تاریخوو هەورامانی

گۆنیسیزموو تەفرەقەی: ئەرەڕنیەی ماناو چەمکەکاو گوفتمانی کوردی: سۆرانی-هەورامی پەی نموونەی ✍ مۆدەررێس سەعیدی 🔸چەمکوو سۆرانی کۆمەڵگاو هەورامان و مەریوانیەنە عەمرش جە ویس ساڵا فرەتەر نیا.  بنەڕەتەنە جە لاو کۆمەڵگاو ڕۆشنویریۆ پەی چارەسەرکەردەو کێشێوی مەعریفەتی پێشنیار کریا. کێشەکە ئانە بێ شاروو مەریوانیەنە دوێ تاقمێ زوانیێ (هەورامی و سۆرانی) بێنێ کە هەردوە تاقمەکە وێشا بە کورد زانێنێ. چنی ئانەیە جیاوازیێ زوانیێچشا هەنێ. پەوکی لازم بێ واچە یا چەمکێو  بەینە دلێ زوانی کە  جە عەینوو حاڵیەنە هەم ئا جیاوازیا ئیفاڏە کەرۆ، هەم  کورد بیەی هەردوە تاقمە زوانیەکەی نیشانە دۆ. پەی چارەسەر کەردەو ئی گرفتیە دۆگانەو «سۆرانی_ هەورامی»، جە لاو  ڕۆشنویراوە پێشنیار کریا و چون جوابش پەی نیازیوی عەینی کۆمەڵگای پنە بێ ، جە لاو خەڵک، بە تایبەت کۆمەڵگاو ڕۆشنویریۆ، پێشوازیش چنە کریا و هەر زوو کەوت یاگێ. 🔸 دۆگانەو سۆرانی _ هەورامی بنەڕەتەنە پەی ئانەیە پێشنیار کریا کە چەمکێوی گردی یانێ «کوردی »، ئێفاڏە کەرۆ. ئی دۆگانە فرەش پنە نەشی کە فەزای گۆفتمانی هەورامان و مەریوانیەنە ،بە تایبەت دلێ چینوو  ڕۆشنویریەنە ،کەوت یاگێ و تەنانەت هێژۆمۆنیش پێڏا کەرد. بە جۆرێو کە ئیتر بە کار بەردەی دۆگانە قەڏیمیەکەی یانێ « کورد_ هەورامی» بی بە عەیب و نیشانێو بێ سەواڏی و دماکەوتەی.  تا یاگێو کە تەنانەت بڕێو چا جەرەیانا کە بنەڕەتەنە باوەڕێوشا بە گوفتمانی کوردی و چەمکوو کوردبیەی نیا، یا کوردە مەشروتەکێچ ، دۆگانەو سۆرانی _ هەورامیشا قبوڵ کەرد و ئی چەمکێ لوەینێنە دلێ ئەدەبیاتیشا. 🔸تا ئیگە، ئینە یۆ جە گەورەتەرین دەسکەوتەکاو گۆفتمانی کوردی جە مەنتەقەکەنە بیەن. بەڵام وەڵاو بیەو ئی ئەدەبیاتیە دلێ ئا ڕەوتانە کە باوەڕشا بە کوردبیەی نیا ، بڕێو ئاکامێ نەوازیەیچش چنە کەوتێوە. وەڵ چانەیە ئیشارە پا ئاکامە نێگاتێڤا کەرمێ ، ئی پەرسێ وزمێ ڕوە کە ئا ڕەوتێ کە باوەڕشا بە کوردبیەی نیا ، چی جە ئەدەبیات و چەمکەکاو گوفتمانی کوردی بەهرە گێرا ؟ بەشێو جە جوابوو ئی پەرسێما سەرتەرۆ داوە کە پێوەندیش بە هێژۆمۆنی پێڏا کەردەی ئی ئەدەبیاتیە و عەیب بیەی بە کار بەردەی چەمکە وەرانوەرەکاش کۆمەڵگانە هەن. بەشێوتەریچش گێڵۆوە پەی ئانەیە ئا ڕەوت و لایەنە کە بە کوردبیەی باوەڕشا نیا، هەستشا کەرد کە ئەدەبیاتوو دڵوازوو وێشا کە جە چوارچۆ دۆگانەو «کورد و هەورامی»یەنە وێش وینێوە، ئیتر جە لاو خەڵکوو کۆمەڵگایۆ قبوڵ نمەکریۆ و چانیشانە بۆ بە هۆو ئانەیە کە خەڵکوو هەورامانی پەی دێفاع جە شوناسی کوردی وێشا بەیاوە دەنگ. وەلحاسڵ پەی ئانەیە ئی سەرئێشەیە جە ملوو وێشا کەراوە، دۆگانە پێشنیارکریاکەو گوفتمانی کوردی یانی «سۆرانی_ هەورامیشا» قبوڵ کەرد. بەڵام هەوڵشا دا ئی ئەدەبیاتیە جە مانا و دەلالەتە ئەسڵیەکاو وێش هاڵی کەرا. ئی دۆگانە ئەسڵەنە پەی تەئکید سەروو کورد بیەی هەردوە لایەنەکەی( سۆرانی و هەورامی) پێشنیار کریابێ. بەڵام ئا ڕەوتێ چون ئالێرژیشا بە نامێو کوردی هەن و تەنیا جە ڕوەو ناچاریۆ ئا ئەدەبیاتشە قبوڵ کەردەن ،هەوڵ مڏا کە بە بەرجەستە کەردەی، ئی دوە چەمکە جۆزئیە، یانێو «هەورامی» و «سۆرانی» چەمکێ ئەسڵی و گردیەکەی یانێ کوردی، بەرا پەراوێز. ئی کاریە خەریکێنێ خۆدئاگاهانە یا ناخۆدائاگا تەتیا ڕوەو غەریزەو ئالێرژی بە چەمکوو کوردیۆ، کەرای کەرا . بە داخەو ڕەنگا بڕێو کەسێ دڵسۆزێچ بۆنەو ئانەیە کە چێوەکە بە ڕواڵەت ئیراڏێوش نیا ، کەوتێبانە ئی دامێ.  چەمکوو « سۆرانی» و «هەورامی» جۆرێو بە کار بەرا کە توشوو «نقض غرض»ی با. یانێو ئی ئەدەبیاتیە کە جە بنەڕەتەنە پەی بەرجەستە کەردەی چەمکوو کوردی و تەئکید سەروو کوردی بیەی هەردوە تاقمە و زوانەکەی پێشنیار کریان ، جۆرێو بە کار بەرا کە کەوتەی پەراوێزوو چەمکوو کورد و زوانی کوردیش چنە گنۆوە... 🔸 پەی نموونەی فەرز کەرمێ مەتنێوما هەن و بە یەرێ زوانێ، کە دوێشا کوردی ( هەورامی و سۆرانی) و یۆشا غەیرە کوردیا( پەی نموونەی فارسی). شێوازی درۆس و غەڵەتوو ئەژناسنای ئا زوانا پێسنەنە: ⛔️سۆرانی ،هەورامی،فارسی ⛔️⛔️ کوردی سۆرانی ، هەورامی ، فارسی ✅ کوردی سۆرانی ، کوردی هەورامی ، فارسی ✅ سۆرانی ، هەورامی ____ کاناڵەو تاریخوو هەورامانی↙️ @horamanhistory

ئانە باکوو یا ئێستانبۆل نیا. تەورێزا. پزشکیان وەختێو ئاما پەی سنەی ، بڕێو لایەنگیرێش پێسەو جەلالی جەلالی زادەی کە گەرەکشا بێ ورەشاش بە خەڵکوو کوردستانی ، واچێنێ پزشکیان کوردی مزانۆ و پەی ئەوەڵ جاری قەرارا کاندیدایێوو رەئیس جمهووری بە زوانی کوردی قسێما پەی کەرۆ. بەڵام پزشکیان وەختێو ئامارە سنە ، بە بەهانێو ئانەیە کە قسەکێش یاگاتەروو ئێرانیەنە وەڵای باوە، وێش چانەیە بە کوردی قسێ کەرۆ لادا. بەڵام تەورێزەنە بە تورکی قسێ کەرۆ. هۆکارو ئینەیە چێشا ؟ هۆکار گوفتمانوو پان تورکیسمیا. پزشکیان سنەنە جە تەرسەو پانتورکەکانە نەیاراش کوردی قسێ کەرۆ و جە تەورێزەنە دیسان جە تەرسەو پان تورکەکانە نەیاراش تورکی قسێ نەکەرۆ. پان تورکیسم پێسەو ڕۆحی ئینا شۆنەو پزشکیانۆ. دەورووبەریێو پزشکیانی جە ستادەکاو ئورمیە و تەورێزیشەنە هەر ئا پانتورکێنێ کە خەڵکوو کوردی جە خاکوو وێشەنە مێمان مزانا و هەڕەشێو ئانەیشە ونە کەرا کە پێسەو ئەرمەنیەکاو قەرەباغی جە خاکوو وێشەنە مزناشۆ. لازما خەڵکوو ئێمە ئی مەترسیە جیددی گێرۆ و بە فیتەو دویەر نەفەرا کە ئێنەی شۆنەو پۆست و مەقامیۆ، رەئیە نەڏا بە پزشکیانی... ____ کاناڵەو تاریخوو هەورامانی ↙️

ئاغای جەلالی زادە هەر ئی فەرمایشتێشە جە بارەو ڕۆحانیچۆ کەردێبێنێ. ئاڏ ئیسە مشۆ جوابگوو ئانەیە بۆ کە نەتیجێو سفارشە وەڵینەکەیش پەی خەڵکوو کوردستانی چێش بیەن ؟ مشایا ئیسە داوا چنە ویەردەیش جە خەڵکوو ئێمە کەردەبیەیا ، نەک بە نامێو « قاطبه اهل سنت»ی جه کیسەو خەلیفەی ڕەئیە بەخشۆ بە پزشکیانی. جەلالی زادە خاس مزانۆ کە ئامای پزشکیانی هیچ دەردێوەو ئێمە دەوا مەکەرۆ. ئەو پەڕش ئەگەر پزشکیانیچ پێسەو ڕۆحانی بەڏقەوڵیش چنی نەکەرۆ ، پۆستێو جە حەددوو « مشاور»یش مڏۆ پنە. بەڵام مەسەلێو کۆمەڵگاو کوردستانی پۆست گێرتەی یا نەگێرتەی جەنابوو جەلالی جەلالی زادەی نیەنە! ___ @horamanhistory

لەم کاناڵە زانستی ئێنسانی بە زمانی کوردی بڵاۆ دەکرێتەۆ. https://t.me/zanstemrovyekan2724

هەورامانا ماواما خاکش کڵەو چەماما کەش و کوسارش جوانا گیواوش گردٚ دەرمانا ئاویش چیە و سازگارە تاراش گوڵ و گوڵزارە باخش وەزی و هەنارا یانەش وشکە دیوارا . . . 🔸لاپەڕێو جە کتێبوو کوردی پۆلەو یەرێ جە هەرێمو کوردستانی (جە وێنەکەنە بە سەهوە نویسیان پۆلەو چواری) ♦️جە لاپەڕەو دکتۆر عەبباس یەعقوبی ( مامۆستا جە زانکۆو هەڵەبجەی) ____ کاناڵەو تاریخوو هەورامانی ↙️ @horamanhistory

هەورامانا ماواما خاکش کڵەو چەماما کەش و کوسارش جوانا گیواوێش گردٚ دەرمانا ئاویش چیە و سازگارە تاراش گوڵ و گوڵزارە باخش وەزی و هەنارا یانەش وشکە دیوارا . . . پەلێو جە کتێبە کوردیەکاو پۆلەو چواری جە هەرێمو کوردسانی کیاسەو دکتۆر عباس یەعقوبی ( مامۆستا جە زانکۆو هەڵەبجەی) ____ کاناڵەو تاریخوو هەورامانی ↙️ @horamanhistory

🌄 داوود پاڵەوانوو بەنی ئیسرائیلی، سەرەی بڕیاو جالووت پاڵەوانوو فەلەستینیەکاش بە نیشانێو سەرکۆتەی بەرز کەردەنۆ. بەرهەموو گوستاو دۆر هونەرمەند و وێنەکێشی فەڕانسی جە ساڵەو ۱۸۶۶ زایینیەنە... 🖇پێوەندیدار: شەرقشناسی و پەرسەو ئیسرائیل _ فەلەستینی ___ کاناڵەو تاریخوو هەورامانی ↙️ @horamanhistory

وەڵا کەردەی دووبارە #فایلی_دەنگ بە بەهانێو جەنگوو غەززەیۆ: شەرقشناسی و پەرسەو ئێسرائیل _ فەلستینی 🎤مۆدەڕڕێس سەعیدی __ کاناڵەو تاریخوو هەورامانی ↙️ @horamanhistory

#فایلی_دەنگ #شرقشناسی بە بەهانێو جەنگوو غەززەیۆ: شەرقشناسی و پەرسەو ئێسرائیل _ فەلستینی 🎤مۆدەڕڕێس سەعیدی __ کاناڵەو تاریخوو هەورامانی ↙️ @horamanhistory