Дөрес сүзгә җавап юк!

Саксыз сүз — агулы хәнҗәр! Габдрахман Әпсәләмов

Сүздән такыялар үрелә, сүздән кылыч йөзе канлана, сүздән гөл илләр көл ителә, сүздән чәч толымы еланга әверелә. Марсель Галиев

Сугыш - уеннан чыккан уймак, Шул уеннан юк туймак... Мөхәммәт Мирза

Үз халкыңның шанлы тарихына, милләтеңнең казанышларына, кылган мактаулы гамәлләренә кинәнеп яшәү, халкың өчен горурлану — менә ни озын гомерле итә милләтне! Мөсәгыйт Хәбибуллин

Хода һәммә халык өчен дә бердер, ә Аңа ышану төрле халыкта төрлечәдер. Мөсәгыйт Хәбибуллин

Туган җирне онытып булмый, аны сагынып кына була! Галимҗан Гыйльманов

Халыкка файдалы булган эш үзенә дә файдалы. Хөсни Кәрим

Дин - денсезлектән, тел илсезлектән саклый. Нурулла Гариф

Туган якның төннәре дә якты! Ркаил Зәйдулла

Әгәр ышанмасыннар дисәң, дөресен сөйлә. Әхсән Баян

Талантлы кешеләр җайсыз булалар алар. Туфан Миңнуллин

Урман-кырда, табигать кочагында үскән балалар тирәнрәк хисле, сәләтле һәм кешелеклерәк була. Заһид Фәйзи

Гөнаһ кылу һәм Аллаһы Тәгаләнең ярлыкавыннан өлешсез калу — кешеләрнең ихласи һәлакәтедер. Гариф Ахунов

Җир астына кереп ятканчыга кадәр, адәм баласы җир бүлүдән туктамый. Мөхәммәт Мирза

И туган тел, и матур тел, әткәм-әнкәмнең теле! Дөньяда күп нәрсә белдем син туган тел аркылы. Габдулла Тукай

Алган ярың – җаның.

Салкын сугышлардан сәясәтчеләр җылына. Зиннур Мансуров

Бөек иҗат һичкайчан югалмый. Гадел Кутуй

Сез һәрвакыт нәтиҗә белән сәбәпне бутыйсыз. Тормыш начар булганга күрә, халык шундый, дисез. Дөрес түгел. Киресенчә, халык шундый булганга, тормыш начар! Зөлфәт Хәким