اقتباسات

https://www.facebook.com/100034210433063/posts/pfbid034Nz1T76wB1ehC3dPcGkrutHcysXPgrrA9mCUq1WmRkXFq8bUFBPeQ6bKoxQrpAMrl/?app=fbl 💛💛

https://t.me/Am2rles 💛💛

امس نزلت بوست المحتوى بتاعه ( إنه الأهل الما بدعموا أولادهم في مواهبهم السبب شنو) .. مبدئياً أنا ما عارفة تفكير كل الأهل ولا إنهم هم بكسرو مجاديفهم بإنو يمنعوهم يعملو الحاجات البحبوها واللاقيين فيها نفسهم لي) .. عموماً المجتمع السوداني "بغض النظر عن الأهل" ، الغالبية العظمة ما بتدعم المواهب بقدر ما بتنتقد وبتحطم صاحب الموهبة ، ما عارفة الحاجة دي أسبابها شنو وتقريباً الناس دي من وعت على الدنيا لقت الناس الأكبر منهم ما بدعمو المواهب وشايفنها حاجة فارغة وهم ساروا ع منهجهم)). النقطة بتاعت الأهل ، كُل أهل عندهم وجهة نظر مختلفة ، أنا بعرف وحدة هي صوتها حلو شديد وبتغني و لو كان واصلت كان عبرت والله لكن وقفت ولمن سألتها وقفتي لي؟ قالت لي لمن أبوي عرف قال لي دا كلام فارغ والناس يقولو شنو ، في اخر عمري يقولو بتي طلعت فنانة؟؟ دي وجهة نظر بعضهم ( إنه هما بهتمو بكلام الناس أكتر مما يهتموا بمصالح أولادهم ومواهبهم ، وبدون ما يعاينو للموضوع بصورة ايجابية وانه حيضيف ليهم شنو). وجهة نظر تانية شايفين إنه بتشغلهم من قرايتهم ودا كلام فارغ وبرغموهم ع القراية وهم بالهم في حاجات تانية ، الموهبة دي غالباً أي إنسان بمارسها وقت فراغه و مافي زول بقدم موهبته ع قرايته ومستقبله (و ما كلهم طبعا لانه مرات في ناس اصلا ما بكونو عايزين القراية وبإصرار من أهله بتضطرو يدخلو وفي النهاية ما بجيبو حاجة لأنه أساساً دي ما رغبتهم) وماشاءالله في كتيير من الفنانيين بتلقاهم أطباء ، الكتاب بتلقاهم في مهن مختلفة وكل واحد عابر في مجاله بغض النظر عن تخصصه شنو ، مختلف المواهب مع مختلف المهن بتكون عابرة وبدون ما وحدة تأثر ع التانية .. وجهة نظر تانية الخوف ، كان لاقتني وحدة دايماً بتكتب عن الثورة و مواضيع بخصوص السياسة وناشطة جداً ، فجأة وقفت لي؟ من خوف أمها وأبوها وإنه ممكن تحصل ليها كوارث بسبب الحاجة دي بدون ما يفكرو إنه (هي ما بتعمل في حاجة غلط وإنه هم بزرعو فيها شعور عدم الثقة في النفس وإنه ما تعبر عن رأيها و ما يكون عندها كلمة في المجتمع والخوف دا هو بقى هاجس بينها وبين الحاجة اللي هي بتحبها) .. ممكن غير كدة يكون في حاجات لكن كلامي العايزة أقوله والحاجة الأنا لاحظت ليها: إنه إنت ك ولي أمر وجيت منعت ولدك أو بتك من حاجة هو بحبها ، لو وقف وسمع كلامك في الفترة الأولى حيرجع وبعملها بالدس منك و إنت ما بكون عندك أدنى فكرة بالبعمل فيهُ و كل السبل البتخليه يمارس هوايته بالخفية موجودة ومتوفرة ليه بسهولة ، إنت حتكون شايف إنه البعمل فيه عيب/غلط/شغلة فارغة/إنه دا بسبب ليهُ كوارث/ ...الخ)) ، لحدي ما تشوفه ناجح وعابر ووصل لي حلمه ، هنا يداب بتلقى الأهل الفكرة بتاعته وصلت ليهم ، وياداب لمن يلقو الناس مهتمة بالمحتوى اللي هو بقدمه ولمن يلقوه بقى انسان عابر وناجح ومعروف حيبدو يدعموه ، هنا دعمكم ما بزيده حاجة ولا بمثل ليه حاجة لأنه ببساطة هو كان عايز الدعم في بدايته ما لمن وصل لنهاية طريقه وحقق هدفه ♡ .. إسراء أنور

يا ريت نحسِن مِن تصرُفاتنا سلوكياتنا أفعالنا أقوالنا لأنه نِحن قدوة! للأطفال المعاك في البيت .. للبت الصغيرة الشافتك في الشارع ولفتتها طريقة لبسك (سواء ساتِر أو فاحِش) .. لأخوك الصغير البحب يقعد معاك إنت وأصحابك عشان الونسة بتاعتكم .. لو إتكلمتِ بأقبح الألفاظ ما تلومي أُختِك الصغيرة وتعاقبيها إذا في يوم قالت نفس كلامك! .. ما تضرب ولدك الصغير عشان حاول يجرب يشرب سيجارة (هو شافك ع طول بتسجر وحبَّ يشوف أبوه قدوته بيحب الحاجة دي لي) .. عموماً الأطفال الصُغار بقلدو تفاصيلنا وبيقولو نفس كلامنا اللي نِحن بنقولوا ، هُم نُسخ صغيرة مِننا ، وهُم البيعكسو شكل البيت والمجتمع الحولهم واللي عايشين فيهُ)) .. فضلاً وليس أمراً ♡: صلِح ألفاظك صحِح تصرفاتك أحسب حساب الأطفال المعاك في البيت قبل تعمل أي غلط أقرأ كُتب (وهم حيقلدوك) صلي وسبِح وأقرأ قرآن (وهم حيقلدوك) حسِن تعاملك مع كل الناس والجيران رجاءً ♡ نِحن عايزين مُجتمع سليم، مُصفى مِن الشوائب، عاقِل، واعي، فاهِم، مُثقف، نِحن عايزين جيل بيخاف الله قبل كُل شئ ♡ )). أمارِلس #Esraa_Anwar

اي زول عندو مشكلة م قادر يحلها مشاكل نفسية شخصية بيخاف من حاجة معينة ادخلو الرابط دا واحكو كل العايزنو وأنا بقدر م اقدر ح أساعدكم يلا كلنا معا لحياة أفضل💜

أخيرًا وليس آخرًا حاول انك تعافر عشانها لو شايف انها تستاهل المعافرة دي وتستاهل انك تجيها بالحلال وربنا يجمعكم بحلالو ف القريب العاجل ان شاء الله يارب 🖤.

الحب ما حرام ولا غلط لكن الطرق المستخدمة ليه حاليًا هي الغلط ربنا قال شنو:"ولا تواعدوهن سِرًّا" خليك واعي واستخير ربنا وألح بالدعاء انو ربنا يجمعكم يالحلال لأنو مف أحلى من الحلال وقتها م حتحتاجو تعملو حاجة انتو خايفين منها وشايلين هم لحاجة بالعكس حتعملو كل حاجة قدام الناس وانتو راضيين وربنا راضي منكم