان عرشك يامغيث اغثني .. يامغيث اغثني.. يامغيث اغثني.. (اذكر حاجتك) (اللہم لا تشمت اعدائي بدائي، واجعل القرآن العظيم دوائي وشفائي، انت ثقتي ورجائي واجعل حسن ظني بك شفائي، اللهم ثبت علي عقلي وديني، وبك يا رب ثبت لي يقيني وارزقني رزقاً حلالاً يكفيني وابعد عني شر من يؤذيني، ولا تحوجني لطبيب يداويني، اللهم استرني على وجه الارض، اللهم ارحمني في بطن الارض، اللهم اغفرلي يوم العرض عليك ، بسم الله الرحمن الرحيم طريقي والرحمن رفيقي والرحيم يحرسني من كل شيء يلمسني، اللهم اعوذ بك من شر النفاثات في العقد ومن شر حاسد اذا حسد، اللهم اني عبدك ابن عبدك ابن امتك ناصيتي بيدك ماض في حكمك، عدل في قضاؤك اسالك بكل اسم هو لك سميت به نفسك أو أنزلته في كتابك أو علمته أحداً من خلقك او استاثرت به في علم الغيب عندك أن تجعل القرآن ربيع قلبي ونور صدري وجلاء حزني وذهاب همي اللهم يا مسهل الشديد و ياملين الحديد و يامنجز الوعيد و يا من هو كل يوم في امر جديد، اخرجني من حلق الضيق الى اوسع الطريق بك ادفع ما لا اطيق ، ولا حول ولا قوة الا بالله العلي العظيم، اسالك اللهم بقدرتك التي حفظت بها يونس في بطن الحوت ، ورحمتك التي شفيت بها ايوب بعد الابتلاء ان لاتبق لي هما ولاحزنا ولاضيقا ولاسقما الا فرجته، وان اصبحت بحزن فامسيني بفرح و ان نمت على ضيق فايقظني على فرج، وان كنت بحاجه فلا تكلني إلى سواك وان تحفظني لمن يحبني وتحفظ لي احبتي، اللهم انك لا تحمل نفساً فوق طاقتها فلا تحملني من كرب الحياة مالا طاقة لي به وباعد بيني وبين مصائب الدنيا وتقلب حوادثها كما باعدت بين المشرق والمغرب، اللهم بشرني بالخير كما بشرت يعقوب بيوسف وبشرني بالفرح كما بشرت زكريا بيحيى، اللهم بشر من أرسل لي هذا الدعاء بحاجة تفرح قلبه وتدمع عيناه منها، اللهم يامن لا تضيع لديك الودائع احفظني واهلي واحبتى والمؤمنين.وصل اللهم على نبينا محمد وعلى اله وصحبه اجمعين قولو معي ..في هذه الساعه : ربي ها أنت ترى مكاني و تسمع كلامي و أنت أعلم من عبادك بحالي ربي شكواي لك لا لأحد من خلقك فاقبلني في رحابك في هذه الساعة المباركه، ربي إني طرقت بابك فافتح لي أبواب سمواتك و أجرني من عظيم بلائك، اللهم يا مسخر القوي للضعيف و مسخر الجن لنبينا سليمان و مسخر الطير و الحديد لنبينا داود و مسخر النار لنبينا ابراهيم(سخر لي عبادك الطيبين من حولي وسهل لي أموري وارزقني من حيث لا أحتسب) ، ربي بحولك و قوتك و عزتك و قدرتك أنت القادر علي ذلك وحدك لا شريك لك.. اللهم إني أسألك بخوفي من عظمتك و طمعي برحمتك أن ترزقني ما كان خيرا لي في ديني و دنياي و معاشي و عاقبة أمري عاجله و اجله، اللهم إني أشكو لك قلة حيلتي و هوان أمري و ضعف قوتي، اللهم إني أسألك أن تصرف عني شتات العقل و الأمر و التفكير، ربي اثرني و لا تؤثر على ، ربي انصرني و لا تنصر علي. إلهي ارحم ضعفي و فرج همي و اجبر كسري و امن خوفي و امطرني برزق من عندك لا حد له، و فرج من عندك لا مد له، و خير من عندك لا عدد له اللهم إن كان رزقي في السماء فأنزله وإن كان في الأرض فأخرجه وإن كان بعيدا فقربه وإن كان قريبا فيسره وإن كان قليلا فكثره وإن كان كثيرا فبارك لي ڤيہٌ اللهم ولمرسلها مثل ذلك ،، يارب في هذه الساعه أسالك الراحه لكل مسلم ضاقت عليه دنياه وذرفت عيناه يا الله أفرح قلوبا أنهكها التمني وبشر أصحابها بفرح لايذكرهم بوجعهم واسعد قلوبهم وأسعدنا بصحبتهم.اللهم إغفر لوالدي وادخلهم جنتك ياأرحم الراحمين. أمين اللهم وفق من ارسل لي هذا الدعاء وزوجه بمن يريد ويسر له اموره بالدنيا والاخره وارزقه النظر الى وجهك الكريم واحسن خاتمته ووالديه وارزقه ضعف مايتمنى بالدنياوالاخره وصل اللهم وسلم وبارك على سيدنا محمد وعلى اله الطيبين الطاهرين اللهم اعتق رقابنا من النار ، - اللهم انك عفو كريم تحب العفو فاعف عنا ، . - اللهم صل وسلم على محمد وآل محمد ، - استغفر الله واتوب اليه ، - سبحان الله وبحمده سبحان الله العظيم ، . مرر الدعاء حتى تقول الملائكه ولك المثل بإذن الله..

البزنس نَفَس طويل خليكِ حريفة وما تقيفي! 🔥🏃‍♀️ بعد ما بديتي وكسبتي أول زبائنك حتجي أيام تحسي فيها إنو الحركة باردة أو الطاقة نازلة دي اللحظة اللي أغلب الناس بتقيف فيها بس إنتِ لأنك شفتة وعارفة الدرب لازم تعملي الحاجات دي 1️⃣ طوري من خلطتك السرية ما تقيفي في محل واحد لو شغالة صناعة المنتجات اتعلمي منتجات جديدة لو في تقديم الخدمات ادخلي ورشة أعمق السوق بيجري والزولة الما بتطور نفسها المنافسين بيسبقوها العلم اللي بتتعلميه الليلة هو القروش الحتجي بكرة🌸 2️⃣ حوّلي التحدي لـ فرصة واجهتك مشكلة في الخامات؟ فكري في بديل محلي الزبائن قلّوا؟ جربي عرض جديد أو فكرة محتوى مختلفة الناجحة هي اللي بتعرف تتأقلم مع أي ظرف وتطلع منو كسبانة🌸 3️⃣ خلي عينك في السماء ورجلك في الأرض أحلمي إنو براندك أو خدمتك توصل للعالمية بس خليكِ واقعية في خطواتك اليومية كل يوم زيدي طوبة واحدة بس في مشروعك وفي نهاية السنة حتلقي نفسك بنيتي عمارة بجتهادك🌸 رسالتي ليكي الليلة خمسة مشاريع علمتني إنو الفرق بين زولة ناجحة وزولة كانت حتنجح هو الاستمرارية التعب اللي بتتعبي فيهو هسي والمهارات اللي بتتعلميها والسهر في قعدة الميزانية ده كله استثمار في نسختك القوية" الجاية🌸 يا بطلة إنتِ هسي ماشة في الدرب الصح ما تقارني بدايتك بنهاية غيرك قارني نفسك بـ نفسك حقت أمس! ورونا.. شنو الحاجة اللي بتخليكم تواصلوا وتشحن طاقتكم لما تحسوا بالتعب؟ 👇✨ #هدى_ادم #قوتك_في_مشروعك

خلاصة 5 سنين و5 مشاريع كيف تبدئي بيزنس ناجح من الصفر؟ ✨ يا قويات عشان أختصر ليكم الطريق وعن تجربة شخصية في إدارة 5 مشاريع مختلفة كلها نجحت بفضل الله خلال الـ 5 سنين الفاتت حبيت أديكم تجربتي الحقيقية والخطوات اللي بتمشي بيها عشان مشروعك يوقف على رجليه🌸 1️⃣ الاستخارة والتوكل أول خطوة وأهم خطوة هي الاستخارة والتوكل على الله سبحانه وتعالى دي البتخلي البركة تحل في شغلك وتفتح ليك الأبواب المقفولة وتديك الراحة النفسية عشان تبدئي 2️⃣تاني خطوة هي تحديد شغفك وشنو الحاجة البتحبيها بجد؟ بعدها ادرسي فجوة السوق شوفي الناس ناقصها شنو ومحتاجة لشنو واختاري المشروع المناسب ليك واللي بيسد الفجوة دي🌸 3️⃣ اقعدي مع نفسك وشوفي الحاجات العايزاها بجد والمشروع محتاجها شنو عشان ينجح حددي هدفك من البداية عشان رؤيتك تكون واضحة🌸 4️⃣ بعد داك بنقعد وبندرس الميزانية بالملّي بنشوف المتاح شنو والمطلوب شنو وبندرس السوق كويس عشان القروش تمشي في مكانها الصح وما يضيع تعبك ساي🌸 5️⃣ اختيار الاسم خطوة محورية لازم تفتشي وتضمني إنه ما يكون في براندات مشابهة كتير خلي اسمك مميز عشان الناس تحفظك وتعرفك بسهولة وسط الزحمة🌸 6️⃣ عادي جداً في البداية تبدئي باللوجو بس وممكن تطلعي منتجك من غير استيكر لفترة ما تعقديها بالكماليات والبكج الزابط شديد خلي التركيز كله في الأول يكون على جودة المنتج وتطوير شغفك🌸 ✅ نصيحتي ليك كزولة بادية (استثمري في نفسك) رحلة البزنس ما بس منتج هي مهارات لازم تكون عندك عشان تقدري تستمري وتكبري 1️⃣مهارات التواصل والاتصال حتتعاملي مع أنماط بشرية مختلفة جداً في خدمة العملاء اتعلمي كيف تمتصي الغضب وتوصلي معلومتك بذكاء ولطافة🌸 2️⃣التسويق وصناعة المحتوى اتعلمي التسويق الإلكتروني وإدارة السوشيال ميديا وكتابة المحتوى المحتوى المجاني متاح بكثرة استغلي اليوتيوب والنت وطوري نفسك🌸 3️⃣التصوير والتصميم بالمتاح عندك (تلفونك بس!) اتعلمي كيف تطلعي شغلك بصورة احترافية تجذب العيون🌸 4️⃣الإدارة المالية والوقت اتعلمي كيف تفصلي قروش البزنس عن قروشك الخاصة وكيف ترتبي أولوياتك عشان ما تفقدي طاقتك🌸 الخلاصة النجاح بيبدأ بـ نية و خطوة شجاعة ودراسة صح ونَفَس طويل ابدئي باللي عندك هسي واتوكلي على الكريم والدرب بيتفتح ليك مع الاستمرار🌸 منو فيكم بدأت خطواتها فعلياً؟ وشنو أكتر مهارة حاسة إنك محتاجة تتعلميها هسي؟ 👇🔥 #هدى_ادم #قوتك_في_مشروعك

الذكاء في اختيار المعارك انشغلي بالحاجة البتـبنيك🔥 يا ست البنات خليكِ واعية لـ رأسمالك الحقيقي وهو طاقتك وزمنك✨ في مشوارك للنجاح حتقابلك معارك كتيرة وهمية ناس بتنتقدك من غير سبب مقلدين بيحاولوا يستفزوكِ دراما في السوشيال ميديا وكلام قال وقيل ما بِيخلص تخويف وتهديد للاسف 💔 الذكاء هنا شنو؟ الذكاء ما أي نقة محتاجة منك رد وما أي استفزاز محتاج منك وقفة لو وقفتي تشيلي حجر وتجدعي أي كلب ينبح ما حتصلّي لـ هدفك أبداً صدقيني ✋ انشغلي بالحاجة البتبني♥️ ابني عقلك و املي زمنك بتطوير ذاتك بالكورسات وبالفهم النفسي والعملي الـ بِيخليكِ سابقة الكل بخطوات ابني بزنسك وفرغي طاقتك في جودة منتجك في تطوير نفسك و مشروعك وفي إنك تكوني رقم صعب في السوق ابني سلامك الداخلي وفري طاقتك عشان تكوني رايقة ومبدعة لأنو الإبداع بِيحتاج ذهن صافي ما ذهن مشغول 🌸 رسالتي ليكِ المعركة الوحيدة الـ بتستاهل إنك تخوضيها هي معركتك مع نفسك القديمة كيف تكوني الليلة أحسن من أمس؟ كيف تطوري مهاراتك وتكبري اسمك؟ خلي الرد حقك دايماً يكون بـ الإنجاز الصامت لما تنجحي وتصلي النجاح براهو بِيخوض معاركك بالنيابة عنك وبِسكت أي لسان ما تشتتي طاقتك في الكلام الفارغ ركزي في الـ بِيخليكِ قوية وناجحة ومميزة ♥️ #هدى_ادم #اختصاصي_نفسي

#نساء_مستقلات #النسا_للنساء هدفنا انو جميع السيدات يكونوا مستقلات ماديا ويكونوا منتجات وكل واحدة عندها مشروعها البسندها 😘 عشان كده عملنا مبادرة نساء مستقلات البوست تجميع لجميع المشاريع النزلت في صفحة خطاوي 😍 #مشروع_البخور_الشاف https://m.facebook.com/story.php?story_fbid=337570322112956&id=100075799737823&mibextid=Nif5oz #مشروع_المخمرية https://m.facebook.com/story.php?story_fbid=334912032378785&id=100075799737823&mibextid=Nif5oz #مشروع_العروكة https://fb.watch/niNRl6350M/?mibextid=Nif5oz #مشروع_الكعك_الناعم https://fb.watch/reoiSx_I78/?mibextid=Nif5oz #مشروع_البسبوسه https://www.facebook.com/share/p/gdC4Xa2K2pMVJSDT/?mibextid=Nif5oz #مشروع_اسكراب_للجسم https://m.facebook.com/story.php?story_fbid=332998099236845&id=100075799737823&mibextid=Nif5oz #مشروع_الفطير_السوداني https://m.facebook.com/story.php?story_fbid=402116998991621&id=100075799737823&mibextid=Nif5oz #طريقة_عمل_باسطة_كعب_الغزال https://www.facebook.com/share/p/LhLCa9Szg8DgJhTY/?mibextid=Nif5oz #مشروع_الايسكريم https://m.facebook.com/story.php?story_fbid=323705070166148&id=100075799737823&mibextid=Nif5oz #مشروع_الصابونية https://m.facebook.com/story.php?story_fbid=331469029389752&id=100075799737823&mibextid=Nif5oz #مشروع_ترطيب_الجسم https://m.facebook.com/story.php?story_fbid=332399005963421&id=100075799737823&mibextid=Nif5oz #مشروع_صوابع_زينب https://m.facebook.com/story.php?story_fbid=318906903979298&id=100075799737823&mibextid=Nif5oz #مشروع_الدونات https://m.facebook.com/story.php?story_fbid=353394160530572&id=100075799737823&mibextid=Nif5oz #مشروع_التسويق_الالكتروني https://m.facebook.com/story.php?story_fbid=321482360388419&id=100075799737823&mibextid=Nif5oz #كيكة_البرتقال https://m.facebook.com/story.php?story_fbid=328352769701378&id=100075799737823&mibextid=Nif5oz #الكرواسون https://m.facebook.com/story.php?story_fbid=331042586099063&id=100075799737823&mibextid=Nif5oz #بسكويت_لانكشير https://m.facebook.com/story.php?story_fbid=326907366512585&id=100075799737823&mibextid=Nif5oz #بسكويت_حبات_القهوة https://m.facebook.com/story.php?story_fbid=325818083288180&id=100075799737823&mibextid=Nif5oz #بسكويت_الفانليا_والشوكلاتة https://m.facebook.com/story.php?story_fbid=321978443672144&id=100075799737823&mibextid=Nif5oz #بسكويت_اليانسون https://www.facebook.com/share/v/nxuR5FQRV3Mm9jJH/?mibextid=oFDknk #كوتش_هدى_ادم #خطاوي_تصنع_المجد #خطاوي_بيئتك_الامنه

ماف زول حيجي ينقذك قومي أنقذي نفسك بـ شغلك🔥 يا غالية خليني أكون معاكِ صريحة وواضحة ومن خوفي عليكِ حأقول ليكِ الحقيقة المرة ماف فارس أحلام ولا صدفة حظ ولا ظروف سمحة حتجي فجأة تنشلك من وضعك الما عاجبك. الدنيا دي ما بتدي اليد المكتوفةولا بتحترم الزول المنتظر الشفقة وعايش في دور الضحية لو قعدتي مستنية زول يمد ليكِ يده عشان تمشي حتلقي العمر مرّ وأنتِ لسه في خانة الانتظار🥺 المنقذ الوحيد ليكِ هو إنجازك الشغل هو طوق النجاة لما تشتغلي أنتِ بتبني في وسيلة نجاتك بيدك عرق جبينك هو الـ بيوصلك لبر الأمان وبحمي كرامتك من السؤال والاحتياج♥️ النجاح هو السند لما يكون عندك بزنسك أو مهنتك أو اسمك أنتِ بتبقي سند لنفسك ولغيرك السند الحقيقي ما زول بِيجي وبيمشي السند الحقيقي هو قوتك الاقتصادية والنفسية♥️ الإنجاز بيمحي الخوف الخوف من بكرة ومن كلام الناس ومن غدر الأيام بِيختفي لما تكوني منتجة الشغل بِيملأ فراغ روحك وبِيخليكِ قوية وصامدة ما بهزك ريح رسالتي ليكِ 🌸 انفضي غبار يا حليلي و الظروف صعبة قومي و أتحركي أبدأي بأي حاجة في يدك أعصري على نفسك في الشغل في تطوير مهاراتك خليكِ أنتِ البطلة في قصة حياتك♥️ ما تدي الفراغ فرصة يسرق ملامحك السمحة ويطفي نور عيونك انقذي نفسك بـ عرقك بـ طموحك وبـ نجاحك البِيخلي الكل يشير عليكِ بالبنان ويقول دي الما استنت زول دي الصنعت نفسها بنفسها قومي لـ حلمك أنتِ المنقذ وأنتِ الحل! 💪 #هدى_ادم #قوتك_في_مشروعك

ما تشرحي لزول خلي إنجازك هو الـ بيتكلم نيابة عنك! 🤫🔥 يا ست البنات خليكِ عارفة إنو التبرير لغة الضعفاء والناس الما واثقين في طريقهم أنتِ ما محتاجة تقنعي فلان إنك شقيتي طريقك ولا محتاجة تشرحي لعلان ليه اخترتي الطريق ده ولا محتاجة تبرري تعبك وسهرك للناس الما شايفة وفري طاقتك دي لشغلك.. ✍️✨ الدنيا دي فيها صنف من الناس مهمتهم بس القال والقيل والتشكيك في قدراتك لو قعدتي تشرحي ليهم حتضيعي زمنك وحتنزلي لمستواهم وحتخسري تركيزك لكن لو لفيتي وشك وأديتيهم ظهرك وعصرتي على نفسك في الشغل النتائج هي الحتجي حتقنعهم وتجبرهم يحترموكِ♥️ ليه السكوت في البداية هو القوة؟ الإنجاز صوته جاهر لما براندك ينجح أو اسمك يبقى رقم في السوق ده بكون رد قاسي لكل زول استهان بيكِ يوم من الأيام الغموض هيبة خليكِ زي الجبل صامت وقوي الناس ما محتاجة تعرف كيف تعبتي محتاجة تشوف شنو أنجزتي🌸 عزة النفس في الفعل عرق جبينك ونجاحك هم القوة البيثبتك الشرح بِيقلل من قيمة التعب لكن الإنجاز بِيحول التعب ده لـ تاج فوق راسك♥️ رسالتي ليكِ الليلة 📢 لو الدنيا خذلتك أو الناس استهتروا بطموحك ما تردي عليهم بلسانك أردي عليهم بـ ساعات العمل الزيادة بـ تطوير مهاراتك بـ نجاحاتك المتتالية ابتسمي ببرود في وش أي إساءة ولفي وشك وواصلي طريقك بكرة لما تصلي للقمة الكل حيسكت والكل حيصفق ليكِ وأنتِ حتكوني وقتها مشغولة بـ هدف جديد ومشروع جديد لأنو خلاص.. إنجازك قام بالواجب واتكلم بالنيابة عنك خليكِ قوية وخلي فعلك يسبق قولك.💪 #هدى_ادم #اختصاصي_نفسي #قوتك_في_مشروعك

لمن تحسي بضيقة كدا ساي من بوست لي زولة أو غيظ جواك ما مفهوم… وقّفي لحظة واسألي نفسك حاسة بالمشاعر دي ؟ الزولة دي يمكن ما عملت ليك شي لكن الإحساس دا جا من جوّا… من حاجة ناقصاك💔 من طموح ما اتحقق من مقارنة ساكنة فيك بدون ما تنتبهي🥺 في مكان ما جواك إنتي عايزة تكوني زيها لكن ما عارفة كيف توصلي أو يمكن حققت الحاجات الإنتي بتتمنيها فقامت ظهرت المشاعر دي خلي بالك… الأحكام الكتيرة بتوقفك بتخلي طاقتك تمشي في كلام الناس بدل ما تمشي في شغلك وحلمك❤️ كل ما تحكمي على زول بتأخري خطوتك وكل ما تراقبي الناس بتنسي تشتغلي على نفسك خلي الغيرة تتحول لدافع وخلي المقارنة تتحول لإلهام لمن تشوفي زولة ناجحة قولي أنا كمان بقدر حاولي نضفي احكامك وكوني في مرحلة السماح مع نفسك رحلة الوعي والنجاح بتبدأ من جواك… جاهزة ترجعي لي روحك وتبدئي؟ #هدى_ادم #اختصاصي_نفسي

انشغلي بنفسك لحدي ما الهم يملّ منك!🌸 يا غالية خليكِ عارفة إنو الفراغ ده هو أكبر عدو ليكِ هو الثغرة البيدخل ليكِ منها الوسواس والندم وكلام الناس البحبطك لما تقرري تنشغلي أنتِ ما بس بتبني في مستقبلك أنتِ بتبني في حيط قوي بِيحمي نفسيتك من أي وجع ليه لازم تملي يومك بالشغل والطموح؟ الشغل سترة وعافية اليد الشغالة والمنتجة دايماً مرفوعة فوق القروش بتمشي وبتجي لكن الهيبة البتجي من تعبك وعرق جبينك هي البتفضل ليك🌸 النجاح بيمحي الوجع لما تنجزي حاجة وتفتخري بيها طعم النجاح ده بيمسح مرارة أي خذلان مريتي بيهو بدل ما تقعدي تحللي في كلام فلان وعلان خلي نتائجك هي التشرح ليهم أنتِ منو♥️ الهم بخاف من الزول الشغّال لما الهم يجي يفتش في عقلك ويلقاهو مليان خطط وأهداف وتدريب بيلف وشه وبيمشي لأنو ما لقى ليكِ فرصة تضعفي فيها نصيحتي ليكِ من قلب الشغل: 🌸 أعصري على نفسك وما تقيفي لو الدنيا ضاقت عليكِ وسعيها بالسعي لو القريب والبعيد خذلوك كوني أنتِ الحيطة الساندة عليها قفاك نومة التعبان بعد يوم مليان إنجاز هي الجنة ذاتها ونومة الزعلان والمنتظر الشفقة هي القهرة والغم خلي شغلك هو الرد القوي، وخلي نجاحك هو القوة اللي بيثبتك في الأرض مهما الرياح كانت قوية اضحكي في وش أي زول استهان بيكِ ولفي وشك وواصلي شغلك الإنجاز هو البيرجع ليكِ مكانتك وقوتك♥️ ما تديهو فرصة الفراغ ده هو الموت البطيء فما تخليهو يسرق روحك ويهد حيلك 💪🔥 #الشغل_ستر #_هدى_ادم #قوتك_في_مشروعك #ولنا_في_التدريب_حياة ✨🌸

كثير بنسمع جملة لو قريب من ربنا ما حتزعل ولا حتكتئب وكأن المرض النفسي دليل على ضعف الإيمان والحقيقة إنو الكلام ده ما بس غلط ده كمان بيظلم أنفس مؤمنة ومحبة لربنا لكن مريضة ومحتاجة مساعدة الدين سند.. والعلم وسيلة: 1. اعقلها وتوكل:الدين هو أعظم سند روحي بيدينا الطمأنينة والصبر لكن التوكل الحقيقي معناه الأخذ بالأسباب زي ما بنشرب الدواء للملاريا وبنعمل حمية للسكري وبنصلي وندعي ربنا بالشفاء النفس كمان عندها أدوية وجلسات علاج هي من ضمن الأخذ بالأسباب الربنا أمرنا بيها 2.المرض النفسي زي السكري والضغط:المرض النفسي أحياناً بكون ناتج عن كيمياء الدماغ (زي نقص السيروتونين) تماماً زي ما السكري ناتج عن نقص الأنسولين هل في زول بيقول لمريض السكري إيمانك ضعيف عشان كدة البنكرياس تعبان؟ طبعاً لا! وبنفس المنطق التعب النفسي محتاج مختص يفكك العقد ويعدل المسار. 3. الروح والجسد والعقل:الإنسان كتلة واحدة الروح غذاءها العبادة والجسم غذاؤه الأكل الصحي والدواء والعقل والنفس غذاءهم الوعي والعلاج النفسي لو فقدنا التوازن في واحد الباقي بتأثر كلمة أخيرة: ممكن تكوني حافظة للقرآن ومحافظة علي عباداتك وقائمة ليلك وبرضه تحسي بضيق أو اكتئاب.. ده ما نقص في دينك ده ابتلاء جسدي ونفسي محتاج علاج ومواجهة ربنا خلق الداء وخلق الدواء وعلاج الروح بيبدأ بالاعتراف بوجعها المرض النفسي ما قلة إيمان يخوونا خليني اسالكم هل مريتي بموقف حسيتي فيهو إنو الناس بتحكم على إيمانك بسبب حزنك أو تعبك النفسي؟ وكيف كان ردك عليهم؟ #هدى_ادم #اختصاصي_نفسي