የኛ ግጥም 😍😄❤🥰🥺

( አያሌው ሞኙ ) ============= ተቆጥሮ የማያልቅ ለፍቅር ገዳሟ እልፍ ነው መናኙ ምን አገኝ ብለህ ነው ዛሬም ተኮራምተህ የምትጠብቃት .... ወይ አያሌው ሞኙ "አለሷ እረፍት ምኔ" ብለህ የደከምክላት "አለሷ ዓለም ምኔ" ብለህ የመነንክላት በል እርምህን አውጣ ያላንተ ዓለም አላት  ! (እውነት እየሸሹ አይመጣማ ንጋት...) @ethiopianye

ምሽት በረንዳ ላይ (በእውቀቱ ስዩም) አገር ምድሩ መሽቶ ሌቱ ምጣድ ሆኖ ፥ በኮከብ ተሟሽቶ  የጎዳናው መብራት ፥ጨለማው ላይ ሲገን  ከመስኮት አምልጦ ፥የወጣ ወጋንን ሳር ቅጠሉን ሲያሳይ አጥብቄ ስፈልግ ፥የእለት ያይኔን ሲሳይ የሌት አይኔን ሲሳይ በኩርማን ገላዋ፤ እራፊ ደርባ የራሷ ሻጭ ሆና ፤ለሸመታ ቀርባ    በሌት ይፋ ሆና፥ በቀን ልትደበቅ ያልቀጠረችውን ፥የምትጠባበቅ አንዲት ሴት እያየሁ አሰላስላለሁ ፤ “ አብረዋት ያደጉ፤ ብጤዎቿ ሁሉ በድሜና በውበት እሷን የሚያክሉ ተድረው እንደ ሴት፥ ተከብረው እንደ ሰው የባሎቻቸውን ደረት ተንተርሰው ፍቅር ሲያጣጥሙ ወይ በንቅልፍ ሲሰጥሙ ይች ወገን አልባ የሌሊት አበባ በቀትር ተኝታ ለውድቅት የነቃች የቱን ፍሬ በልታ ለዚህ ፍዳ በቃች ?” እያልሁ አስባለሁ፥  ደሞ ከደጃፌ ትንሽ ማዶ ርቆ የመሸበት ለማኝ ፤ መንገዱ ዳር ወድቆ በግልጥ  ይታየኛል “ ረፍትን ላክልኝ ፥ወይ እንጎቻህን ጣል በራብ እና በንቅልፍ ሰው እንዴት ይቀጣል" የሚል ይመስለኛል  ፤ በረንዳ ላይ ቆሜ፥ በሌሊት  ስምሪት ከመስኮት በወጣ፥ የብርሀን ቅሪት አይቼ ማልዘልቀው ያገሬ ጎዳና የት ላይ ነው የሚያልቀው መከራና ውበት የሚያፈራርቀው:: @ethiopianye @ethiopianye

ጠጥቻለሁ ... መራር ኃጥያት በልቻለሁ ... እርጉም ክፋት ወጥቻለሁ ... ከሰው ተራ ተስያለሁ ... እንደ ካራ ማረድ ... የጽድቅ አንገት መቁረጥ ... የጾም አንጀት መበጠስ ... የጸሎት ክር መጉረድ ... የምጽዋት ስር ግብሬ ሆኖ የተጣባኝ የቁም ሞትን መኖር ቀባኝ ድንግል ማርያም የለሁም በእውነት ካንች ተለይቶ መች አለ ህይወት አጥቢኝ የጾም ወተት ኃጥያትን ማርከሻ ልጉረስ ከ'ጅሽ ፍቅር ክፋት መደምሰሻ እናቴ እያልኩኝ ልጥራሽ እንደ ሰው ውለጅኝ በምልጃሽ ሞቴን ልደምስሰው #ኤልዳን @eldan29 @ethiopianye

እሷን ይመስለኛል . . በብሩሽ ቢቀለም የሴትነት መልኩ፤ ተለክቶ ቢሰፈር የቀሚሷ ልኩ፤ እሷን ይመስለኛል......... በጥለቷ እራፊ እንባዋን ሸፍና፤ የልቧንን እህታ በሳቋ አፍና፤ ራሷ በርትታ 'ምታበረታዋን፤ ራሷ ጀግና 'ምታጀግነዋን፤ የዘወትር አመስጋኝ ደጃፉን ናፋቂ፤ አድባር የመረቃት ጠበኛ አስታራቂ፤ ቃሏ 'ማይታበይ እዉነተኛይቱን፤ የእግዚአብሔር ወዳጅ ባለማተቢቱን። እሷን ይመስለኛል........እ'..ሷ'..'ን ✍✍ኤደን ታደሰ @ethiopianye

አትጠይቅ (?) "አትመርምር ፣ አትጠይቅ ፣ ልብህ ቢያስብ እንኳን ፣ ምላስህን ጠብቅ፣ "ዝም በል" የሚሉት ቃል ፦ ተመራምሮ ላየው ፣ ብዙ ያስጠይቃል ። ሲጀመር ፦ አስተዋይ አዋቂ ፣ ጠያቂ...አዕምሮ፣ ከነፍስ ባህርይ፣ በሥጋ አንጎል ቋጥሮ፣ አምላክ ከፈጠረ ስለምን ዝም ይበል፣ የተመራመረ ? ሲቀጥል ፦ ልብ የጠየቀውን ፣ አንደበት አውጥቶ ስላልተናገረ፣ የልብብ ሚያውቅ አምላክ፣ እንዳልተጠየቀ እንዴት ተቆጠረ? ባጭሩ ፦ የሰነፍ አንደበት ፣ ለመልስ ሲቸግረው፣ መርማሪ አዕምሮን፣ "በአትጠይቅ" አሰረው ። ✍ መላኩ አላምረው @ethiopianye @ethiopianye

ቤተሰብ airdrop መስራ ምትፈልጉ ካላቹ አዲስ ቻናል ብከፍት እና አብረን ገንዘብ ብንሰራ ምን ይመስላቹሀል? እንደ $Not_coin የመሳሰሉ ብዙ አሉ እና step by step እያሳየዋቹ share እየተደራረግን verified (confirmed) የሆኑ ስራዎችን አብረን ብንሰራ አሪፍ ነው ባይ ነኝ እና አዲስ ቻናል ብከፍ አረን እንሰራለን ምትሉ አስኪ 👍 አርጉ

$Not_coin ያመለጣቹ አታስቡ ተመሳሳይ አይነት ይዘት ያለው ማለትም tab tab ምታረጉበት airdrop አለ $yes_coin ይባላል ምታስታውሱ $Not_coin probably nothing ሲል ነበር አሁን አዲሱ $yes_coin ደሞ probably something እያለን ነው ብንሰራበት አሪፍ እናገኝበታለን 👇👇👇👇 https://t.me/theYescoin_bot/Yescoin?startapp=KxdlFD

ፋራ ነኝ ፋራ ነሽ ይሉኛል ቀሚስ በመልበሴ፣ እኔ ግን ልክ ነኝ ከእናቴ ነው ውርሴ። ሀጢአትን ማንገስ ዘመናዊነት ነው አሉ ፣ ህግ አፍርሶ መኖር አራዳነት ካሉ፣ አዎ እኔ ፋራ ነኝ ያሻችሁን በሉ ። ወንድ ከሴት ጋር መለየት አቅቶን፣ #ዘመኑ #ነው #አልን #ግራ #እየተጋባን። ዘመን ምን አደረገ ዘመን ተኮነነች፣ ሁሉም እንደልቡ ታግሳ ባኖረች። እራሳችንን መግዛት መታዘዝ ሲያቅተን፣ እናሳብባለን ዘመን ነው እያልን። አሁንም እላለሁ እኔ ፋራ ነኝ፣ በሱሪ ማፍርበት ቀሚስ የሚያኮራኝ፣ ዘመናዊ መሆን ከቶ የማያሻኝ፣ እውነቱን ልንገርህ አዎ እኔ ፋራ ነኝ፣ ሜካፕ የተባለው አመድ የማይነካኝ፣ የተፈጥሮ ውበቴ ፀጋዬ የበቃኝ፣ በቀሚስ ምኮራ የኢትዮጵያ ልጅ ነኝ!!!!!!!        @ethiopianye  @ethiopianye

( ሰው .. ) ============= የሰው ልጅ ምስኪኑ ባለማወቅ ፀልሞ ... : ብቻዬን ነኝ ይላል ዓለም ተሸክሞ  !! by #Da_Kiyorna ንሸጣ : Rumi @topazionnn @ethiopia_poem

ወፌ ክንፍ ልቧን ባላ ሰደው እስካልሰጧት እንክትክቱን ለበረረች አትረግብም ላካለለች አድማሳቱን... ንስር ዓይኗ የሌት ላምባ የምድርን ጉድ ከደመና ቢያስቀስማት እንደአበባ በወፍ እግር መውተርተሩ ጥሬ ልቦች ቢያስለቅማት ያለ ወንጭፍ ያለ ባላ ወጥመድ ብቻ እንደሚበቃት ስላላየች... ወፌ በርራ ላትመለስ ሳትታነቅ ባንዱ ጥሬ ብትበይው 'ማያልቅብሽ አለ በሏት የሰው ፍሬ ባልበተን እንድትለቅመኝ በጠራራ ባልሰጣም የሚገዛኝ መውደዴ ነው ልብላህ ብላኝ አልታጣም #ዘማርቆስ 02/09/2016 @ethiopianye