Free Belarus Center 🇺🇦

Сілавікі просяць у беларусаў за мяжой паведаміць свой адрас ці выслаць дамову арэнды. "Наша Ніва" ведае каля 20 выпадкаў, калі беларусам за мяжой пісалі сілавікі, каб даведацца адрас пражывання. Гэта былі як былыя палітвязні, гэтак і звычайныя людзі, якія выехалі пасля 2020 года. Частка з іх даслала свой адрас, частка — не. Юрыстка "Вясны" Святлана Галаўнёва растлумачыла журналістам, навошта сілавікам адрасы беларусаў: • Чалавек знаходзіцца на ўліку пасля адбыцця пакарання, і, каб сілавікам больш не працаваць па ім, трэба пацвярджэнне, што чалавек з'ехаў. • Заведзена крымінальная справа, і міліцыі трэба падставы, каб падаць у вышук і такім чынам завяршыць працу па крымінальнай справе. • Патрэбныя падставы, каб распачаць крымінальную вытворчасць. Пры камунікацыі з сілавікамі яна раіць даваць толькі неабходны мінімум інфармацыі, звесткі пра ваша месца пражывання лепш не раскрываць.

150 человек сегодня эвакуировали в Варшаве из-за беларуса, который пришел в Министерство труда с целым арсеналом в сумке. При досмотре у 44-летнего гражданина Беларуси, который пришел в Министерство семьи, труда и социальной политики в Варшаве, нашли газовое оружие, телескопическую дубинку, перцовый газ, несколько ножей и другие опасные предметы. Как пишет Reform.news, из здания было эвакуировано около 150 человек. После полудня мужчину вывели из здания польские службы. «В его сумке находились среди прочего: газовое оружие, телескопическая дубинка, перцовый газ и несколько ноже. Предварительно можем сообщить, что владение этими предметами не запрещено польским законодательством. Мужчина не использовал их при входе в здание, никому не угрожал, вел себя спокойно», — заявил TVN24 сержант Якуб Пацыняк из комендатуры полиции Центрального района Варшавы.

Школа па правах чалавека і адукацыйны моладзевы візіт у Нарвегію! Новы набор на Базавую школу па правах чалавека і адвакацыі правоў моладзі ад Беларускай Праваабарончай школы і Беларускага нацыянальнага моладзевага савета "РАДА" Базавая школа па правах чалавека — гэта 8-дзённая праграма навучання правам чалавека ад Беларускай Праваабарончай Школы ў афлайне! Пад час Школы вы даведаецеся пра шмат тэм, звязаных з правамі чалавека (напр.: уводзіны ў канцэпцыю правоў чалавека, роўнасць і недыскрымінацыя, нацыянальныя і міжнародныя механізмы абароны правоў чалавека, права на жыццё і праблема смяротнага пакарання, свабода слова і мова варожасці і гэтак далей) ⭐️ Скразной тэмай, якая будзе закранаць усе блокі праграмы Школы, будзе тэма адвакацыі правоў моладзі. Пад час Школы, вы таксама даведаецеся пра youth rights, міжнародныя інструменты абароны правоў моладзі і тое, як адвакатаваць інтарэсы беларускай моладзі. Для каго? Да ўдзелу ў праграме запрашаюцца маладыя беларусы і беларускі (18 - 35 год) незалежна ад іх месца актуальнага пражывання, якія зацікаўленыя ў набыцці ведаў у галіне правоў чалавека. А найбольш матываваныя ўдзельнікі_цы Школы пасля заканчэння праграмы могуць прэтэндаваць на ўдзел у адукацыйным моладзевым візіце ў Нарвегію. Арганізатары_кі забяспечваюць трансфер, пражыванне і харчаванне на працягу праграмы, аднак візавая падтрымка не аказваецца. Працоўныя мовы: беларуская, руская. 📅 Калі: 1-8 жніўня 📍 Дзе: Літва Дэдлайн падачы заявак: 15.07.2024 (уключна). 👉 Рэгістрацыя па гэтай спасылцы #магчымасці #возможности

Ужо сёння на Падляшшы стартуе фэст абуджаных беларусаў TUTAKA. "Галоўны ўсебеларускі летнік" 12-14 ліпеня пройдзе ва ўрочышчы "Барык" каля Гарадка на Падляшшы. Арганізатары, фонд TUTAKA, абяцаюць тры дні незабыўнага творчага драйву.

"Гэта значыць, будзе яшчэ больш арыгінальных музыкаў на сцэнах фестывалю, яшчэ больш майстар-класаў, дыскусій, кінапаказаў, тэатральных эксперыментаў, спартовых мерапрыемстваў і іншых творчых актыўнасцей", — кажуць яны.

Ужо сёння неўзабаве пачнуцца майстар-класы, а ўвечары на сцэну выйдуць Аляксандр Памідораў, luty sakavik ды :B:N:. Розныя актыўнасці і канцэрты працягнуцца ў субботу і нядзелю. 👉 Поўная праграма фэсту TUTAKA па гэтай спасылцы

Эдуарду Бабарыку прысудзілі яшчэ 1,5 года зняволення. Яго абвінавацілі нібыта ў "злосным непадпарадкаванні патрабаванням адміністрацыі папраўчай установы". Справу разглядаў суддзя Павел Карцінен на выязным паседжанні ў самой калоніі, дзе Эдуард адбывае пакаранне — 8 гадоў пазбаўлення волі.

Заўтра ў Варшаве адбудзецца адкрыццё выставы Сяргея Шабохіна "Дэманстратыўная мімікрыя: 7 відэа ў падвале". У рамках экспазіцыі прадстаўленыя сем відэа Сяргея Шабохіна, што ствараліся для розных цыклаў і ўпершыню выстаўляюцца ў адзінай праграме. Усе відэа яднае стратэгія дэманстратыўнай мімікрыі — выяўленне схаваных і выціснутых гістарычных пластоў праз "практыкі падпарадкавання" розным кантэкстам. Відэа не толькі паказваюць, як нараджаюцца і распадаюцца імперыі і як яны выціскаюць любога суб’екта, але і дэманструюць магутны вызваленчы патэнцыял салідарнасці, уяўлення і прагі свабоды. Сяргей Шабохін — мастак, куратар, аўтар тэкстаў пра мастацтва, архівіст, сузаснавальнік і галоўны рэдактар даследчай платформы Kalektar, прысвечанай мастацтву Беларусі. 📍 Дзе: Старамейскі Дом Культуры(Rynek Starego Miasta 2) 📅 Калі: 12 ліпеня (пятніца) з 16:00 да 20:00

💔 Год таму загінуў за кратамі палітзняволены мастак Алесь Пушкін. У сакавіку 2022 года Алесь быў асуджаны да 5 гадоў зняволення ў калоніі строгага рэжыму за нібыта здзек з дзяржаўных сімвалаў і распальванне расавай, нацыянальнай, рэлігійнай альбо іншай сацыяльнай варожасці ці варажнечы. У ноч з 10 на 11 ліпеня 2023 году мастак памёр у рэанімацыі, куды ён трапіў з гродзенскай турмы. У палітвязня была прабадная язва, але ў турме яму своечасова не аказалі дапамогу. Мастак Алесь Пушкін напісаў шмат карцін і правеў безліч перфомансаў. Самы вядомы з іх адбыўся ў 1999 годзе: мастак вываліў каля будынка адміністрацыі Лукашэнкі тачку з гноем, а зверху паклаў і праткнуў віламі яго партрэт. У Варшаве каля бара Karma створаны мурал з выявай мастака.

🥰 У Бабруйску былы палітвязень падараваў ровар дзяўчынцы, якая збірала на яго грошы, іграючы на скрыпцы на вуліцы. Мару адзінаццацігадовай Лізы спраўдзіў Андрэй Бяляўскі — уладальнік крамы ровараў, блогер і былы палітвязень. Андрэя буртальна затрымалі 25 красавіка 2022 года, яму прысудзілі два гады калоніі. Пасля вызвалення у студзені гэтага года прадпрымальнік застаўся жыць і працаваць у Беларусі.

❗️Украінскі Кабмін пастанавіў, што дакументы, вырабленыя або завераныя на тэрыторыі Беларусі, не будуць патрабаваць прастаўлення апастыля і консульскай легалізацыі. Адпаведныя змены Кабінет міністраў унёс у пастанову нумар 1232 "Некаторыя пытанні аказання адміністрацыйных паслуг Дзяржаўнай міграцыйнай службай ва ўмовах ваеннага становішча", паведамляе sud.ua. Адпаведна са зменамі, пры ажыццяўленні вытворчасці па заявах аб прыёме ў грамадзянства і аказанні адміністрацыйных паслуг тэрытарыяльнымі органамі/тэрытарыяльнымі падраздзяленнямі ДМС у перыяд ваеннага становішча і на працягу шасці месяцаў пасля яго спынення або анулявання, дакументы, вырабленыя або завераныя на тэрыторыi Рэспублiкi Беларусь спецыяльна ўпаўнаважанай для гэтага ўстановай або асобай у межах iх кампетэнцыi па ўстаноўленай форме i змацаваныя гербаваю пячаткай, прымаюцца без спецыяльнай даведкi (консульская легалізацыя, прастаўленне апастыля і інш.).

Беларус, якога польскія спецслужбы прызналі пагрозай нацбяспецы, выйграў суд. Як піша Hrodna.life, адміністрацыйны суд у Варшаве ануляваў рашэнне Куява-Паморскага ваяводства аб пазбаўленні беларуса Паўла Юшкевіча віда на жыхарства. Таксама Агенцтва нацыянальнай бяспекі Польшчы цяпер не лічыць яго пагрозай. Нагадаем, беларус Павел Юшкевіч пражыў у Польшчы больш за 20 гадоў, атрымаў адукацыю ў польскім універсітэце, абараніў доктарскую, адкрыў бізнэс і стаў выкладчыкам. Павел з 2012 года спрабуе атрымаць польскае грамадзянства, а ў студзені 2024 года яго від на жыхарства анулявалі, прызнаўшы беларуса пагрозай нацыянальнай бяспецы.