𝑺𝑨𝑳𝑶𝑴 𝑫𝑼𝑮𝑶𝑵𝑨🕊 | RASMIY

​​Muborak tashrifi bilan ruhimizni yuksaltirgan, qalbimiz zulmatlarini aritgan Ramazon oʻz fayzu-futuhi bilan koʻngillarimizni sururga toʻldirmoqda. Millionlab musulmonlar ulkan ishtiyoq bilan oʻtkazayotgan RAHMAT oyi bu safar ham bizlarni Yaratuvchimiz rahmatiga erishtirish,cheksiz yaxshiliklarga yetishtirish maqsadida. Insoniyat ruhini taraqqiy ettirish, Robbisi tomon parvoz qildirish uchun chogʻlangan. Hayotimizga mazmun, qalblarimizga rohat bagʻishlashni qasd qilgan. Ammo, kechagina Ramazonning fayzli tashrifidan sururga toʻlgan qalblar bugun uning nihoyasi yaqinlashayotganidan mahzun va parishon... Bu sharif oyning nihoyasi yaqinlashar ekan, Robbisini rozi qilishni niyat qilgan va oʻtkan kunlaridan koʻngli toʻlmayroq turgan muslimalar uchun katta imkoniyat hisoblanadigan ramazonning soʻnggi oʻn kuni uchun baʼzi tavsiyalarni siz azizalar bilan baham koʻrmoqchimiz. Demak, boshladik 🔷 Televizordan voz kechish Eng bebaho fursatlardagi qimmatli vaqtingizni “ZO'R” tv yoki “SEVIMLI ” kanalini koʻrib, behuda sarflamaslik uchun, televizorning pultini simiga qoʻshib uzoqroq joyga yashirib qoʻying. 🔷 Internetdan voz kechish Oxirgi oʻn kunlikni internetda “izgʻib” oʻtkazish oʻzingizga qilgan eng katta jinoyat. Smartfon, planshet, kompyuter, vay-fay – bularning barchasini iloji boʻlsa bir necha kunga oʻchirib qoʻysangiz vaqtdan yutasiz, ibodatdan chalgʻimaysiz va katta yutuqqa erishasiz, inshaalloh. 🔷 Behuda gap-soʻzlardan qochish Yolgʻiz qolish, tafakkur qilishga targʻib qilingan bu bebaho kunlarda yillar boʻyi gapiraverib, charchab ketgan jagʻingizga biroz tin va asl vazifasini bajarishi uchun imkon bering, azizam. 🔷 Gina-kuduratdan voz kechish Qanchalik “oppoq” (oʻz nazdimizda albatta) boʻlmaylik, “ochko”larimizni koʻpaytirish uchun ham urushib-talashib qolganlarimizdan uzr soʻraymiz va yarashib olamiz. Savoblarimiz “dushman”larimiznikidan koʻp boʻlsa yaxshi-ku! 🔷 Oshxona va doʻkonlarda vaqt oʻtkazishdan saqlanish Bolalarimizning tasavvurida arafa, hayit deganda beliga fartuk taqqancha oshxonadan chiqmaydigan ONA timsoli muhrlanib qolmasligi uchun ham ramazonning oxirgi kunlarini faqat pishir-kuydir, shoping bilan emas, ibodat, hayr-ehson, duo va zikrlar bilan oʻtkazamiz. Oisha roziyallohu anhodan rivoyat qilinadi: “Nabiy s.a.vasallam oxirgi oʻnlik kirgan vaqtda, belni mahkam bogʻlardilar va uning kechasini tiriltirar va oʻz ahllarini ham uygʻotar edilar”. (Muslim rivoyati). HAYRLI RAMAZONLAR...🌙 #eslatma Yaqinlaringizga ham ulashing va savobiga sherik bo'ling☝️🏻 @salom_dugona 🌙

#Bismillah وَعَدَ اللَّهُ الَّذِينَ ءَامَنُوا وَعَمِلُوا الصَّالِحَتِ هُم مَّغْفِرَةٌ وَأَجْرٌ عَظِيمٌ Alloh iymon keltirib yaxshi amallarni qilganlarga va'da qildi: Ularga mag'firat va ulkan ajr bo'lur. ✨Assalamu alaykum va rohmatullohi va barakatuh ✨ ✨Qur’on barokati bilan boshlangan kuningiz hayrli bo'ladi In shaa Alloh ✨ 🌙Ramazon 🌙 oyida ulkan ajrlar bilan siylaning, sizni-u bizni tutgan Ro'zamizni Alloh taolo o'z dargohida qabul qilsin✨ 𝑺𝒂𝒍𝒐𝒎 𝒅𝒖𝒈𝒐𝒏𝒂🕊

Aww, inglizchasi❤️❤️❤️

Buniyam.

Qizlar tashlashdi botga