شاهسونلرکانالی

🌹🌾 🌾🌹چرشنبه گۆنونده 🌹🌾 🌹🌾 چرشمبه گۆنونده ، چشمه باشیندا گؤزۆم بیر آلاگؤز، خانیما دوشدو آتدی موژگان اوخون ، کئچدی سینه‌مدن جادو غمزه‌لری ، قانیما دۆشدو اشارت ائیله‌دیم ، دردیمی بیلدی گؤردۆم هم گؤزلدی ، هم اهل دیل‌دی باشینی بوللادی ، گؤزۆندن گۆلدو گۆلنده قاداسی ، جانیما دۆشدو علعسگرم هر علم‌دن حالی‌یام گؤزل سن طبیب‌سن ، من یارالی‌یام دئدی نیشانلی‌یام ، اؤزگه مالی‌یام سیندی قول - قانادیم ، یانیما دۆشدو 👇👇⚘👇👇 @shahsevan21 شاهسونلرکانالی

بد اؤولادي ازل باشدان تانيرام چؤر _ چؤپ ييغار ياد اوجاغين يانديرار سحر دورار عار _ ناموسون گؤزله مز سويو تؤكر اؤز اوجاغين سؤندورر اولغون جوشا گلسه كؤپوك ياغ اولماز سؤيود بار گتيرسه باغچا بار اولماز زيبيل تپه اولسا گوللوك دار اولماز يئل أسنده آلچاق لارا أنديرر عابباس بو سؤزلري دئیه ر سریندن آرخي وورون سويو گلسين دريندن إل بير اولسا داغ اوينادار يئریندن سؤز بير اولسا ضربي كرن سينديرار. 👇👇⚘👇👇 @shahsevan21 شاهسونلرکانالی

خرمن کوبی باصدای غمگین روح الله سلطانی

چؤللر یاواش - یاواش یاشیل گئیینیر، باهار گلیر باغلار بارا ته له سیر، آناسیننان آیری دوشموش کؤرپه تک، دلی کونلوم او داغلارا ته له سیر! بئزیشسمده بو تیکانلی قفسدن، مَحبس منی سالا بولمز هوسدن، اورییمده بیر عطیرلی نفسدن، ساغالماغا نئچه یارا ته له سیر... شجاعتم آرزوم - عهدیم وار هله، بختیم گزیر قولاخلاری کار هله، گؤزی یاشلی یول گؤزله ییر یار هله، هئش بولمورم عؤمور هارا ته له سیر 👇👇⚘👇👇 @shahsevan21 شاهسونلرکانالی

گوزللر سولطانی ملک لر شاهی،، آلا گوز جانانیم گتمه آماندی،، دردیندن خسته یم چکیرم آهی،، اولورم گوزلیم،گتمه آماندی،، جمالین گویچکدی بایرام آییندان،، گورن دویماز قامتیندن بویوندان،، لایق دیه یل قوربان کسیم قویوندان،، سانا قوربان جانیم گتمه آماندی،، من سنه نه دییم آی مینا گردن،، کسمه محبتین گل،علعسگردن،، گوناهکار قولو نام سالما نظردن،، کرملی سولطانیم گتمه آماندی 👇👇⚘👇👇 @shahsevan21 شاهسونلرکانالی

منی یاندیر گوزلیم عشقه ایناندیر گوزلیم منی پروانه کیمین گوزده دولاندیر گوزلیم نه قدر ناز ائله سن نازیوا من موشتریم منی ترک ائتمه گوزل دونیا یالاندیر گوزلیم 👇👇⚘👇👇 @shahsevan21 شاهسونلرکانالی

مباحثه زمین و آسمان/ حکیم تیلیم خان "زمین و آسمان مباحث ائتدی آسمان دئدی کون و مکان منده دیر عرش و کرسی لوح و قلم نه افلاک شمس منیر ماه تابان منده دیر" زمین و آسمان بحث ائیلدیلر زمین دئدی شفیع عصیان منده دیر باعث یئر و گوی هر مکونات پیغمبر آخر زمان منده دیر آسمان دئدی منده واردیر جبرئیل قابض الارواح عزرائیل و اسرافیل سود و زیان وزن و کیل و میکائیل ملائک مقربان منده دیر زمین دئدی صاحب شمشیر و سنان اسناد جبرئیل میر مومنان قاضی عرصات قاسم الجنان شاه مردان شیر یزدان منده دیر آسمان دئدی منده هزاران هزار حقه ذکر ایئله ین ملائکیم وار هزار باشلی فرشته وار او یازار لوح محفوظ سردفتران منده دیر َزمین دئدی منده طریق متین مومنه آساندیر منکره چتین یولو بیردیر یئتمیش ایکی ملتین دورد کتابه افضل قرآن منده دیر مسجد اقصی و او بیت معمور مرغ عظیم واردیر دهانینده نور وقت شناس موذن صبور و شکور عرش خوروزو او خوش الحان منده دیر زمین دئدی زمزم چشمه ی ظریف حجرالاسود دیر نامه ی تعریف بیت ابراهیم اول کعبه شریف اول بیت الله قبله نشان منده دیر آسمان دئدی زمین وئررم نشانی زیاده رو اولما حددینی تانی انبیالار اولیالار مکانی بیر ارم و یئددی رضوان منده دیر زمین دئدی دینمه اوجادان باخان کبر و غرور ائدیب هاوایا چیخان دشمنان آل رسولی یاخان جهنم و نار سوزان منده دیر دوزلمیش بیر ملک بالیله دمی هر فلکه دگدی بوراغین سمی(دیرناق) شب معراج گوردو رسول اممی صاف زمرد آب خضران منده دیر شاه شهید امت لرین قربانی فوک ائیله ین اول صفحه ی عصیانی ملائکلر پاسبانی دربانی تشنه جگر شاه رضوان منده دیر آسمان دئدی منده هاوا قاتیشیر ابر و باد و برف و باران آتیشیر آب رحمت مندن سنه یئتیشبر رعد و برق و برف و باران منده دیر زمین دئدی یاییم قیشیم دئیینیر پاییز اولور آغاجلاریم سویونور باهار گلر صحرا سبزه گئیینیر لاله چمن مرغزاران منده دیر آسمان دئدی منده قدسیان پاک تمامی هوشمند و صاحب ادراک یئددی طبق اون بئش حجاب نه افلاک قاب قوسین پرده نهان منده دیر زمین دئدی گولشن حسن حسینه محرم اسراردور سرّ مابینه یئتیشدی او عدنا قاب قوسینه حبیب الله عزیز مهمان منده دیر آسمان دئدی منده مهر درخشان بی طناب بی دیرک بیلگینن ایوان زحل قمر مریخ عطارد کیوان یئددی کوکب یئددی نشان منده دیر زمین دئدی منده یئددی گوشه وار نئچه دریا نئچه شیرلی بیشه وار راه ظلماته چوخ اندیشه وار چشمه خضر آب حیوان منده دیر آسمان دئدی حمل و ثور جوزانی سرطان اسد سنبله و میزانی عقرب قوس جدی حوت نشانی اون ایکی برج دلو و میزان منده دیر زمین دئدی منده چهارده نامی تانیییرلار اون ایکی پاک امامی یوز ایگیرمی دورت مین پیغمبر هامی اولیالار یاخچی یامان منده دیر آسمان دئدی منده کهکشان راهی ضعیف هلال قیللام بدر اولان ماهی جاری اولان گوندن حکم الهی پروین سایسیز کواکبان منده دیر زمین دئدی بسلمیشم چوخ راهی صاحب کمر تاجی تختی کلاهی چرنده پرنده گاو اینن ماهی حوری پری جن و انسان منده دیر آسمان دئدی گدالرین دیلنیر محنت سویو اوزلرینه چیلنیر سنین خلقین روزی ایچین دولانیر ملائک بی آب و نان منده دیر زمین دئدی سویلمه من مسکینم سبک بیلمه منده سندن سنگینم گوهریم وار دریالرده زنگینم(ثروتمند) قیزیل گوموش گوهر کان منده دیر آسمان دئدی منده نور مطلقده دیالری دعاده باسلاری حقده ذکره مشغولدولار هم اول وقتده باخ گور نور فرشتگان منده دیر زمین دئدی منده اوخونار قرآن بیزلره سویلنر دلیل و برهان کافر شقی شیعه مومن مسلمان زمین دییر چوخ فاضلان منده دیر آسمان دئدی قوس و قزح توکرم آیاز اولور گونله بولوت سوکرم گئجه گوندوز ثواب گناه چکرم ترازوی سود و زیان منده دیر زمین دئدی آسمان دئمه سرسری محشرده بیلینر هر کیمین یئری تیلیم، بسدیر سویله سوز مختصری محشر گونو عالی دیوان منده دیر. 👇👇⚘👇👇 @shahsevan21 شاهسونلرکانالی

حیدر بابا دنیا یالان دنیادی/ بیر قیرانا آدام ساتان دنیادی/ آداملارن اورَکلَری داش اولدی/ مَنیم گوزوم بو دنیادان یاش اولدی/ حیدر بابا دوزلوخ گِدیب اورَکدَن/ یالان دییب آند ایچیریخ اورَکدَن/ حیدر بابا‌ من بیلمیرم نَه اولدی/ پیسلیخ گَلیب یاخجی گِدیب اورَکدَن/ حیدر بابا نزول وِرَن چوخالدی/ جیبلَریمیز حلال پولدان بوشالدی/ مسلمانخ ، دؤز دانشاخ بیز گَرَک/ حرام چورَک ییعَنَری چوخالدی/ حیدر بابا چوخ قاچرخ آز گَلیر/ قار یاغمری حتی یاغش آز گَلیر/ سَن دِمیسَن چوخ ایشلَسَن چوخ گَلَر/ چوخ ایشلَدیخ آما نَیهَ آز گَلیر........؟؟؟ ‎‌‌‎‌‌👇👇⚘👇👇 @shahsevan21 شاهسونلرکانالی

بیر قوجاق گول باغلادیم گوز یولدا قالدی گلمه دین عطروی گاه دردیگیم گوللردن آلدیم گلمه دین سن یوباندن انتظاردا سولدی بیر بیر گلریم تز سولان گوللر کیمی سولدم سارالدم گلمه دین 👇👇⚘👇👇 @shahsevan21 شاهسونلرکانالی

یاغمایاغیش قادان آلیم. ===================== گئجه دندی یاغان یاغیش٬ کوچه میزده آخان یاغیش ٬ سویله ندن دایانمیسان!!؟ بلکه سنده اینانمیسان؟!! - آیریلیغی....حسرت یوکون؛ اوره گینه قوربان اولوم٬ دایان داها قادان آلیم٬ گئدن گئدیب دونمه یه جک٬ حسرت اودی سونمه یه جک٬ یاغماداها یوخدی کَسَر؛ وفاسیزلیخ بیر قورالدی دوشدی اگر سئوگیلره؛ گوزیاشینی سئل ائده سن... یوخدی اثر...یوخدی اثر٬ منده یاغدیم گئتماغینا٬ وفاسیزلیغ ائتماغینا٬ آنجاخ هئچ او بیلمه دی کی.. اوره ک قانی گوزدن آخیر٬ سورمادیدا ندن بئله گئجه چاغی شیمشک چاخیر.. یاغیش یاغیر سئللرآخیر... یاغماداها قادان آلیم یارالاریم سسه گلیر قورخورام کی سندن یئنه؛ دویقو آلا دیله گله٬ کوزمه لری ولقان ائده٬ سحره دک قورخورامکی- یاسدیغیمی آلقان ائده٬ قورخورامکی سئوگی یئنه اوره گیمده طوفان ائده٬ قادان آلیم یاغمایاغیش... قویمامنی غمه باتام دویقولاری گویه ررکن٬ ایتردیغوم آنلار گله گوزلریمدن آخا آخا منه چاتا ...منه چاتا یاغما یاغیش قادان آلیم... بیر عموردی حسرتیندن٬ بیر عموردی غربتیندن٬ بیر عموردی فرقتیندن٬ یوخدی حالیم.... یوخدی حالیم؛ یاغمایاغیش قادان آلیم....؛ شیدای زمان 🌹🌹 👇👇⚘👇👇 @shahsevan21 شاهسونلرکانالی