"HILOL" ijodiy to‘garagi

⚽️ Yuragida o‘ti bor, futbolsevar yoshlar va barcha o‘zbekistonliklar uchun maxsus #qonimdagalaba chellenji e’lon qilindi! Mukofot jamg‘armasi: 500,000,000 so‘m!⚡️ Chellenjda qatnashish shartlari: 1. Futbol mavzusida 1 daqiqadan oshmagan video suratga oling. 2. Uni #qonimdagalaba heshtegi bilan Instagram tarmog‘iga joylang. 3. Shoshiling: videolar 20-iyulgacha qabul qilinadi. 🏆 Sportchilar, jamoatchilik faollari, media sohasi vakillaridan iborat hay'at eng yaxshi 10 ta videoni saralab oladi. Aynan shu TOP 10 videoning har biri uchun 50,000,000 so'm mukofot beriladi! 👉 Chellenj haqida to‘liq ma'lumot 👈 Omad! Futbol bo‘yicha Olimpiya terma jamoamizni munosib qo‘llab-quvvatlaylik!💪

O‘kinma... Ketarman yerning bag‘riga, O‘kinma Ortingdan abad qolmadim. Dunyoga ko‘p sirni yetdim tagiga, Men faqat Odamni tushunolmadim... © Asqar Mahkam

Ечилмасдан қийнар жумбоғи Ҳамон тугун, қачон тугулган Берилмасдан аввал сўроғи Жавоб тайин қилиб букилган Javliyev Ulug'bek

“Men” raqsi – Telegraph https://telegra.ph/Men-raqsi-07-02

#XAVOTIR Yechilmasdan qiynar jumbog‘i, O‘ylab-o‘ylab o‘zni o‘rtarsan. Og‘ir bo‘lmasmi deb so‘rog‘i, Baxtli bo‘lishga ham qo‘rqarsan. © Behzod Fazliddin

🤔 ҲОЗИРГИ  ЁШЛАР Қари толга суяб Ирғай асони, Оқсоқол сўрига аста ёнбошлар. Хаёлдан ўтказар кори дунёни: "Эҳ, ҳозирги ёшлар, Ҳозирги ёшлар!" У аср тенгдоши. Бутун умр энди Кеча кўрган тушдай кўзи олдида, Йигирма ёшида амирни енгди, Водийга сув очди ўттиз олтида. Ёшлигини эслар, Уф тортар секин. Салгина чимрилар оқ тушган қошлар. "Биз ҳам ёш бўлганмиз бир маҳал, Лекин Бошқачароқ чиқди ҳозирги ёшлар". У колхоз тиклади, Янги юрт қурди. Босмачига қарши от сурди ўктам. Жангу жадалларнинг барини кўрди. Кўрди очликни ҳам, Юпунликни ҳам. "Бизга хаёл эди, Туш эди фақат Тўкин дастурхону лаззатли ошлар. Бахти боқий бўлсин, Аммо бу жаннат Қадрин билармикин ҳозирги ёшлар!" Кўз олдидан ўтар қирқ биринчи йил, Масков бўсағаси, Аччиқ қаҳратон. Агар қулатмаса дайди ўқ сабил, Берлиндан қайтарди бўлиб қаҳрамон. Эслар, ҳар ён олов, Ўт ичра дунё. Мажруҳ гавдалару узилган бошлар... "Юрт тинч бўлсин, Бир гап бўлса мабодо, Бардош берармикин Ҳозирги ёшлар!" Уй-жой қилиб берди мана, Турғунга, Турмушга чиқарди Назирасини. Букун эса ўйлар дорилфунунга Киролмасдан қолган набирасини. Домласига ўзи борсинми секин Орденларни тақиб, Оқилни бошлаб... "Ким билади дейсиз, бўштоброқмикин, Эркатойроқмикин ҳозирги ёшлар..." Яна дер: "Бўш қолсак тунлар бўлиб жам "Чордарвеш" ўқирдик қуршаб танчани. Булар танимайди Ҳувайдони ҳам, Эртаю кеч ўйлар кино, танцани. Ақли кирармикин буларнинг бир кун, Ким билади, қачон қуюла бошлар! Оғир кун кўрмади. Балки шунинг-чун Енгилроқ ўсдими ҳозирги ёшлар!" Тоҳирни ҳалитдан тинч қўймас қизлар, Ярим тунда қайтар уйга ҳамиша, "Унча бўлмасак ҳам илмда бизлар, Аммо кучли эди одоб, андиша. Бировнинг қизига сал қараб қўйсак, Бизлар аталардик шўху бебошлар. Баъзи киноларми бузмоқда андак, Капалак мижозроқ ҳозирги ёшлар..." Тўнғич ўғли у кун қизалоқ кўрган, Номини Шарлотта қўйибди, ажаб. Ўртанчаси тоғда юргани юрган, Баъзан уч ойда бир келмайди йўқлаб. Наҳот отасидан бўлса азизроқ Қайсидир тоғдаги қандайдир тошлар... "Бизнинг борди-келди одатдан йироқ, Бемеҳрроқ ўсди ҳозирги ёшлар..." "Кийимлар-чи... Қизиқ буларнинг диди. Ола-чипор кўйлак... Нимаси кўркам? Рост айтсам унчалик ёқмаган эди Оталарга бизнинг чарм камзул ҳам. Байналминал айтиб, байроқ кўтариб Кўчага чиққанда ўктам сафдошлар, Кексалар деганди йўлдан қайтариб: Нега шумлик қилар ҳозирги ёшлар? Энди буларга ҳам ҳар қалай оғир, Замон шитоби тез, парвози тикка. Кеча тили чиққан Наргиза ўқир Биринчи синфда математика. Бизлар ҳафтиякдан бошлаган эдик, Булар икс билан игрикдан бошлар. Дуруст, зеҳни ўткир, қадами тетик, Ўзимизга тортди ҳозирги ёшлар. Гинаси ноўрин, Қарилик қурсин. Бекор юрмагандир тоғларда Ўктам, Мана, керак бўлса Рустамни кўрсин, Боласидан аъло жиян бўлса ҳам. Ўзи қотмагина, ниҳолдай хипча Нари борса ўттиз, ўттиз бир ёшлар... Фан доктори бўлди Масковда кеча... Бало чиқиб қолди ҳозирги ёшлар. Бахти бутун бўлсин, Толеи бекам. Шуларнинг борлиги менинг иқболим". Чол кўз ёшин артар, Шу пайт менинг ҳам Келажак йилларга учди хаёлим. Замонлар келадир Яна ажойиб. Балки пайдо бўлар сунъий қуёшлар. У пайтлар, ким билсин, Қариб-қартайиб, Мункиллаб қолармиз ҳозирги ёшлар. Шунда келажакнинг боғлари аро Биз, яъни кексалар суҳбат қурган чоғ Сўзлармиз: "Қарши деб аталган саҳро Бизнинг қўлимизда бўлган эди боғ. Эсингдами Газли, Зилзилалар-чи? Қайта шаҳар қурган қардош-қурдошлар... Биз янги эрадан бўлгандик жарчи, Нима ҳам кўрибди ҳозирги ёшлар! Қара, Оқ кўйлакка гулстук тақиб, Агрегат ёнида туришар булар. Биз ишладик қўлни мойларга тиқиб, Энди роҳатини кўришар булар. Фанда инқилобни биз қилдик илк бор, Илк бор парвоз қилган бизнинг йўлдошлар. Кўкни обод қилдик, Ерни ҳам гулзор. Эҳ, ҳозирги ёшлар, ҳозирги ёшлар. ✍ Ўзбекистон Қаҳрамони, Ўзбекистон халқ шоири Эркин Воҳидов, 1973 йил...

KELMAS YOR HAQIDA QUSHIQ Yangrayotgan to’ylar sendan uzoq emas, Nechun dunyo ko’zlaringga tor keladir? Chiqib qara, tashqarida kuzak emas, Boldoqlarin yel o’ynatib yor keladir: Chiqib qara, yor keladir, chiqib qara. Tutzor aro lashkarboshi — shamol yurar, Chalinmoqda teraklarning burg’ulari. Chiqib qara, eshigingga o’zin urar Shildir-shildir xazonlarning kulgulari. Chiqib qara, yor keladir, chiqib qara. Tashqarida tushing gullar, hushing gullar, Baland ruhning guli kular yosh-qarida. Chiqib qara, tashqarida kular yo’llar, Baxting kular bu dunyodan tashqarida: Chiqib qara, yor keladir, chiqib qara… © Mirzo Kenjabek @Yangi_hilol