Oy boshini shunaqa yomon ko'rib qoldim: har gal yangi kelgan guruhlarga o'qish ularga nima uchun kerakligini tushintirishim kerak. Oddiy ertak o'qishga bersang ham dod-voy qilishadi: bizning miyamiz pachaq, yoshimiz o'tgan, 3 ta tug'ib qo'yganmiz, vaqtimiz yo'q, chaqalog'imiz bor, qatnaydigan yo'limiz uzoq, qarib qoldim, xotira ketgan... bitta sizni fanizmasku, boshqa fanlar bor, (2 betlik ertakni o'qish uchun shuncha bahona o'ylashga yetgan miya 5 daqiqada o'qib qo'yish mumkinligiga yetmaydi)
Yana yozishga bermang, yozishga ulgurmaymiz, pulga yozdiramiz, lekin miyada qolmaydiku; kitob o'qishga bermang, kitob topolmaymiz , kutubxonaga borolmaymiz (voy dod, xudo ko"rsatmasin, biz unaqa kutubxonama kutubxona yurish uchun kirmaganmiz, erimiz ruxsat bermaydi, nimalar deyapsiz) , kitob sotib ol demang (o'zi yo'lga keb ketishga zo'rdan pulim bor, kitob qimmat ololmaymiz, kitob do'kon ham yo'q yana yonimizda) , internetdan qidirishni bilmaymiz - nima u gugl, qanday foydalaniladi?! (Instagramni biladi bular faqat)
Dahshat-da , dahshat!!!
1,2, 3 paralarim doim ularga kitob topib berish, elektron qidirish, ziyouz bilan tanishtirish (endi Mutolaa yam qo'shilgan) bilan o'tadi. Darsni o'zida o'qishi uchun soatlab vaqt beraman. Shundayam ertasi kuni 2-3 ertakni eplab o'qib kelishmagan bo'ladi.
Xo'p, darsda nima qildik 2 soat o'qimasdan? Gaplashib o'tirdim, man darsga o'qish uchun kelmiman, keragiyam yo'q. Uyimda 3 ta bolam bor, maktabni o'quvchilar ham esimni yeb qo'ygan, sizga o'xshab, yosh, tashvishsiz emasman. Diplom olsam bo'ldi. Qolgan narsani o'zim bilaman....
Xullas, bizni odatiy boshlang'ich suhbatlarimiz shunday kechadi doim. Naqadar baxtsizlik, vaqt yetmasligi, o'qish uchun endi ular kechligi - meni og'dirish uchun har yo'llarni sinashadi shantaj-montaju ko'zyoshgacha...
Koshki menam taslim bo'lsam, talsim bo"lsam, o'laman-ku. Ularning ko'zida ilmdan oladigan zavqni ko"rmasam, meniyam ruhim so'nadi va o'ladi - keyin pul uchun ruhsiz ishga qatnovchi o'liklar soni bittaga ko'payadi. Shuning uchun har oy boshida jiddiy kurashlar, azabbuzarliklar kechadi. Endi bir-birimizga o'rganib, ular ham zo'r o'qishni boshlashganda bir oy tugaydida- shu bilan hammasi tugaydi. Yana takror. O'zimam charchadim bunaqa takror, bir xil bahona, dard, g'amlarni eshitaverishdan.
Endi ertaga borib baxtsizlik va kitob o'qish aloqasi haqidagi uzundan uzoq ma'ruzamni o'qishim kerak.