Xorazm viloyati bojxona boshqarmasi|Rasmiy telegram kanali

“БОЖ БАДАЛ” сериалининг мухлислари диққатига! Сериалнинг 10- ва 11- қисмлари Youtube платформасига жойлаштирилди. “Бож бадал” (10-қисм) “Бож бадал” (11-қисм)

Мусобақада 25 нафарга яқин болажонлар иштирок этишиб, ўз маҳоратини намойиш этишди. Мазкур тадбирда божхоначилар ўз фарзандларига ҳамроҳлик қилишди! 🏆 Қизғин курашларга бой ўтган мусобақада ғолибликни қўлга киритган ўғил қизларга божхона бошқармасининг диплом, медал ҳамда қимматбаҳо совғалари топширилди, шунингдек, “Энг ақлли ўйинчи”, “Энг яхши ўйинчи”, “Энг фаол шашкачи” номинациялари бўйича барча болажонлар тақдирландилар.

Божхоначилар фарзандлари учун спорт мусобақаси ўтказилди ✔️ Ушбу сана муносабати билан ҳар йили спорт мусобақаларини ўтказиш анана тусига айланган. ♟Хусусан, мазкур байрамни муносиб ўтказиш мақсадида, Хоразм вилояти божхона бошқармасида хизмат қилаётган ходимларнинг фарзандлари ўртасида спортнинг шашка, арғумчоқда сакраш ва кубикларни йиғиш турлари бўйича мусобақа ўтказилди.

Божхона қўмитаси Раиси Акмалхўжа Мавлонов Бухоро вилоятида озиқ-овқат маҳсулотлари ишлаб чиқариш фаолияти билан шуғулланувчи корхона вакиллари билан учрашди. Хабарингиз бор, жорий йилнинг 18 январь куни Давлатимиз Раҳбари ҳузурида бўлиб ўтган видеоселектор йиғилишида озиқ-овқат маҳсулотлари ишлаб чиқаришни кўпайтириш, инвестицияларни жалб қилиш, маҳсулотларни қайта ишлаш орқали экспорт ҳажмини ошириш каби масалалар муҳокама этилиб, истиқболли режалар белгилаб берилган эди. Айнан мазкур йўналишда масъул этиб белгиланган Божхона қўмитаси ва ҳудудий божхона бошқармалари томонидан озиқ-овқат маҳсулотлари ишлаб чиқариш фаолияти билан шуғулланувчи тадбиркорлик субъектларига кўмак беришга қаратилган амалий ишлар олиб борилмоқда. Биргина Бухоро вилояти мисолида рақамлар таҳлилига назар ташлайдиган бўлсак, 2024 йилда озиқ-овқат маҳсулотлари ишлаб чиқариш имконияти мавжуд бўлган 10 та лойиҳалар шакллантирилган бўлиб, улар тўлиқ ишга туширилиши натижасида жами 800 дан ортиқ янги ишчи ўрни яратилиши режалаштирилган. Божхона қўмитаси Раиси ташкилотчилар билан бевосита мулоқот жараёнида тадбиркорлик субъектларининг истиқболли лойиҳаларини янада кенгайтиришда ҳар томонлама ёрдамга шай эканлигини таъкидлаб, божхона органлари томонидан тақдим этилаётган имтиёз ҳамда преференциялардан ўринли фойдаланишга чақирди. Эътиборлиси, ўнлаб янги корхоналарнинг ишга туширилиши нафақат ички бозорларимизни сифатли ва ҳамёнбоп маҳсулотлар билан тўлдиришда, шунингдек, «Ўзбекистонда ишлаб чиқарилган» ёрлиғи остидаги маҳсулотларнинг экспортга йўналтирилишида ҳам муҳим омил бўлиб хизмат қилади. Очиқ ва самимий мулоқот тарзида ўтган учрашув давомида корхона вакилларининг муаммо ва таклифлари бирма-бир тингланиб, масалаларга ечим топиш мақсадида масъулларга тегишли кўрсатмалар берилди.

Болалар ҳаётимиз давомчилари, келажагимиз эгаларидир. Бинобарин, уларни асраб-авайлаш, ҳар томонлама баркамол қилиб вояга етказиш ҳар бир давлат, ҳар бир оила, ҳар бир ота-онанинг муқаддас бурчидир. 1 июнь – Халқаро болаларни ҳимоя қилиш куни муносабати билан божхона органларида байрам тадбирлари ташкил этилмоқда. Хусусан, Сурхондарё вилояти божхона бошқармаси томонидан вилоят Қўғирчоқ теарти билан ҳамкорликда Қумқўрғон ногиронлиги бўлган болалар учун “Мурувват” уйида байрам тадбири ўтказилди. Бухоро вилоятида ҳам “Мурувват” ногиронлиги бўлган болалар учун интернат уйида байрам тадбири ташкил этилиб, ушбу маскан тарбияланувчиларига Божхона қўмитасининг совғалари улашилди. Худди шундай савобли тадбирлардан яна бири Қашқадарё вилояти божхона бошқармаси томонидан Қарши “Мурувват” ногиронлиги бўлган болалар учун интернат уйида ўтказилди. Сана муносабати билан, Фарғона вилоятида “Бор меҳримиз сенга, болажон” шиори остида бетоб болалар учун донорлик акцияси ўтказилди. Унда вилоят божхона бошқармасининг бир гуруҳ кўнгилли донор бўлиш истагидаги ходимлари фаол иштирок этди. Байрам муносабати билан Тошкент вилояти божхона бошқармаси ходимлари ва уларнинг фарзандлари иштирокида видеоролик тайёрланди.

Театрнинг маҳоратли актёр ва актрисалари томонидан “Вақт” деб номланган спектакль муҳлислар эътиборига ҳавола этилди. Мазкур спектакль давомида вақтни беҳуда сарфламаслик, телефон, интернет ва бошқа воситалардан фақат зарур ҳолларда, илм олиш мақсадида фойдаланиш, турли ҳил ўйинларнинг болажонларимиз руҳияти ва соғлиғига бўлган зарарли оқибатлари ҳақида болалар тилида тавсиялар бериб ўтилди. Спектакль мусиқали чиқиш ва рақсларга бой бўлиб, болажонларимиз ҳам маънан ҳам жисмонан хордиқ чиқаришди.