کُتُب سے اِقتِباسات

" علی بن فتح نے عید کے دن لوگوں کو دیکھا کہ وہ اپنے اپنے قربانی کے جانوروں کے ساتھ ایک دوسرے کے قریب ہورہے ہیں تو کہا: خدایا! میں تو اپنی دُکھڑی روح کے ذریعے تیرا قرب حاصل کرتا ہوں، یہ کہتے ہی وہ بے ہوش ہوگئے، پھر جب ہوش میں آئے تو کہا: الہی! تو نے کب تک مجھے اس دنیا میں رکھنا ہے؟ اسکے بعد فوراً انکی روح نکل گئی " [العاقبة في ذكر الموت ولآخرة]

”اور جنت میں دیدارِ الٰہی کے دن مومنین کی عید ہوا کریں گے، جب وہ اپنے رب سے ملاقات کریں گے، اور رب تعالیٰ ان کا غایت درجہ اکرام کریں گے، ان کے سامنے رُو نما ہوں گے تو وہ بچشمِ خود رب کو دیکھیں گے۔ سو اہلِ جنت کو ملنے والی سب سے دلاری نعمت یہی دیدار ہے، اور مُحِب کی عید تو محبوب کا قرب پا لینا ہے۔“ (شرح الزرقاني على المواهب اللدنية : ٨٥/١١)

مطالعے سے شغف رکھنے والے انسان کے لئے ضروری ہے کہ وہ چیزوں کو متصور (visualize) کرسکتا ہو . یعنی الفاظ میں موجود تصور کو اپنے ذہن کے پردے پر لاسکتا ہو . اپنے ذہن کو اس منہج پر train کرنے کے لئے fiction سے مستقل واسطہ رکھنا چاہئیے . لیکن وہ فیکشن جو تحریری ہو . چاہے ناول ، افسانہ، شاعری جو بھی ہو .. لہذا ناول پڑھنے کے دوران جب تک کسی منظر کا تصور اپنے ذہن کے پردے پر نہ لائے تب تک آگے نہ بڑھے . ناول میں ہر ایک کردار کی تصویر آپ کے ذہن میں بننی چاہیے . یہ ذہن کے متصور کرنے (visualization) کے استعداد کو بڑھانے کے لئے بہترین پریکٹس ہے . جو بندہ جتنا زیادہ متصور کرنے کا استعداد رکھتا ہو وہ اتنی گہری اور تخلیقی سوچ رکھتا ہے . شاعری کے ساتھ جس کا گہرا تعلق ہو وہ تشبیہ ، تمثیل، تعریض وغیرہ کو سمجھنے پر عبور رکھتا ہے لہذا وہ بڑی آسانی سے کسی تجریدی تصور (abstract concept) کو مادی اشیا سے relate کرکے ، اس تجریدی تصور پر گرفت حاصل کرسکتا ہے . اس کے علاوہ شاعری کا ذوق رکھنے والا تحریر میں لفظوں کے مابین باریک تعلق ، اور ان میں موجود چھپے اشارات کا ادراک کرسکتا ہے . کسی عظیم لکھاری کی تحریر کا بڑا حصہ لفظوں میں واضح طور پر لکھا ہوا نہیں ہوتا بلکہ استنباط (inference) یا قیاس سے سمجھ میں آتا ہے . آپ دیکھئیے تاریخ کے جتنے بھی عظیم مفکرین ہیں ان کا تعلق زندگی کے کسی نہ کسی حصے میں شاعری ، ناول نگاری وغیرہ سے رہا ہے ، ان کا بہترین ذوق نہ رکھنے والا انسان ، عظیم مفکر بن ہی نہیں سکتا کیونکہ جس کا متخیلہ قوی ہو وہ تمام ممکنات پر نظر رکھ سکتا ہے . وہ چیزوں کو holistically دیکھنے کی صلاحیت رکھتا ہے . فواد احمد