የትምህርትና ስልጠና ጥራት ቁጥጥር ባለስልጣን

ባለስልጣኑ ዘወትር ሰኞ ጠዋት የሚካሄደውን የሠራተኞች የማነቃቂያ እና ትምህርታዊ የውይይት መርሃ-ግብር አከናውኗል፡፡ (ግንቦት 26 ቀን 2016 ዓ.ም) በትምህርትና ስልጠና ጥራት ቁጥጥር ባለስልጣን በሳምንቱ የመጀመሪያ ቀን ሰኞ ማለዳ የሚቀርበው የማነቃቂያና ትምህርታዊ የውይይት መርሃ-ግብር ብልህ ለመሆን 7 መንገዶች በሚል ርዕስ በዛሬው ዕለትም የባለስልጣኑ ሰራተኞች በተገኙበት ተካሂዷል፡፡ የመወያያ ሃሳቡን ያቀረቡት የባለስልጣኑ ዋና ስራ አስኪያጅ አቶ ዳኛው ገብሩ ሲሆኑ በስራችን ላይ ስኬታማ ለመሆን ለችግሮች ፈጣን ምላሽ ለመስጠት፣በአጭር አነጋገር የመሳካት ችሎታህ በብልህነት ይወሰናል ያሉ ሲሆን በየቀኑ ያንብቡ፣ጥልቅ ግንዛቤ በመገንባት ላይ ያተኩሩ፣ ያለማቋረጥ ይጠይቁ እና ማብራሪያ ይፈልጉ፣ቀንዎን ይለያዩ፣መረጃ ይገምግሙ፣ሀሳቦችዎን ይከታተሉ፣ራስዎን ለመለወጥ ይፍቀዱ በሚሉት 7ቱ መንገዶች ላይ ስፊ ግንዛቤ ፈጥረዋል ፡፡ በተጨማሪም ብልሀት በመንገድዎ ላይ ያለውን ማንኛውንም ነገር በመረዳትና ጎበዝ በመሆን አካላችንን ብቻ ሳይሆን አዕምሯችንንም በብልሃት ልንጠቀምበት ይገባል ብለዋል፡፡ #ነጻ_የጥቆማ_የስልክ_መስመር_9302 #ፌስቡክ;https://www.facebook.com/AA-Educational-Training-Quality-Occ-Competency-Assurance-Authority-100864428091362/?__tn__=-UC*F #ድረ_ገጽ; educoc.gov.et #ቴሌግራም https://t.me/AAEQOCAA

የአዲስ አበባ የኮሪደር ልማት ከአራት ኪሎ እስከ ራስ መኮንን ድልድይ ያለው አሁናዊ ገጽታ፡-

ቅርንጫፍ ጽ/ቤቱ ሰልጠና ሰጠ፡፡ (ግንቦት 26 ቀን 2016 ዓ.ም) በትምህርትና ስልጠና ጥራት ቁጥጥር ባለስልጣን የኮልፌ ቀራንዮ ቅ/ጽ/ቤት ከአዲስ አበባ ከተማ አስተዳደር ከፐብሊክ ሰርቪስ ቢሮ ባለሙያ በመጋበዝ የአገልግሎት ምንነት፣ደንበኛ አያያዝ፣አገልግሎት ስታንዳርድ ጽንሰ ሀሳብ ዙርያ ለቅርንጫፍ ጽ/ቤቱ ሰራተኞች ስልጠና ሰጠ:: ሰልጠናው ውጤታማ አገልግሎት ለመሰጠት ፈፃሚውን ቴክኒካዊ እና ባህሪያዊ ብቃት ተላብሶ ለማገልገል አጋዥ መሆኑ ታውቋል:: ምንጭ፡-የኮልፌ ቀራንዮ ቅ/ጽ/ቤት #ነጻ_የጥቆማ_የስልክ_መስመር_9302 #ፌስቡክ;https://www.facebook.com/AA-Educational-Training-Quality-Occ-Competency-Assurance-Authority-100864428091362/?__tn__=-UC*F #ድረ_ገጽ; educoc.gov.et #ቴሌግራም https://t.me/AAEQOCAA

እናስታውስዎ (ግንቦት 24 ቀን 2016 ዓ.ም) በአዲስ አበባ ከተማ አስተዳደር የትምህርትና ሥልጠና ጥራት ቁጥጥር ባለስልጣን የባለስልጣኑ ራዕይ፡- • በ2022 በአገር አቀፍ ደረጃ ብቁ እና ተወዳዳሪ ተቋማትና ባለሙያ ተፈጥሮ ማየት፤ የባለስልጣኑ ተልዕኮ፡- • በአዲስ አበባ ከተማ አስተዳደር የትምህርትና ስልጠና ተቋማትን ጥራት፣ ተገቢነትና በኢንዱስትሪው መሪነት የባለሙያዎች የሙያ ብቃት በምዘና በማረጋገጥ ደረጃውን የጠበቀ ብቁና ተወዳዳሪ ትምህርትና ሥልጠና ተቋም እና ባለሙያ መፈጠሩን ማረጋገጥ ነው፡፡ የባለስልጣኑ እሴቶች፡- • ለትምህርትና ስልጠና ጥራት ቅድሚያ መስጠት • ሙያ ስነምግባር • የላቀ ምዘና • በጋራ መስራት • በዕውቀትና በእምነት መስራት • ተጠያቂነት • ለህግ መገዛት • የላቀ የቴክኖሎጂ ተጠቃሚነት የባለስልጣኑ ስትራቴጂያዊ የትኩረት መስኮች፡-  የትምህርትና ስልጠና ተቋማት ጥራትና ተገቢነት  የላቀ የሙያ ብቃት ምዘና #ነጻ_የጥቆማ_የስልክ_መስመር_9302 #ፌስቡክ;https://www.facebook.com/AA-Educational-Training-Quality-Occ-Competency-Assurance-Authority-100864428091362/?__tn__=-UC*F #ድረ_ገጽ; educoc.gov.et #ቴሌግራም https://t.me/AAEQOCAA

ጦርነትን ኖረንበታል፡፡የተወሰኑ ችግሮቻችንን ፈትተንበታል፡፡ አብዮትን ደጋግመነዋል፡፡የተወሰኑ ችግሮችን ፈትተንበታል፡፡ በሁለቱም ያልተፈቱትን ችግሮች ለመፍታት የቀረን መንገድ ምክክር ነው፡፡ ምክክርን ግን አልተጠቀምንበትም ፡፡ ጦርነትና አብዮት የተሟላ መፍትሔ የማያመጡት አሸናፊ እና ተሸናፊ ስለሚያስከትሉ ነው፡፡ ቢዘገይም የተሸነፈው ለማሸነፍ ይታገላል፡፡ ያሸነፈውም ድሉን ለመጠበቅ ይዋጋል፡፡ ምክክር ግን ሁሉንም አሸናፊ ያደርጋል፡፡ ከተሸነፍንም ሁላችንም ለሀገራችን ብለን ነው የምንሸነፈው፡፡ ይሄ የምክክር ሂደት ሦስት ነገሮች ያስገኝልናል፡፡ 1.ሁሉንም ባይሆንም እንኳን ዋና ዋና ችግሮችን ይፈታል 2. ከጦርነት ይልቅ ምክክር ባህል እንዲሆን ያደርጋል 3. በተቃራኒ ኃይሎች መካካል መቀራረብና መግባባት ይፈጥራል፡፡ይሄንን መቀራረብ በመጠቀምም ወደፊት በጉዳዮች እየተነጋገርን ለመቀጠል ያስችለናል፡፡ በመሆኑም ይህንን እድል ሳናበላሽ ወደ ተሟላ ድል እንድናሸጋግረው እጠይቃለው፡፡ ጠቅላይ ሚኒስትር ዐቢይ አሕመድ

የአዲስ አበባ ከተማ ካቢኔ ግንቦት 24 ፣ 2016 በ3ኛ አመት 13ኛ መደበኛ ስብሰባው የመካከለኛ ዘመን የ2017 በጀት ጣሪያ ላይ ተወያይቶ አቅጣጫ አስቀምጧል ። ካቢኔው ዛሬ ባደረገው ከ2007 - 2019 በጀት ዓመት የመካከለኛ ዘመን የወጪ ማዕቀፍ ውይይት መሰረት የ2017 በጀት ዓመት ከተለያዩ የገቢ አርዕስቶች 230.39 ቢሊዮን ብር ለመሰብሰብ ያቀደ ሲሆን የበጀት ድልድሉም ከጠቅላላ በጀት ውስጥ 61% ለካፒታል ወጪ ሆኖ በጀቱም በዋናነት በቅርቡ በከተማ አስተዳደሩ የትራንስፎርሜቲቭ ፕላን ዝግጀት ለተያዙ ቁልፍና እድገት ተኮር ዘርፎች የበጀት ድልድሉ የትኩረት አቅጣጫ መሆን እንዳለበት ካቢኔው ተወያይቷል። በመጨረሻም አዲስ አበባ በገቢ ግብር በጀቷን የምታስተዳድር ከተማ እንደ መሆኗ መጠን የገቢ አቅሟን አሟጦ መሰበሰብ የሚገባ መሆኑ አጽንኦት ሰጥቶ በመወያየት የገቢ አሰባሰብ ስርአት ላይ ትኩረት ሰጥተው ተቋማት መስራት የሚችሉበት ቀጣይ አቅጣጫም በትኩረት ድጋፍ እና ክትትል እንደሚደረግበት ውሳኔ አሳልፏል።

የረዳን ፈጣሪ ክብርና ምስጋና ይሁንለት! "በጎነት"ብለን በሰየምነው የመኖሪያ መንደር የተገነቡ ሁለት ባለ 9 ወለል ዘመናዊ ሕንጻዎችን እና የስራ ዕድል መፍጠሪያ ማዕከላትን መርቀን ለ140 አቅመ ደካሞች እና አካል ጉዳተኛ ነዋሪዎች አስተላልፈናል። በልደታ ክፍለ ከተማ በተለምዶ ቆርቆሮ ሰፈር በሚባለው የተጎሳቆለ የመኖሪያ መንደር ይኖሩ ለነበሩ አቅመ ደካሞች፣ አካል ጉዳተኞች፣ ማየት ለተሳናቸው፣ ለተለያየ ማህበራዊ ችግር ለተጋለጡ እና በልማት ለተነሱ ነዋሪዎች ያስተላለፍናቸው ምቹ የመኖሪያ ቤቶች ሳሎን፣ መኝታ ቤት፣ የማብሰያ እና የመጸዳጃ እንዲሁም የመኝታ ክፍሎች ያላቸው ዘመናዊ ቤቶች ናቸው። በዚህ የበጎነት መንደር ካስተላለፍናቸው የመኖሪያ ቤቶች ጋር በማቀናጀት የእናቶችን ጫና የሚያቀል የህጻናት ማቆያ፣ ለአካባቢው እናቶች የስራ ዕድል የሚፈጥር ዘመናዊ የእንጀራ መጋገሪያ፣ የሚሰሩ እጆችን ከስራ የሚያገናኙ የወንዶችና የሴቶች የውበት ሳሎኖችን እንዲሁም የልብስ ስፌት ማሽኖችን አዘጋጅተን ለነዋሪዎቹ የስራ እድል ፈጥረናል። በመኖሪያ መንደሩ ቤት ለሰጠናቸው ማየት የተሳናቸው ነዋሪዎች እንቅስቃሴ እጅግ አስፈላጊ የሆኑ ኬኖች፣ ለአካል ጉዳተኛ ነዋሪዎች ደግሞ ክራንችና ዊልቸሮችን አዳርሰናል። ሰርቶ ካገኘው ላይ ለወገን በጎ ለመስራት ከከተማ አስተዳደሩ ጋር በመተባበር ቤቶቹን የገነባውን ሜድሮክ ኢንቨስትመንት ግሩፕ በራሴና በነዋሪዎቹ ስም እያመሰገንኩ፣ በጎነት አያጎድልምና ፈጣሪ ጨምሮ እንዲሰጠው እመኛለሁ። የሚሰሩ ልማቶች ሁሉ ለሰው ልጆች ተስፋ የሚሰጡ እና የኑሮ ጫናን የሚያቃልሉ ይሆኑ ዘንድ ሰው ተኮርነታችን በተግባር የሚገለጽ ነው። ፈጣሪ ኢትዮጵያን እና ህዝቦቿን ይባርክ ከንቲባ አዳነች አቤቤ

የአራዳ ቅርንጫፍ ጽ/ቤት የስነ ምግባርና ፀረ- ሙስና ዳይሬክቶሬት ዳይሬክተር የሆኑት ወ/ሮ ወይኒቱ ወንድራድ ስርዓተ ጾታ እና ሙስናን በመከላከል ረገድ የሴቶች ሚና በሚል ርዕስ ስልጠናው በሰጡበት ወቅት እንደገለጹት በስነ ምግባር የታነፁ ትውልድን በመገንባት ረገድ የሴቶች ሚና ከፍተኛ በመሆኑ የስነ ምግባር ችግር እንዳይኖር እርስ በእርስ መደጋገፍ እና መመካከር እንደሚያስፈልግ ተናግረዋል፤ በተጨማሪም ሴቶች ብቁ አመራር ሆነው መገኘት የሚገባቸው ሲሆን በጥሩ ስነምግባር ተገልጋይ ሕብረተሰቡን በአግባቡ ማስተናገድ እንደሚጠበቅባቸው አሳውቀዋል፡፡ በዕለቱ ከሁሉም ቅርንጫፍ ጽ/ቤት የተውጣጡ ሴት አመራሮች በስልጠናው ተሳታፊ መሆናቸው ታውቋል፡፡ #ነጻ_የጥቆማ_የስልክ_መስመር_9302 #ፌስቡክ;https://www.facebook.com/AA-Educational-Training-Quality-Occ-Competency-Assurance-Authority-100864428091362/?__tn__=-UC*F #ድረ_ገጽ; educoc.gov.et #ቴሌግራም https://t.me/AAEQOCAA

ሴቶች ሙስናን በመከላከል ረገድ ያላቸው አስተዋጽኦ ከፍተኛ መሆኑ ተጠቆመ፡፡ ሴቶች በፀረ-ሙስና ትግሉ የለውጥ አራማጆች ሆነው መንቀሳቀስ ይችላሉ በሚል ርዕስና የግዜ አጠቃቀም በሚል ርዕሰ ጉዳይ ላይ ስልጠና ተሰጠ፡፡ (ግንቦት 23 ቀን 2016 ዓ.ም) በትምህርትና ስልጠና ጥራት ቁጥጥር ባለስልጣን የአራዳ ቅርንጫፍ ጽ/ቤት የመሰብሰቢያ አዳራሽ በተካሄደው ስልጠና ላይ የባለስልጣኑ ዋና ስራ አስኪያጅ አቶ ዳኛው ገብሩ ባስተላለፉት መልዕክት እንደገለጹት ሴቶች በውድድር እና ችሎታቸውን በመጠቀም በብዙ የስራ ክፍሎች ላይ በኃላፊነት መሰማራታቸው የሚያስደስት መሆኑን ጠቁመው በስራቸውም ከአንድ በላይ ስራን በመስራት ልዩ ብቃት እንዳላቸው ተናግረዋል፡፡ በዚህም የሴቶች አስተሳሰብ የላቀ በመሆኑ የተሰጣቸውን ስራ በብቃት በመወጣት በተሰማሩበትም የሥራ መስክም ላይ ብቃታቸው የሚመሰከርላቸው መሆኑን ገልጸዋል፡፡ ብዙ ሴቶች ራሳቸውን ከመጥፎ ስነ ምግባር ያራቁ በመሆናቸው በሌብነት ዙሪያ ሴቶች ጠንቃቃ መሆናቸውን ገልጸዋል፡፡በመሆኑም ራሳቸውን ለሌሎች አርኃያነታቸውን በመጠበቅና ለሌሎችም ምሳሌ በመሆን በተሠማሩበት የሥራ መስክ ውጤታማ መሆን እንደሚጠበቅባቸው አስገንዝበዋል፡፡ በዕለቱ የተሰጠው የግዜ አጠቃቀም ስልጠና በተለይ ለምንሰራው ስራ ወሳኝ መሆንኑ ተገንዝበን ግዜን በአግባቡ መጠቀም እንደሚገባ አመላክተዋል፡፡

የቅ/ፅ/ቤቱ የቴ/ሙያ ቡድን መሪ የሆኑት አቶ ሀይለሚካኤል አባይነህ በግልና መንግስታዊ ያልሆኑ ቴ/ሙያ ማሰልጠኛ ተቋማት የድህረ እውቅና ፍቃድ ክትትልና ቁጥጥር ሪፖርት ያቀረቡ ሲሆን የድህረ እውቅና አላማ፣የቴ/ሙያ የድህረ እውቅና ክትትልና ቁጥጥር መነሻ፣ያጋጠሙ ችግሮች፣ጎልተው የታዩ ክፍተቶችና የተገኙ ግኝቶችን እንዲሁም የቴ/ሙያ ማሰልጠኛ ተቋማት ሊያሟሉ የሚገባ ግበዓትን፣ ሂደት ፣ ውጤትን ፣ ትኩረት በመስጠት ረገድ አበረታች ስራዎች ቢኖሩም ጥራትን ከፍ ለማድረግ ይበልጥ መስራት አለብን ብለዋል፡፡ የቅ/ፅ ቤቱ የእውቅና ፍቃድና እድሳት ዳይሬክቶሬት ዳይሬክተር አቶ ጌታነህ ባይሌ የ2016 ዓ.ም የእውቅና ፍቃድና እድሳት አሰጣጥና ሌሎች ተግባራት ላይ የታዩ ችግሮች ለመቅረፍ የተሰሩ ስራዎችና የመጣ ለውጥ ፣በ2016 በእውቅና ፍቃድና እድሳት አሰራር ላይ የተወሰደ እርምጃ ተከትሎ የመጡ ለውጦች ፣የ2017 የትምህርት ዘመን የቅድመ ዝግጅት ስራዎችና ከተቋማት የሚጠበቁ ተግባራት ላይ ዝርዝር ሰነድ ቀርቧል፡፡ በመጨረሻም ከቤቱ ለተነሱ ሃሳብ አስተያየቶች ምላሽ ተሰቶባቸዋል፡፡ #ነጻ_የጥቆማ_የስልክ_መስመር_9302 #ፌስቡክ;https://www.facebook.com/AA-Educational-Training-Quality-Occ-Competency-Assurance-Authority-100864428091362/?__tn__=-UC*F #ድረ_ገጽ; educoc.gov.et #ቴሌግራም https://t.me/AAEQOCAA