هەستی❤️دڵ

ئەشـەو جوانتـرین و نایاب ترین بابـەتە ڪوردی ڪانـی تـێڵـێگرامـان بۆ هیناون فەرموون بشدار بن👇👇👇 گرووپی لیستی ئاڵوگۆڕی ڕۆژهەڵات پێشکەش دەکات🌸🫴 📝بــۆ بــشــداری لـیــســت ✍@BUKANEE

شەوتان شاد

دڵپاکی بەشی ۳ بەیانی زوو، مامۆ فایەق خۆی سەر پردەکەی خوار ئاوایی گرت. بە وردی ناو ڕان گەڕا. بەداخەوە بەران چار نەبوو! لەگەل ئێقباڵ ڕانیان لێ خوڕی. گەیشتنە سەر ئاو، بێ ئێوە ناخۆش چاشتە چایی و نانێکیان خوارد. کاتێ ڕانیان ڕا دا، مامۆ فایەق وتی: - ڕۆڵە ئاگات لە ڕانەکە بێت. من تاوێ ئەڕۆم بۆ لای خاڵۆ سەی خالید. بەشکم بەران چار لە ناو شەگەلەکەی ئەوان بێت. ئامان ڕۆڵە نەچێتە سەر زیان خەڵک. ئامان هۆش سەرشانەکانت بێت. زۆرتر گورگ لەوێ خۆی حەشار ئەدات! - باشە باوە گیان بێخەم بە. لابەلا ڕێگەی پەچەی شەگەلەکەی خاڵۆ سەی خالیدی گرتە بەر. پاش کاتژمێرێک گەیشتە ئەوێ. خوا هەڵناگرێ خاڵۆ لە دوورەوە هەستایە سەر پێ و هات بۆ پێشواز. سڵاو و دەست و مشتاقیان کرد. دوای بەخێرهاتن و هەواڵپرسی، خاڵۆ پرسی: - مامۆ فایەق گیان، ئۆغر؟ - درۆت عەرز نەکەم دوو ڕۆژە بەرانی ماڵ خاڵۆژن ڕەزیە دیار نییە. وتم بەڵکوو هاتبێت بۆ ناو شەگەلەکەی ئێوە! - وەڵڵا خۆ کوڕەکان وتیان سەرێ غەریبەی هاتیا. خوا بیکا ئەوە بێت.کەماڵ ڕۆڵە ئەو حەیوانە بێنە! کەماڵ مەڕێکی هێنا. سڵاو و بەخێرهاتنی کرد و وتی: - ئەمە دوێکە دەمەو ئێوارە کردیە ناو حەیوانەکانا. - ئەوە نییە بە خوا. هی ئێمە بەرانێ چارە. مەڕێ بەردا و چوو بە لای ئیش و کاریەوە. خاڵۆ دەورێ چایی تێ کرد و وتی: - خوا کردی هات بۆ ناو شەگەلەکەی من، هەواڵت پێ ئەدەم. - خوات لێ ڕازی بیت. ماڵت نەشێوێ! @Diwakhan1401 مامۆ فایەق خواحافیزی کرد و بە دڵێکی پڕ لە خەفەت، گەڕاوە بۆ لای ڕان ئاوایی. کاتێ ئێقباڵ ڕەنگ و ڕوویی باوکی بینی، کزی کرد و هیچی نەوت! هەستی کرد ئەو ڕوخسارە  هەواڵ خۆشی پێ نییە! - باوە گیان، مەیکە بە ناڕەحەتی بۆ خۆت! ان شاءاللە شوێنێکی هەڵەکەین. - ڕۆڵە کەس نازانێ ئەم بەرانە چی لێ هات؟ ئەگەر گورگ خواردووییە، کوانێ قوڵاخی، سەرێ پێستێ قاچێ؟ ئەگەر قاچی شکاوە و بە جێ ماوە، دەی خۆ بنەبەرد و بنەدەوەن نەماوە نەگەڕم! ئیمڕۆ خۆم بەر ڕان ئاواییم گرت، نەمدی. عەتا ئاوایی گەڕاوە لە هیچ ماڵێکدا نەبووە! نازانم پەنا بە کێ ببەم؟! - باوە گیان ماڵ حەڵاڵ تیاناچێت. کاوڕەکەی ماڵ عەباس مامۆ جەمیل دوای دوو شەو پەیا بوو. ئێوارە کات نانچنینەوە، شەرمین پرسی: - ئێقباڵ، مانوو نەبیت. ئەرێ چیتان کرد؟ بەرانەکەی ماڵ خاڵۆژن پەیا بوو؟ - برات نەمرێت. نە بە خوا.کەس نازانێ چی لێهات؟! وەک مێردەزمە لە چاو گووم بوو! - خوا گەورەیە. بەشکم بە زوویی شوێنی هەڵکەن! حیسام لە ژێردا هات. کاتێ شەرمین و ئێقباڵی پێکەوە بینی، هاواری کرد: - چیت نەکراوە؟ حەیوان مەردم تیا ئەبەن ئیستەیش خەریک دەمەتەقێی؟ - کاکە گیان، بە خوا شوێن نەماوە نەگەڕین. - بڕواتان پێ ناکەم. ئەبێت تۆ و باوکت دڵپاکیم بۆ بکەن! ئێقباڵ بە ناڕەحەتی گەڕاوە بۆ ماڵەوە. دایکی پرسی: - چییە ڕۆڵە؟ بۆ چی ڕەنگت پێوە نەماوە؟ - وەڵڵا لە داخ حیسام خاڵۆژن ڕەزیە خەریکە شێت ئەبم. باوڕی بە من و باوکم نییە. داوای دڵپاکیمان لێ ئەکات! - خوا ئامان خوا! دڵپاکی چی خۆم ڕۆ؟ @noman_barzegar لەو کاتەدا مامۆ فایەق هاتە ماڵەوە. وتووێژ خێزانی و ئێقباڵی بیست. - ژنەکە هیچ لە خۆما شک نابەم. وەک چاوەکانم باوڕم بە کوڕەکەیشم هەیە. ئەگەر بە دڵپاکی ڕازین، ئێمەیش ئەیکەین! - واز بێنە پیاوەکە! ماڵم کاول مەکە! بۆ خاتر خوا ڕوو مەکە لە قورئانەکە! - ژنەکە! خوا بمگرێت ئەگەر حەز بە قورئان خواردن بکەم. بە خوا بە مردن مناڵەکانم ڕازیم تا سوێن خواردن! مامۆژن بانگی هەڵدا و بە گریانەوە وتی: - یا خوا قەزایان لە من کەوێت. یا خوا بە قوربانیان بم. - ژنەکە تا ئەم کات و ساتە ڕووم نەکردووە لەو قورئانە. بەڵام ئەگەر دڵپاکی نەکەم، بەرانەکە بەسەرما ساق ئەکەنۆ! - بە جێگەی بەرانێ دوو سەر حەیوانیان بۆ دەرکە و قورئانەکە مەخە عەزیەت! - ئای لە تۆ!!  یانێ خۆم بە دەست خۆم بێژم بەرانەکەتانم تیا برد و ئەوە دوو مەڕ؟ کاتێ حیسام لە ماڵ خۆیان باس دڵپاکی کرد. دایکی گڕیی تێ چوو: - بۆ خاتر خوا کار وا نەکەی؟!! ماڵم وێران نەکەی!! باوکەڕۆ بۆ بەرانێ فێڕن قورئان مەخە بەین!! ئەی هاوار من بەرانم ناوێت. تەواو دەوڵەت و حەیوانەکەم ئەدەم بەڵام نایەڵم کەس قەسەم بدەی!! - کاکە بۆ چی وات لێ هاتووە؟ جاران کەس وەک تۆ ڕقی لە دڵپاکی کردن نەبوو! ئەو ساڵە گەنمەکەی ماڵ حاجی سووتا، وتیان داوای دڵپاکی ئەکەن لە کوڕەکان خەڵیفە. ئەزانی چەنێ پێت ناخۆش بوو؟ - ئێوە چووزانن!  تەنیا من فایەق و کوڕ فایەق ئەناسم. بەرانەکەی ئێمەیان تیا بردووە جارێ کاکە گیان لەگەل شەرمین ئەمیر ئەرسەلان ئەخوێنێتۆ. پیاو نەبم ئەگەر سوێنیان نەدەم! خاڵۆژن ڕەزیە و عەتا زۆریان وت، بەڵام حیسام نەیبست و لەسەر بەزم خۆی بوو! کۆتایی بەشی۳ #سید_نعمان_برزگر #نەعمان_بەرزگەر 🚫کۆپی کردن،بە بێ ئاماژەدان بە ناوی نووسەر و دانانی لینکی کەناڵ، قەدەغەیە. ▪️چیرۆک و بەسەرهات @noman_barzegar https://s8.uupload.ir/files/inshot_۲۰۲۴۰۳۳۱_۰۲۱۳۳۳۷۲۲_gh80.jpg

#نرخی_بوونت بە شێعرێ مەست و سەرخۆش دێمە ژوانت سەدان ئیلهام بە چاوانت دەدەی پێم کە تۆش وەک من بە تاسەی دیتنێکی دەبێ بێم و دەبێ بێم و دەبێ بێم هەناسەم تۆ نەبی کوا دەشکێ تاسەم چ بێ مانایە بێ تۆیی و سەبووری دەبوو بیدەم بە ماچێ هەست و نیستم ئەگەر تا ئێستێ نەدراوە، دەبووری ئەوینت چۆن لە نێو دڵدا وەشارم؟ دەبا ڕسوایی خۆمت بۆ لە قاو دەم لەبەر چاوی ئەتۆ نا، چاوی شارێک منی شەیدا بە شەیدایی لە چاو دەم کز و سست و پەشۆکاو و ڕزیلەم بە بایەک لاترە بۆ دەورم دەبەستم کچێ بەخودای ئەوین من عاشقێکم کە بۆ مان چاوەڕوانی یەک نەفەستم لەنێو گێژاوی غەمدا ڕۆدەنیشم هەتا بێی و دەرم‌بێنی بە دەستت لە گەرمای باوەشتدا تێمگەیێنی ئەوینە، تۆش هەموو خولیا و مەبەستت ئیزن دەی هەڵمژم بۆنی قژی خاو هەتا سڕ بن لەش و گیان و دڵم بۆت لەشت بکوشم بەخۆوە یەک بەخۆم و بکەم تێکەڵ لەگەڵ ژینم پەڕ و پۆت قەرزدارم بە بوونی تۆ دەزانم دەبی خۆش لێم بە لوتف و مێهرەبانیت ژیانێکت بە من بەخشی  بە بوونت دەبێ من چی بدەم بۆ نرخی جوانیت؟ ✍ #کاوەداشبەندی @hastidlll

‍ "شینی هەژاران بۆ هەژار" لە باخی نیشتیمانی کورد چریکەی بولبولان نایە لە شاری دڵ بە ناسۆران ، نەوای ساحیبدڵان نایە هەواڵێڪی بنێرن بۆ بەهارەی وا لە ڕێدایه گوڵەفشانی نەکا ئەوساڵ لەمە، وەڕزی گوڵان نایه خەفەت وەک مۆتە‌دڵ دەکوشێ لەمەڵبەندی هەژارانا له بن باری خەمی مەرگی هەژار هەستی دڵان نایە گەلی سۆران و بادینی هەواران چۆل دەکەن ئەوساڵ بەرەو کوێستانی کوردستان قەتاری تاوڵان نایه تەمی مەینەت دەڵێی هەوره لەسەر ئاسۆی موکریانە لە شاری من ترووسکەی شەم لە ماڵ و مەنزڵان نایە بە مەرگی بولبولی هێژا سرشتیش نازی لێ شێوا جریوەی خەم ڕەوێنی مەل لەسەر پەلک‌و چڵان نایه لە من خێڵی ئەجەل کەوتۆتە هەوراز و سەرولێژی زرینگەی زەنگی کاروانی،له بن گوێی غافڵان نایه بە دڵ پێم خۆشە بۆ پرسەی یاریدەری گەل بم بەڵام چیبکەم حەتەم‌کاری لەدەس بێ حاسڵان نایە #ناسرئاغابرا (ژاکاو) ‌ @hastidlll