የኦርቶዶክስ አገልግሎቶች

#እንሂድ_ተነሺ እንሂድ ተነሺ ሕፃኑን ይዘሽ ዮሴፍ ሲልሽ /ምናለ ሆድሽ/(፪) ድንግል ሆይ(፪)ምን አለ ሆድሽ ስለ ሰማ ሔሮድስ የሕፃኑን ዜና በግፍ ሊያስገድለው /ይፈልጋልና/(፪) መልአኩ ለዮሴፍ በህልሙ ነገረው ድንግልን ወደ ግብፅ /ይዘሃት ሽሽ አለው/(፪) አሳስቢ ድንግል ሆይ የስደት ጉዞሽን በልጅሽ ምክንያት/የደረሰብሽን/(፪) በግብፅ በረሃ ስትንከራተቺ አጣሽ ዘመድ አዝማድ /የሚያዝንልሽ ላንቺ/(፪) ድንግል እንዴት ቻልሽው ሕፃን ይዘሽ ስደት ለአንድ ቀን ይከብዳል /እንኳን ለአመታት/(፪) ሽፍቶች ሲማከሩ እነሱን ለመያዝ የድንግል እንባዋ/ሆነ እንደ አባይ ወንዝ/(፪) በጣለችው ጊዜ ሕፃኑን ኮቲባ ልቦናን ይከፍላል /ያነባሽው እንባ/(፪) አይዞሽ እናቴ ሆይ አታልቅሽ አትዘኝ ጊዜዬ ገና ነው /ሔሮድስም አይገድለኝ/(፪) ሕፃኑ እንዲህ ብሎ እናቱን አጽናናት የአምላክነቱን/ምስጢር ሲገልጽላት/(፪) በሕፃንነቱ ልጅሽ የረገጣት የአስራት ሀገርሽ /ኢትዮጵያ ናት/(፪) የሔሮድስን መሞት መልአኩ ሲያበስራት ድንግል ተመለሰች /ወደ ሀገሯ ናዝሬት/(፪) መዝሙር ዘማሪት ማርታ ኃይሉ