Neft va Gaz Ishi

🔥 Ajoyib yangilik: Abu Rayhon Beruniy universiteti Qashqadaryo kampusida ta’lim yo‘nalishlari soni rasman 33 taga yetdi! Oliy ta’lim, fan va innovatsiyalar vazirligi tomonidan universitetimizga yana 28 ta yangi ta’lim yo‘nalishi uchun litsenziya taqdim etildi va umumiy yo‘nalishlar soni 33 taga yetdi. Yangi litsenziya asosida qo'shilgan ta'lim yo'nalishlari:

60110200 — Maktabgacha ta'lim 60110400 — Boshlang'ich ta'lim 60110700 — O'zbek tili va adabiyoti 60110900 — Xorijiy til va adabiyoti 60111200 — Jismoniy madaniyat 60230100 — Filologiya va tillarni o'qitish 60410200 — Buxgalteriya hisobi 60411100 — Jahon iqtisodiyoti va xalqaro iqtisodiy munosabatlar 60510100 — Biologiya 60520200 — Ekologiya va atrof-muhit muhofazasi 60610100 — Axborot tizimlari va texnologiyalari 60610500 — Sun'iy intellekt 60710100 — Kimyo muhandisligi 60710400 — Energetika muhandisligi 60720100 — Oziq-ovqat texnologiyasi 60720400 — Texnologik mashinalar va jihozlar 60810400 — Agronomiya 60840100 — Veterinariya meditsinasi 61010200 — Sport faoliyati 61010400 — Logistika

Magistratura muxatassisliklari:

70110102 — Pedagogika 70110401 — Ta’lim va tarbiya nazariyasi va metodikasi (boshlang‘ich ta’lim) 70310301 — Psixologiya 70110901 — Xorijiy til va adabiyoti 70410102 — Iqtisodiyot 70420101 — Advokaylik faoliyati 70330603 — Gidroelektr va nasos stansiyalari qurilishi 70721101 — Neft va gaz konlarini ishga tushirish va ulardan foydalanish

✔️ Qabul kunduzgi, kechki hamda 2-mutaxassislik ta’lim shakllari bo‘yicha davom etmoqda. DTM ball asosida talaba bo‘lish imkoniyatini qo‘ldan boy bermang. Joylar soni cheklangan. Hoziroq ro‘yxatdan o‘ting 👇 👆 Ro‘yxatdan o‘tish uchun 💬 Qabul bo'yicha bog'lanish uchun: @ARBU_Qarshi_Admin1 📞 Murojaat uchun: +998 55 401 0100 📱 Telegram | 📱 Instagram

#Tabrik 😎 30-iyul - Xalqlar do‘stligi kuni munosabati bilan “Uzbekistan GTL” jamoasi barcha yurtdoshlarimizni samimiy muborakbod etadi. Yurtimizda tinchlik va osoyishtalik, millatlararo totuvlik va ahillik doimo barqaror bo‘lsin! Barchangizga sihat-salomatlik, baxt-saodat va xonadonlaringizga fayzu baraka tilaymiz. 📹Video ——— Bizni kuzating⬇️ 🕊Telegram | 🌍Website 📺YouTube | 🔹LinkedIn 📱Facebook | 📱Instagram

Йил бошидан буён — 21% «Ўзбекнефтгаз» АЖ тизими ходимларининг ойлик маошлари 2026 йил 1 сентябрдан бошлаб яна 10 фоизга оширилади. Эслатиб ўтамиз, жорий йилнинг 1 апрелидан ҳам лавозим маошлари 10 фоизга оширилган эди. Шу тариқа, 1 сентябрдан яна 10 фоизга оширилиши натижасида йил бошидан буён умумий ўсиш 21 фоизни ташкил этади. Нефть ва газ соҳасидаги меҳнат ҳар доим ҳам кўзга ташланавермайди. Чўлдаги конлар, компрессор станциялари, қайта ишлаш мажмуалари ва ишлаб чиқариш объектларида туну кун меҳнат қилаётган минглаб ходимлар ана шу тармоқнинг таянчи ҳисобланади. Мазкур қарорни тизим ходимларининг машаққатли меҳнатига берилган муносиб эътироф дейиш мумкин. Албатта, бу каби ижобий ўзгаришлар келгусида ҳам изчил давом этишига умид қиламиз. Каналга уланиш: @Ngi_Uz

Prezident Shavkat Mirziyoyevning energetika bo‘yicha videoselektordagi asosiy fikrlari: 📌 O‘n yillik islohotlar natijasida ichki ehtiyojni to‘liq qoplaydigan generatsiya quvvatlari yaratildi; 📌 Energetikadagi asosiy muammo mablag‘da emas, tizim boshqaruvida; 📌Bir xil tarmoqlarda natija turlicha. Bunga talab, nazorat va intizomning har xilligi sabab; 📌 Aholi va tadbirkorlar energetika tizimiga mas’ul rahbarlar ishidan mutlaqo norozi; 📌 Podstansiya va transformatorlardagi avariyalar aholi, tadbirkorlar va iqtisodiyotga katta zarar keltirmoqda; 📌 Energiya iste’moli balansi aniq hisoblanmagani uchun milliardlab mablag‘ samarasiz sarflanmoqda; 📌 Energiya samaradorligi faqat quyosh paneli emas. Avvalo uylarning samaradorligini oshirish zarur; 📌 Xodimlar ishini boshqarish raqamlashtirilmagani sababli tizimda kundalik nazorat sust; 📌 3,7 million xonadon suyultirilgan gazdan foydalanadi, ammo uni o‘z vaqtida yetkazish muammosi saqlanib qolmoqda; 📌 Xususiy tadbirkorlar suyultirilgan gaz yetkazib beradi, Ijtimoiy reyestrdagi oilalarga subsidiya ajratiladi; 📌 Suyultirilgan gazni tashish, saqlash va tarqatish tizimi xalqaro standartlar asosida qayta ko‘rib chiqiladi; 📌 Yangi energetika loyihalari minglab zamonaviy mutaxassislarga ehtiyojni oshiradi; 📌 Ta’lim amaliyot bilan bog‘lanmagani uchun bitiruvchining ishga moslashishiga 2–3 yil ketmoqda. Facebook|Instagram|X

Иккинчи ярим йилликда “Ўзбекнефтгаз” АЖ тизимида иш ҳақлари оширилади. Бу ҳақда жорий йилнинг биринчи ярим йиллиги якунларига бағишланган кенгайтирилган йиғилишда Бошқарув раиси томонидан тегишли топшириқ берилган. Каналга уланиш: @Ngi_Uz

Шерзод Хикматуллаевич Ходжаев Ўзбекистон Республикаси Энергетика вазири лавозимига тайинланди. Каналга уланиш: @Ngi_Uz

Таваллуд айёмингиз муборак бўлсин, Ҳурматли Президент! Каналга уланиш: @Ngi_Uz

Жазирама ортидаги меҳнат Ёзнинг жазирама кунларида хонадонларимизга узлуксиз етиб келаётган табиий газ, транспорт воситалари учун ишлаб чиқарилаётган ёқилғилар ва саноат учун зарур маҳсулотлар ортида конларда, завод ва бошқармаларда фаолият олиб бораётган минглаб нефть-газчиларнинг машаққатли меҳнати мужассам. Улар чўлнинг оғир иқлим шароитида, туну кун меҳнат қилиб, юртимиз энергетик барқарорлигига муносиб ҳисса қўшмоқда. Ушбу видеода Устюртнинг олис конларида меҳнат қилаётган мутахассислар ҳақида ҳикоя қилинади. Ҳар бир куб метр табиий газ, ҳар бир томчи ёқилғи ва ҳар бир кВт·соат электр энергияси ортида ана шундай фидойи инсонларнинг заҳматли меҳнати бор. 🎬Youtube'да кўриш Каналга уланиш: @Ngi_Uz

Нефть базаларида ижобий ўзгаришлар сезилмоқда Кеча “Ўзбекнефтгаз” АЖ Бошқарув раиси Абдуғани Сангинов раҳбарлигида нефть базаларининг 2026 йил биринчи ярим йиллик фаолияти, мавжуд муаммолар ҳамда иккинчи ярим йилликдаги устувор вазифаларга бағишланган кенгайтирилган йиғилиш бўлиб ўтган. Очиғини айтганда, сўнгги йилларда оғир аҳволга келиб қолган нефть базаларида ижобий ўзгаришлар кузатилаётганини кўриш мумкин. Қайд этилишича, ҳисобот даврида жами 98,8 минг тонна нефть маҳсулоти реализация қилиниб, ўтган йилнинг мос даврига нисбатан 129 фоизлик ўсиш қайд этилган. Яна бир эътиборли жиҳати, 14 та нефть базасидан 11 таси биринчи ярим йилликни 12,3 миллиард сўм соф фойда билан якунлаган. Штат бирликлари 22,3 фоизга оптималлаштирилган, самарасиз 119 та ФЁТШ тўлиқ демонтаж қилиниб, 14,9 гектар ер майдони ҳокимликлар захирасига қайтарилган. Натижада 2,7 миллиард сўм маблағ иқтисод қилинишига эришилган. Шунингдек, электрон савдолар орқали фойдаланилмаётган 15 та объект 28,3 миллиард сўмга сотилган. Йиғилишда яна бир муҳим масала ҳам кўриб чиқилган. Биринчи ярим йилликни соф фойда билан якунлаган нефть базалари ходимларининг иш ҳақи 1 августдан оширилиши бўйича масъулларга топшириқ берилган. Йиғилишда Бошқарув раиси томонидан йилнинг иккинчи ярми учун ҳам аниқ вазифалар белгилаб берилган. Хусусан, АЁҚШларни реконструкция қилиш, маҳсулот реализациясини кунига 1,5 миллион литрга етказиш, операцион харажатларни қисқартириш, қарздорликларни камайтириш, йил якунига қадар барча АЁҚШларни янги намунавий дизайн асосида реконструкция қилиш ва тўлиқ рақамлаштириш, учинчи чоракда 12 та ФЁТШни АЁҚШга айлантириш, айланма маблағларни шакллантириш ҳамда бошқарувнинг замонавий иқтисодий моделини жорий этиш бўйича вазифалар белгилаб берилган. Рақамларга қарайдиган бўлсак, нефть базаларида олиб борилаётган ислоҳотлар аста-секин натижа бера бошлаганга ўхшайди. Энди асосий масала — бу ижобий тенденцияни йил якунигача сақлаб қолиш ва белгиланган вазифаларни бажариш бўлади. Каналга уланиш: @Ngi_Uz

Korrupsiyaga qarshi murosasiz yondashuv — “Uzbekistan GTL”da yarim yillik natijalar sarhisob qilindi "Uzbekistan GTL" zavodida "O‘zbekneftgaz" AJ tomonidan joriy yilning birinchi yarim yilligida korrupsiyaga qarshi kurashish sohasida amalga oshirilgan ishlar tahlil qilinib, erishilgan natijalar va kelgusi ustuvor vazifalar belgilab olindi. 👉 Batafsil 👋Bizni kuzating 🌐web-sayt | 📹instagram |💬telegram | 📺youtube | 💬facebook

Бугун Футбол ғалаба қозонди, Испания мухлисларини табриклайман 🏆

Ҳусанов Бахтиёр Рустамович “Нефтгазмонтаж” МЧЖ директори лавозимига тайинланди. Каналга уланиш: @Ngi_Uz

Жабборов Шокир Давлатович “Ўзбекгеофизика” АЖ Бошқарув раиси лавозимига тайинланди. “Ўзбекнефтгаз” АЖ Бошқарув раисининг биринчи ўринбосари Суҳроб Хамраев “Ўзбекгеофизика” АЖда танқидий-таҳлилий йиғилиш ўтказди. Йиғилишда нефть ва газ соҳасида катта тажриба тўплаган Шокир Жабборов “Ўзбекгеофизика” АЖ Бошқарув раиси лавозимига тайинлангани эълон қилиниб, жамоага таништирилди. Янги раҳбар олдига геология-қидирув ишларини сифат жиҳатидан янги босқичга олиб чиқиш, соҳада замонавий бошқарув ёндашувлари ва энг илғор технологияларни жорий этиш, углеводород захираларини кўпайтириш бўйича ишларни тез фурсатларда жадаллаштириш ҳамда белгиланган вазифаларнинг ўз вақтида ва сифатли ижросини таъминлаш бўйича аниқ вазифалар белгилаб берилди. Каналга уланиш: @Ngi_Uz

Гидротест Гидротест - қувурлар, босим остида ишловчи идишлар, резервуарлар ва бошқа босим остида ишловчи ускуналарни сув ёрдамида белгиланган синов босимида текшириш усули бўлиб, одатда объектни эксплуатацияга топширишдан олдин амалга оширилади. Гидротест ўтказишдан асосий мақсадлар: - Тизимнинг механик мустаҳкамлигини текшириш. - Пайванд чоклари, фланецлар ва арматураларда сизиб чиқиш йўқлигини тасдиқлаш. - Тизимнинг лойиҳавий босимга бардош бера олишини синаш. Гидротест одатда қуйидаги босқичларда амалга оширилади: - Тизимни тайёрлаш ва барча текширувларни якунлаш. - Тизимни сув билан тўлдириб, ичидаги ҳавони тўлиқ чиқариш. - Босимни босқичма-босқич синов босимигача ошириш. - Белгиланган вақт давомида босимни ушлаб туриш ва визуал текширув ўтказиш. - Босимни назорат остида тушириш, дренаж қилиш ва тизимни қуритиш (Кейинги жараён Airblowing, унга алоҳида видео бор). Заводдаги иш фаолиятим давомида қувур тизимлари ва технологик ускуналарда гидротест жараёнларини ўтказганман. Айтишим мумкинки, гидротест - бу шунчаки қувурни сув билан тўлдириб босим бериш эмас, балки бутун тизимнинг механик мустаҳкамлиги ва герметиклигини тасдиқловчи энг муҳим синовлардан биридир. Агар сиз гидротест натижасини қабул қилувчи томон (Owner, QA/QC ёки Inspection) бўлсангиз, манометр кўрсаткичларидан ташқари унинг кранларга алоҳида эътибор беринг. Бир сафар гидротест ўтказаётганимизда тизимни 100% синов босимигача кўтардик. Белгиланган вақт - тахминан 30 дақиқа давомида босим ушлаб турилди. Манометрга қарасак, босим умуман тушмаяпти, ҳаммаси яхши. Лекин P&ID бўйича визуал текширув вақтида қувур бирикмаларидан бирида сизиб чиқиш борлигини пайқадик. Табиийки бизда савол туғилди: «Агар сизиб чиқиш бўлса, нега босим тушмаяпти?». Текширувни давом эттирганимизда сабаб аниқланди. Маълум бўлдики, тизим 100% синов босимига етгач, топширувчи томон манометрнинг изоляция кранини (билмасдан ёки босим пасайиши манометрда акс этмаслиги учун атайлаб) ёпиб қўйган экан. Натижада тизимдаги ҳақиқий босим пасайган бўлса ҳам, манометр аввалги қийматда қолиб, босим тушмаганини кўрсатишда давом этган. Тажрибамдан келиб чиқиб айтишим мумкинки, гидротестда фақат манометр кўрсаткичига ишониш етарли эмас. Қуйидаги жиҳатларга ҳам алоҳида эътибор бериш лозим: - Манометрнинг изоляция крани очиқ эканлигини текшириш. - Манометрларнинг калибровка сертификатларини текшириш. - Имкон қадар камида иккита манометрдан фойдаланиш. - Фақат манометрга эмас, балки бутун тизимни визуал текшириш. - Ҳар бир фланец, пайванд чоки ва арматурани синчиклаб кўздан кечириш. Гидротест жараёнида бир нарсани унутманг: манометр кўрсаткичи ўзгармаслиги мумкин, аммо сизиб чиқаётган сув албатта муаммо борлигидан далолат. Эслатма: Гидротест ишлари одатда тасдиқланган махсус гидротест процедураси асосида амалга оширилади. Жараён айнан илова қилинган расмдагидек бўлмайди. Каналга уланиш: @Ngi_Uz

Қудуқ конструкциясида қўлланиладиган ҳимоя тизмалари Нефть ва газ қудуғини бурғилаш жараёнида қудуқ деворларини мустаҳкамлаш, турли босимли қатламларни бир-биридан ажратиш, ерости сувларини муҳофаза қилиш ҳамда маҳсулдор қатламни хавфсиз эксплуатация қилиш учун ҳимоя тизмалари (Casing Strings) туширилади. Қудуқнинг чуқурлиги ва геологик шароитига қараб қуйидаги ҳимоя тизмалари қўлланилади: 1. Йўналтирувчи колонна (Drive Pipe / Direction Pipe) Вазифаси: Қудуқ оғзини мустаҳкамлаш; Бўш жинсларнинг қулаши олдини олиш; Бурғилаш ускунасини тўғри йўналтириш. Одатий диаметри: ∅ 30"–20" (762–508 мм) 2. Кондуктор колонна (Conductor Casing) Вазифаси: Ерости чучук сув қатламларини муҳофаза қилиш; Юза қисмидаги нобарқарор жинсларни цементлаш; Кейинги колонналар учун таянч вазифасини бажариш. Одатий диаметри: ∅ 20"–13⅜" (508–340 мм) 3. Техник (оралиқ) колонна (Intermediate Casing) Вазифаси: Турли босимли горизонтларни изоляция қилиш; Аномал босимли қатламларни ажратиш; Қудуқ деворининг ўпирилишини олдини олиш; Кейинги бурғилаш ишларини хавфсиз давом эттириш. Одатий диаметри: ∅ 13⅜", 10¾", 9⅝" (340; 273; 245 мм) Айрим чуқур қудуқларда икки ёки учта техник колонна туширилиши мумкин. 4. Эксплуатацион колонна (Production Casing) Вазифаси: Маҳсулдор қатламни изоляция қилиш; Нефть ва газни хавфсиз қазиб олиш; Эксплуатация жараёнида қудуқ герметиклигини таъминлаш. Одатий диаметри: ∅ 9⅝", 7", 5½" (245; 178; 140 мм) 5. Лайнер (Liner) Лайнер — тўлиқ ер юзасига чиқмайдиган, олдинги колонна ичига осиб қўйиладиган ҳимоя тизмаси. Вазифаси: Қудуқ оғирлигини камайтириш; Металл сарфини қисқартириш; Чуқур интервалларни мустаҳкамлаш. Одатий диаметри: ∅ 7", 5½", 4½" (178; 140; 114 мм) Энг кўп учрайдиган қудуқ конструкцияси ҳимоя тизмаси ва диаметрлари Йўналтирувчи - ∅ 30" (762 мм) Кондуктор - ∅ 20" (508 мм) Техник - ∅ 13⅜" (340 мм) Техник (2) - ∅ 9⅝" (245 мм) Эксплуатацион - ∅ 7" (178 мм) Лайнер - ∅ 5½" (140 мм) Ҳар бир кейинги колонна аввалгисининг ичига туширилади. Шунинг учун қудуқ тубига қараб диаметри босқичма-босқич кичрайиб боради. Эслатма: Келтирилган диаметрлар энг кенг тарқалган стандарт ўлчамлар ҳисобланади. Амалда улар қудуқнинг чуқурлиги, геологик шароити ва лойиҳа ечимларига қараб ўзгариши мумкин. Каналга уланиш: @Ngi_Uz

⚡️ 2026 йил январь–июнь ойларида ишлаб чиқарилган электр энергияси ўтган йилнинг мос даврига нисбатан 7,1 фоизга кўп 📈👨‍👩‍👧‍👦 Ишлаб чиқариш: жорий йилнинг январь–июнь ойларида республикамизда жами 45 млрд 451,8 млн кВт⋅соат электр энергияси ишлаб чиқарилди. Бу ўтган йилнинг мос давридагига нисбатан 2 млрд 995,3 млн кВт⋅соат ёки 7,1 фоизга кўпни ташкил этди. 📈 ⚡️ Республика истеъмоли: мазкур муддат давомида республика истеъмоли 44 млрд 42,9 млн кВт⋅соатни ташкил этди. Ушбу кўрсаткич 2025 йилнинг шу давридагига нисбатан 2 млрд кВт⋅соат ёки 4,7 фоизга кўпни ташкил қилди. Каналга уланиш: @Ngi_Uz