HAILE GEBRIEL - በማለዳ ንቁ

«መናፍስት እኛን የግለወሲብ ጥገኛ ለማድረግ የሚጠቀሙት ስልቶች» ፩/ ግለ ወሲብ ኃጢአት እንዳልሆነ በማሳሰብ አይነጥላ ከማህፀን ሲቆራኝ ግለ ወሲብን ገና በለጋ እድሜ ያለማምዳል። መናፍስቶች ገና በማለዳዉ ሲቆራኙ ነገሮችን ከመልካምና ከክፋት አንፃር ለይተን እድናመዛዝን አይፈቅዱም፤ እዛዉ ክፋታቸዉ ዉስጥ ቆልፈዉ በማስቀመጥ ኃጢአትን መልካም እንደሆነ እየመከሩ የመዳኛ ጊዜ እስኪያልፍ ጥንቃቄ በተሞላ ስልታቸዉ ይስራሉ እንጂ። የአይነጥላ መንፈስም ግለ ወሲብ ሲያለማምድ ስለዚህ ተግባር ክፋቱንና አስከፊነቱን ምንም መረጃ እንዳይኖር በማሸሽ (መንገድ ይዘጋጋል) ግለ ወሲብ ኃጢአት እንዳልሆነ ኃጢአት የሚሆነዉ ከትዳር ዉጪ የሚደረግ ግንኙነት እንደሆነ ተቃራኒ ፆታ ብትቀርቡ በዚህ ኃጢአት ልትወድቁ እንደምትችሉ እያሳሰበ ትዳርም እንዳትይዙ የትዳር ጥላቻ እያሳደረ ራሱ ባለማመደዉ የኃጢአት አዘቅጥ ዉስጥ አስቀምጦ አዕምሮን አደንዝዞ በመያዝ ኃጢአት ይሁን አይሁን እስካልታወቀ ድረስ ከተቃራኒ ፆታ እያሸሸ የግለ ወሲብ ጥገኛ አድርጎ የሚያስቀምጥ ሴረኛ ነዉ። ስለዚሁም ነዉ! አንዳንድ ሰዎች በዚህ መንገድ ካለፉ በኋላ ይሄ ጸያፍ ተግባር ኃጢአት እንደሆነ ባለመረዳት ጥያቄ የሚያነሱት ይሄ ጥያቄያቸዉ የሚያሳየዉ መንፈሱ እነዚህ ሰዎች ምን ያህል አደንዝዞ እንደያዛቸዉና በራሱ የክፋት ዓለም ዉስጥ አስቀምጧቸዉ እንደነበረ የሚያመላክት ነገር ነዉ። ግለ ወሲብ ኃጢአት ከመሆኑም አልፎ በእግዚአብሔር ዘንድ የሚያስቀስፍ ኃጢአት ነዉ! እግዚአብሔር በአንድያ ልጁ በምህረት ኪዳን ባይጎበኘን ኖሮ ስንቶቻችን የሞት ቅስፈት በመጣብን ነበረ። ግብረ አዉናን እግዚአብሔር የማይወደዉና የሚጸየፈዉ ትልቅ ኃጢአት ነዉ! በዘፍጥረት ክታብ ላይ አዉናን ዘሩን በምድር ላይ በማፍሰሱ በእግዚአብሔር ዘንድ ተቀስፏል (ዘፍ፤38፤9:10) ዛሬም ዲያቢሎስ ይሄንን የሚያስቀስፈዉን ኃጢአት ነዉ እንግዲህ መልካም እንደሆነ በማሳየት ከመልካም መንገድ የሚያስፈነግጠዉ። ሌላዉ በተክሊል ለማግባት የሚያስቡም አሉ እርኩሱ መንፈስ ለእነዚህ ሰዎች ድንግልናቸዉ እንዳልተነካ ስለሚያሳስባቸዉ ጥያቄዉን ያነሳሉ። የጠላት ሴራ እንዲህ ነዉ፥ በኃጢአት ላይ ኃጢአት በማደራረብ ከእግዚአብሔር ጋር ማጋጨት የሥራ ድርሻዉ ነዉ። ግለ ወሲብ የፈጸመ ሰዉ የድንግልና ሕጉን በጠላት ምሪት ስለሚያፈርስ በተክሊል ማግባት አይችልም። ፪/ በተቃራኒ ፆታ ዘንድ እንዳትወደዱ በማድረግ መናፍስቶች ሰዉ ለማጥፋት ሲሆን እጅና ጓንት ሆነዉ በመረዳዳት ክፉ ስራቸዉን ይሰራሉ። ይሄ ሴረኛ ጠላት ተቃራኒ ፆታ እንዲቀርብ ስለማይፈልግ ግንባር ላይ ተቀምጦ ብቸኝነት እስኪሰማችሁ ድረስ ተቃራኒ ፆታን እያባረረ ከሰዉ እንድትርቁ ያደርጋል። ማንም እንደማይወዳችሁ፣ መልከ ጥፉ እንደሆናችሁ፣ ብትለብሱም ብታጌጡም የማታምሩ ፍጥረት እንደሆናችሁ፣ መስታወት ፊት አቁሞ በማሳየት ራሳችሁን እንድትጠሉና ከሰዉ ርቃችሁ የብቸኝነት ሕይወት እንድትመሩ ይመክራል። ከዚህ በኋላ ተስፋ ቆርጣችሁ በዚህ ጉዳይ ከማንም ጋር ላለማዉራት ወስናችሁ ሕይወታችሁን መምራት ስትጀምሩ የዝሙት መንፈሱ በተራዉ ይመጣና ሥራዉን ይጀምራል። ወደ ተቃራኒ ፆታ በዝሙት ዓይን እያስመለከተ በፍትወት እንድትቃጠሉ እያደረገ ያያችሁትን ሁሉ ለፍትወት እንድትመኙ ገፋፎቶ ወደዚህ ሕይወት ያሰማራል አንዴ በወጥመዱ ዉስጥ ከገባችሁ በኋላ በዚህ ጸያፍ ተግባር ተጠምዳችሁ እንድትኖሩ ያደርጋል። ፫/ በትዳር ሕይወታችሁ ደስተኛ እንደማትሆኑ በማሳሰብ መናፍስቶች ከኃጢአት አዘቅጥ ዉስጥ እንዳንወጣ ስለሚፈልጉ አሳማኝ በሆነ ምክንያት አስረዉ ያስቀምጣሉ። አይነጥላ ይሄንን ሀሳብ አዕምሮ ዉስጥ ለመቅረጽና ነገሩን በእርግጠኝነት አምናችሁ እንድትቀበሉ ከሌሎች መናፍስት ጋር መናብብ ይፈጥራል። መናብብ ማለት ቅዱሳን ሆኑ እርኩሳን መናፍስት በእኛ ገሐዳዊ ዓለም እርስ በእርስ የሚያደርጉት መግባባት ማለት ነዉ። እርኩሳን መናፍስት በማይገመት መልኩ አዕምሮን በክፉ ሀሳባቸዉ ይመርዛሉ። ይሄ ኩፉና ሴረኛ መንፈስ ከሌሎች መናፍስት ጋር በመናበብ ስለ ትዳር አስከፊነት ከልዩ ልዩ ባለትዳሮች እንድትሰሙና በተለይ በሩካቤ ጊዜ ያለዉን ችግር ግልጥ በሆነ መንገድ በተገኘዉ አጋጣሚ ሰዎች እንዲያወሩላችሁ እያደረገ በእናንተ ልብ ዉስጥ ፍርሀት ጨምሮ በአዕምሮ ዉስጥ የራሱን ምስል በመቅረጽ ገና ትዳርን ሳታዉቁት እንድትፈሩ ያደርጋል። በዚሁ በረከሰ ሕይወት ደስተኛ ሆናችሁ መኖር እንደምትችሉ በማሳሰብ የግለ ወሲብ ጥገኛ የሚያደርግ ሴረኛ የሆነ ጠላት ነዉ። ስለዚህም ነዉ በቤታችሁ ዉስጥ የጸሎት ቦታ አዘጋጅታችሁ የመንበርከኪያ ጊዜ ይኑራችሁ ጠላት ዲያቢሎስ ላይ ንቁ የሚባለዉ። ፬/ ዓይነ አፋር በማድረግ መናፍስቶች ሥራቸዉን የሚሰሩት በዕቅድና በዓላማ ነዉ። አይነጥላ ወንዱንም ሴቷንም ዓይናፋር በማድረግ ከሰዉ እያሸሻቸዉ የብቸኝነት ሕይወትን ያለማምዳቸዋል። አይነጥላ ዓይናፋር የሚያደርጋቸዉ ሰዎች ከሰዎች ጋር ሕብረት ማድረግ የማይችሉ ከቤተሰብ ጋር እንኳን ሳይቀር ለመግባባት የሚቸገሩ ዝምም ያሉ ፍጡሮች ስለሚሆኑ ተግባቦታቸዉና ግንኙነታቸዉ ከቴክኖሎጂ ጋር ብቻ ይሆናል። አብዛኛዉ ድህረገጾች የዲያቢሎስን ሴራ የሚስፋፋበት በመሆኑ መንፈሱ ለእነዚህ ሰዎች የኃጢአት መንገድ ለማሳየት አይቸገርም። በእርግጥ የቴክኖሎጂ መስፋፋት ጥቅም ቢያሰጠንም የብዙሃኑን ሕይወት እያቃወሰ በቁም እየገደለ ያለዉ የቴክኖሎጂ መስፋፋት ነዉ። መንፈሱ ሲታዩ ቀላል በሚመስሉ ሰዉነትን ሲዋሃዱ ግን ከመርዝ በላይ ገዳይ በሆነ ሴራዎቹ ሕይወት መጠልሸት ይጀምራል፤ በተንቀሳቃሽ ስልኮች በሚታዩ የወሲብ ፊልሞችና በልበ ወለድ መፅሐፍቶች ዉስጥ ለዝሙት የሚጋብዙ ቃላት፤ ሀገርኛ ፊልሞቻችን ላይ በሚታዩ አላስፈላጊ ተግባራት መሰረት በማድረግ [አጋጣሚዎችን በመጠቀም] እነዚህን ክፉ ምግባራት በማሳየትና በማስነበብ የሰዉ ልጆችን ሕይወት ማበላሸት ይጀምራል። የአይነጥላ መንፈስ የኃጢአት መንገዶችን ለማለማመድ አንድ ሰከንድ ከበቂዉ በላይ ነዉ። የወሲብ ስሜት ቀስቃሽ የሆነዉን ምስል ወይም ፅሑፍ አዕምሮ ዉስጥ በመቅረፅ በትዉስታ መልክ እያመጣ ግለ ወሲብ ያለማምዳል። ከዚህ በኋላ እራሱ አጥፊ እራሱ ወቃሽ ሆኖ ቁጭ ይልና ኃጢአተኛ ነህ እግዚአብሔር ጠልቶሃል፣ እንዴት እንዲህ ታደርጋለህ ወዘተረፈ… የሚሉ ወቀሳዎችን እያስከተለ የግለ ወሲብን ፍላጎት ከፍ በማድረግ ከበፊቱ በበለጠ መንገድ ሚስጥራዊና ባይተዋር እያደረገ ጥንቃቄ በተሞላ መልኩ የፖርኖ ግራፊ ፊልምና የግለ ወሲብ ጥገኛ ያደርጋል። ፭/ ለስንፈተ ወሲብ በመዳረግ የዲያቢሎስ ትልቅ ዓላማ ዓለምን በአንድ (globalization) ስር ጠቅልሎ መያዝ ስለሆነ በማንኛዉም መንገድ የኃጢአት መንገዶችን ያስፋፋል። አብዛኞቻችን በሕይወታችን ዉስጥ ለገጠመን ችግር መፍትሔ ፍለጋ ወደ ዓለም እንጂ ቅድሚያ ወደ እግዚአብሔር አናመለክትም። ሕክምናዉም የተሳካ የሚሆነዉ የእግዚአብሔር ፍቃድና እርዳታ ሲጨመርበት እንደሆነ ግንዛቤዉም የለንም ቢኖረንም አናደርገዉም። የእምነት ኃይላችን የተዳከመ ስለሆነ ይሄ ተግባራችን ለመናፍስቱ ሴራ አመቺ ሆኗል። ምክንያቱም ሐኪሙን እንደ መሳሪያ ተጠቅሞ ኃጢአትን ያለማምዳሉና። አይነጥላ፤ ዛር፤ የዝሙት መንፈስና ሌሎችም መናፍስቶች ጭምር የወንዶች ሀፍረተ ሥጋ ላይ በመቀመጥ ለስንፈተ ወሲብ ይዳርጋሉ መፍትሔ ፍለጋ ወደ ሐኪም በሚሄዱበት ጊዜም ወሲብ ቀስቃሽ የሆኑ ፅሑፎችን እንዲያነቡና ፖርኖግሪ ፊልሞችን እንዲመለከቱ ከባለሞያዉ ጥቆማ ስለሚያገኙ ወደዚህ ሕይወት በቀላሉ ይገባሉ። ከጊዜ በኋላ የ