Multaqa-😍 الملتقى 💖

تخيّلوا القطة دي لو كانت في مصلّى نساء. 🐈😁

انا صعب اتأقلم علي حاجه جديده ، متزوجه بقالي شهر لسه متعوده علي تفاصيل بيتي لدرجه اني ممكن اتخبط في حاجه بالغلط لان ماشيه وانا مش بفكر وماشيه ورا الذاكره الي عندي لصورة بيتي الاولاني ، في بيتي الأوب كنت حافظه دخله كل واحد من اخواتي حتي ماما وبابا فلما حد بيدخل اوردي ببقي عارفه مين دخل لكن لحد الوقتي مش قادره احفظ دخلته وفي كل مره بيدخل فيها عليها وانا واقفه في المطبخ أو بعمل حاجه بتخض جدا ، لسه بناديه بأسامي اخواتي ، بنسي وانادي اخواتي يناولوني حاجه ، لو خرجت برا لا اردي بلاقي رجلي سحبتني للسوبر ماركت اشتري حاجه لأختي الصغيرة ، لما اختي تبعتلي مسج علي الواتساب بقول في سري هيا لسه فيها خصلة الكسل دي وبقوم من مكاني عشان اروح ارد عليها زي ما كنت بعمل وبعديها افتكر وبقعد تاني . انا انسانه بتتعلق جدددا وصعب اغير الي طول حياتي كنت فيه وعشت فيه والأشخاص الي عاشرتهم 💔

مفيش حاجة فـِ الإسلام اسمها "صوت المرأة عورة" ربنا قال: "فلا تخضعن بالقول فيطمع الذي في قلبه مرض" يعني منتكلمش برِقة زيادة عشان فيه ناس مريضة؛ ممكن ميبقاش قصدك حاجة وتلاقي حد بيضايقك، فربنا بيحافظ على مشاعرك وقلبك من إن حد ينتهك حرمتهم، وتفضلي متضايقة طول اليوم. ♥ ربي برحمته خلي اللي يبتسم في وجهك ليه أجر صدقة، واللي يشيل أذى من طريقك ليه أجر صدقة، فما بالك بقلبك! ♥

جملة هزتني اوي “ الله لا يعطي اصعب المعارك الا لأقوي جنوده " فعلاً مش اي حد ينفع يُبتلي بمرض قاسي.. مش اي حد ينفع يُبتلي بفقد اعز ما يملك في الدنيا... مش اي حد ينفع يُبتلي بزوال نعمة كانت من اساسيات حياته.. مش اي حد ينفع يبتلي بوجع بيكسر قلبه علي نفسه او حد بيحبه.. مش اي حد ينفع يبتلي باعاقة او بمرض اولاده قدام عينيه! سبحان الله ربنا بيختار فئة معينة.. بيحبهم.. بيصطفيهم من بين مليارات الناس لحكمة وحده اللي يعلمها، ثقوا ان اي حد مُبتلي فهو غير كل اللي حوليه؛ اقوي و اشجع و مفيش زيه كتير.. ربنا اختار ناس بيستقبلوا قضاء الله برضا احنا نفسنا بنقف عنده و نتنح من كمية الرضا و الاحتساب و الحمد ! قال تعالي : ﴿وَلَنَبْلُوَنَّكُمْ بِشَيْءٍ مِنَ الْخَوْفِ وَالْجُوعِ وَنَقْصٍ مِنَ الْأَمْوَالِ وَالْأَنْفُسِ وَالثَّمَرَاتِ وَبَشِّرِ الصَّابِرِينَ * الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ * أُولَئِكَ عَلَيْهِمْ صَلَوَاتٌ مِنْ رَبِّهِمْ وَرَحْمَةٌ وَأُولَئِكَ هُمُ الْمُهْتَدُونَ﴾ قولوا لكل بطل مُبتلي و صابر و محتسب ( إِنَّمَا يُوَفَّى الصَّابِرُونَ أَجْرَهُمْ بِغَيْرِ حِسَابٍ﴾ و ان الله لا يعطي اصعب المعارك الا لأقوي جنوده.. حسسوهم انكوا جنبهم و لو بكلام بسيط زي ده و ادعولهم ربنا يرفع عنهم البلاء و يجازيهم الجنة بحق صبرهم و احتسابهم..ادعوا لناس متعرفوهاش .. الدعاء بظهر الغيب مستجاب ان شاء الله.💚

اللهَّم إنا نستودعك غزة وأهلها، أمنها وأمانها، ليلها ونهارها، أرضها وسماءها، شبابها وأطفالها ونساءها، مساجدها وبيوتها، فاحفظها يا رب من الطغاة المفسدين في الأرض يا الله

في يوم سرحت شعري عادي وروحت أعمل كوباية قهوة فسألت بابا اعملك معايا؟ قالي هتعمليها وانتي أمورة كده هتطلع مسكرة! فاجئني برده الرومانتيكي فقولت أدلعه واطلعله فنجان من النيش وجاله أحلى فنجان قهوة♥️ فاكرة من ساعة العيد.. ماما عملت الكحك و القراقيش ومستنياني اخلص شغل عشان اجي أنا أعمل البسكوت، قولتلها يعني جت علبسكوت قالتلي انتي اللي عندك صبر تطلعيه مظبوط ومقاس واحد وبيطلع من إيدك زي العسل، إهتمامها خلاني أعملها بسكوتة بسكوتة واحنتفلها فيه بمزاج عشان يطلع قمر زيها♥️ رانيا صديقة روحي طول عمرها بتحب الشاي وعمرها ماشربت قهوة، من يوم ماعرفتني وعرفت عشقي للقهوة وهي كل يوم والتاني تعمل كوباية قهوة وتقولي حبيت طعمها من حبك فيها وحبي ليكي.. فخلتني أنا كمان أشرب شاي عادي رغم إني عمري ماحبيته♥️ ببعت تاسك لبنوتة معايا في الشغل، ردت عليا قالتلي ياريت كل التاسكات تجيلي بفويس نوت بصوت هاجر المبهج.. انبهرت من ردها الطيب فشجعتني أركز مع تون صوتي وطريقة كلامي مع أي حد حتى في عز الضغط والمشاكل♥️ ((ده طلع لكل فعل رد فعل بجد♥️)) أرى دائماً أن في خفة اللسان قوة تُنال بها الرغائب.. يُدرَك بالرفق واللطف ما لا يُدرَك بالغلظة والعنف.. كونك علاقة مريحة في حياة أي حد بينتقي الحروف الخفيفة على الروح، اللطيفة بالقلب فأنت نعمة.. كونك شخص بيُشعِر الناس دائماً بأحلى ما فيها فأنت نعمة.. " وَعِبَادُ الرَّحْمَٰنِ الَّذِينَ يَمْشُونَ عَلَى الْأَرْضِ هَوْنًا وَإِذَا خَاطَبَهُمُ الْجَاهِلُونَ قَالُوا سَلَامًا" ✨ فاللهمّ اجعلنا خِفافاً على قلوب الناس، واجعل لنا عبوراً لطيفاً لا نشقى بأحدٍ ولا يشقى بنا أحد🙏 مقتبس 💛

قبل رمضان بكام يوم ، إحدى عماتي الحرابيق جت تزورنا وقالت لأمي جايبة للواد عروسة والواد ده اللي هو أنا يعني ، فأمي في لحظات نست كل المشاكل اللي بينهم واتفضلي يا حبيبتي وبتاع .. ولقيت عماد أخويا بيسلم عليها وبيقولي قوم تعالى سلم عليها ..ده اللي يكرم أختي وأخويا اشم فيه ريحة أبويا وأمي بتقولي احنا هنروح نزورها عشان تشوف العروسة عندها في يوم ، أقولها يا ماما مش دي اللي انت حالفة ما تدخلي لها بيت ، تقولي قالولي ايش دخلك بيت عدوك قلتلهم حبيبي فيه .. قلتلهم بصراحة كدا انا زهقت ومش عايز أتجوز ، لقيت عماد بيقولي يا خايب اللي مش في ايديك يكيدك ، طول مانت مش متجوز هتفضل تتخيل ان فايتك حاجة بس أول ما تتجوز هتفهم .. المهم رحت تحت ضغوطات العيلة عند عمتي مستني واحدة ماعرفش حتى إسمها ، وقعدت … ولأني خبرة في الموضوع ما بقتش قلقان هيحصل إيه يعني ، ياما دقت على الراس طبول .. واذ بها تدخل مع إحدى ولاد عماتي ويسلموا علينا وأنا بردوا مستني العروسة ومنتظر ، طلعت هي العروسة .. بنوته عندها ٢١ سنة وأنا كهل في منتصف التلاتينات ، طيب يا جماعة عرفتوا البنت اني تلاتيني بائس، يعني البنت مش جايه غصب، يعني أهلها عارفين طيب ، ماهو مش معقولة البنت لسه قدامها اختيارات كتيرة أوي.. المهم ، قعدت مع البنت مش عارف أكلمها في إيه ، كلمتها شويا عن الفراعنة وعن انحدار الدولة الإسلامية ف الأندلس وقعدت اقولها إن من أعظم القصايد اللي بحبها اتقالت في الأندلس لأبو بقاء الرندي ، والبت بصراحة كانت بتضحك ضحك مبالغ فيه وتقولي دمك خفيف أوي.. وسألتني سؤال غريب أوي .. قالتلي هي فين الأندلس دي ، الأندلس دي اللي هي سوريا صح ؟ فأنا عرفت هي ليه رضت تيجي تشوفني بصراحة روحنا البيت وتاني يوم رمضان لقينا البت موافقة ، وده يعني مش عادة البنات ، وأمي فرحت .. قلتلهم يا جماعة انتوا مخكم تعبان ولا ايه ده فيه فرق ١٣. سنة دي عايزة شاب عشريني .. أمي قالت خدها وروره تفرحك وتفرح بيها ولا تاخدها عتقية تتعبك وتجري عليها .. قلت لأمي أنا مش هتجوز واحدة أنا أكبر منها ب١٣ سنة أنا ، قالتلي ما الناس كلها بتجوز وعادي هو إنتي اللي هتغير الكون قلتلها ليس على الله بمستكبرِ أن يجعل العالم في واحدِ فحكيت لها قصة كبير الهندي اللي كان صوفي وشاعر كبير في الهند وجه ميعاد موته في بلد اسمها فارناسي وكان معروف ان الا بيموت في فارناسي روحه بيتم لها الخلاص وان فيه بلد قصادها اسمها ماجاها اللي بيموت فيها بيجي في الحياة التانية حمار لأنهم بيؤمنوا بتناسخ الأرواح لكن كبير حب يقول لكل الناس إن كل ده غلط فقال للتلاميذ بتوعه ودوني ماجاها أموت هناك فالتلاميذ استعجبوا وقالوا هتروح هناك وانت عارف ان روحك هتبقى حمار في الحياة الثانية قالهم دي كلها خيالاتكم ، وفعلا مات في ماجاها وانتهت الأسطورة لأن استحالة حد يصدق إن روح كبير هتبقى روح حمار وبصيت لأني وقلتلها أنا من اصنع المقدس .. مش الناس فقالتلي يا شيخ بقى روح بالكلام بتاعك ده قلتلها دي فاكرة ان الأندلس هي سوريا يا ماما ، قالتلي عادي ابوك اتجوزني وخلفتكم وأنا لا أعرف سوريا ولا الأندلس وانت اتربيت وزي الفل أهو عماد قاعد جنبنا وقاعد يضحك وقال لأمي ساعات الواد أحمد ده بيكلم صح والله ، قالتله عقل أخوك يا عماد ، فقالي يا أحمد إنت لازم تتجوز ولازم ترضى بقردك ليجيلك أقرد منه وقالي عارف أكبر وأحلى ميزة في الجواز إنه بيخليك عاقل ، بس عارف فين المشكلة قلتله فين ؟ قالي انك بتكون عقلت بعد ما اتجوزت ولبست، وانت بقى مشكلتك انك عاقل قبل ما تتجوز فعمرك ما هتتجوز .. فمرات عماد بصتله وقالتله هي الأندلس دي فين ؟ قالها خدها علي قد عقلها وقالها تقريبا دي تركيا اللي هي طرابلس زمان قبل انتهاء الخلافة فأنا عرفت ليه عماد أخويا ومراته مبسوطين .. الشيخ جرجس

- كيف تريدينه؟! = كيوسف - جميل؟! = لا بل إذا جاءته إحداهُّن قال معاذ ﷲ♥️🌿

مِن أسرار التّسبيح؛ أنهُ يَحفظُك مِن الفِتَن والمعاصي، "قالَ أَوسَطُهُم أَلَم أَقُل لَكُم لَوْلَا تُسَبِّحونَ" ㅤ حينَما تَعتريكَ فِتنة؛ سبِّح، وقُل: ( سُبحان اللَّـهِ وبِحمدِه سُبحان اللَّـهِ العَظيم )

اللهمّ شتّت شمل اليهود وبدّد قوّتهم وفرّق جمعهم اللهمّ أرنا فيهم عجائب قُدرتك اللهمّ احصهم عددًا واقتلهم بددًا وﻻ تُغادر منهم أحدًا اللهمّ لا ترفع لهم فـ القدس رايةً ولا تُحقق لهم فـ فلسطين غايةً اللهمّ سلَّمَ إخواتنا في فلسطين والمسجد الأقصى ، وغشيهم بالسلامِ والسكينة. اللهمّ يا ربّ

مرحبًا يا أنيس قلبِي وأيامِي، أودُّ أن أقول أنِّي لم أفهم معنَى كلمة الوَنَس جيدًا إلا فِي حُضورك، معنَى أن يكُون لك شخص تأنسهُ رُوحك ويهواهُ قلبك، لقد أصبح الونَس يَحتضنُ كُل رُكنٍ في حياتِي مُنذ أن جئت حياتِي، كانَ كُل شيءٍ معك بسيط بشكلٍ مُبالغ فيهِ ولكنَّه كان كبيرًا جدًّا لقلبِي ومؤنسًا ومداويًا لروحي. #ضحى_علاء

معظم البنـات إللي ملهاش فى الطبخ في بيت أهلها ، والله بتبقى أحسن ست بيت في بيتها.😂❤️

في مشكله ع جروب واحد بيشتكى إن مراته عملت حادثه و إن هو اللى بيغير لها زى الاطفال وبدا يقرف منها ومش قادر يعاشرها معاشره الازواج بعد اللى شافه ومش قادر يجيب لها خدامه علشان خايف تسرقهم واحده من الناس ردت رد يوجع القلب ردت قالت : " تصدق بالله أنا و أنا حامل لو كنت اتحرك من مكاني كان بيجيلي نزيف ، جوزي لمدة ٩ شهور ساب شغله و قعد جنبي يأكلني و يشربني و يغيرلي هدومي و يربط لي رباط الجزمه لو نازلين رايحين للدكتور و يجيب لي بنت تعملي شعري و مانيكير و باديكير علشان نفسيتي ، رغم ان عندي أختين بنات و أمي و حماتي ، في وقتها رفض مساعدتهم و قال لهم أنا أولي بمراتي و اللي عايز يساعد يشوف نفسها في إيه و يطبخه لانها مابتحبش اكل بره و انا مابعرفش اطبخ و ربنا رزقنا بابننا بعد ما شديت حيلي قالي يالا انزلي اخرجي و سيبي لي الولد انت محبوسة بقالك شهور هو خدمني ٩ شهور عشنا مع بعض بعدها ٣ سنوات بيراعي ابني زي ما انا براعيه و حطاه في عينيا و فجأه توفاه الله من شهرين في عز شبابه و فهمت ان اللي زيه خساره في الدنيا و ان اللي من عينتك بس هما اللي بيعيشوا ، رحمه الله ع رجل عمري كان أحسن و أفضل الرجال ، انت بقي عملت ايه يخلي مراتك تحس باللي انا حاسه به تجاه زوجي من وجع قلب ، لو مش قادر تخدمها هات واحده تخدمها و ماتقولش اصلها هاتسرقني لانها لو مكانك كانت هاتخدمك العمر كله" رد تانى واحده كاتبه :" نفسي أكلم ربنا واشكى له واقول له بقى هم دول الرجاله اللى وصيتهم علينا يارب" وهل هما دول الازواج اللي لو كنت امرت احدا ان يسجد لاحد لامرت المراة ان تسجد لزوجها اوعي تقبلي بالي يقولك بحبك وهوه مش فاهم معنى الكلمه وله يقدر يثبت معناها .. اوعي تقبلي باي حد عشان ميبقاش في الاخر ده تقديره ليكي 🖤

‏هي مش عاوزه جواز صالونات.. وبرضه مش عاوزه حب حرام.. وفي نفس الوقت هي عاوزه أكشن قبل الخطوبه.. بس هي مابتحبش الإختلاط.. بس هي عاوزه قصه كده من بتوع الروايات.. بس هي مابتديش وش لأي حد يكلمها..! إنت فاهم..؟!

لا تعاتب أحد فمن أحبك حكى ومن إشتاق أتى ومن استغنى فنحن عنه أغنى عادي !🖤

- عاوز اعترف لك بحاجة يا شيخ بس ما تكتبهاش ع الفيس - اتفضل - صلاة التراويح تقيلة عليا وبابقى جي المسجد بالعافية وبصراحة مابحسش باللذة اللي الناس بتكتب عنها ع الفيس ، وبفكر اصليها في البيت ؟ - إوعى تعمل كده - ليه ؟ - علشان مش هتصليها ، ولو صليتها هتصليها مرة ومش هتصليها تاني ، ولو صليتها هتصليها من غير روح ، الشيطان بيشتغلك وبيجيبك بالتدريج -طب مادمت جي المسجد بالعافية وتقلان ومجهد ونعسان ومش لاقي الأنس واللذة ، آجي ليه ؟ - لنفس السبب اللي احنا بنيجي علشانه المسجد ، هو انت فاكر انك لوحدك اللي تقلان ونعسان ومجهد ومش لاقي لسه الأنس واللذة ؟ معظمنا بيعاني زيك بالظبط - معقولة ؟ - آه والله - أمال بتيجوا ليه ؟ - عبودية - إيه ؟ - عبودية - يعني إيه ؟ - العبودية من معانيها الانقياد والطاعة والاستسلام التام ، احنا بنيجي في عز التعب والجهد بعد يوم صيام شاق علشان نظهر لربنا عبوديتنا ، و نسترضيه كأننا بنقوله يارب احنا تعبانين ومجهدين ومش قادرين وجايين بس علشان نرضيك يا صديقي احنا كلنا زيك جايين ندور على قلبنا في بيت ربنا احنا جايين عشمانين تشملنا الرحمة والمغفرة والعتق اللي بينزلوا كل يوم على مجالس الذكر والصلوات عشمانين ان مجرد تواجدنا في بيوت ربنا يكون سبب في حصولنا على حلمنا العظيم بالعتق من النيران ويكون اسمنا ضمن كشوف الأسماء اللي بتنزل كل ليلة في رمضان مجرد عصيانك لهواك وطرد وسوسة النفس ومقاومتك طول الوقت للصوت اللي بيقولك ماتروحش المسجد أو بيقولك وانت بتصلي : صلي الركعتين دول وروح كمل في البيت = ده في حد ذاته لذة وعبادة عظيمة اسمها المجاهدة واللي في النهاية ربنا بيكافئك عليها بإنك تجد الأنس واللذة اللي بتحلم بيهم يا حبيبي احنا بنيجي المسجد بعد يوم شاق علشان نمارس العبودية ممارسة حقيقية ، و نعيش معنى سمعنا وأطعنا غفرانك ربنا وإليك المصير ..

- كنت بكلم مع واحدة قريبتى وفجأة لاقيتها بتقولى " لو عايز ربنا يحققلك اى حاجة استغفر كتير ومتقولش لحد " لاقتنى سكت .. قالتلى انت عارف ؟! -انا لما جيت اتجوز كان فى شوية عقبات كده كانت ممكن تفركش الجوازة ، وكنت بستغفر ليل نهار وحتى وانا بشتغل والحمدلله اتجوزت الشخص اللى عايزاه . - ولما خلفت بنت كان نفسى من جوايا اخلف ولد وكنت بستغفر بردو ليل نهار وربنا رزقنى بتؤام ولد وبنت . واى حاجة فى حياتى بتمناها او عايزاها بستغفر وربنا بيستجيب . انا فضلت متنح شويه ، بس عالطول افتكرت .. " فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا * يُرْسِلِ السَّمَاء عَلَيْكُم مِّدْرَارًا * وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا " 💙

التفاعل قلّ جدًا في القناة فلو عجبكم المحتوى سيبوا ريأكت على منشورات القناة.♥️ وشيروا لينك القناة ❤️

‏"لا سامح الله الذين من فرط أذيّتهم، جعلونا ندعو على أيامنا بأن تمضي و تنقضي."

النهارده في صلاه التراويح العيال بتجري فوق راسي بالظبط المهم بصلي لقيت عيل متشعلق في رقبتي ونا سجده ولما قومت وقفت كان لسه زي مهو ع رقبتي بعد مخلصت نزل وطلع يجري جيت بصلي الركعه التانيه لقيت الولا جيه وقف قدامي وراح لطشني حته قلم مبقتش عارفه اضحك ولا اعيط جيت ونا ساجده في اخر ركعه الواد داس ع راسي يجماعه ربوا عيالكم مش كده 🤡.