Տիգրան Ավինյան / Tigran Avinyan

Մհեր Մկրտչյանի անվան արտիստական թատրոնը հիմնանորոգվել ու վերազինվել է:

Երևանյան բակերը պետք է ծառայեն մարդկանց հանգստին ու ժամանցին. այս համատեքստում Քանաքեռ-Զեյթունում ավտոտնակներով փակված բակերը շարունակաբար փոխարինում ենք խաղահրապարակներով, ֆուտբոլի խաղադաշտերով, պուրակներով, կանաչ տարածքներով։

Մեր ժամանակների մեծագույն երաժիշտ, աշխարհահռչակ ջութակահար Ավգուստին Հադելիխի համերգը՝ «Երևան» պատանեկան սիմֆոնիկ նվագախմբի հետ: Պատմական ելույթը նոր էջ է բացելու ոչ միայն նվագախմբի, այլև հայաստանյան կատարողական արվեստի պատմության մեջ:

Աշխարհահռչակ ջութակահար Ավգուստին Հադելիխը մայրաքաղաքում է ՝ այսօր «Երևան» պատանեկան սիմֆոնիկ նվագախմբի հետ համատեղ համերգով հանդես գալու նպատակով: Համաշխարհային երաժշտարվեստի, ինչպես նաև Երևան քաղաքի մշակութային կյանքի զարգացման գործում ներդրած նշանակալի ավանդի համար՝ աշխարհահռչակ ջութակահարին պարգևատրել եմ Երևանի քաղաքապետի ոսկե մեդալով:

Կասկադը Երևանի սիրտն է՝ շատ ավելի կարևոր իր բոլոր ընկալումներով: Մեզանից յուրաքանչյուրն իր պատկերացումներն ունի, թե ինչպիսի՞ն պետք է լինի այս համալիրի ավարտուն տեսքը: Ֆրանսիացի հեղինակավոր ճարտարապետ Ժան-Միշել Վիլմոտի ներկայացրած հայեցակարգային առաջարկն այսօր քննարկեցինք քաղաքապետին կից քաղաքաշինական խորհրդի անդամների հետ:

Երևան քաղաքում 2023 թվականի ընթաքում ապամոնտաժել ենք բնակելի շենքերի հարակից տարածքներում գտնվող 25 գազաբենզալցակայան: Մեզ համար մարդկանց անվտանգությունն ու ապահովությունն առաջնահերթ են, և նախևառաջ հենց այդ նկատառումով ենք անում աշխատաքները: Գործընթացն իրականացվելու է նաև այս տարի և հետևողականորեն շարունակվելու է: Ապօրինի կառուցված և քաղաքաշինական նորմերին չհամապատասխանող որևէ գազաբենզալցակայան Երևանում չպետք է լինի: Շուտափույթ ապաքինում եմ մաղթում Երևան-Սևան ավտոճանապարհի գազաբենզալցակայանում պայթյունի հետևանքով տուժած քաղաքացիներին:

Գիտական հենքով արված աշխատանքից մենք երբևէ հետ չենք կանգնելու. Երևանի կանաչապատման և բնապահպանական ոլորտի առավել արդիական ու առաջնահերթ լուծում պահանջող խնդիրների քննարկմանն աջակցելու և գիտական հիմնավորումներ ներկայացնելու համար կանաչապատման ոլորտի մի շարք գիտնականների պարգևատրվել են շնորհակալագրերով: 

Երևանում ընթանում է բալետային փառատոնը, որը մեր առօրյան փոխելու հավակնոտ մի ծրագիր է: Այսօր երեկոյան բեմում կլինեն Ալ. Սպենդիարյանի անվան օպերայի և բալետի ազգային ակադեմիական թատրոնի արտիստները՝ «Կարապի լիճը» ներկայացմամբ:

«Փայլոու» մյուզիքլով եզրափակեցինք հունիսմեկյան միջոցառումները:

Սիրելի փոքրիկներ, Շնորհավորում եմ ձեզ Երեխաների պաշտպանության օրվա առթիվ։ Երևանի քաղաքապետարանում բոլորս պատասխանատու ենք ձեզ աջակցելու և առաջնորդելու հարցում: Մենք պետք է այնպիսի ապագա կերտենք ձեզ համար, որտեղ յուրաքանչյուրդ կզգաք ձեզ սիրված, գնահատված և կկարողանաք բացահայտել ձեր ողջ ներուժը: