مَـروة حَـرب.

زي هالوقـت، ومش بنفس المشاعِـر.. دفـي، وشتِـي، وحُضن بهـدرزة حكايات ما تكملش، والليل ما يطولش.. في إنتظار هالساعة بالذات في حضرة أغنية، والشوق واخد مجراه في القلوب، من أول ثانية الأمان حاضِر لأخِر كلمة والراحة ثابتة.. -كتبنا هلبة على الفراق لين حجمه تضاعف فينا.. في نفس الوقت والمكان واحنِي هما، احنِي.. بس الليل عادي وساعاته طويلة، الشتي بارد وصقعه قوي، الساعات مش فارقين معانا، والأغاني رحلة ذكريات، القلوب من شوقها تبنجت، والكلام معاش موصل مشاعرنا.. مرات الحياة تنعاش بمشاعِر محتواها (شخص)، لو خسرته ضاعت الحياة. -مَـروة حـرب.

زي هالوقـت، ومش بنفس المشاعِـر.. دفـي، وشتِـي، وحُضن بهـدرزة حكايات ما تكملش، والليل ما يطولش.. في إنتظار هالساعة بالذات في حضرة أغنية، والشوق واخد مجراه في القلوب، من أول ثانية الأمان حاضِر لأخِر كلمة والراحة ثابتة.. -كتبنا هلبة على الفراق لين حجمه تضاعف فينا.. في نفس الوقت والمكان واحنِي هما، احنِي.. بس الليل عادي وساعاته طويلة، الشتي بارد وصقعه قوي، الساعات مش فارقين معانا، والأغاني رحلة ذكريات، القلوب من شوقها تبنجت، والكلام من صدمة ال

11:11م

الرسائـل الطويلـة بمثابـة حُضـن..

(الأغانِي وسيلة للإفصاح عن المشاعر..)

كُل أمارة تأخد وقتها وتمشي، إلا الأمارة إللي مستقرها القلب، ما تنشافش، لكن عُمقها بعيد، وتقعد عايشة طول العُمر، ومع كُل موقف حتِدكِر كيف علْمُولَك على مشاعرك بحديد حامِي. -مَـروة حـرب.

اللهم إنا نسألك في يوم الجمعة عفوًا يكفينا وعافية تغنينا ومقامًا في الفردوس يعلينا ونظرة لوجهك الكريم ترضينا ورحمة ومغفرة لنا ولوالدينا وللمسلمين أجمعين..

أُنثى واحدة بِعدة أشكال.. تتلون، تتغير، تتشكل، تتحول؛ أبدًا مش حـتعرف الوصف الدقيق في حقها.. إيديها الناعمين ما يليقش بيهم إلا بيانو بحجم رِقتها تعزِف عليه صوتها وتصنع موسيقى جديدة عنوانها "هي".. لكن هالكفوف أختاروا طريق تانية وكتبوا بطريقة سُرمدية، سوداء، قاتِمة، صيغوا صغرهم في كُبر الحروف، ووثقوا شجاعتهم في حجم الدهشة وأنتَ تقرأ لها.. -مش عادية- بعيدة على العادي والمتكرر، قدامي قبل دقائق تضحك وعلى صفحتها شُفت نص نقيض هالفرحة، يا ترى تنزع في ثوب وتلبس في ثوب تكتِب بيه؟ ثوب معبي بيها وهي حزينة، تعبانة، مخدولة، مكسورة؛ هو فيه شخص يقدر يتفنن ويأسر العيون بكلامه بدون ما يكون عايش تفاصِيل هالكلام! ولا لأن هي "بعدة أشكال" تقدر اتعيش الناس المشاعر بدون ما تعيشها! الأسئلة إللي ما لقيتلهاش جواب، هي نفسها إللي خلتني نقول عليها إنها "فنانة" بمساحة بحر وعميقة بعُمق بئر وحقيقة حتى وهي تخُط في سطر.. في العادة ننتقض في هالنوع إللي ليه هلبا وجوه، أما معاها حـتحب التناقض وتتمنى وتستنى أمتى بتشوف ثوبها، وجها، وجعها، فرحها، حزنها، الجديد والمش متكرر وإللي هي بس تقدر تعيشك فيه بكامل إرادتِك. -مَـروة حَـرب.

(بابُ اللهِ لا يُغْلق)

كيف حالكم؟

اُقبِل على الحياة بشراهةٍ بين أحضانِ ديسمبر وعائلتي والليل. -مَـروة حـرب.

Message From: 777191 عادي تعطيني اكونتك عالفيس؟

أي أكاونت على السوشل ميديا هو "مساحة شخصية" مش من حق حد ينتقد حد، ولا حد مجبور ينزل على مزاج حد، لما ما يروقلكش محتوى شخص عليك وعلى إزالة صديق أو بلوك قنين، ترتاح أنت من تقييد الأحوال ويرتاح الشخص المُقابل من تلقي سُمومك، بلاش تتصنع إنك شخص بيرفكت وفي الحقيقة كُلنا عندنا جانب سلبي لولا سِتر الله. -مَـروة حـرب.

اللهُم لا تزِغ قُلوبَنا بعد إذ هديتَنا وهِب لنا من لدُنكَ رحمةً إنك أنتَ الوهَاب.

بكُبر السماء بوسع الأرض بعدد البشر بقطرات المطر مشتاقِيـن.

"المجاز لغة الخائفين".