Multaqa-😍 الملتقى 💖

ساعات بنسى إن وشي مكشّر في العادي، يعني ده الـdefault بتاعي وببقى ماشي عامل كده 😠 مع إني ممكن أكون بسمع أغاني ومبسوط، لحد ما ألمح نفسي في أي انعكاس وأتخض وأفرد وشي في لحظة، اللي هو إيه ده لأ انت مبسوط في إيه ابتسم ابتسم

الحجاب علشان يستر الزينة ... مش علشان هو اللى يكون زينه ..!! عمالين تزينو فى اللبس الشرعي ولسه بتسموه شرعي !! د/محمد الغليظ💙

التلقيح بعد الإنفصال و بعد المشاكل بين الاصحاب و الاقارب من قلة العقل و الدين و المروؤء الإمام الشافعي كان يقول ( الحرُ من رَاعَى وِدَادَ لحظة ) يعني نراعي لحظة حلوه رُبما نرجع أصحاب تاني و ربما الخلاف يزول لكن الفجُر في الخصومة هذا من صفات المنافقين _ مكارم الاخلاق لا تنسى ما كان بينك و بين الناس من وِد💕

منكوا لله يا بتوع النت يا اللي فهمتوا الواحد إن الماده هتتلم ليلة الامتحان عادي

تقولُ : فى أيام خِصَامنا كُنت أتصنّع النوم عن صلاة الفَجر ، فـ يأتِى هو ويوقِظَني قائلًا : " يا مَن لا أطِيق وجودها في يَد غيرى ، ولا تُطاق الحياة بدونها ، استيقظي ليُنادى فىّ أن اسكُنْ أنتَ وزَوجُكَ الجَنَّةَ "

خطيبتي كانت بتكلمني بتقولي ان ابوها عايز ينزل يلعب كوره ويفتكر زمان وليالي زمان وحنين للماضي وكده... المهم جبت فرقتين وحاسبتهم كلهم اديت لكل واحد 50 جنيه وحاسبت عالملعب لوحدي عشان يخلوه يجيب اجوان ويكسب ومن يومها وابوها بيلعب معانا كل يوم جمعه و بيخليني اشيل الليله لوحدي دلوقتي افىسىخ الخطوبه واقول لابوها انه مبيعرفش يلعب ولا اكمل وادفع كل اسوبع 2000 جنيه؟

الشخص العاقل الناضج بالنسبالي هو الشخص اللي بيقدر يطنش اكبر قدر ممكن من المواقف أو التلميحات بدون قمص او عداء او حتى عتاب بل انه ممكن يخلق لغيره مبررات اصل الحياة مش ناقصة صعوبة عشان توقف عند كل كلمة تدبدب علي الأرض وتزعل نفسك وتزعل من اللي حواليك ودة بيفكرني بجملة قالها عمر بن الخطاب رضي الله عنه : (لا تظن بكلمة صدرت من أخيك شرًا وأنت تجد لها في الخير محملًا) فا على ايه بقا؟

فِكرة إن ربنا يتولّى أمورك دي حاجة مُريحة جدًا، إنّك تعتمد على ربنا في كُل قراراتك وترجع له في كل خطواتك وقتها هتحس بقوة مش طبيعية وفي سَكِينة ربانية بتنزل على قلبك بتحسسك بالأمان.. الشيخ الشعراوي مرة قال: "حينما يتولّى الله أمرك فهو يُسهل لك كُل صعب، ويُسير أمورك كما تحب، ويُحقق لك ما كنت تظنه مُستحيلًا" لذلك ردد دائمًا: "اللَّهُم اِحتويني برحمتك وتولَّني بقُدرتك فأنت يارب خير المُنصفين".

انتو بتعرفو البلوجر دول وتتابعهوم منين ياجدعان ، انا اخر بلوجر تابعته كان شادي سرور ايام لما كان بيلبس اسدال

س/يعني إيه زوج صالح؟! ج/ابداً..حد كده بيحببنا في الحياة وبيشوقنا للجنّة معاه.💙 د/ محمد عطية💙

مبقاش ينفع يتجاب غوايش دهب في الشبكة ف كنت قاعدة بفكر اومال انا وانا بقسم الفرخة لابو العيال ايدي مش هتعمل خشخشخخش ف كنت مدايقة جدا بس بعدين اكتشفت أن لا هيكون في غوايش ولا حتى فرخة

بمناسبة ان كله بيعمل خطة للسنة الجديدة، هقولك حاجة هتفاجئك. (اكبر غلط ممكن تعمله انك تحدد الكورسات والكتب والدورات اللي هتاخدها.. من غير ما تشوف اصلا انت محتاج ايه) يعني تشوف الكل بياخد كورسات كتابة محتوى، يلا هحط كورس. ده بيرشح 20 كتب.. يلا احطهم في خطتي. دورات دينية للترشيح، هضيفهم كلهم وتيجي تتفاجئ بعد كده انك مش بتنفذ خطتك عارف المشكلة فين؟ - المشكلة انك بتحط (خطة عايمة) مش وراها اي هدف او غاية. انما الصح انك تقعد مع نفسك وتجيب ورقة بيضا خارجية الاول وتقول والله عندي مشكلة في شخصيتي اني مش بعرف انظم وقتي. خلاص هاخد كورس تنظيم الوقت ده، واقرأ الكتاب الفلاني عن تنظيم الوقت وفي نفس الوقت تكون عارف دا عامل مساعد لازم تطبق علي هدفك . والله انا الوقتي في شغلي حاسس ان مستوايا ضعيف في الماركتينج لشغلي، فانا هبدأ اتعلم اساسيات التسويق والبراندينج. مثلا نفرض انا عندي عيب اني بأخر الصلاة عن مواعيدها ومش بصحى للفجر، فهقرٱ كتب عن الصلاة، ودورات دينية عن الصلاة واخلق دافع واشجع نفسي . وهكذا افضل اكتب اهدافك بالشكل اللي يناسبك انت بشخصيتك وكيانك وعيوبك ومميزاتك وشغلك ودراستك واهلك وصحابك . غير كده انت بتعمل زينة مش خطة. وهتلاقي مفاجاه حلوه في اول كومنت 🤍 خطط السنة دي صح وابدأ اشتغل على نفسك وهتلاقي نفسك ماشي ع الخطه باذن الله . عشان عارف انت محدد كل حاجة بهدف ايه🤍

عزمت بابا على كوبايه قهوه وباتيه طازه من الفرن ب ٢٥ جنيه ‏وإحنا راجعين خليتو جابلي لابتوب ب ١٥ ألف وعماله أقنعو من ساعتها إن دي حاجه قصاد حاجه مفيش جميله عليا إحنا كده متعادلين

" دوري ع الشخص إللي يقبلك بعيوبك الشخص إللي متخافيش ع شكلك و إنتي بتتكلمي معاه إللي يركز في تفاصيلك في عيونك و إنتي بتضحك إللي يخليكي دايماً في عيون نفسك شخص مش مضطره تتصنعي معاه في كلامك أو في شكلك أو بتحسي بأي تكلف و إنتي معاه و الأهم يكون شخص يقدر يحتويكي في حزنك و إنهزامك إوعي تختاري شخص قاسي مهما كنتي بتحبيه و متعلقه بيه دوري دايما ع صفة " الحنية " الشخص الحنين إللي يهون عليكي صعوبة الحياة و مشاكلها و ضغطها الشخص إللي بيعرف يطبطب و يداوي و يحتوي و يحس بيكي و يراضيكي .."

ياسمين عز دي من اذكى الشخصيات اللي شوفتها عالميديا .. قدرت تطلع ترند مره وتلاته وعشره بخبث منها وانها عارفه اننا شعب اهطل هنسخف ع الهطل اللي هي بتقوله فا هي بقت تزود ف الهطل عشان عارفه انها هتطلع بيه ترند فا تكسب وتتشهر وتشهر البرنامج بدليل لما سخفت ع cr7 الفيديو وصل لكرستيانو بنفسه وهو بنفسه نزلها الفيديو عنده وكتب stop sending me this واكبر دليل ع انها نجحت اني بكتب البوست ده دلوقتي عليها باردو👍🏻

مرة في إمتحان الشفوي دخلت لدكتور صعب جداً، سألني سؤال صعب فمعرفتش أجاوبه، زَعق وشرحهولي بالتفصيل، وبعدين جاتله مكالمة طويلة ونساني، بعد ما خلصها رجع سألني نفس السؤال، جاوبت نفس الإجابة اللي قالهالي وفاكره بيراجع معايا.. إنبهر بيا وقالي براڤوو عليك واداني الدرجة كاملة وروحت.