ابونا بطرس فؤاد

خلي بكاءك ودموعك قدام ربنا وبس… هو أكتر حد حاسس بيك، وأكتر حد فاهم وجعك وتعبك، هو اللي يقدر يفهم دموعك حتى من غير ما تقول، ويسمع أنين قلبك حتى لو ما اتكلمتش. والأهم من كل ده… هو الوحيد اللي يقدر يطبطب على قلبك، ويدي لك تعزية حقيقية، وسلام وسط الاضطراب، وطمأنينة وسط الخوف. ما تتكسفش إنك تبكي… ابكي، لكن ابكي قدامه. ما تدورش على حد تبكي قدامه، وما تخليش دموعك وسيلة عشان تلفت نظر الناس، أو تنشر وجعك عشان تجمع بيه لايكات وتعليقات. دموعك غالية… دي مش حاجة للنشر، دي حاجة مقدسة بينك وبين ربنا. دموعك هي «قدس أقداس» في حياتك، فما تخليش دموعك تنزل أمام كل الناس، خليها تنزل أمام القدوس. ولما تبكي قدامه، مش لازم تشرح… هو فاهم. ومش لازم تتكلم… هو سامع. ومش لازم تطلب… هو عارف احتياج قلبك. ابكي قدام ربنا… فالذي يفهم دموعك، هو نفسه القادر أن يمسحها. أبونا بطرس فؤاد