163
المشتركون
لا توجد بيانات24 ساعات
لا توجد بيانات7 أيام
لا توجد بيانات30 أيام
- المشتركون
- التغطية البريدية
- ER - نسبة المشاركة
جاري تحميل البيانات...
معدل نمو المشترك
جاري تحميل البيانات...
Photo unavailableShow in Telegram
АССАЛОМУ АЛАЙКУМ АЗИЗЛАРИМ ..КУЛИБ ҚЎЙИНГ....
Ғамлар ғамга шерик бўлиб улашади,
Қўйинг ғамни, сал нарига суриб қўйинг.
Азизларим кулгу сизга ярашади,
Ўзингизни авайлангу, кулиб қўйинг !
Бу ўткинчи дунё деманг, ёлғон бари,
Биз ўтармиз дунё қолар билиб қўйинг.
Ғафлат босиб, оҳ фиғондан кетмай нари,
Тўйиб кулмай, ўтиб кетманг, кулиб қўйинг !
Хаёт шундай хўп йиғлоқи деманг асло,
Кўзингиздан кўз ёшларни артиб қўйинг.
Дард келганда дарддан устун бўлинг хатто,
Қаддингизни синдирмасдан, кулиб қўйинг !
Ғанимларсиз инсон оқу, қора билмас,
Қалбингизнинг чироғини ёқиб қўйинг.
Майли, алар лабларига кулгу илмас,
Сиз ранжиманг, шунчаки бир кулиб қўйинг !
Нима бўлди биродарим, меҳри жайхун,
Миш мишларнинг тошларидан синмай туринг.
Қўйяверинг, бу тошларнинг дили беун,
Сиз индамай, бир қайрилиб кулиб қўйинг !
Йўлингиздан терманг асло тиканларни,
Қўлингизни юлсалар хам силаб қўйинг.
Бу дунёни ғурбат билган кимсаларни,
"Шайтон", дея қўл силтангу, кулиб қўйинг !❤️
Кетаверсанг,бахт..
борар манзилинг..
Кутиб олса шодон,
қучоғин очиб.
Биламан, биламан....
азизим бугун,
Қўлингда гул ила
мени кутганинг.
Нетайки етмоққа
йўқдир имконим.
На сенда келмоққа
манзил на аён.
Сен келсанг топмасанг
манзилимиздан.
Ўксима бораман
минг йиллик йўлдан.
Фақат бу йўлларда
сочим оқарди.
Ажинлар юзимни
безади чандон.
Кутишдан чарчадинг
бахтли онларни.
Қўлингдаги гул ҳам
йиғлади зимдан.
Фақат орамизда
қолди айрилиқ..
Ва сен кутган ўша
бахтиқора қиз.
Кетаверсанг, қани...
олис манзилда.
Чорлаб турса сени
соғинч тўла сўз:
"Азизим, мен келдим
тўкилиб сенсиз!"
✍️Юлдуз Абдусамад қизи.
Бир чимдим меҳр.
2022 йил. 7 март.
Photo unavailableShow in Telegram
🌹🌹АЁЛ! 🌹🌹
Жаннатлардан келган ҳурсиз, парисиз.
Бу олам бўларди, сизларсиз нурсиз.
Баҳор боғларида очилган гулсиз.
Азизам, мунисам, беғубор хаёл.
Онамсан, синглимсан-Муқаддас Аёл!
Уйидан кузатиб ёрини йўлга.
Рўзғор юмушларин қўйиб жойига.
Меҳри поёндоздир фарзанд пойига.
Мушфиқа, меҳрибон, фалакда ҳилол.
Севикли ёрдирсан-Муқаддас Аёл!
Хотиржамлик нима унга бегона.
Бошингда ўргилиб бўлар парвона.
Дўстинг ҳам,сирдошинг удир ягона.
Дили пок,бокира, эзгулик билол.
Мунисам,Онамсан- Муқаддас Аёл!
Қаҳрингизга меҳр жомин тутганлар.
Ҳаётнинг заҳрини минг бор ютганлар.
Тонггача ёрини интиқ кутганлар.
Меҳр-муҳаббатдан сув тутган зилол.
Меҳрибон Опамсан-Муқаддас Аёл!
Дард келса индамай бардош беради.
Қароғи кўз ёшдан маржон теради.
Яқинлари учун қирқ жон беради.
Қўлларида доим тутадилар бол.
Муштипар қизимсан-Муқаддас Аёл!
Баҳор кунларининг ҳавоси сўлим.
Ўзи учун яшай олмаган гулим.
Онамсан,синглимсан,опамсан,қизим.
Омадлар ёр бўлсин,кулсин Бахт-Иқбол.
Азизам,меҳрибон,мунисам-Аёл!
✍️Юлдуз. Меҳр.
Битта зарбанг билан синдирдинг наҳот
Қуриган дарахтдай тўкилиб қолдим..
Агар келса эди ишқдан қиёмат
Севган қалбим ила гуноҳда ёндим.
Майлига, фақат сен яшнагин, кулгин
Баҳорий ҳисларга ўралсин борлиқ
Менинг куним аёз, кўзларим сўлғин
Тақдирдан берилган бахтсиз бир ёрлиқ.
Сенинг кўчаларинг байрамга тўлсин
Ёнингдан ўтмайман манзилим ўзга.
Сенинг исминг ила кўзларим кулсин
Сенинг ёдинг ила еттимку сўзга.
Шунинг ўзи етар борлигинг етар,
Шугина умидим,шугина илинж.
Мунгли қўшиқ ила оламни тутар..
Ёлғиз сўқмоқларда дайдиган соғинч.
Азизим ! Унутмоқ ўлимдан элчи
Ёлғон дунёсида ёлғон яшадим.
Аслида, ишқимдан томган бир томчи..
Руҳимни пойингга тўкиб ташлади.
✍️Юлдуз Абдусамад қизи.
Бир чимдим меҳр.
2022 йил. 4 март.
اختر خطة مختلفة
تسمح خطتك الحالية بتحليلات لما لا يزيد عن 5 قنوات. للحصول على المزيد، يُرجى اختيار خطة مختلفة.