دفعه التابلت 2024

مساء الخير يا شباب 🤍 🌟فى بداية التحضيرات لاى امتحان لازم تقتنع ان اعلى تقدير فى المادة فى حد جابه قبلك يعنى الموضوع مش صعب زى مانت متخيل وانت تقدر تعملها لو اشتغلت بذكاء 👌🏻 🌟الامتحانات القديمة 👈🏻 دى بتكون خطوتنا الاولى علشان نفهم اللى حاطط الامتحان بيركز على اية وطريقة الاسئلة بتيجى ازاى علشان ما نتفاجئش اننا مذاكرين بطريقة ونظام الاسئلة جاى بطريقة تانية خالص 💁‍♀️ 🌟وحد المصادر 👈🏻 المصدر اللى انت ذاكرت منه خليه نفس مصدرك فى المراجعة علشان تبقى المعلومات مألوفة بالنسبالك وما تتشتتش وتحس انك بتذاكر لاول مرة , وعلشان تستغل ذاكرتك البصرية وتنجز اسرع 🤩 🌟لو عندك list طويلة من الحاجات الغير مترابطة ومش عارف تذاكرهم ف الحل هنا انك تجمعهم فى حاجة منطقية يقدر عقلك يستوعبهم بسهولة واكتر حاجة عقلك ممكن يستوعبها بشكل افضل هى القصص والحكاوى الطريقة دى بتاخد وقت لكن بتخلى المذاكرة ممتعة والاهم انها بتذكرك بالحاجات الصعبة بسهولة ☺️🤍 🌟لو فيه اجزاء كتير لسة ما ذاكرتهاش هنعتمد على ✨الطرق المختصرة ✨ هنشوف اقصر حاجة للشرح حتى لو هنشوفه من فيديوهات المراجعة ونحاول نحل كتير علشان نتعود على الاسئلة🥰

تريكات مهمة لفترة الأمتحانات 📚 ▫️ترتيب كل اللي هتحتاجه من: ملخصات، كتب، أسئلة.. ▫️ياريت تمنع السوشيال ميديا إلا للضرورة👩‍🦯 ▫️من آثر الراحة فاتته الراحة هي فترة رخمة بس معلش ذاكر بعين وعيط بالتانية :') ▫️الدعاء والتوكل على الله🤍" ▫️انت طول السنة بتتلقى العلم ودا وقت أداءه، سيبك من التلخيص دلوقتي ركز ع حل امتحانات السنين اللي فاتت وامتحنات study zone. ▫️نام كفاية عشان قلة النوم هتخليك تجيب الشوال في المادة :') ▫️لو حسيت انك مضغوط متهربش من ضغوطاتك للتلفون جرب تلعب رياضة 10 دقايق مش هتأثر على وقتك الثمين.. ▫️ لو قصرت في حفظ القرآن اقرأه المهم لا تهجره بحجة الامتحانات، ما زاحم القرآن شيئاً إلا باركه🤍" ▫️الإمتحان بيبدأ امتى؟ بعد الفجر صح؟ طب ما تذاكر بعد الفجر عشان تتعود على استحضار المعلومات في الوقت دا. ▫️قائمة المهام بتزداد أهميتها في المعجنة دي👩‍🦯 ▫️ "درجاتك=رزق" مفيش فايدة من جلد الذات بقا ويارتني ومارتنيش كل دا مكتوب من قبل ما تتولد اسعى انت بس :") ▫️هيجيلك أفكار جامدة جداً لحاجات أحلى من المذاكرة اكتبها بقا =اه وبعدين ولا قبلين لما تيجي الإجازة يحلها الحلّال سلام^^ #نصائح_الدراسة 💡

- سورة الكهف - قال رسول الله صلى الله عليه وسلم: «من قرأ سورة الكهف في يوم الجمعة، أضاء له من النور ما بين الجمعتين»

خايف وقلقان خايف انك تفشل ومتلحقش تلم المنهج!  بتهرب من الواقع وتضيع وقتك على الأفلام أو النوم أو الأكل!  عمال تقلل من أهدافك وطموحاتك!  تكون لا مبالي ومش فارق معاك حاجة!  ده كله نهايته ندم وندم كبير وندم مؤلم.. لو عقلتها هتلاقي إن: المحاولة أنفع بكثير من الندم 🖤 لو انت صفر في المنهج تقدر تقفل الامتحان عندك study zone عليه كل المراجعات والشرح والامتحنات الي مش هيخرج منها الامتحان ومجاني توكل ع الله نزله وذاكر واعمل اللي عليك..  لأن الراحة لا تُدرك بالراحة..))  أنت بنفسك رغم انك دلوقتي هربان من مذاكرتك ومش بتعمل أي مجهود إلا انك مش مرتاح إطلاقا وغضبان جدًا.. اعقلها وتوكل 🖤

‏ اللهُم في اول جُمعة في رمضان إروي أمانينا بِماء جودك وكرمك وحقق لنا الأحلام المُعلقة واجعلها جُمعة خير وعطاء وبركة تُزهر بِها أيامنا، متنساش صورة الكهف 🖤 جمعة مباركة 🖤

صباح الخير يا صَحب .. صباح الخير جدًا جدًا يعني، احنا دلوقتي بعد الفجر وقت مُناسب جدًا ترتب نفسك و تبدأ من جديد في كُل حاجة [ المُذاكرة ] -حتى لو مبدأتش أصلًا؟! =حتي لو مبدأتش أصلًا، طُول ما في نَفس قُوم .. اتحرك . اشتغل، متنتظرش حد ياخد بإيدك، خليّك كُل حاجة مُنتظرها من الناس لنفسك. -قعدة في البلكونة مع الكتاب، و قُرآن بصوت هادئ و كُوباية شاي بنعناع = جِلسة مُذاكرة Perfect حقيقي. -لسّه في فُرصة .. لسه في مُحاولة .. لسه فيك نَفس؛ جرّب [تعيش بشغف!]

هنفضل نقولك في بداية كل يومك علشان لو فكرت انك خلاص لما راكمت خلاص انتهت لا أنسي اللي فات وأبدء من جديد ، الناجح لما نجح فشل كتير أوووي والكسبان لما كسب خسر كتيير أوووي لحد ما رجع تاني روح الانتصار وقدر يرجع تاني للمكسب ، اسمع بالله عليك الكلام وابدأ ب نية جديدة حاول تقعد بس علي مادة سهلة في الاول كدا ، ورد القرآن بتاعك و صلي الفجر لو مصلتش لسة وعلي مكتبك يلا ، ويومك احلي من إمبارح وانجازته اكتر ان شاءالله 🖤

- سورة الكهف - قال رسول الله صلى الله عليه وسلم: «من قرأ سورة الكهف في يوم الجمعة، أضاء له من النور ما بين الجمعتين»

صباح الخير ايه رأيك تعتبر النهارده بداية جديدة اعتبر ان النهارده اول يوم في ثانوية عامة حتي لو كنت قصرت جامد في اللي فات وتقول اني مش هقدر اكمل ولا هقدر الم اللي عليا انت تقدر بس مش تحاول تقنع عقلك ب ده، قوم كده صل الفجر وقول اذكارك واقرأ صفحه من القرآن وانا معاك اهو هعتبرها بداية جديدة بنية صادقة مع الله انه يوفقنا جميعا 🫀 يلا بقي ... بسم الله الرحمن الرحيم🫀