Piskent jome masjidi | Rasmiy kanal

#САВОЛ_ЖАВОБЛАР ЭМИЗИШ САБАБЛИ МАҲРАМ БЎЛИШ САВОЛ: Бир аёл ҳомиладор бўлиб, фарзанд дунёга келтирди. Аммо боласи туғилиши билан нобуд бўлди. Орадан бир ойча вақт ўтиб янги туғилган бир етим болани асраб олди. Шу вакт оралиғида аёл сутини махсус идишларга солиб музлатиб қўйган эди. Шу музлатилган сутини асраб олган боласига ичирса, бола ота-онага маҳрам бўладими? Шу музлатилган сутни ичган боланинг ҳақи онанинг туққан боласи ҳақи билан бир хил бўладими? ЖАВОБ: Бисмиллаҳир Роҳманир Роҳим. Ҳа, асраб олган боласи ўғил бола бўлса унга, қиз бола бўлса, эрига маҳрам бўлади, шунингдек, улар фарзанд кўрсалар, уларга ҳам маҳрам бўлади. Улар ўртасида маҳрамликка оид ҳукмлар жорий бўлади. Аммо бошқа масалаларда, хусусан, насаб даъво қилишда ва меросда туққан боласидаги ҳақ-ҳуқуқлар у учун амалга ошмайди. Яъни, эмизган аёл ва унинг эри уни ўз болам деб, бола уларни ҳақиқий ота-онам деб даъво қилишлари мумкин эмас. Шунингдек, улар билан ушбу бола ўртасида меросхўрлик мавжуд бўлмайди. Фақат васият орқали мерос жорий бўлаверади. Валлоҳу аълам. Ўзбекистон мусулмонлари идораси Фатво маркази. ✈️Telegram 👤Facebook 🎥Youtube 📸 Instagram Дўстларингизга ҳам улашинг: https://t.me/joinchat/AAAAAEGj0hkBXGlopIDbXA

📖 Шайх Айман Сувайд иштирокидаги қироат машғулотлари давом этмоқда 🗣Юртимизда бўлиб турган йирик Қуръон олими Шайх Айман Рушдий Сувайд ҳафизаҳуллоҳ ўзининг “Суратли тажвид” китоби асосида назарий ва амалий дарслар қизғин давом этмоқда. Унда юртимиз қорилари ва ўқитувчилари тажвид ҳамда қироат борасидаги билимларини мустаҳкамламоқда. ✅ Дарсларнинг назарий қисмида ҳарфларнинг махраж ва сифатлари, талаффуз қоидалари ҳамда оҳанг меъёрлари батафсил ўрганилмоқда. Амалий машғулотларда эса иштирокчилар “Бақара” ва “Оли Имрон” сураларидан навбат билан тиловат қилиб, Шайх ҳазратларидан якка тартибда хато-камчиликларни тузатиш, вақф ва ибтидо қоидалари бўйича жонли кўрсатмалар олишмоқда. 📖Шайх Айман Сувайд тажвид қоидалари Каломуллоҳни тўғри етказиш учун восита эканини, асл мақсад эса оятларни тадаббур ва тафаккур қилиш эканини алоҳида таъкидладилар. Шунингдек, қорилар учун кунлик мунтазам такрор ҳамда қориларга хос юксак ахлоқ ниҳоятда лозимлигига урғу қаратилмоқда. ✅ Ўзбекистон мусулмонлари идораси Матбуот хизмати ✈️Telegram 👤Facebook 🎥Youtube 📸 Instagram Дўстларингизга ҳам улашинг https://t.me/joinchat/AAAAAEGj0hkBXGlopIDbXA

#Видео Намозни қачонгача қаср ўқийман? 🎙 Устоз Ҳабибуллоҳ домла Абдулғаффор Ўзбекистон мусулмонлари идораси Фатво маркази бош мутахассиси, Тошкент ислом институти катта ўқитувчиси ✈️Telegram 👤Facebook 🎥Youtube 📸 Instagram Дўстларингизга ҳам улашинг https://t.me/joinchat/AAAAAEGj0hkBXGlopIDbXA

#Ҳадис Ким “Ёсин” сурасини ўқиса... Маъқал ибн Ясор розияллоҳу анҳудан ривоят қилинади. Расулуллоҳ соллаллоҳу алайҳи васаллам: “Ким Ёсин сурасини Аллоҳ розилиги учун ўқиса, аввалги гуноҳлари кечирилади. Сизлар уни ўликларингиз ҳузурида ўқинглар”, дедилар. Имом Байҳақий ривояти. ✈️Telegram 👤Facebook 🎥Youtube 📸 Instagram Дўстларингизга ҳам улашинг ⤵️ https://t.me/joinchat/AAAAAEGj0hkBXGlopIDbXA

ЁМҒИРДАН ФОЙДАЛАНИБ ОЛИНГ! Аллоҳ таоло шундай марҳамат қилган: “Биз осмондан барокатли сув (ёмғир) ёғдирдик …” (Қоф сураси, 9-оят) Ёмғир Аллоҳ таолонинг фазли-раҳмати бўлгани учун ёмғир ёғаётган пайтда қилинган дуонинг ижобат бўлиши умид қилинади. Шундай экан, ёмғир томчилаб турган пайтда ўзимиз учун муҳим бўлган нарсаларни Аллоҳ таолодан сўраб олишимиз мақсадга мувофиқдир: Саҳл ибн Саъд розияллоҳу анҳудан ривоят қилинади: “Набий соллаллоҳу алайҳи васаллам:“Икки нарса рад қилинмайди; Азон пайтида ҳамда ёмғир ёғиб турган пайтда қилинган дуо (рад қилинмайди), дедилар”. Имом Ҳоким ва Тобароний раҳматуллоҳи алайҳлар ривоят қилишган. Саҳиҳ. * Айни пайтда ана шундай катта имкониятлар қаршисида турибмиз! … Қудратуллоҳ Сидиқметов Яқинларингизга ҳам улашинг 👇 https://t.me/joinchat/AAAAAEGj0hkBXGlopIDbXA

#Muslim_podcast  SАLАVOTNI QАCHON VА QАERDА АYTISH АVZАL? 🎙Ekspert: Bahodirjon domla Bahromjon o’g’li – Toshkent islom instituti "Hadis va islom tarixi fanlari" kafedrasi katta o‘qituvchisi 📝 Mazkur podcast Oʻzbekiston Respublikasi Din ishlari boʻyicha qoʻmitasining 2026-yil 9-sentaybrdagi 02-07/7320-sonli xulosasi asosida tayyorlandi. Дўстларингизга ҳам улашинг https://t.me/diyonatli

#САВОЛ_ЖАВОБЛАР ПИШИРИБ ЮМШАТИЛГАН СУЯКЛАРНИ ЕЙИШ САВОЛ: Ҳозирда таом тайёрлашда Афғон қозонларидан фойдаланиш кенг тарқалган. Уларда гўшт ва суякларни узоқ қайнатиш ёки димлаш имкони бўлгани учун суяклар ҳам майдаланиб, ейдиган ҳолга келади. Шу суякларнинг истеъмоли мумкинми? ЖАВОБ: Бисмиллаҳир Роҳманир Роҳим. Гўшти ҳалол ҳайвонларнинг қуйидаги еттита аъзоларини еб бўлмайди: 1. Эркак ҳайвоннинг жинсий аъзоси. 2. Урғочи ҳайвоннинг жинсий аъзоси. 3. Эркак ҳайвоннинг мояклари. 4. Безлари. 5. Сийдик қопи. 6. Ўт пуфаги. 7. Бўғиздан отилиб чиққан қон. Мазкур етти аъзо ичида суяклар саналмаган. Шу боис уни ейиш жоиз саналади. Валлоҳу аълам. Ўзбекистон мусулмонлари идораси Фатво маркази. ✈️Telegram 👤Facebook 🎥Youtube 📸 Instagram Дўстларингизга ҳам улашинг: https://t.me/joinchat/AAAAAEGj0hkBXGlopIDbXA

#Ҳадис Жобир розияллоҳу анҳудан ривоят қилинади. Расулуллоҳ соллаллоҳу алайҳи васаллам: «Кимки: «Субҳаналлоҳи ва биҳамдиҳи», деса, у учун жаннатда бир хурмо экилади», дедилар. Термизий ривояти. ✈️Telegram 👤Facebook 🎥Youtube 📸 Instagram Дўстларингизга ҳам улашинг ⤵️ https://t.me/joinchat/AAAAAEGj0hkBXGlopIDbXA

Ҳаёт синовларингиз фақат муваффақиятли ўтсин, натижалар номаи амалингизга хайрла, ажру савобла битилишини Аллоҳ таоло муяссар айласин! Ассалому алайкум! Кунингиз мазмунли ўтсин!.. @fitratuz

Аллоҳ берган неъматлари миқдорича берамиз Бир аёл Лайс ибн Саъддан озроқ асал беришини илтимос қилди. Лайс унга бир меш асал олиб келишларини буюрди. Атрофидагилардан бири: “Нима учун бу аёлга бунча асал беряпсиз? Ахир у сиздан озгина асал сўради, холос”, деди. Лайснинг жавоби мана шундай бўлди: “У биздан ўзига керагини сўради, биз эса унга Аллоҳ таоло бизга берган неъматлари миқдорича берамиз”. Лайс ибн Саъд ҳар куни уч юз олтмиш бечораҳолга садақа улашмасидан бурун биров билан гаплашмас экан. Биз-чи, биз?! Ҳар куни яримта хурмо бўлса-да, садақа қиляп­мизми?! Агар мол-дунёингиз етарли бўлса, Расулуллоҳ соллаллоҳу алайҳи васалламнинг “Мол-дунё садақа сабабли камаймайди” (Имом Термизий ривоят қилган) деган гапларини эсингиздан чиқарманг! “Жаннат бўстонидаги оилавий оқшомлар” китобдан ✈️Telegram 👤Facebook 🎥Youtube 📸 Instagram Дўстларингизга ҳам улашинг ⤵️ https://t.me/joinchat/AAAAAEGj0hkBXGlopIDbXA

Аллоҳ берган неъматлари миқдорича берамиз Бир аёл Лайс ибн Саъддан озроқ асал беришини илтимос қилди. Лайс унга бир меш асал олиб келишларини буюрди. Атрофидагилардан бири: “Нима учун бу аёлга бунча асал беряпсиз? Ахир у сиздан озгина асал сўради, холос”, деди. Лайснинг жавоби мана шундай бўлди: “У биздан ўзига керагини сўради, биз эса унга Аллоҳ таоло бизга берган неъматлари миқдорича берамиз”. Лайс ибн Саъд ҳар куни уч юз олтмиш бечораҳолга садақа улашмасидан бурун биров билан гаплашмас экан. Биз-чи, биз?! Ҳар куни яримта хурмо бўлса-да, садақа қиляп­мизми?! Агар мол-дунёингиз етарли бўлса, Расулуллоҳ соллаллоҳу алайҳи васалламнинг “Мол-дунё садақа сабабли камаймайди” (Имом Термизий ривоят қилган) деган гапларини эсингиздан чиқарманг! “Жаннат бўстонидаги оилавий оқшомлар” китобдан ✈️Telegram 👤Facebook 🎥Youtube 📸 Instagram Дўстларингизга ҳам улашинг ⤵️ https://t.me/joinchat/AAAAAEGj0hkBXGlopIDbXA

ПИСКЕНТ ЖОМЕ МАСЖИДИДА НАМОЗ ВАҚТЛАРИ «Намозни тўкис адо этинглар. Албатта, намоз мўминларга вақти тайин фарз бўлгандир» (Нисо:103) 2026 - ЙИЛ 5-ОКТЯБР 1448 - ҲИЖРИЙ РОББИУС СОНИ ОЙИНИНГ 24-КУНИ УЧУН НАМОЗ ВАҚТЛАРИ ТАҚВИМИ ⏱️ТОНГ - 05:04 ⏱️БОМДОД - 05:45 (ўқилиш вақти) ⏱️ҚУЁШ - 06:22 ⏱️ПЕШИН - 13:00 ⏱️АСР - 16:25 ⏱️ШОМ - 18:06 ⏱️ХУФТОН - 19:40 🔗 Улашинг: https://t.me/diyonatli

#Bosh_imom_minbari  АЛЛОҲ МУКАММАЛ ЯРАТАДИ, ИНСОН ИШИНИ НУҚСОНЛИ ҚИЛАДИ Дониёр домла Икромов Тошкент вилояти бош имом-хатиби @Doniyor_domla_uz https://t.me/+Pcr4a5gVZhQyODZi

#САВОЛ_ЖАВОБЛАР ҚЎЛЛАРНИ УЧ МАРТА ЮВИШ САВОЛ: Жўмракни очиб таҳорат қилаётган киши қўл ювишда ҳар сафар жўмракни ўчириб қўйиб, кейин ювиш керакми ёки жўмракни бир очганда сув тушиб турган ҳолатда уч марта ювиб олса, учта ювишга ўтадими? ЖАВОБ: Бисмиллаҳир Роҳманир Роҳим. Оқар сувда ёки жўмракдан оқиб турган сувда ҳар ювишда сувдан баданни ажратиш шарт эмас. Масалан, оқар сувга шўнғиганда таҳоратнинг тартиб, уч марта ювиш каби суннатлари бажарилган бўлади. Турғун-оқмайдиган сувда эса ё ҳаракатланиш ёки жойини ўзгартириш керак бўлади. Шундай қилса, уч марта ювиш суннатини адо этган бўлади. Демак, жўмракни очиб, қўлининг ҳамма жойини сувдан узмасдан уч марта ювса, уч марта ювиш суннати амалга ошган бўлади. Бошқа аъзоларнинг ҳукми ҳам шундай. Аллома Ибн Обидин раҳимаҳуллоҳ бу ҳақда қуйидагиларни айтганлар: والذي يظهر لي أنه لو كان في ماء جار يحصل سنة التثليث والترتيب والوضوء بلا مكث ولا تحرك ولو في ماء راكد فلا بد من التحرك، أو الانتقال القائم مقام الصب فيحصل به ما ذكرنا، “Менинг назаримда, агар инсон оқар сувда бўлса, қимирламасдан, бошқа жойга силжимасдан туриб ҳам таҳорати, уч марта ювиш ва тартибга риоя қилиш каби суннатлар адо бўлади. Агар турғун-оқмайдиган сувда таҳорат қилса, қимирлаши ёки бошқа жойга силжиши керак бўлади. Шу иши баданига сув қуйишга ўтади ва биз зикр қилган суннат адо этилган бўлади” (“Раддул муҳтор” китоби). Валлоҳу аълам. Ўзбекистон мусулмонлари идораси Фатво маркази. Дўстларингизга ҳам улашинг: https://t.me/diyonatli

#САВОЛ_ЖАВОБЛАР ҲАЙВОН ВА ҚУШЛАР ЖОНИНИ КИМ ОЛАДИ? САВОЛ: Ҳайвонлар, қушлар ва ҳашаротларнинг жонини ҳам Азроил алайҳиссалом қабз қиладими? ЖАВОБ: Бисмиллаҳир Роҳманир Роҳим. Мўътабар манбалардаги маълумотлар барча жонзотларнинг жонини олиш масъулиятини Аллоҳ таоло Ўлим фариштаси (Азроил) алайҳиссаломга топширганини кўрсатади. Чунки бир ривоятда Ўлим фариштаси алайҳиссалом: "Мен битта чивиннинг жонини ҳам Аллоҳнинг изнисиз ўз хоҳишим билан суғура олмайман”, деганлари нақл қилинган. Имом Қуртубий раҳимаҳуллоҳ бунинг изоҳида шундай дейдилар: "Бу ҳадисдан маълум бўладики, ҳар бир жонзотнинг жонини олиш масъулиятини Аллоҳ таоло Ўлим фариштасига юклаган". Шунингдек, Имом Молик ибн Анас раҳматуллоҳи алайҳдан, чивинларнинг жонини ҳам Азроил қабз қиладими?, деб сўрадилар. Шунда имом: "Уларда жон борми?" деб сўради. Сўровчи: "Ҳа, бор", дегач, у киши: "У ҳолда, уларнинг жонини ҳам Ўлим фариштаси олади”, дедилар. Валлоҳу аълам. Ўзбекистон мусулмонлари идораси Фатво маркази. ✈️Telegram 👤Facebook 🎥Youtube 📸 Instagram Дўстларингизга ҳам улашинг: https://t.me/joinchat/AAAAAEGj0hkBXGlopIDbXA

ПИСКЕНТ ЖОМЕ МАСЖИДИДА НАМОЗ ВАҚТЛАРИ «Намозни тўкис адо этинглар. Албатта, намоз мўминларга вақти тайин фарз бўлгандир» (Нисо:103) 2026 - ЙИЛ 4-ОКТЯБР 1448 - ҲИЖРИЙ РОББИУС СОНИ ОЙИНИНГ 23-КУНИ УЧУН НАМОЗ ВАҚТЛАРИ ТАҚВИМИ ⏱️ТОНГ - 05:04 ⏱️БОМДОД - 05:45 (ўқилиш вақти) ⏱️ҚУЁШ - 06:22 ⏱️ПЕШИН - 13:00 ⏱️АСР - 16:25 ⏱️ШОМ - 18:07 ⏱️ХУФТОН - 19:40 🔗 Улашинг: https://t.me/diyonatli

#tuhfa Zangiotada yillar davomida kutilgan yangi yo‘l o‘tkazgich foydalanishga topshirildi Bundan roppa-rosa to‘rt oy avval Zangiota tumanidagi “Sobir Rahimov – O‘rtaovul” bekatlari oralig‘ida boshlangan bunyodkorlik ishlari bugun yakuniga yetdi. Hudud aholisi uchun muhim bo‘lgan yangi zamonaviy yo‘l o‘tkazgich tantanali ravishda foydalanishga topshirildi.

Tadbirda Toshkent viloyati hokimi Zoyir Mirzayev, “O‘zbekiston temir yo‘llari” AJ boshqaruv raisi Zufar Narzullayev, viloyat va tuman hokimligi mas’ullari, temir yo‘l sohasi vakillari, nuroniylar, yoshlar, ommaviy axborot vositalari xodimlari hamda keng jamoatchilik vakillari ishtirok etdi.

Ochig‘i, mazkur loyiha hudud aholisi uchun yillar davomida dolzarb bo‘lib kelgan transport masalasiga amaliy yechim bo‘ldi.

Avvallari poyezdlar harakatining uzluksizligi sababli mazkur hududdagi temir yo‘l kesishmasida avtomobillar va piyodalar harakatida qator noqulayliklar yuzaga kelar, transport vositalarining kutib qolishi aholining ortiqcha vaqt yo‘qotishiga sabab bo‘lardi. Eng muhimi, bu holat harakat xavfsizligini ta’minlash borasida ham qo‘shimcha choralarni talab etardi. Endilikda esa ushbu muammo zamonaviy infratuzilmaviy yechim asosida bartaraf etildi. “O‘zbekiston temir yo‘llari” AJ tomonidan “Sobir Rahimov – O‘rtaovul” bekatlari oralig‘idagi 3384-kilometr, PK-2 nuqtasida mavjud temir yo‘l kesishmasi o‘rnida yangi yo‘l o‘tkazgich barpo etildi. Loyiha doirasida keng ko‘lamli qurilish-montaj ishlari amalga oshirildi. Jumladan, uzunligi 23,6 metr bo‘lgan bir dona ikki yo‘llik yangi temir yo‘l ko‘prigi qurilib, temir yo‘l izlari o‘z joyiga qaytarildi. Shuningdek, 1200 metr uzunlikdagi aylanma temir yo‘l hamda avtomobil yo‘li barpo etildi.

Tantanali marosimda so‘zga chiqqan viloyat hokimi yangi yo‘l o‘tkazgichning hudud transport infratuzilmasidagi ahamiyatiga to‘xtalib, bunday loyihalar, avvalo, aholiga qulaylik yaratish, harakat xavfsizligini ta’minlash va vaqtni tejashga xizmat qilishini ta’kidladi.

Shundan so‘ng ramziy qizil lenta kesilib, yangi yo‘l o‘tkazgich foydalanishga topshirildi. Tadbir davomida undan ilk avtomobillar harakati ham yo‘lga qo‘yildi. Milliy qadriyatlarimizga ko‘ra, xayrli ish munosabati bilan jonliq so‘yilib, Qur’on tilovatlar qilindi. Yangi yo‘l o‘tkazgichning foydalanishga topshirilishi Zangiota tumani aholisi, shuningdek, ushbu hudud orqali tranzit harakatlanuvchi fuqarolar uchun muhim qulayliklarni yaratadi.

Endilikda bu yerda tirbandliklarning oldini olish, transport harakatini tartibga solish, fuqarolarning vaqtini tejash, avtomobil yo‘llaridagi kundalik yuklamani kamaytirish hamda haydovchi va piyodalar uchun xavfsiz va qulay harakatlanish imkoniyatlarini kengaytiradi. ✈️Telegram 👤Facebook 🎥Youtube 📸 Instagram Дўстларингизга ҳам улашинг: https://t.me/joinchat/AAAAAEGj0hkBXGlopIDbXA

#Muslim_podcast  SHIFO BOʼLUVCHI SАLOVАTLАR QАYSILАR? 🎙Ekspert: Bahodirjon domla Bahromjon o’g’li – Toshkent islom instituti "Hadis va islom tarixi fanlari" kafedrasi katta o‘qituvchisi 📝 Mazkur podcast Oʻzbekiston Respublikasi Din ishlari boʻyicha qoʻmitasining 2026-yil 9-sentaybrdagi 02-07/7320-sonli xulosasi asosida tayyorlandi. ✈️Telegram 👤Facebook 🎥Youtube 📸 Instagram Дўстларингизга ҳам улашинг: https://t.me/joinchat/AAAAAEGj0hkBXGlopIDbXA

#Ҳадис Муовия ибн Абу Суфёндан ривоят қилинади: “Расулуллоҳ соллаллоҳу алайҳи васалламнинг: “Албатта, амаллар идиш сингаридир. Агар таги яхши бўлса, юқориси ҳам яхши бўлади, агар таги яроқсиз бўлиб қолган бўлса, юқориси ҳам яроқсиз бўлиб қолади”, деётганларини эшитдим”. Ибн Можа ривоят қилган. ✈️Telegram 👤Facebook 🎥Youtube 📸 Instagram Дўстларингизга ҳам улашинг: https://t.me/joinchat/AAAAAEGj0hkBXGlopIDbXA