🌹 ፍቅሬን በ ግጥም 🌷

ፍቅር እና ፊልም እውነተኛ ታሪክ የመጨረሻው ክፍል 3 ልጁ ብቸኝነት ያጠቃው አይነት ስለሆነ ከፓርቲው ውስጥ ያለው ጫጫታና የሰው ጋጋታፈሪ አድርጎታል ። እሷም እጁን ይዛው ከፊት ሆና ትመራዋለችና ወደ ቤቱ ገቡ ። እንደገቡም ሰላም ከተባባሉ በኋላ ፓርቲው ውስጥ የነበሩት ጓደኞቿ ከሷ ጋር ትንሽ ማውጋት ፈልገው ነበርና ነገርግን እሷ ብቻውን ልተወው ስላልፈለገች ቶሎ ለመመለስ አስባ ልጁን ውስጥ አስቀምጣው ወጣችና ከጓደኞቿ ጋር ማውጋትን ጀመረች ። ከትንሽ ቆይታ በኋላ ጨዋታውን አቋርጣ ወደ ልጁ ልትመለስ አስባ " ቆይ ቆይ " ብለው ያዟትና ስለልጁ የሆነ ነገር ማወቅ ፈልገው ነበርና ጥያቄያቸውን ጀመሩ ። ያው በቀልድና በፉገራ ነበር የጀመሩት ነገር ግን ወዲያው አስቆመቻቸው ። " እረፉ በእሱ ቀልድ የለም " አለች ። የምሯን ነበር የተናገረችው ።  አነሱ እንደሚያስቡት አይነት ልጅ እንዳልሆነና ከዛ ይልቅ ንፁህነቱንና የዋህነቱን ልትገልፅላቸው ሞከረች ። የሷን ያህል አልተረዱም ሆኖም ግን አፋቸውን አሽጋለች ። የልጁ ክብር እንዲነካ አልፈለገችም ። ማንም ሰው እንዲነካው ማትፈልግ ትመስላለች ። ከሆነማ ልጁ ከፈጣሪው ልዩ ስጦታ አገኘ ማለት ነው ። ጨዋታቸውን ጨርሰው ወደፓርቲው ቤት እየተመለሱ ቀድማ ከፊት ሆና የፓርቲውን ቤት መግቢያ በር የከፈተችው ልጅቷ ነበረች እና ድንገት ከውስጥ ያየችው ነገር ወዲያው ሁኔታዋን ቀያየረው ። ስትስቅ ነበር ግን አሁን በቅፅበት የንዴት ፊት ሆኖ ተቀየረ ። የፓርቲው ልጆች በሙሉ ክብ ሰርተው ጥጋቸውን ይዘዋል ነገር ግን አንድ ሰው በመሀላቸው ቆሞ መድረኩን ተቆጣጥሮታል ። በጉ ነው የተቆጣጠረው ። እነሱም ደስተኛ ነበሩ እሱም ደስተኛ ነበር ። ነገር ግን ሁኔታው የገባት ልጅ ጓደኛው እንዳየችው ጊዜ አላጠፋችምና በፍጥነት ወደውስጥ ገብታ ከዛ ከመድረኩ ውስጥ ጎትታ አስወጣቸው ። ሁኔታዋ የንዴት ነገር ስለሚመስል ልጁ ደንግጧል እናም ግራ ገብቶታል ። እጁን ይዛው ስትወጣ በመሀል ልጁ ጭራሽ መቆም አቅቶት አዙሮት ይወድቃል ነገር ግን ልጅቷ ደግፋው ስለነበር እየደገፈችው መቀመጫ ወዳለበት ቦታ ወስዳው ወደ ጥግ ቦታ አስቀመጠችው ። ወዲያው ውሀ ይዛለት መጥታ በእጇ አያስነካች ፊቱን መደባበስ ጀመረች ። ልጁ ተሽሎት ወደራሱ ተመለሰ ።  ከዛም እሷ ቆማ ወደታች ታየዋለች እሱ ደግሞተቀምጦወደ ላይ ያያታል እና በውስጧ የነበረው ንዴትቁጣዋን አስነሳውና ልጁን መቆጣት ጀመረች ። እንዳጠፋ ፣ ለምን ይሄ ሁሉ እንደጠጣና ጭራሽ ማይችለው ዳንስ ውስጥ ለምን እንደገባ ጠየቀችው በንዴት ውስጥ እንዳለች ። ልጁ በድንጋጤና ሀዘን ፀጥ ብሏል ። " ይሄን ደሞ ምነግርህ ለራስህ ብዬ ነው እሺ !.........እሺ አሁን እንሂድ !  " ብላ ቀድማው እንደተነሳች " እኔም ላንቺ ብዬ ነው " ብሎ አስቆማት ። ንዴቷ አልበረደም ነበር ነገር ግን የልጁ ሁኔታና ንግግር ንዴቷን አረጋጋው ። ለሷ ብሎ ያ ሁሉ እንደጠጣና ዳንሱንም ለሷ ሲል ሲደንስ እንደነበር ፣ ጓደኛሽ መጠጥ አይጠጣምና ጓደኛሽ ዳንስ አይችልም ብለው እንዳይሰድቧት ብሎ አስቦ ነው እንደዛ ያደረገው ። ልጅቷ ንዴቷን ወደ ጓደኞቿ አዞረችው ። ልጁን ባለበት ትታው ወደጓደኞቿ  ወደፓርቲው ትመለሳለች ። አናግራቸው በፍጥነት ከቤቱ እየወጣችሳለ አንዷ ጓደኛዋ ሁኔታዋ ገርሟት እየተከተለቻት አብራት ወጥታ " እና ለሱ ብለሽ ነው " ስትላት ልጅቷ በግትርነትና በንዴት ድምፅ ፊቷን አዙራው " አዎ ለሱ ብዬ ! " ትላታለች ። ታዳሚውም እነሱን ተከትለው ወጥተው የነሱን ሁኔታ በዝምታ መከታተል ይጀምራሉ ፣ በመሀከላቸው ለቅፅበት ያህል ፀጥታ ይሰፍናል ። ልጅቷ ለማስረዳት ሞክራ ግን ከንዴቷ አንፃር መናገር ስለከበዳት ትታቸው ነገርግን ልጁ እዛው ከተቀመጠበት እጁን ይዛው ተነሳች ። እናት ልጇን እንደምትይዘው አይነት ፤ እሷ ከፊት እሱ ከኋላ እጇን ይዞ እየተከተላት ከግቢው ተያይዘው እየወጡ ነው ። ታዳሚው እነሱን በአግራሞት ይመለከታል ። በሩን በሀይል ዘግታው ወጣች ከልጁ ጋር ። ልጁ ግን ታድሎ !      ብቻ አትጠይቁኝ ! ፊልሙን ከመጀመሪያው እስከ መጨረሻው ወደድኩት ። ያ የኔ ቢጤ መስሎ የሰራውን ተዋናይ አደነኩት ። ፊልሙ ስሜት ውስጥ ከቶኝ እንደነበር አስታውሳለሁ ። ልጁ ሲያለቅስ ሊያስለቅሰኝ ይሞክር ነበር ። ሲደሰትም እስቃለሁ ። ብዙ ነገር ሊመሳሰልብኝ ችሏልና ። ልጅቷን ብታዩዋት አዛኝ ትመስላለች ። ትወናዋን አሪፍ አርጋዋለች ። ውበቷስ ብትሉ !..........የምሬን ነው በጣም ታምራለች ። መልኳም ትወናዋም አንድ ላይ ሆኖ ትማርካለች ። እኔ አንድ ነገር ከተመቸኝ መደጋገም ፀባዬ ነው ። ግን " ሙድ አንዴ ነው " ስለሚባል በአራዶች ህግ እኔ ግን አራዳ መሆን አልቻልኩም ። " ሞኝና ወረቀት የያዙትን አይለቁም " አይነት ሆንኩ ። ፊልሙን መደጋገም ይዣለሁ ። ሞኝ ሆንኩ እንዴ..........እኔንጃ ግን ምንም ይሁን ምን ራሴን ሞኝ ብዬ ለመጥራት አልፈቅድም ፣ ነኝ ብዬም አላስብም ። ራስን እንደሞኝ ማሰብ ልክ ነው ብዬ አልገምትም ። ነገር ግን አንዴ አይቼ ገብቶኝ የጨረስኩትን ፊልም ለምን እደጋግመዋለሁ ? ለምሳሌ የሚያውቁት ወይም አንዴ የሰሙት ታሪክ ሲደጋገም መሰልቸቱ የማይቀር ነው ። እርግጥ ፊልሙን እንደመጀመሪያ ተመስጬ አላይም አሁን ፤ ምክንያቱም የታየ ስለሆነ ። ግን አንዳንድ ቦታ ላይ ሌላ ስሜት ውስጥ ይከተኛል አሁንም ። የሆነ ነገር ውስጤን ሰርስሮት የገባ ይመስለኛል ። የልጁ ሁኔታ ነው ?.........ብቻ ሁኔታዬ ተቀይሯል ። የሆነ ስሜት አለና ልቤ ውስጥ እንደሆነ አግኝቼዋለሁ ። ታዲያ ልቤ ምን ሆኖ ነው ? ፣ ምን ጎሎብኝ ?.............ከብቸኝነት ሌላ ስሜት ተደርቦ መጥቷል ብቻ ። ልቤ ውስጥ ነው ። ልቤ የሆነ ነገር ወዷል ። እና ፊልም ውስጥ ብዙ ነገር አለ እኮ.......... ፦ ታሪክ አለ ፣ ትወና አለ ፣ ተዋናዮቹም አሉ ። ብቻ ብዙ ነገር አለና ፊልሙ ውስጥ ሁሉን ነገር ነው የወደድኩት ። በተለይ በተለይ ተዋናይቷን ፦ ያቺ የወንደሰን ጓደኛ ፣ ምትንከባከበው ፣ ምትጠብቀው ፣ ምታዝንለት ፣ ምትወደው ወ.ዘ.ተ  አንድ ነገር ልንገራችሁ ፦ ፊልሙን እያየሁ ድንገት የሷን መልክ ሲያመጣው ልቤ በጣም SENSE አያረግም መሰላችሁ ። እኔንጃ ምን እንደሆነ። ብዙም ሳይቆይ ነው ልቤን ያገኘሁት ። ከመቼው ወደዛእንደሄደ ! ምን ልሁን ብሎ ነው ? ፣ ምን ሊሰራ ?.......አላዘዝኩትም ። ስልጣን የሱ ይመስላል የኔ ልብ ቢሆንም ። ብቻ ልቤ አዘዘኝ ። አርቲስት ከመሆኗ አንፃር ሌሎች ስራዎቿንም ማየቱን ቀጠልኩበት ፤ በፎቶም ፣ በቪዲዮም እና እሷን እሷን ነው ሚለኝ ።   በነገራችን ላይ ፊልሙ የ 2001 ዓ.ም ነው ። እኔ 2001 ላይ 6 አመቴ ነበርኩኝ ። አሁን 22 አመቴ ነው ። የዛሬ 16 አመት የተሰራ ፊልም ። ብቻ አሁን ልጅቷ የት ነች ? ፦ ያቺ የወንደሰን ጓደኛ ፣ ያቺ ምትወደውና ምትጠብቀው ልጅ  ? ፣ የት ነች አሁን ? ፣ ከማን ጋር ነች ? ፣ ምን እየሰራች ነው ? ........ያለኝ መረጃ ቢኖር 39 አመቷ መግባቷ ብቻ ነው ። አመሰግናለሁ ! 2017 ዓ.ም