هاواری "ڕەبەن"

من و هەودای خەیاڵی پسپساوم دەمێکە هاودەمین لەم ڕۆژگارە سەرێک کۆڵانەکانی گوند دەپێوین دەمێک ژوانن شەقامی کۆنی شارە #ڕەبەن https://t.me/hawari_raban

" سەربەستی " کە تاڵێک خۆی لە لەش دەنوێنی بەسپی بەیانی سەردەمێکی تاڵی ژینە بە تاڵان و برەو چوو سەرەوەتی دڵ لە بێڕەحمی سپای ناسۆر و کینە تەمەن هێند تاڵکووکەی لەو جەستە کردم بەتاڵی هێشتەوە سندۆقی سینە ئەوەند شیتاڵ و شڕ بوو بەرگی بوونم بزەم بەدرۆ هەمووی کرد پینەپینە کە سەربەستیت نەبوو لەم زێد و خاکە ژیان نوقمی شەپۆلی چۆمی شینە #ڕەبەن https://t.me/hawari_raban

وەتای بێدەنگی بۆتە هاودەمی من کەسێ نادوێ لە شین و ماتەمی من خــەیـاڵـی نیـشتـمانـێـکی بـریـنـدار دەمێکە بۆتە فرمێسک و خەمی من #ڕەبەن https://t.me/hawari_raban

" گریانی نیشتمان " لەوەتای ئەم گەلە هەیە هەر قەڵاچۆی مێژوو کراوە بەڵام هیچ کات نیشتمانم بەقەی پووشپەڕ نەگریاوە #ڕەبەن https://t.me/hawari_raban

" هێشـتا زوویە " بڕواتان بێ ئەو ژیلەمۆیەی کە ئێوە وا هەست دەکەن خۆڵەمێشە بۆ ناسینی هێشتا زوویە ئەگەر شنەێ ئێوەی هەبێ هەر ئاورەکەی ڕابردوویە #ڕەبەن https://t.me/hawari_raban

" پـــووشـــپەڕ " ئاخ پووشپەڕی زەردهەڵگەڕاوی لاسووتاو ئەی پووشپەڕی چەنگ بەخوێن و دڵ پڕ زوخاو هەموو ساڵێ کە تۆ دەبی بە میوانی وەرزی ساڵم زامەکانم دەکولێنەوە هیواکانم دەگلێنەوە تۆ پەیامی مەرگت پێیە تۆوی نەهامەتی و خەفەت دادەچێنی گەڵا دەڕنی پەلکی خونچە دەوەرێنی بە مەرگی سەوزییش ناوەستی نیشتمانێک زامدار دەکەی دەیسووتێنی پەرستگاکان دەڕووخێنی ئاشتی دەخەیتە ژێر پێت و حەللاجەکان لەدار دەدەی دەست لە ملی بایەقوش و تارمایی و شەوەزەنگ دەکەی دەسنوێژ بەخوێنی ڕژاوی پێغەمبەرەکان هەڵدەگری لە بوتخانە و پەرستگاکانی ئایینی ڕق و کینە سوژدە دەبەی بۆ خودای شەڕ ئەی پووشپەڕی شوومی بەدفەڕ #ڕەبەن https://t.me/hawari_raban

" تـــەشـــی " پەنجەکانتان بشارنەوە برینەکان مەکولێننەوە واژۆ لەسەر خوێنتان مەکەن ئەوەی ئێوە ئەمڕۆ دەیکەن توونە، زەلکاوە، باڵانە ئەو تەشییەی ئێستا دەیڕسن هەمان تەشییەکەی ساڵانە #ڕەبەن https://t.me/hawari_raban

" مزگێنی " ڕۆژێک دادێ پەردەکانمان لا دەدەین پەنجەرەکان دەکەینەوە بۆنی ئازادی هەڵدەمژین قەرزەکانمان دەدەینەوە "ڕەبەن

" ڕق و بزە " من نەمدیوە ڕق و کینە لە هیچ شوێنێ ببێ بە چار بەڵام بزە کەمەندێکە سوار لە ئەسپی دێنێتە خوار #ڕەبەن https://t.me/hawari_raban