YO'QOTGANIM, ARMONIMA, JONIM DADAM

Kim boʻlay? 01:33.22.2024 Umrimning choragi oʻtdi be samar Hayollar izmida devonalardek Hanuz boladekman bir vaqtlar ona Kim boʻlar degansiz ulgʻaysa bolam Qay yoʻldan yurishim istagandingiz Qaysi manzillardan topay oʻzimni Men kimdir boʻlmadim ammo siz ona Kim boʻlar degansiz ulgʻaysa bolam Qalamni tutqazgan ishqmas junbushim Qonimni qaynatgan gʻamni tanitkan Bir begʻam tanimni qotirgan chogʻda Ulgʻaysa kim boʻlar degansiz ona Qay holda koʻrgansiz iqbolimni siz Qaysi amal bilan etgansiz hayol Mudom boʻlolmadim kimdir Siz ona Kim boʻlar degansiz ulgʻaysa bolam Men kimmman kim boʻldim Kimga oʻxshadim Kimga oʻxashashimni xohlarsiz ona Oʻxshashim bormikan Ammo bir vaqtlar Kim boʻlar degansiz ulgʻaysa bolam Hayoli parishon qalamga mahkum Mahkum dunyolarning jamiy gʻamiga Gʻamlar koʻp gʻamingiz aritmoq uchun Kim boʻlar degansiz ulgʻaysa bolam Nodonmi noshudmi nohaqmi Aslo Haq yoʻldan yurishim afzali ona Siz meni yaxshilar qatori koʻrib Kim boʻlar degansiz ulgʻaysa bolam Bugun men qay tusda koʻrinish beray Qanday nigolarda koʻrinay ona Qarshimda yagona yoʻlim bor ammo Kim boʻlar degansiz ulgʻaysa bolam Sinmadim sindirdim qancha qalamni Alamlar tugulgan koʻksim yorilmas Duoda Allohdan soʻrar chogʻingiz Kim boʻlar degansiz ulgʻaysa bolam Umrimning choragi oʻtdi be samar Insonlar koʻzida devonadekman Hanuz orzu parast ammo siz ona Kim boʻlar degansiz ulgʻaysa bolam @Saidxon_Ansarov✍🏻 @SaidxonAnsarov || Rasmiy kanal

20 апрель — Фахри коинот Пайғамбаримиз Муҳаммад соллаллоҳу алайҳи васалламнинг таваллуд кунлари экан. Муҳаммадур Расулуллоҳ Оламга сочган нур-зиё, Муҳаммадур Расулуллоҳ. Пайғамбарлар ичра танҳо, Муҳаммадур Расулуллоҳ! Дини Исломнинг қуёши, Мусулмонларнинг йўлдоши, Фақир аҳлининг сирдоши, Умматларга пушти паноҳ, Муҳаммадур Расулуллоҳ! Ўзи улуғ, сўзи латиф, Бобоси - Aбдумуталлиб, Падари эрур Aбдуллоҳ, Умматларга пушти паноҳ, Муҳаммадур Расулуллоҳ! Ҳошим Қурайшнинг авлоди, Aбдуманнофнинг зурриёти, То қиёмат дилда оти, Умматларга пушти паноҳ, Муҳаммадур Расулуллоҳ! Aллоҳ қутлуғ калом берди, Қуръон, Ҳадис - инъом берди, Фаришталар салом берди, Умматларга пушти паноҳ, Муҳаммадур Расулуллоҳ! Намоз, рўза, закот деган, Ҳаж қил, то сен ҳаёт деган, Етим-есир ғамин еган, Умматларга пушти паноҳ, Муҳаммадур Расулуллоҳ! Охир замон пайғамбари, Пайғамбарларнинг сарвари, Набийлар шамс-у қамари, Умматларга пушти паноҳ, Муҳаммадур Расулуллоҳ! Aллоҳимнинг ардоғида, Жойи жаннатнинг боғида, Ҳавзи Кавсар булоғида, Умматларга пушти паноҳ, Муҳаммадур Расулуллоҳ! Осон олгин бу жонимни, Ҳамроҳ айла иймонимни, Тилдан қўйма каломимни, Умматларга пушти паноҳ, Шафоат қил, Расулуллоҳ! …Лa илоҳа иллооллоҳ, Муҳаммадур Расулуллоҳ! ©️ Бобоқул Усмон ┄┅অঠই 🇺🇿 ইঠঅ┅┄ Ибрат излаганга — ибратдир дунё

АРМОН БЎЛМАСИН Ҳурмат қилгин оғринтирма отангни, Ҳар нарсага йиғлатмагин онангни. Ўз отангдан устин қўйма тоғангни, Ота деб юрганинг армон бўлмасин... Бир кун келиб тополмайсан изини, Ҳар лаҳзада соғинасан сўзини. Унутмагин Шухратжонни сўзини, Она деб юрганинг армон бўлмасин... Ётиб олиб санайверма чақангни , Бегонага ёмонлама акангни. Ундан кўра акангга тут елкангни, Ака деб юрганинг армон бўлмасин... Тунда бориб туртаверма тоғангни, Кўзингни оч таниб олгин оғангни. Қўнғироқ қил ҳолин сўра опангни, Опа деб юрганинг армон бўлмасин... Оғажон деб асли сенга ким куяр, Акажон деб бир жонингга минг куяр. Синглингмасми ўзи сенга жонкуяр, Сингил деб юрганинг армон бўлмасин... У қишлоқда бобосининг олдида, Саксон ёшли момосининг ёнида. Ҳол сўрашга вақтинг бўлмай қолдида, Бобом деб юрганинг армон бўлмасин... Бўрилар ҳам қулайди-да текса ўқ, Ҳеч бўлмаса ошнажон Худодан қўрқ. Кеча бор одамлар қара бугун йўқ, Дўстим деб юрганинг армон бўлмасин...