🕌 “Қурбон Ота“ Жоме Масжидининг расмий телеграм канали

Беморлик, фақирлик ва мухтожлик  сабаблари 1. Меҳмонга ҳақорат ила қарашлик. 2. Қуръони каримни бетаҳорат ушлашлик. 3. Бебисмиллаҳ таом ейишлик. 4. Тик туриб таом ейишлик. 5. Идиш товоқни тоза тутмаслик. 6. Қўлни ювмасдан таом ейишлик. 7. Намозни қазо қилишлик. 8. Масжидда дунёвий гапларни гаплашишлик. 9. Улуғларга нисбатан беодоблик қилишлик. 10. Остонада ўтиришликни одат қилишлик. 11. Номаҳрам аёлларга шаҳват назари ила қарашлик. 12. Ёлғон гапиришлик. 13. Тонг вақтида ухлашлик. 14. Шомдан кейин ухлашлик. 15. Ялангбош хожатхонага киришлик. 16. Хожатхонада гаплашишлик. 17. Аҳли аёли билан жанжаллашишлик. 18. Фақирни камситишлик. 19. Нағмаларга муҳаббат қўйишлик. 20. Ховуз ёки ғуслхонага пешоб қилишлик. "Мингта қимматбаҳо дур" китобидан.  Абдулқайюм Комил таржимаси "Ибратли дунё" каналидан олинди. https://t.me/qurbon_ota

НАМОЗНИНГ ВОЖИБЛАРИ Намознинг фарзлари бўлганидек, бир қанча вожиблари ҳам мавжуд. Бу вожибларни бажариш орқали намознинг фарзлари тугалланиб, нуқсонлари бартараф этилади. Намознинг вожиблари қуйидагилардан иборат: 1. Намозни бошлаш чоғида фақатгина “Аллоҳ” исми билан чекланибгина қолмай, буюкликни ифодаловчи “Акбар” сўзини ҳам илова қилган ҳолда "Аллоҳу акбар" дейиш. 2. Намозда «Фотиҳа» сурасини ўқиш вожиб. Учта имомга кўра эса, «Фотиҳа» сурасини ўқиш фарз. 3. Намозларда фарз бўлган Қуръон қироатини илк икки ракъатга хослаш вожиб. 4. Илк икки ракъатнинг ҳар бирида бир марта «Фотиҳа» сурасини ўқиб, уни такрорламаслик вожиб. 5. «Фотиҳа» сурасини бошқа ўқиладиган сура ёки оятлардан аввал ўқиш вожиб. 6. «Фотиҳа» сурасига бошқа сура ёки бир сура ўрнини босадиган миқдорда оят зам (илова) қилиш. Шундайки, фарз намозларнинг олдин ўқиладиган икки ракъатларида «Фотиҳа» сурасидан кейин бошқа сура ёки битта сурага тенг миқдорда оят ўқиш вожиб бўлганидек, витр намози ва нафл намозларнинг ҳар ракъатида «Фотиҳа» ва «Фотиҳа» сурасидан кейин битта сура ёки унга тенг оятни ўқиш ҳам вожибдир. 7. Ёлғиз бир ўзи намоз ўқиётган намозхон бомдод, шом ва хуфтон намозларини хоҳласа овоз чиқариб, хоҳласа овоз чиқармай қироат қилган ҳолда адо этади. Тунда ўқиладиган нафл намозларда ҳам ҳукм шундай. Бироқ пешин ва аср намозларида ҳамда кундузи ўқиладиган нафл намозларида махфий ўқиш вожиб. 8. Жамоат бўлиб ўқиладиган бомдод, жума, ҳайит, таровеҳ, Витр намозларининг ҳар ракъатида, шом ва хуфтон намозларининг биринчи ўқиладиган икки ракъатларида ошкора қироат қилиш, шунингдек, пешин ва аср намозларининг барча ракъатларида, шом намозининг учинчи ва хуфтоннинг охирги икки ракъатларида махфий қироат қилиш вожиб. 9. Витр намозида Қунут (дуо) ўқиш ва Қунут дуоси учун "Ал- лоху акбар" деб такбир айтиш вожиб. Бу Имоми Аъзамга кўра олинган. Икки имом - Имом Абу Юсуф ва Имом Муҳаммадга кўра эса, булар суннатдир. 10. Қазо қилинган намоз кундузи жамоат билан ўқилган тақдирда, агар у бомдод намозига ўхшаб жаҳрий қироат қилиш лозим намоз бўлса, яна жаҳрий қироат қилинади. Махфий қироат қилинадиган намоз бўлса, махфий қироат қилинади. Бир ўзи ёлғиз ҳолда намоз ўқиганда эса, ошкора қироат қилиш лозим бўлган намознинг қазосини ўқиётиб хоҳласа ҳам жаҳрий, ҳам махфий ўқиш мумкин. Бир ривоятга кўра эса, кундузи қазоси ўқиладиган ҳар қандай намозда махфий ўқиш вожиб бўлиб, унда махфий ёки ошкора ўқишнинг ихтиёри йўқ. 11. Сажда қилганда фақат пешона билан чекланмай, пешона билан бирга бурунни ҳам ерга теккизиш вожиб. 12. Уч ва тўрт ракъатлик намозларда биринчи ўтириш вожиб. 13. Намозларнинг ҳар (яъни, икки ёки тўрт ракъатдан кейинги) ўтиришида ташаҳҳуд қилиш ("аттаҳийят"ни ўқиш) ҳам вожиб. 14. Намоз ичида ўқилган сажда ояти туфайли тиловат саждасини килиш вожиб. 15. Икки ҳайит намозларининг учтадан бўлган зиёда такбирлари вожибдир. Ушбу намозларнинг биринчи ракъатларидаги рукуъ ва сажда такбирлари суннат, иккинчи ракъатларининг рукуъ такбирлари эса вожиб бўлган зиёда такбирларга яқин бўлгани учун у ҳам вожиб. 16. Намознинг фарзларида тартибга риоя қилиш, икки фарз орасига фарз бўлмаган бирор амалнинг киришига йўл қўймаслик ҳам вожиб. Фарз бўлган қиём (оёқда тик туриш)дан кейин рукуъга бориш, рукуъдан кейин эса саждага боришга ўхшаш. "Намоз - диннинг устуни" китобидан "Bayyina.uz "каналидан олинди. https://t.me/qurbon_ota