ᴏʀᴏᴍɪʏᴀᴀ ᴘʀᴇss™

Marroon eenyu, eenyurraa dhalate, eenyutu dhalche? Barreeffama Marroo ibsu kaleessa Danuu n katabee ture. Barreeffamni sun gabaabinaan barreeffamus dhugaa dheeraa of keessaa qaba. Dhuguma,-Marroon eenyu? -Eenyurraa dhalate? -Eenyutu dhalche? Dubbii gabaabaafi salphaan, Marroon kennaa addaa Waaqayyo jaarraa kana keessa Oromoo qofaaf kenne utuu hin taane, aasxaa saboota mirga isaaniif falmatanii saboota addunyaa jaarraa kanaati.Eenyummaa Marroo kana ibsuuf,jechoota qotnee barbaaduu irra dachee onaa keessaa bishaan qotanii barbaaduu wayya. 'Eenyurraa dhalate? ' gaaffii jedhuuf, Marroon gadameessa haadha isaa qofa keessaa hin baane.Haadha isa deesse irraa dhiiga fudhatee, Saartuu Magarsaa irraa mucha gootummaa hodhee, barruu Lalisee Roobaa irraa jabina sooratee, Ilfinash Qannoo irraa gorsa fudhatee, Aslii Oromoo irraa gamnummaa baratee...... gootota harmoota Oromoo mara irraa nama guutuu ta'ee dhalate. Eeyyee, gootummaan Laggasaa Wagii,iccitii qabachuun haji Adam Saaddoo, beekumsa Baaroo Tumsaa,gamnummaa Alamuu Qixxeessaa, tooftaaf dandeettii Taaddasaa Birruufi Waaqoo Guutuu, kutannoo Jaarraa Abbaa Gadaa, sabaaf jiraachuu Usmaayyoo Muusaa...... kallattii hundaan guutuu ta'ee gootota abboota Oromoo kaleessaa irraa dhalate;isaantu dhalche. Waan abbootaaf harmootni goototni Oromoo kaleessa qabsoo keessatti yaalanii darban muuxannoo godhatee, waan fooyyessu fooyyessee, yeroo Oromoon goota barbaaddutti goota guutuu ta'uun harka Rabbi irraa badhaasa Oromoof kennameedha. Aasxaa saboota cunqurfamoo jaarraa kanaati. Dhugaa baayyee waayee isaa dubbachuun dandaa'amus, waraqaan waayee isaa irratti barreessan waan nama gahu natti hin fakkaatu. Eeyyee, Innis seenaa isaa waraqaa irratti utuu hin taane, hojiif gochaan barreessee nu dubbisiisaa jira. Marroof WBOn hundumtuu galatoomaa! Waan waggoota 50 oliif ijaan hin argine waggaa 5 keessatti nutti agarsiistan. Fuulduratti! Lati Chali Likasa

Qabsa'aan Gameessi Aartist Zarihun Wadaajoo du'aan Addunyaa kanarraa boqote. (SQ-Eebila 23, 2023) Qabsoo Bilisummaa Oromootti gama Aartiitiin Uummata dammaksaaf Ijaaraa kan ture, Aartist Zarihun Wadaajoo yaalii yeroo dheeraa booda Eebila 22, 2023 Biyya Indiitti du'aan Addunyaa kanarraa boqoteera. Aartist Zarihun Wadaajoo jireenya gidiraaf roorroo hamtuun guutamte jiraachaa, utuu nuffe, dadhabe hin jedhin ifaajee inni Qabsoo Bilisummaa Oromootiif taasisaa ture waan dalphaatti ilaalamus miti. Aartistii keenya kabajamaa kana du'aan of biraa dhabuu keenyatti gadda guddaa nutti dhagaa'ame ibsachaa; maatii, firoottaniif Uummata Oromoo bal'aaf jajjabina hawwina!

Hordoftootni Amantaa Islaamaa Baga Geessan! Iid Mubaarak!!

(SQ-Eebila 20/2023) Qophii Sagalee Qeerroo Bilisummaa Oromoo hordofaa!

Walaloo jaal Mikaa'el Booran Yaadannoo Goototaa irratti dhiyyeesse!

https://youtu.be/MOZzX0hTL5k "Gaaffiin Oromoo sadarkaa olaanaatti ilaalamu gaaffii siyaasaati. Suni deebi'u malee furmaanni tokkollee argamuu hin danda'u. Warri sirna Itoophiyaa of harkaa qaban haasaa kijibaa, imaammata kijibaa, olola kijiba dhiisanii dhugaa ofitti haasa'uu qabu. Dhugaa ofitti haasa'uu keessatti Sirna [mootota] hunda keessatti hudhaa ta'ee fuulduratti akka hin tarkaanfanne kan isaan taasise waan lama. Inni tokkoffaan, gaaffii uummata Oromoofi gaaffii cunqurfamtootaa haqaan deebisuuf qophii ta'uu. Inni lammaffaan uummatoota hundaaf kan ta'u sirna dimokiraasii beekamtii uummataa qabu ijaaruuf qophii ta'uu. Rakkoo furuu yoo barbaadan kana gochuu qabu. Kana gochuuf: sadarkaa duraatti weerara waraanaa Oromiyaa irratti diriirsan yeroo dhumaatiif dhaabuu, uummanni fedhii isaatiin hireesaa akka murteeffatu haalasaa mijeessuu qabu. Kana uummanni qabsoosaatiin argachuu qaba."

Jaal Abboomaa Mitikkuu Waaqoo hiriira barattootaa Yuuniversitti Finfinnee irratti yeroo taasifamu.

Irbuu Shinniiggaa haga Morma Jaardagaa tti, Tokkummaa Oromummaa fi Biyyummaa Oromiyaa kan agarsiise Jaarmayaa ABO-WBO Kaayyoo ganamaa tarkaanfachiisu dha malee Seesee Gandaa fi Amantaatiin wal ijaartee bolola aangoof fiigdu miti. Jabaachuu qabsootiin kan faayidaan  qabsootiin daldaluu irraa argattu kan jalaa tuqame, murni Seesee Finfinnee haga Diyaasporaa, WBO diiguuf hedduu tattaafatte. Kuun lagatti shiftaa gootee,kuun ammoo gansiiftee galchitee, simboo #WBOummaa irraa mulqite. Dhaamsi kun gowwoomsaa Seeseetiin akka hin dogoggorfamneef dhaamame.