عَوْن♥️✨

((🔻سيدنا هود وقوم عاد🔻)) بعد الطوفان وانتشار البشر من جديد في الأرض، وصلت ذرية «إرم» ابن سام بن نوح لمكان قريب من اليمن اسمه الأحقاف، مكان كله رمال، وهناك عاش قوم عاد قوم عاد ربنا ميزهم واختصهم بحاجات كتير، من أهمها المهارات العقلية والجسدية، وكانوا أقوياء جدا وقوتهم دي كانت بتسهل عليهم البناء والعمران عشان كدة اشتهروا بالبيوت ذات الأعمدة الضخمة جدا (إِرَمَ ذَاتِ ٱلۡعِمَادِ). كانوا بيبنوا بيوتهم بين الجبال وفوق المرتفعات وبيتفننوا فيها، رغم انهم مش محتاجين ده كله، إنما كان من باب الغرور والتفاخر. ربنا كمان رزقهم بالماء العذب بكثرة فكانوا أمهر الناس في الزراعة ومنطقتهم كانت كلها خضرة وعيون، بس كعادة أي قوم لما اغتنوا وحسوا انهم امتلكوا الدنيا وما فيها نسيوا الآخرة. ابتدا ينتشر بينهم الفساد والمعاصي لحد ما عبدوا الأصنام، فكان قوم عاد أول من عبدوا الأصنام بعد الطوفان، فبعث الله فيهم سيدنا هود اللي كان واحد منهم، وابتدا يدعوهم للتوحيد وترك الأصنام، فكرهم بنعم ربنا عليهم ودعاهم انهم يعبدوه وحذرهم من الكفر وعذابه، رد عاد كان بالتكذيب والإعراض، واتهموا سيدنا هود بإنه بيحاول يبعدهم عن عبادة آلهتهم، وطلبوا منه كمان انه ينزلهم العذاب اللي بيحذرهم منه ده من باب انهم يعجزوه طبعا (نفس اللي عمله قوم سيدنا نوح) سيدنا هود رد عليهم وقالهم إنه مبعوث ليهم عشان يدعوهم لعبادة الله وبس، إنما العذاب ده فالله أعلم بيه مش من اختصاصه هو كرسول.. استمر قوم عاد في تكذيب سيدنا هود وقالوا انه مقدمش أي أدلة تخليهم يصدقوا وان كل ده مجرد كلام طالع منه مش أكتر من غير أي دلائل أو معجزات واضحة. صحيح معجزة او معجزات سيدنا هود مش معروف ايه هي تحديدًا لأنها لم تذكر في القرآن لكن الأكيد ان سيدنا هود قدم الدلائل والآيات اللي تثبت نبوته وتخلي أي حد يشوفها يصدق ويآمن، فا ربنا كذبهم وقال عنهم (وَتِلۡكَ عَادࣱۖ جَحَدُوا۟ بِـَٔایَـٰتِ رَبِّهِمۡ وَعَصَوۡا۟ رُسُلَهُۥ وَٱتَّبَعُوۤا۟ أَمۡرَ كُلِّ جَبَّارٍ عَنِیدࣲ) فا بكدة نفهم انهم شافوا آيات ربنا اللي تخليهم يآمنوا لكنهم عاندوا واستكبروا واستمروا علي الكفر، ورغم كدة سيدنا هود فضل يدعوهم، لكن لما يأس منهم حبّ يبرأ نفسه قدام ربنا فقالهم انا بريء منكم ومن آلهتكم (إِن نَّقُولُ إِلَّا ٱعۡتَرَىٰكَ بَعۡضُ ءَالِهَتِنَا بِسُوۤءࣲۗ قَالَ إِنِّیۤ أُشۡهِدُ ٱللَّهَ وَٱشۡهَدُوۤا۟ أَنِّی بَرِیۤءࣱ مِّمَّا تُشۡرِكُونَ) ومش بس كدة.. سيدنا هود تحداهم وقالهم يجمعوا قوتهم وقوة آلهتهم ويشوفوله طريقة يقتلوه بيها.. رغم التحدي وقوة قوم عاد إلا أنهم مقدروش يأذوا سيدنا هود، وده خلّا العلماء يقولوا ان دي معجزة لسيدنا هود. بعدها اتحدوه تاني وطلبوا منه يوريهم العذاب اللي بيحذرهم منه،،  سيدنا هود قالهم ان اصرارهم وخبثهم ده اللي هيخلي العذاب ينزل عليهم. وبالفعل ابتدا العذاب علي مرحلتين.. المرحلة الأولي: إن ربنا أرسل عليهم حر شديد مع انقطاع تام للمطر، فاختفي العز وجفت العيون وماتت النباتات والأشجار وتحولت البساتين لذبول واحتضار، لحد ما في يوم من الأيام شافوا سحاب عظيم بيقرب ناحيتهم، فرحوا واستبشروا بإن الحال هيرجع زي الأول والمطر هينزل، لكن السحاب مكانش جايب مطر ولا حاجة، انما كان جايب المرحلة التانية من العذاب، المرحلة التانية: كانت عبارة عن هبوب رياح باردة مرعبة بتدمر أي حاجة قدامها، استمرت 7 ليالي و 8 أيام من غير انقطاع.. كان المشهد مرعب، والواحد فيهم شايف بعينه اقتلاع الأشجار والنخيل من الجذور وتطايرها رغم شدتها، وان الواحد بيشوف حد من أهله قدامه بيموت قبله من شدة العذاب. منهم اللي مات في بداية أيام العذاب، ومنهم اللي ربنا زاد في عذابه وقعد كذا يوم بيتعذب لغاية ما مات، منهم اللي ريح رفعته لحد السما وبمنتهي القوة نزل ع الأرض يتكسر ويموت ف الحال، ومنهم اللي ريح بتدخل من أفواههم لأجوافهم وتخرج فا يخرج معاها أعضاءهم الداخلية كلها، فتشوفهم بيتحولوا في ثواني لأجساد خالية شبه جذوع النخل الخاوية (وَأَمَّا عَادࣱ فَأُهۡلِكُوا۟ بِرِیحࣲ صَرۡصَرٍ عَاتِیَةࣲ * سَخَّرَهَا عَلَیۡهِمۡ سَبۡعَ لَیَالࣲ وَثَمَـٰنِیَةَ أَیَّامٍ حُسُومࣰاۖ فَتَرَى ٱلۡقَوۡمَ فِیهَا صَرۡعَىٰ كَأَنَّهُمۡ أَعۡجَازُ نَخۡلٍ خَاوِیَةࣲ) أما مصير سيدنا هود والمؤمنين فكان النجاة، قيل إن ربنا أمرهم بالهجرة لمكان بعيد قبل وقوع العذاب، وقيل إنهم كانوا موجودين وقت العذاب لكنهم برحمة ربنا مأصابهمش أي أذي انتهت قصتنا مع سيدنا هود.. نشوفكم الأسبوع الجاي بقصة جديدة🥰 دُمتم بخير❤ #قصص_الأنبياء_بالعامية

أذكار الصباح 🔻لتحميل الصورة بجودة أعلي: https://t.me/aawnnn/248 🔻لطباعتها بجودة أعلي: https://t.me/aawnnn/249

#سؤال_الجمعة

ما اسم الجبل الذي رست عليه سفينة سيدنا نوح عليه السلام؟

أول حد هيجاوب صح هتواصل معاه خاص وأحول له مبلغ بسيط من باب إدخال السرور علي قلب مسلم💚 وكل اللي هيجاوب صح عمومًا هتنزل ليه شهادة تقدير من باب مساهمته انه يدل الناس علي معلومة جديدة🥰 دُمتم بخير❤

#سؤال_الجمعة

ما اسم الجبل الذي رست عليه سفينة سيدنا نوح عليه السلام؟

أول حد هيجاوب صح هتواصل معاه خاص وأحول له مبلغ بسيط من باب إدخال السرور علي قلب مسلم💚 وكل اللي هيجاوب صح عمومًا هتنزل ليه شهادة تقدير من باب مساهمته انه يدل الناس علي معلومة جديدة🥰 دُمتم بخير❤

((🔻هنكمل معاكم دلوقتي قصة سيدنا نوح اللي بدأناها الأسبوع اللي فات🔻)) يُذْكر أن ربنا أوحي لسيدنا نوح إنه يزرع شجرة معينة وقعد يرعاها حوالي 100 سنة عشان يصنع منها الفلك لما ربنا يأذن (طبعا سيدنا نوح كان بينفذ الأمر لكن هو ميعرفش انه هيتعمل منها السفينة لكن ربنا سبحانه وتعالي عالم الغيب ويعلم ما سيحدث) رغم إن سيدنا نوح توقف عن الدعوة، إلا أن قومه لسة كانوا بيأذوه، وكانوا كمان بيسخروا منه وبيتريقوا عليه، وبيقولوا إنه كان نبي امبارح، وانهاردة بقي نجار! وبيصنع سفينة في صحرا في مكان مفيهوش بحر! ربنا أوحي لسيدنا نوح بإشارة لما يشوفها يعرف إن العذاب خلاص قرب، وهي ان فيه مكان اسمه التنور، لما يلاقي الماية طلعت من التنور وهي في حالة فوران وبتغلي، تجمع المؤمنين وياخد من كل حيوان زوجين اثنين ويطلعوا علي السفينة. ابتدا العذاب وابتدت العيون تتفجر من الأرض والمياه تنزل من السماء بمنتهي القوة والسرعة، ومنسوب المياه ارتفع بسرعة شديدة، وفي ظرف دقايق كانت الأرض غرقانة والناس بتهرب للجبال، وموجة الماية الواحدة اصلا كانت قد ارتفاع الجبل.. قبل ما الموج يشتد سيدنا نوح لمح ابنه «يام» ونادي عليه وطلب ييجي معاه ويؤمن بالله، ولكنه ابنه عاند وقاله انه هيدور علي حبل لحد ما العاصفة دي تهدي، سيدنا نوح حاول يفهمه ان العاصفة دي مش هتهدي ومش هيلاقي مفر من عذاب وغضب الله. في اللحظة دي فصل بينهم الموج.... اختفي يام واشتد الطوفان فكان مصيره الغرق مع الكافرين، سيدنا نوح مقدرش يقاوم إحساس الأب، دعا ربنه إنه ينجيه وانه من أهل بيته، ولكن ربنا قاله ان ابنه مش من اهله، وان اهله هما المؤمنين اللي نجوا معاه في السفينة. عاش سيدنا نوح وأهل السفينة أيام وشهور مستنيين العاصفة تهدي والمطر يتوقف والماية تنشف، ويُروي انه أرسل حمامة واستناها لما ترجع عشان يستدل منها علي جفاف الماية فلما رجعت أدرك ان الماية خلصت والأرض جفت، وأرسي الله السفينة علي جبل اسمه «الجودي» بشمال العراق بالقرب من مدينة الموصل. ابتدت من هنا رحلة جديدة لتعمير الأرض قائمة علي سيدنا نوح والمؤمنين اللي معاه، برغم ان عددهم كان قليل ولكنهم كانوا بارعين في كل التخصصات تقريبا وان سيدنا نوح كان بيدربهم لحد ما وصلوا للمهارة دي عشان يقدروا يعمروا الأرض من تاني، ومن هنا جات تسمية سيدنا نوح بـ «أبو البشرية الثاني». ويُروي ان جميع من كان مع سيدنا نوح في السفينة مات إلا أولاده ونساؤه، وفي الحالة دي يبقي باقي البشر كلهم من نسل سيدنا نوح. كان لسيدنا نوح 4 أولاد: 🔵يام، وده اللي مات كافر 🟠سام، وهييجي من ذريته سيدنا هود وصالح وإبراهيم وكل الأنبياء المذكورين في القرآن، وعلي وجه العموم من ذريته العرب والفرس والروم الثانية 🟡حام، ومن ذريته الحبش والسودان والبربر 🟢يافث، ومن ذريته الروم الأولي والمغول والترك والصين ويأجوج ومأجوج نشوفكم بكرة مع قصة جديدة من #قصص_الأنبياء_بالعامية دُمتم بخير❤

أذكار الصباح 🔻لتحميل الصورة بجودة أعلي: https://t.me/aawnnn/248 🔻لطباعتها بجودة أعلي: https://t.me/aawnnn/249

🔴 تطبيق Link store - تقدر تضيف فيه اللينكات اللي انت عايز تحتفظ بيها وترجعلها بكل سهولة - وتقدر تعمل فولدرز جوه التطبيق لترتيب اللينكات حسب ما انت عايز تقسمها، والفولدرز دي ممكن تعملها hide او lock عادي 🔻 لينك التطبيق: https://play.google.com/store/apps/details?id=com.teamevizon.linkstore&hl=en&gl=US&referrer=utm_source%3Dgoogle%26utm_medium%3Dorganic%26utm_term%3Dlinkstore+app متنساش تشارك البوست ده عندك مع اصحابك، والدال علي الخير كفاعله💗 لا تنسونا من صالح دعائكم، وصلوا ع النبي دُمتم بخير❤️ #فاصل_مفيد

#خواطر_فتي_لم_يرحل

أذكار الصباح 🔻لتحميل الصورة بجودة أعلي: https://t.me/aawnnn/248 🔻لطباعتها بجودة أعلي: https://t.me/aawnnn/249

سوره ق تبدأ بالحديث عن القرآن، وتختم به أيضًا،  فادرك أن القرآن هو البداية والنهاية، القرآن هو الأصل إن أردت أن تتقرب إلى الله فعليك بالقرآن، وإن أردت الجنة فعليك بالقرآن، وإن أردت الدنيا فعليك بالقرآن، فالقرآن عبارة عن قواعد للحياة، القرآن شرح الحياة، شرح الدنيا، شرح الاخرة، شرح سبب الوجود، القرآن شامل لكل شيء، فالقرآن هو كلام خالق الوجود الذى ليس كمثله شيء. فاللهم علمنا القرآن، وارفعنا بالقرآن، واجعلنا من العاملين بالقرآن، وأعنّا على حفظ القرآن اللهم اجعلنا من اهل القرآن، فنكن من اهلك✨ #مشاركات