NÓKIS QALASÍ "ISHGA MARHAMAT" MONOORAYÍ

🏢Nókis qalası «Ishga marhamat» monoorayınıń «Xızmet kórsetiw hám servis» tarawı «Aspazlıq» kásibinede ájayıp jańalıq! Endi aspazlıqqa qızıǵatuǵın hám usı kásip penen shuǵıllanıp kiyatırǵan puqaralar monoorayımızdaǵı tar qanigelikli tereńlestirilgen kurslarǵa jazıla aladı. 👨‍🍳Jańa kurslarımız tólemli bolıp, tıńlawshılardıń qálewine qaray tómendegi menyu túrlerin úyretedi: 1.  Batıs Evropa asxanası menyuları – kurs bahası 1 mln. sum. 2.  Shıǵıs Evropa asxanası menyuları – kurs bahası 700 000 sum. 3.  Panaziyalıq (ulıwma Aziyalıq) asxana menyuları – 600 000 sum. 4.  Milliy asxana menyuları – 500 000 sum. ⚡️Dıqqat! Kurs dawamlılıǵı 5 kún bolıp, usı waqıt ishinde tájiriybeli usta-aspaz Abdullaev Farxad tárepinen ótkeriletuǵın sheberlik sabaqları arqalı jurtımızdaǵı kafe hám restoranlarda joqarı talapqa iye bolǵan taǵamlardı ustalıq penen tayarlawdı úyrenesiz. ⚠️Asıǵıń, waqıt az qaldı. ☎️Maǵlıwmat ushın telefon: 91 300-57-52

🏢Nókis qalası «Isha marhamat» monoorayınıń injener-ustaları hám pedagog-oqıtıwshıları ushın Berdaq atındagı Qaraqalpaq mámleketlik universiteti "Menedjment hám ekonomika tiykarları" kafedrasınıń baslıǵı, professor G. Utemuratova, kafedra professor- oqıtıwshıları E.Modenova, B.Ismailov, B.Tajibaevlar basshılıǵında " Jasalma intellekttiń imkaniyatları" temasında sheberlik sabaǵı ótkerildi. ✅Sheberlik sabaǵında professor-oqıtıwshılar tárepinen oqıw processin shólkemlestiriwde, baǵdarlamalar boyınsha materiallar tayarlawda, ámeliy-metodikalıq jumıslardı alıp barıwda jasalma intellektten paydalanıw boyınsha túsinikler berildi.

✨11-noyabr – Kásiplik awkamı kúni múnásibeti menen Nókis qalası «Ishga marhamat» monoorayında sport hám intellektual oyınları boyınsha jarıslar shólkemlestirildi. 🏢 Monooray Kásiplik awqamı birlemshi shólkemi baslaması menen ótkerilgen bul bellesiwler baǵdarlamasına kibersport, stol tennisi hám «Zakovat» intellektual oyınları kirgizildi. 🎗Jarıslar eki kún dawam etip, olarda monooray miynet jámáátiniń jasları belsene qatnastı. ✅Kibersport boyınsha ótkerilgen jarısta monooray jaslarınıń eki komandası «Counter Strike 800» video oyınında bellesip, ózleriniń zamanagóy kompyuter oyınlarındaǵı sheberliklerin kórsete bildi. 🏓Tennis sportı boyınsha da bellesiwler qızǵın ótip, jaslar bul sport túri boyınsha júdá joqarı dáreje kórsetti. 🔷Bul jarısta málimleme texnologiyaları bólimi qánigesi Urazbaev Erbol 1-orındı, 1-sanlı filial oqıtıwshı qánigesi Arzıbekov Abbaz 2-orındı, xatker Kalimbetov Azamat 3-orındı iyeledi. 📝«Zakovat» intellektual oyını monooray jaslarınıń bilimliligin hám zeyinliligin ashıp berdi. Bul oyında monooray bas korpusınıń «Liderler» komandası 1-orındı, 2-sanlı filialınıń «Intelligentler» jáne bas korpusınıń «Intellekt» komandaları 2-orındı hám 1-sanlı filialınıń «The Best Branch» komandası 3-orındı iyeledi. 🏆Jeńimpazlarǵa Monooray Kásiplik awqamı birlemshi shólkeminiń húrmet jarlıqları tapsırıldı. Telegram | Instagram | YouTube |  Facebook

🏢Monoorayımızdıń «Servis hám xızmet kórsetiw» tarawı «Neyl-stilist» kásibinde 13 tıńlawshı 2 aylıq kursın juwmaqladı. ✨Olar qol kútimi, manikyur, tırnaqqa hár qıylı bezewler beriw, quramalı dizaynlar jaratıw hám basqa da ámellerdi orınlawdı úyrendi. 🔷 Jaslarǵa monoorayımızdıń tájiriybeli injener-ustası Ayekeeva Tolqınay kásip sırların úyretti. 🔷Jaqında «Neyl-stilist» kursında pitkeriwshi imtixan bolıp, komissiya aǵzalarınıń qatnasında tıńlawshılar óz bilimlerin sınaqtan ótkerdi. 🔷Ekspert Tursınova Sayyora qatnasında ótkerilgen imtixan nátiyjesinde pitkeriwshilerdiń alǵan bilim hám tájiriybeleri ádil bahalandı. 💅«Neyl-stilist» toparına jańadan tıńlawshılar jıynaw baslandı. Pitkeriwshilerge tiyisli sertifikat beriledi hám olar neyl-stilist sıpatında óz miynet jolın dawam ettire aladı. ☎️Maģlıwmat ushın telefon: +998 (55) 102-40-12

🏢Monoorayımızdıń «Servis hám xızmet kórsetiw» bólimi «Tiginshilik» kásibinde 3 ay dawamında ámeliy hám teoriyalıq bilim alǵan 17 tıńlawshı pitkeriwshi imtixanların tapsırdı. 🪡Olar kurs dawamında úyrengen tigiw, pishiw, naǵıs salıw, dizayn jaratıw, jáhán modaları tiykarında hár qıylı kiyim modellerin islep shıǵıw boyınsha bilimlerin sınaqtan ótkerdi. ✅Kurs oqıtıwshısı Jumanbetova Amangul hám komissiya aǵzaları olardıń teoriyalıq hám ámeliy bilimlerin ádil bahaladı. ✨«Tiginshilik» toparına jańadan tıńlawshılardı jıynaw baslanǵanlıǵın málim etemiz. 📝Pitkeriwshilerge iyelegen kásibi boyınsha sertifikat berilip, bul hújjet penen puqara nızamlı túrde dáramatlı jumıs alıp barıw huqıqına iye boladı. ☎️ Maģlıwmat ushın telefon: +998 (55) 102-40-12

✨PUQARALARDÍŃ DÍQQATÍNA! 🏢Nókis qalası «Ishga marhamat» monoorayı «Santexnika hám slesarlıq isleri ustası» kásibine tıńlawshılıqqa shaqıradı. 🔷Bul kursta siz “aqıllı” qazanxanalar, suw ısıtqıshlar, nasoslardı qurıw hám ońlaw, kanalizaciya hám ısıtıw sistemaların ornatıw, santexnikalıq xızmetler kósetiw, montaj sızılmaların oqıw hám sızıw, gaz-suw támiynatı hám aqaba suw sistemalarında paydalanılatuǵın materiallar menen islewdi úyrenesiz. 📝Oqıw kurslarınıń dawamlılıǵı 3 ay bolıp, 30% teoriyalıq hám 70% ámeliy formalarda ótkeriledi. ⌛️3 aylıq kurs bahası – 1 mln. 125 mıń sum (1 ayǵa – 375 mıń sum). Qalalıq hám rayonlıq Kámbaǵallıqtı qısqartıw hám bántlik bólimlerinen jollamalar alıp kelgen jumıssız puqaralar biypul oqıtıladı. 🎗Kurs juwmaǵı menen tıńlawshılarǵa mámleketlik úlgidegi sertifikatlar beriledi. ☎️Qosımsha maǵlıwmat ushın telefonlar: +998 (91) 371-74-57 +998 (90) 574-74-57

🍰Monoorayımızda «Keytering xızmeti (konditer)» kásibinde konditer ónimlerin tayarlaw sırların úyrenip atırǵan intalı tıńlawshımız Keńesbaeva Dilaram tárepinen biskvitli miyweli tort tayarlandı. 🧁Bul tort túrk texnologiyalarına tayanǵan halda tayarlanıp, onıń quramına túrk biskviti, muzqaymaqlı krem, shiyrin miyweler hám basqa da ingredientler kiredi. 🥮Torttıń salmaǵı 2,5 kg. Bul tort qálegen bayram, toy yaki tuwılǵan kúnniń sáni bola aladı, sebebi shıraylı kórinisinen tısqarı ol tákirarlanbas ájayıp dámge de iye. 🏢Monoorayımızda injener-usta Kutlımuratova  Guljaxannıń basshılıǵında usınday konditer ónimleriniń kóplegen túrleri tayarlanadı.

🧑‍💻 Monoorayımızdıń «Kompyuter operatorı» kursın gezektegi topar pitkerip shıqtı. ✨Tıńlawshılar 2 ay dawamında injener-usta Babajanov Uluǵbektiń basshılıǵında HTML, CSS, CSS3, Bootstrap, PostgreSQL, MongoDB, Oracle sıyaqlı programmalaw texnologiyaların úyrendi. 🔷Olar alǵan bilim hám kónlikpeleri boyınsha juwmaqlawshı imtixanların tapsırıp, jańa zamanagóy kásip iyelerine aylandı. 🔷Endi kurstı pitkerip shıqqan 14 tıńlawshıǵa mámleketlik úlgidegi «Kompyuter operatorı» sertifikatları tapsırıladı. 💻«Kompyuter operatorı» kursı boyınsha jańa topar ashılǵanlıǵın hám oǵan tıńlawshılardı jıynaw baslanǵanlıǵın málim etemiz. 📝Kursta oqıwdı qálewshiler tikkeley monoorayımızǵa kelip xabarlasıwına yaki tómendegi telefonlarǵa qońıraw etiwine boladı: +998 (88)-353-83-96 Telegram | Instagram | YouTube |  Facebook

🏢Monoorayımızdıń «Servis hám xızmet kórsetiw» bólimi «Uwqalawshı» toparında 17 tıńlawshı pitkeriwshi imtixan tapsırdı. ✨ Olar 2 aylıq kurs dawamında emlew, kosmetologiyalıq, segmentar-reflektorlı, noqatlı, gigienalıq, sport hám balalar massajları boyınsha injener-usta Allambergenova Dilnozanıń basshılıǵında ámeliy hám teoriyalıq shınıǵıwlar ótti. 📝«Uwqalawshı» toparına jańadan tıńlawshılardı jıynaw baslanǵanlıǵın málim etemiz. ✅Pitkeriwshilerge iyelegen kásibi boyınsha sertifikatlar berilip, bul hújjet puqaralarǵa nızamlı túrde dáramatlı jumıs alıp barıw huqıqın beredi. Telegram | Instagram | YouTube |  Facebook

🏢 Nókis qalası «Ishga marhamat» monoorayı milliy qol ónerine qızıǵıwshı jaslardı «Xalıq quwırshaqların tayarlawshı kásipker» kursına shaqıradı. ✨Eger siz gózzallıqtı súyetuǵın bolsańız, balalardı jaqsı kórseńiz, estetikalıq dizayn túsinigine, salamat dúnya qarasqa iye bolǵıńız kelse, álbette, biziń kursımızǵa jazılıń. 🔷«Xalıq quwırshaqların tayarlawshı kásipker» kursı bul tek qana jumsaq oyınshıqlar jasaw emes, al átirapqa, keleshekke bolǵan kózqarastı qáliplestiriw, ómirge degen súyispenshilikti bekkemlew, ózlerińiz ushın jańa dúnya ashıw ushın stimul jaratıwdı óz ishine aladı. ✅Sebebi, toqıma buyımlardı jaratıw processinde insannan talap etiletuǵın dóretiwshilik potencialın ashıw - kursımızdıń baslı wazıypalarınan sanaladı. 📝Biziń kursımızda siz: - Kishkene balalar ushın oǵada súyikli bolǵan toqıma oyınshıqlardı toqıwdı; - Hár qıylı materiallardan jumsaq oyınshıqlar tigiwdi; - Monshaq hám biserden sumkalar hám aksessuarlar jasawdı; - Papier-mache texnikasında suvenir buyımların jaratıwdı; - Qaraqalpaq milliy qol óneri túrlerin úyrenesiz. 🎗Kursımızdı pitkergennen soń siz kishkene balalardı quwantatuǵın shıraylı oyınshıqlardı hám suvenirlerdi jaratıwdı úyrenip, ózińizge dáramat keltiretuǵın óner menen shuǵıllanıw mumkinshiligine iye bolasız. ⚡️Asıǵıń, balalardıń kúlkisi siz úyrengen ónerden de kelip shıǵadı. Maǵlıwmat ushın telefon: ☎️ 88-634-68-68 Telegram | Instagram | YouTube |  Facebook

🏢 Nókis qalası «Ishga marhamat» monoorayı menen Tómengi Ámiwdárya irrigaciya tarmaqları basseyn basqarması arasında dúzilgen shártnamaǵa muwapıq monoorayımızdıń «Elektrik» kásibinde oqıǵan basqarma xızmetkerlerine mámleketlik úlgidegi sertifikatların tapsırıw máresimi bolıp ótti. ⚡️Tómengi Ámiwdárya irrigaciya tarmaqları basseyn basqarması xızmetkerleri 3 ay dawamında «Elektrik» kásibinde injener-usta Seytnazarov Dauletbaydıń basshılıǵında kásip iyeledi hám ámeliy kónlikpelerin arttırdı. 📝Sertifikat penen birge olarǵa 1000 voltqa shekemgi elektr úskenelerinde islew ushın ruxsatnamalar da tapsırıldı. Telegram | Instagram | YouTube |  Facebook

✨HÚRMETLI PUQARALAR! Monoorayımızdıń «Tiginshilik» kásibinde jańadan kurs ashılǵanlıǵın xabarlaymız. 🪡Eger siz tiginshilik kásibi boyınsha tayanısh bilim hám kónlikpelerge iye bolsańız, biz sizdi monoorayımızda jańadan ashılıp atırǵan «ASTARLÍ SÍRTQÍ KIYIM» kursında óz sheberligińizdi asırıwǵa shaqıramız. 📝Bul kursta siz er adamlardıń hám hayallardıń astarlı ústi kiyimlerin, zamanagóy dizayndaǵı kostyum-shalbarlardı, sonday-aq plaщ, kardigan, abayya sıyaqlı quramalı formadaǵı astarlı kiyimlerdi usta dárejesinde tigiwdi úyrenesiz. ✅Gúz-qıs máwsiminde qalıń sırtqı kiyimler xalıq ishinde joqarı talapqa iye bolǵanlıqtan, bul kiyimlerdi tigiwdi úyrenip, jaqsı dáramat iyesi bolıw imkaniyatınan paydalanıń. 🎗Monoorayımız injener-ustaları sizlerge astarlı kiyim tigiw ónerin joqarı dárejede úyretiwge tayar. ⌛️Kurs usı jıl 4-noyabr kúni saat 09-00 de Nókis qalası «Ishga marhamat» monoorayınıń bas imaratında baslanadı. Kurs dawamlılıǵı – 2 ay. 💸Kurs bahası – 1 mln. sum (1 ayǵa – 500 mıń sum). ✨Kurs azanǵı mezgilde oqıtıladı (saat 09-00 den 13-00 ge shekem). ⚡️Esletip ótemiz, «ASTARLÍ SÍRTQÍ KIYIM» kursına tiginshilik kásibinen xabarı bar, aldın usı kásipte oqıǵan yaki islep atırǵan puqaralar qabıl etiledi. ☎️Maǵlıwmat ushın telefon: +998 (90) 653-83-09 Telegram | Instagram | YouTube |  Facebook

DIQQAT!!! 📢 Húrmetli puqaralar sizdi Nókis qalasi «Ishga marhamat» monoorayındagı “RUS TIL” kursına mirát etemiz. 🙋‍♀️🙋‍♂️Biz sizge 3 ay dawam etiwshi «RUS TILI» kursında baslangısh dárejesinen baslap... ✅ Rus tilinde erkin sóylew  ✅ Rus tili grammatikasın úyretemiz ✨Oqıw orayımızdı tabıslı tamalaǵan tıńlawshılar ushın arnawlı GUWALÍQ beriledi. ⚠️ ASIǴIŃ ORINLAR SHEKLENGEN 🧭Biziń mánzilimiz: Nókis qalası,  A. Utepov kóshesi n/jay.  👉Baǵdar:  "ISTIQLOL" park.  ☎️Tel: (+99855) 102-40-12 (+99855) 102-40-17 Telegram | Instagram | YouTube |  Facebook

🏢 Monoorayımızdıń "Xizmet kórsetiw hám servis" bóliminiń "Jas balalar baģıwshısı, tárbiyashı járdemshisi" kásibiniń injener ustası Saribaeva Gùljahan tıńlawshılarģa "Mektepke shekemgi tálimde qollanılatuģın oyınlar hám olardı shólkemlestiriw usılları" temasında ashıq sabaq ótti. 📝Tıńlawshılar ótilgen sabaqtan kóplegen paydalı maģlıwmatlar aldı. Telegram | Instagram | YouTube |  Facebook

🏢Nókis qalası "Ishga marhamat" monoorayı keshki mezgilindegi "Kepserlew ustası" kásibiniń ámeliyat sabaģınan video kórinis. Telegram | Instagram | YouTube |  Facebook

🏢 Nókis qalası "Ishga marhamat" monooray Issixanasında joqarı sapalı awıl xojalıq ónimleri jetistirilmekte! Telegram | Instagram | YouTube |  Facebook

🏢 Nókis qalası «Ishga marhamat» monoorayında Ózbekstan Respublikası shańaraq hám hayal-qızlar komiteti baslıǵı Z.Mahkamovanıń Nókis qalasında jumıs alıp barıp atırǵan isbilermen hayallar hám qalanıń úgit-násiyatshılar toparı menen ushırasıwı bolıp ótti. ✨Ushırasıwda qalamız hayal-qızlarınıń kewil keypiyatları joqarı ekenligi, olardıń saylaw mapazında belsendilik kórsetip, 27-oktyabr kúni bolıp ótetuǵın saylawlarda múnásip talabanlarǵa dawıs beretuǵınlıǵı hám óz máhállerinde shańaraqları menen birgelikte dawıs beriwge tayar ekenligi atap ótildi. 🎗Sonıń menen bir qatarda  25-oktyabr – Ózbekstan Respublikası Ishki isler uyımları xızmetkerleri kúni múnásibeti menen bir qatar ishki isler sistemasında xızmet etip atırǵan hayal-qızlar sıylıqlandı. Telegram | Instagram | YouTube |  Facebook