Learn 4 Sudan

احنا جاهزين انتو كيف ؟؟؟

اللغة الفرنسية https://t.me/+-W0V-xUMKoNmYzQ0

الكورس من ادراك يا شباب...اكتب في ادراك اساسيات اللغة الفرنسية

رابط كورس اللغة الفرنسية المستوى الاول اليوم الساعة 8:01 مساء بتوقيت السودان

#كورسات_الشهر #البوست_دا_حينزل_كل_فترة عشان الناس البتدخل جديدة تكون فاهمة الشغل. #بالله اي زول في القروب دا يركز  في الكلام ويقراهو كويس بنترجاكم عديل 🤗 #ليه احنا بنعمل قروبات كورسات  على التلغرام في حين انو اي زول ممكن يقرا نفس الكورسات من المنتصات بتاعتها براهو ومجانا ؟ *بنعمل قروبات التلغرام عشان في ناس عندها مشكله بسيطه في التعامل مع نوع المواقع دي احنا بنساعدهم وبنوضح ليهم كل شي يخص الكورس لمن يخلصو. *في ناس ماعندها مشكله في التعامل مع المواقع بس عندها مشكله بتاعت عدم التزام ولما يلقو القروب وناس متفاعله وحماس كدا مع بعض حيتفاعلو ويواصلو في الكورس ويخلصوهو بكل اريحيه. *في ناس عندها مشكله في التعليم من النت عموما احنا عايزين نكسر الحاجز دا ونخليهم يحسوا بحلاوة التعلم من النت والغوائد بتاعتو عشان يبقى مدمن تعلم من النت . *في القروب مابتتعلم الكورس فقط لا بتتعلم حاجات كتيره وبتتعرف على ناس جديده. #المشاكل البتواجهنا في قروبات التلغرام : *في ناس بتخش الكورس لحب الاستطلاع فقط وماعندو رغبه او عندو كورس تاتي فاتو بيعوض بكورس هو ماعايزو ودا ياجماعه لابلتزم ولا بشارك وبشوفنا مجرد ناس ماعندنا موضوع فابأثر شديد في باقي القروب بكون اشبه بخليه ميته وممكن بسببو باقي القروب مايلتزم ويبقى زيو ، النوعيه دي عليكم الله وبنترجاااكم اذا ماعندك هدف من دخول القروب ولو مابتلتزم بقوانين القروب  المن ضمنها المشاركه والتفاعل ماتخش ياخ ، ياخ ماتخش لانو انت بدل معمر حتكون مدمر. *في ناس عندها شوية غرور كدا على اساس انو هو ابو العريف بكون موجود بس مابتكلم وبتفاعل لو سألتو يقول ليك متابع النوعيه دي مادام عايزين تتابعو براكم بالله ماتخشو معانا من الاخر كدا الموقع والكورس هداك ليهو خش اقرا براك. *في ناس عايزه بس عارف انو مضغوطه او حاليا النت عندو كعب عايز اقول ليك اصبر الكورسات موجوده في اي زمن وماتخش معانا مالم تتأكد انك بتلتزم بالقوانين. #نصائح اخيره: *اذا ماعايز تبقى معمر ماتبقى مدمر . *القروب دا ماالتعلم الاكاديمي فقط لا احنا بنستهدف السلوكيات زي الصدق والالتزام والامانه والمصداقيه والاعتماديه ف عليك لله قدر الامكان حاول استفيد من النقاط دي واتعامل في القروب دا ومع كل شي فيهو بكل رقي يعني مثلا كورس مابهمك ماتخشو وتخلي الفرصه لغيرك ، مثلا لقيت منشور عن فيديو ترفيهي ماتسأل عن كورسيرا او قروبات الانجليزي في نفس المنشور لانو كورسيرا او اي شي  عندو مكانها البسألو فيهو فنحاول نخلي كل سؤال او تعليق في مكانو الصح . *نصيحه اخيره انت جزء من المنظمة فساعدنا انو نوصل لاكبر عدد من الناس لو شايف انو كلنا بنعمل حاجه يستفاد منها الدال على الخير كفاعله يعني كلنا حناخد اجر الحاجه انت وانا وهم وقد يكون اجر مستمر بعد الموت. *اذا مامحتاج للكورسات وقروبات التلغرام ماتخشها . #مع الاعتزار للاطاله #جزيتم الجنه.

مهارات الاكسل المتقدمة https://t.me/+ZCia9eEUlhJiOWVk

كورس اللغة الفرنسية بكرة ان شاء الله الساعة 8 مساء بتوقيت السودان

#تذكير رابط مهارات الاكسل المتقدمة ح ينزل اليوم الساعة 8.01 مساء بتوقيت السودان..وزي ما عارفين ( مافي داعي نكرر الكلام الفوق تاني👀). *لازم يكون عندك جهاز كمبيوتر* *ولازم تكون دارس اكسل مستوى اول*

التسويق https://t.me/+cPRE5neDre1mYWJk

ح يكون في كورس لغة فرنسية ان شاء الله قريبا...المستوى الاول🔥🔥

#تذكير رابط كورس التسويق ح ينزل اليوم الساعة 8.01 مساء بتوقيت السودان..وزي ما عارفين ( مافي داعي نكرر الكلام الفوق تاني👀)

ناس كورسيرا ، احنا عارفين القبول اتأخر وان اخر قبول كان في شهر 2 ف اصبرو علينا شويه الخير جاي بإذن الله . - ماتعمل اي شي اذا قدمت من شهر ٢ للان واصبر بس -عايز تقدم جديد التقديم فاتح والشروحات في كل مكان في الصفحه

قبل ماتدخل قروب اي كورس اتأكد تماما انك مستعد تكمل الكورس للنهايه وتقدم كل الواجبات المطلوبه منك لانو ببساطه لو ماعملت كدا حيتم حظرك من القناه نهائيا

#تذكير رابط كورس اللغة الاسبانية ح ينزل اليوم الساعة 8.01 مساء بتوقيت السودان..وزي ما عارفين ( مافي داعي نكرر الكلام الفوق تاني👀)

من الان ولاحق بإذن الله اي زول يدخل قروب كورس ومايكمل الكورس ولا يقدم ماعليهو من واجبات سيتم حظره نهائيا حتى لو تبقى في القناه 10 اشخاص فقط

شباب عايزين ننبهمكم ان الموضوع مامنافسه او سباق سرعه ، انت بعدين مسؤل امام الله اذا دخلت كورس مامحتاج عليهو لانك ضيعت فرصه على زول محتاج ليهو فعلا ...

رابط كورس مقدمة في البرمجة https://t.me/+oCrig5TXWZ82ODE8

#تذكير رابط كورس البرمجة ح ينزل اليوم الساعة 8.01 بتوقيت السودان ( الدقيقة دي لانو التلجرام ما بتجدول في راس الساعات) ما مهتم ما تدخل...ما مهتم ما تدخل.. لو دخلت وطلعت تتحظر من كل كورسات الشهر مدى الحياة