TURKOY

Тошкентнинг салгина қаттиқдир қахри, Кибор хоним каби баланд, сервиқор. Салгина нарсадан чиқади жаҳли, Салга қовоғидан ёғаверар қор... Тошкент бемеҳрроқ қишлоқдан кўра, Осмони тутунга лиқ тўла доим. Номида "тош"  сўзи бўлган шахарда, Сизни асрамаса бўлмас Худойим. Томлари  баландроқ,  деворлар бетон, Одамлар қайгадир чопгани чопган. Шахарлик деганнинг билмайман қачон, Юрак деган ери тош бўлиб кетган... Қаерда яшашлик эмас муаммо, Одамга ҳамиша бир ватан керак. Яхши кўраман бу шахарни, аммо, Негадир қишлоққа талпинар юрак... Шовқинли шахардан ҳорибман бир оз, Билмадим, кўнгилга нима бўляпди. Бир кунга бўлса ҳам, Бир кунгинага, Чекка бир қишлоққа кетгим келяпди... Сокин сойларида келяпди оққим, Тупроқ кўчаларда ютгим келар чанг. Лек шахар дегани  тутиб этагим, Қўйиб юборгиси келмас, бир қаранг... Меҳр заҳираси сўнгидами ё, Содда, самимийлик қўмсарми юрак. Тош бўлиб кетмасдан ичимда дунё, Қишлоққа бир бориб келишим керак! Малика Салимова Канал: TURKOY

Узрни ким сўраш керак: журналист ёки амалдор? Бугун журналист Анора Содиқованинг жамоатчиликдан узр сўраб, ёзган пости тармоқларни ларзага келтирди. У ўз мулоҳазасида журналистлар вазифасини етарлича уддалай олмаётгани учун ҳам муаммолар кўлами кенгайганини таъкидлаган. Анора Содиқова шахсияти бутун, виждонли инсон. Бугун кўплаб ҳамкасбларим Анора Содиқованинг ёзганларини ўқиб, бўғзига нимадир тиқлгани, ўзини айбдор ва ожиз ҳис қилганини айтди. Анора опанинг қисқагина пости тармоқлар онгига чақмоқ ургандай таъсир қилгани мени ҳам хайрон қолдирди. Мана журналистнинг қалами кучи ва у қандай бўлиш кераклиги?! Анора Содиқовага респект! Бу қаламнинг кучи айни дамда соат тунги 12 бўлса-да, мени ҳам мулоҳазага унадади: Чиндан, охирги вақтда ОАВларга жамоатчиликнинг эътибори сусайди, одамлар ижтимоий- сиёсий, танқидий-таҳлилий контентдан кўра, кўнгилочар, олди -қочди мавзуларга сомеъ бўлди. ОАВлар фаолияти сусайганининг бош сабабини кўпчилик сўз эркинлигининг бўғилгани, яширин цензурага ёки журналистларнинг ҳаракатсизлигига боғламоқда. Аммо гап ростан шулардамикан? Менимча, асосий сабаб муаммолар танқидлардан кейин ҳам ечилмаётганида. Сўз эркинлигининг дастлабки йилларида кичик танқидлардан кейин ҳам нималардир ўзгарарди, танқидга жиддий воқеалик сифатида қараларди. Ҳозир тузилмалар танқидларга нисбатан жуда қаттиқ иммунитет ҳосил қилди. Шундай қалин ва зирҳли терига чирманиб олишдики, энг кучли журналистнинг, энг шафқатсиз сўзи ҳам уларга кор қилмайдиган даражага келди. Бугун ҳам атрофимизда адолатсизликлар, ноҳақликлар йўқ дейсизми? Аммо улар ёритилгач ҳам ҳеч қандай ўзгариш бўлмаса, сўз эркинлиги мавжуд бўлса-ю бироқ таъсир кучига, натижага эга бўлмаса, нима фойда? Агар ҳар бир танқидларимиз амалдорларнинг зирҳли, қалин терисини оз бўлса ҳам ёриб ўта олганда, бугун жамиятимиздаги муаммолар анча бартараф бўларди. Афсус, лекин бу терилар эшак терисидай экан. Ҳар бир журналистнинг танқидига нисбатан раҳбарларнинг ўзи чиқиб, муносабат билдириб турса, журналист кўтарган муаммони тилга олса, тан олса, ана унда халқ журналистларга эргашади, ана шундагина журналистикамизнинг нуфузини ошириш мумкин. Шундай экан, журналистлар эмас, кўзини боғлаб, қулоғига пахта тиқиб олган, териси билан битта бўлиб ўсган телпакни кийиб, гўнг бўлган амалдорлар уялсин! Улар сўрасин узрни! Анора опа каби журналистларнинг боши эса ҳамиша тик ва мағрур бўлиши керак! Мафтуна Каримова TURKOY

Жамшид Муслимов "Ватан" журналида анча қизиқ мақола билан чиқибди. Шундай мақолалар кўпайиши лозим.

⚡️Ўзбек Ҳанз Зиммери билан суҳбат (90 йилларнинг энг машҳур мусиқаларини басталаган ижодкор нимадан норози?) Тўлиқ кўрсатувни кўринг: https://youtu.be/Xp0E8ywqm94

Дунёга кулиб бир қара... Канал: TURKOY

⚡️90 йилларнинг юзлаб афсонавий мусиқаларини яратган бастакор У асарлари ўғирланаётгани, муаллифлик ҳуқуқи топталаётганидан норози Ishonch.uz  ўзбекистонликларга болалигини, хотираларини, муҳаббатини эслатишга қарор қилди. Шу мақсадда «Суюнчи», «Келинлар қўзғалони», «Тангалик болалар», «Масҳарабоз», «Ўтган кунлар», «Тўйлар муборак», «Яратганга шукр», «Абдуллажон» каби юзлаб машҳур ўзбек фильмлари ва театр асарларининг мусиқаларини басталаган композитор Мирҳалил Маҳмудов хонадонида бўлдик. You Tube’да тўлиқ кўрсатувни кўринг: https://youtu.be/Xp0E8ywqm94?si=2JrLYB92wfCxbse8 Батафсил: http://ishonch.uz/news/2150 Каналга уланинг: @ishonchuz_official

Тарихий обидаларимиз нега БАР ва отхонага айлантирилган? Хивада бўлдим. Ҳашаматли тарихий обидалар ичида БАР, кафе, меҳмонхона ва отхоналар ташкиллаштирилиб юборганини кўриб хайрон бўлдим. БАР бу - ичкиликхона. «Ичан Қалъа» ичида жойлашган ва Ислом илми ўргатилган муқаддас мадраса меҳмонхонага айлантирилиб, уни ичида қўшимча БАР очиб қўйишибди. Хивадаги «Улли ҳовли» тарихий мажмуасида ҳам шундай ҳолат: меҳмонхона ва отхона ташкил қилишибди. У ерда туя, от боқиларкан. От ва туя тарихий қадамжоларга путур етказиб қўймайдими, хайронман. Юқорида «ИЧАН ҚАЛЪА» ВА «УЛЛИ ҲОВЛИ»да меҳмонхона ва отхонага айланган манзиллардан фотолар. Канал: TURKOY

⚡️АҚШ ва жаҳон мусиқасини ўзгартирган  ва фудболни АҚШда ривожлантирган ўзбек Бу одам ким эканлигини биласизми? Жаҳонда донғи кетган бу шахснинг келиб чиқиши ўзбек экани ҳали ўзбекистонликларга сир. Асли бухоролик бўлган, дунёнинг замонавий эстрадсини шакллантирган машҳур миллатдошимизнинг кимлиги ҳақида Ishonch.uz сайтидаги кўрсатувда билиб оласиз. TURKOY

Қўли чопиб ташланган жамият ҳалокатга маҳкум Агар қўлсиз қолсангиз, қай кўйга тушасиз? Қўл билан овқатланасиз, покланасиз, ёзасиз, яратасиз. Шубҳасиз, қўллар - инсон эҳтиёжларининг асосий таянчи. Яқинда бир устоз журналист жамиятни инсон танасига, бу тананинг қўлларини эса мамлакатдаги интеллектуал ва танқидчи шахсларга қиёслаганини ўқидим. Унинг ёзишича, бизникилар ўз қўлларидан душман ясашга уринар экан. Хатони кўрсатаётган, танқид қилаётган шахсларга душман кайфиятида қараш, уларни халқ тафаккуридан юлқиб олишга уриниш - бу жамият қўлларини чопиб ташлаш билан тенг. Қўлсиз қолган тана мажруҳ ва ҳалокатга маҳкум. Шундай экан, мамлакатимиз қўллари бўлган - донишманд  ва истеъдодли кишиларни қадрайлик! Улардан хойин, душман ясашни бироз тўхтайлик. Зеро, Ли Куан Ю айтгандай: «Истеъдодли инсонлар мамлакатнинг бебаҳо бойлигидир». Аҳмоқлар билан эса минг йилда ҳам манзилга етолмаймиз. Мафтуна Каримова

Босқинчига тилни сотганлар ўлик! Босқинчига элни сотганлар ўлик! Ўз эрким деб ўлганларга ўлим йўқ! Ўз элим деб ўлганларга ўлим йўқ! TURKOY