متاح الآن! بحث تيليغرام 2025 — أهم رؤى العام 
Najmiddin Turon
الذهاب إلى القناة على Telegram
Dilda darding bo‘lmasa, Dardisarimni kovlama. Mashrab
إظهار المزيد4 685
المشتركون
-524 ساعات
-297 أيام
-8030 أيام
أرشيف المشاركات
4 685
***
дунё—
охирига етмаган чизиқ
нарёғи йўқсизлик
аммо унда юрарди ажаб
бир қалби синиқ
йиғларди тинмай
шоир эди у
шеър ёзар эди
чизиқнинг давоми ҳақида
©Нажмиддин Эрматов
@Najmiddin_Ermatov
4 685
Агар тошлар гулласа бир бор,
Гуллай бошласа гар барча кўрганин.
Сиёҳлар уятдан қизарар минг бор—
Бошқача тус олар тарих дегани.
Деворларга гар тил битиб қолса,
Қанча сирга гувоҳ
бу қадим қулоқ.
Қанча ҳайкал кетар бузилиб,
Қанча тунлар бўларди оппоқ.
Қудуқлардан қамишлар ўсса,
Най ясаса бир телба чўпон.
Ҳақиқат куйига чидаб берарми,
Ёлғонга кўниккан ақлли инсон.
Аммо бу хаёлдир.
Фош бўлмайсиз сиз—
тошлар гулламайди, деворлар тилсиз.
Эй, одам, сўзлайвер, мен ҳам ишондим,
Искандар шохсиздир, Искандар шоҳ- сиз...
©Нажмиддин Эрматов
@Najmiddin_Ermatov
4 685
Нажмиддин ЭРМАТОВнинг "КЎЗДАН АЙРИ ЁШ" ҳикоясини ҳукмингизга ҳавола этамиз.
“Мана бугун беш йил бўлди. Шоҳидани айнан мана шу санада, бундан беш йил бурун учратгандим. Илк кўрганимда қандай сулув эди, ҳозир ҳам чиройи ортса ортганки, асло акси эмас”,—Бекали шу хаёллар билан ишдан эртароқ чиқди. Ахир бугун у учун унутилмас кун, байрам, севгининг инояти!..
Ҳикоянинг давомини ушбу манзилда ўқинг.
http://telegra.ph/KЎZDAN-AJRI-YOSH-06-20
4 685
Ertak aytmang bolalarga siz,
Shoirlardan uzoqroq oling.
-mana bu yoʻl, deng:
mana bu qorin,
shu gʻam deya tolsin oyogʻing.
Ertak aytmang bolalarga, oh,
Kimligini bilib qolmasmi:
Farogʻiydek yigʻlabon, e voh,
Gulxaniydek kulib qolmasmi?..
Ertak aytmang, kitobni yoping,
Boqmasin dil tilkalariga.
Axir u bolaku, Vatanning gʻami,
Ogʻirlik qiladi yelkalariga.
Hali bir kun oʻzni taniydi,
Vatanni taniydi, taniydi alar.
U kun bizga la'nat aytadi,
Ertak tinglab oʻsgan bolalar.
©Najmiddin Ermatov
@Najmiddin_Ermatov
4 685
Yomg‘irni kuzatmoq kerak:
Ayvon chetidagi ustunga ilib
Mato yopib qo‘yilgan
Qafas ichidagi bedana bo‘lib...
4 685
***
Ёмғирни кузатмоқ керак:
айвон четидаги устунга илиб,
мато ёпиб қўйилган
қафас ичидаги бедана бўлиб.
Кенгликларга кўз тикмоқ керак,
кетишни исташ керак ундан-да нари:
овчи қопқонида
сўнги нафасини олаётган бўри сингари.
Баҳорни соғинмоқ керак:
жонидан ўтканча қаҳратон қаҳри
охирги кучини сарф этганича
дон излаётган мусича каби.
Севмоқ керак ўша сулувни—
дардсизликдан даволаниб
ўлиминг каби худду
рад этилишинг бўйнингга олиб.
©Нажмиддин Эрматов
@Najmiddin_Ermatov
4 685
***
Қон ва Сиёҳ
Қон:
—пақ этди, отилди ўқ.
ҳақ, деган ул ўғлоннинг
тешилган кўкрагидан
бўй чўздим гул мисоли.
Сиёҳ:
—пақ этди, отилди ўқ.
зирхланган қўналғада
қондан қўрққан қўлни ва
кўрдим қоғоз висолин.
Қон:
—авлодим, эгилмагин,
бошингни тик тут, дея
жондан кечган ўғлоннинг
исён тўла кўксидан
Ватан дея тўкилдим.
Сиёҳ:
—келажакка солдим изимни:
“Бош эгмади исёнчи,
Хоин эди, отилди”.
Йиллар ўтиб авлодинг
Бошин эгиб ўқийди.
Қон:
—Ватан дея тўкилдим.
Сиёҳ:
—хоин дея ўқилгай.
©Нажмиддин Эрматов
@Najmiddin_Ermatov
4 685
* * *
1.
Кўрасан,
кўкиш баданини осмонга очиб,
зулматда чўзилиб ётибди кўча.
Сезасан,
Панжасини совуқ урган қашқирдай,
инграниб, имиллаб одимлар кеча.
2.
Бўшалди,
тушовини судраганча боради хаёл,
кўчадан уялиб, кечадан чўчиб.
Кўради,
Ул таниш дераза, ётибди сулув,
бегона сувратни бағрига босиб.
Билади,
бу гапни бўлмайди ўзингга айтиб,
адашган ит каби кетади дайдиб.
билмайсан,
кутасан тонг отар, лекин-чи энди,
ул хаёл ҳеч қачон келмайди қайтиб.
3.
Кўрмайсан,
кўкиш баданини осмонга очиб,
зулматда чўзилиб ётаркан кўча.
Сезмайсан,
панжасини совуқ урган қашқирдай,
исканиб, ирганиб кетаркан кеча.
4.
Севасан.
©Нажмиддин Эрматов
@Najmiddin_Ermatov
4 685
* * *
Кетиб бораяпти ҳавода масрур,
Сенинг лабларингдан учган ҳиргойи.
Бахт менга ҳиргойи бўлиб кўринди,
Ахир бахт эдида у учган жойи.
Кетиб бораяпти ҳавода дилхун,
Қайгa кетаяпти, сархуш, билмайди.
Дард манга ҳиргойи бўлиб кўринди,
Ахир лабларингга қайтa олмайди.
©Нажмиддин Эрматов
@Najmiddin_Ermatov
4 685
* * *
Кўзларидан ўт сачраб,
Кулохин берди Машраб,
Кишанларни парчалаб,
Сен томон кетаяпман.
Кўксимдан пастда осмон,
Замин тор, замин ҳайрон,
Огоҳ бўл, озорафшон,
Сен томон кетаяпман.
Дулдул билан қувлашиб,
Гоҳ етиб, гоҳ адашиб,
Юрагимда ишқ ташиб,
Сен томон кетаяпман.
Чархифалак чархи жим,
Айтолмайди менман ким,
Ахир мен ўздан кечдим,
Сен томон кетаяпман.
Кетмоқ йўлидир мушкул,
Мушкулда асли ҳузур,
Сенга айланиб буткул,
Сен томон кетаяпман.
Ду дунёни бир қилиб,
Бир оҳимда чўктириб,
Ишқдан қайта ўстириб,
Сен томон кетаяпман.
Огоҳ бўл, озорафшон,
Висолга берма имкон,
Ҳижрон бер менга ҳижрон,
Сен томон кетаяпман.
Кетиш бордир, бориш йўқ,
Рухсорингни кўриш йўқ,
Ўтинаман, борга чоғ,
Манзилингда бўлгин йўқ,
Сен томон кетаяпман.
©Нажмиддин Эрматов
@Najmiddin_Ermatov
4 685
Бўйинбоғга бандилар келиб,
Ёзишсин, дедилар, барча баробар.
Ёза бошладилар деворга ўйиб,
Кишанлари ила махбуслар.
Сўнгра термулдилар ўшал ёзиққа,
Тамшаниб, энтикиб, бўлганича шод.
Барча банди эди у юртда,
фақат
’'Озодлик’’ ёзилган деворлар озод.
Тўрт томонни ҳайқириқ босди,
Юрак унутганди юраклигини.
Ҳеч ким тушунмасди деворга эмас,
Озодлик одамга кераклигини.
©Нажмиддин Эрматов
@Najmiddin_Ermatov
4 685
Куз боғларга олов ёқибди,
Ғуссасида исинайлик, юр.
Қовжирашин кузатиб баргнинг,
Оғриғидан қилайлик ҳузур.
Ташлаб чиққин кулгуларингни,
Изтиробдан не бор боқийроқ?..
Бир жонингни бўлак-бўлаклаб,
Дард бераман сенга минг қучоқ.
Титраётган хаснинг, хазоннинг,
Тушларига кирар баҳорлар.
Тунда гуллар сўлганин кўриб,
Аза очиб отар наҳорлар.
Дарахтларда жанубга қараб,
Кўз юмолмай ётибди инлар.
Лаҳзалардан асраб,
қушларнинг
Ташлаб кетган чуғурин тинглаб.
Сўлган гулнинг тагига қара,
Булбул ёдин кўмяпти шамол.
Йиғлаяпти,
ахир, севгилим,
Бизлар кулсак бўлмасми малол.
Хазонларни чертиб ёмғирнинг,
Чалаётган хонишига боқ.
Бахт-ла эмас, гулрўй, дард ила,
Қандай ширин ишқни ўйламоқ.
Гар кўнмасанг, ранжимайман, бор,
Ўзингнимас ишқни бахш этгин.
Ёнингдамас, сендан олисда,
Сени қумсаб яшайин, кетгин.
2018 йил, октябр
Н. Э.
@Najmiddin_Ermatov
