Najmiddin Turon

Tepadagi yozuvga qaralsa, chegara o‘ruslarga tegishli. Yondagi vertikal yozuvga qaraganda esa - O‘zbekiston... ''Kimdir ko‘z tiksa ham, aniqki, millat, Dushmanning yo‘lini to‘sishga qodir. Ammo beklarining royiga boqsam, Negadir ko‘zimdan yosh sizayotir...''

Тушларда қушларга қўшилиб учдим, Гоҳо булутларга тўш уриб учдим, Ўнггим оғир келди, пойингга тушдим, Тийрамоҳ, титраб оҳ чеккани келдим. Сарбон йўл кўрсатди, ўзи кўр эди, Гўрўғли чиқмади , оғзим гўр эди, Жасорат унмади, манглай шўр эди, Бағрингга бир гиёҳ эккани келдим. Тақвим қашқирдайин умримга ўчми? Яширин бир титроқ бўғзимга кўчди, Кўзимда бир чироқ бор эди ўчди, Ўзимни мен сўроқ этгани келдим. Бир сулув қалбимга ўт қалаб ўтди, Ҳижронга кўнувчан жон тилаб ўтди, Лек руҳим ўтгунча ишқталаб ўтди, Ёшимни мен гувоҳ этгани келдим. Қабрлар қирларга туташиб борар, Йиллар бирин-кетин қир ошиб борар, Руҳим само сари тирмашиб борар, Қисматдан мен йироқ кетгани келдим. Ул туғмас қабрда сўзлар сурунгай, Қашқирдан қочиб тан бекор урунгай, Асли тириклигим ёлғон кўрингай, Дор келтир, мен гуноҳ этгани келдим. https://t.me/Najmiddin_Ermatov

Абдулҳамид Сулаймон ўғли Чўлпон (1897-1938) қиёфаси сақланиб қолган ягона (ишончли) видео материал (1920 йил 1-8 сентябрь, Боку шаҳри) / Abdulhamid Sulaymon o‘g‘li Cho‘lpon (1897-1938) qiyofasi saqlanib qolgan yagona (Ishonchli) video material (1920 yil 1-8 sentyabr, Boku shahri) https://youtu.be/KMwxQ_Yd9VQ

Кўнглимда йиғлаган малаклар кимлар?.. Чўлпон Суйгулим, Ёзнинг поёнига етдик ниҳоят, Ёшларим лойланди фасл сўнгида— Саратон тафтидан этмай шикоят Чечаклар қуврабди кўзим ўнгида. Кўзим ўй, гулим. Суйгулим, Август боғларини тарк этди қушлар, Бўш қолган инларда рутубат ҳоким. Қақраган сойларда фош бўлди тушлар, Шамолга сочдилар сирларинг хокин. Куйма, қўй, гулим. Суйгулим, Бошимдан мезонлар ўтди паришон, Чувалган ўйларим хазонга талош. Энди мен қаерни этайин ошён, Сен қайдан топарсан ҳамон алиф бош... Мискин ўй гулим. Суйгулим, Соғинчнинг йўллари кузга бош бурди, Кўникиб бордим-а йўқдай имкони. Қисмат  боғлар аро қатлгоҳ қурди, Сим-сим товланмоқда дарахтлар қони... Кўкка йўй,  гулим. Суйгулим... https://t.me/Najmiddin_Ermatov

Қонялоқ тусига киради уфқ, Тоғларнинг қуёшга санчган тиғидан. Дарахт панасида мизғиган соя, Ҳуркиб туриб кетар ўрнидан. Чингиз лашкаридай ёғилар оқшом, Таслимман - аммо йўқ менда оқ байроқ. Кўнглим ўғирланган, таланган руҳим, Эгасиз кулбадай туришимга боқ. Осмонга қадагач оппоқ туғини, Зулматга юлдузлар ёғдиради шон. Кўзлари кўр бўлган умидлар ҳамда Фонуслар кўтарар кучсиз бир исён. Барча кишанларни ечади кеча, Барча кишангарга эшикбон уйқу. Кунли қувончларни бўғизлаб бунда, Оч қолган қашқирдай изғийди қайғу. Одамлик сиёҳи ўтирмас танга, Одамлик қолипи бу лаҳза жимдай. Вахший жондор каби ўкираман ва Мунис оҳу янглиғ йиғлайман тинмай. 10.08.2018 https://t.me/Najmiddin_Ermatov

Ҳай, ёр-а! Куюк кўнгил оҳидан Буғланган Орол қайда, Тунлар зулматни ўрган Ул ҳамроҳ ҳилол қайда, Айғирнинг бўйни мисол Бўронни кесар десанг, Қаддингга ўхшаб турса Айтмоққа савол қайда? Ҳай, ёр-а! Қора тортсанг ёруғлик Кўздан йироқ борадир, Ҳаётидан норизо Эл бесўроқ борадир, Дарди қават-қавату Қўл юпқароқ борадир, Жасорат сўниб борган Умрда малол қайда? Ҳай, ёр-а! Эл алқаб юрган беклар Элнинг қасдига тушса, Оқ қайиндай ой қизлар Ҳижрон рақсига тушса, Отамерос йўқсиллик Тағин наслига тушса, Жортибойи кўп юртда Бут қайда, камол қайда? Ҳай, ёр-а! Қавмим дебон қароғинг Ёшлиғ бўлса, кулсалар, Йўлдошим деб юрганинг Йўлин калта бурсалар, Ҳақ номидан сўз очиб, Халқ нонидан урсалар, Шиори зеб замонда Яшарга мажол қайда? Ҳай, ёр-а! Юз йилларки қийпиниб Эгилган бош биздадир, Суягини унутиб Тентиган лош биздадир, Битмас сабр ҳам бизда Тағин кўзёш биздадир, Зарур вақти мушт бўлар Қўл қайда, қурол қайда? Ҳай, ёр-а! Сўзлай десанг сўзингни Қафас қўрқитиб турса, Ўлай десанг ютилган Нафас қўрқитиб турса, Яра дилни яратган Бесас қўрқитиб турса, Самода борми, билмам, Ерда истиқлол қайда?.. Ҳай, ёр-а! https://t.me/Najmiddin_Ermatov

Кузак, йўлимга сув сеп, Ўнгирим чангга ботган, Тошларга ранг улашган Қоним товонда қотган, Фақат сароб кўрсатиб, Ўйимни бойлаб ётган Саҳроли йўлдан ўтдим. Бархан ортида бир кўшк Ичида гулгун пари, Қумлар йиққан хотира Куйдирар борган сари, Қанчалар бўзлаб чопсам, Шунчалар кўздан нари, Ҳижрон комига отган Жафоли йўлдан ўтдим. Нетайки, алп эмасман Учарга тулпорим йўқ, Ечарга тушовимни Қирқталаб чилтоним йўқ, Шуурга гард юқтирмай Ўтарга имконим йўқ, Зулматни тўсиб ётган Дарёли йўлдан ўтдим. Нарида бир музофот Божга умринг сўрайди, Қавми бир зиндон қурган Минг йилдирки тўлмайди, Руҳингни синдирмасдан Ўтказгани қўймайди, Урҳо-ур бўлиб ётган Ғавғоли йўлдан ўтдим. Кузак, сенга не берай? Умримни йўққа сотдим, Қанотини синдириб, Руҳимни тўрга сотдим, Узоқ йўлда юк бўлган Танимни гўрга сотдим, Идраган кўнгил билан Савдоли йўлдан ўтдим. Кузак, йўлимга сув сеп... https://t.me/Najmiddin_Ermatov

Қадрдонлар, овоздан ёрдам қилинглар илтимос. Шу линк орқали ўтиб, битта лайк босиб қўйсанглар соз бўларди: https://t.me/oyinauz/17292

Бугун шоир жўрам, бутун шахс ва универсал ижодкор Хуршид Абдурашиднинг тувилди куни! ТУРКИЙ ҚЎШИҚ Туркий юрагим бор, туркий шуурим, Ҳатто руҳим туркий, ўзга шоним йўқ. Мушт бўлиб тугилган қўлларим туркий, Водариғ, биргина Туркистоним йўқ. Лаҳжамда туркийлар нафаси бордир, Шу ғурур вужудим тахтига эга. Ошиқ бўлса нетай, қул ўлса нетай, Қалбим қадим туркнинг туркуларига. Бас... Умрим йўлига тавалло не наф, Қисмат битиги шул... Сачраган қонман! Туркистоним маним, минг йиллик шоним, Истагингда ўлмиш туркий исёнман!

Javlon JOVLIga Ushbu she'r Baland minbarlardan allalangan va Aldangan bolalar haqida emas. Unutlig‘ ul bulbul tumshug‘idagi Zanjirband nolalar haqida emas. Ushbu she'r Bu g‘urbat dahrida g‘aribdan g‘arib, Musofir o‘g‘lonlar haqida emas. Ham ro‘zi, ham so‘zi, ham yurtda o‘zi Qahatlig‘ zamonlar haqida emas. Ushbu she'r Kech kuzak qahridan qaltirab dir-dir, Kech ungan yalpizday beumid, besas, Erlari xorijda quldayin yurgan Yarim tul juvonlar haqida emas. Ushbu she‘r Tiniq osmoniga qarsak uchirib, Shoyini maqtovdan qilganicha mast. Xalqiga orzu va zahqum ichirib, To‘ymagan halqumlar haqida emas. Ushbu she'r Juft o‘rim sochlari to‘kilganicha, Oro(l)min yo‘qotgan onaday besas, Ichdan evrilsa-da Har go‘dagidan Umidvor bir Vatan haqida emas. Ushbu she'r Shirin tushlarini suvga oqizib, Bemahal uyg‘ongan odam haqida. https://t.me/Najmiddin_Ermatov

Bugun shu elning ro‘shnoligi, yurtning taraqqiyotini ko‘rish orzusida yonadigan, qo‘lidan kelgancha shu yo‘lda harakat qiladigan odam—Javlon Jadidning tuvildi kuni. Javlon aka, tabriklayman. Orqangizdan o‘chmas iz, yaxshi xotiralar qoldirib yashang.

Олтой туркумларидан – Олтойнинг ой қизи, куйлагин кўшиқ, – Тошлардан сўрагин, тили бор. – Ҳаттоки, қайинзор шовуллар жўшиб, – Уларнинг миллионлаб эли бор. – Не учун кўнглингни очмассан менга? – Қўлимда кишан бор, кўрмассан. – Йўл кўрсат, то абад эргашай сенга, – Айиқнинг изи бор, юрмассан. – Тоғларда борми ҳур кийиклар, кўрсат? – Уларни ҳуркитдик, қайтмаслар. – Бобонгдан қолгандир битиклар, ўргат? – Мозори қаерда, айтмаслар. – Қўшиқ бор тилингда Тангрига етгай, – Оҳида ёғийнинг тиғи бор. – Дарёдай куйласанг оғриғинг кетгай, – Бўғзимда музлаган йиғи бор. – Жон берай, яноғинг оллансин бир бор, – Кун туғса, тонгдайин отгайман! – Мен сенинг қошингга қайтгайман такрор, – Олтойда ой чиқса кутгайман! Н.Э.

Oltoyda tun! @javlonjovliyev

#bobolar_izidan #oltoyga Чопиб-чопиб тоғларда Бориб-бориб адашсам. Сулув-сулув оҳулар Орқасидан эргашсам. Баланд-баланд қоялар, Чуқур-чуқур зовларда Таъқиб қилса қашқирлар Омон чиқсак овлардан. Зилол-зилол булоқдан Қониб-қониб сув ичсам. Куюк кўнгил жисмима Яхтай ҳовур тирмашса. Қаттиқ-қаттиқ тошларга Бериб ётсам кўксимни, Ҳайрон-ҳайрон какликлар Учиб ўтса устимдан. Эзиб-эзиб ҳаққушлар, Мунглиғ куйин бошласа, Эзғин-эзғин хаёллар Келиб кўзим ёшланса. Ўтлиғ-ўтлиғ туйғулар Чорлаганда кўнглимни Қорли-қорли кўчкилар Ёпиб қўйса йўлимни. Юксак-юксак чўққилар Кетай, десам қўймаса, Бориб-бориб тоғларда Қолсам! Биров билмаса. https://t.me/Najmiddin_Ermatov

Булбуллар бош олиб кетгандай боғдан, Фанога кўчгандай сабуҳий саслар. Боғ аҳли энтикиб қулоқ осадир, сайраётир қафаслар. Тулпор туёғини тупроқ унутган, Ҳурлик шиддатини мавҳ этган ғовлар. Боғ аҳлин эрк дея топингани ул - чопаётир тушовлар. Қушлар самосини ишғол айлабон, Парвоз тасаввурин этганча бадар, Боғ аҳлин кафтида кучга тўйиниб, учаётир қарсаклар. Боғда боғ қолмайдир, тўрт тараф қолар, Тўрт тараф қибладир, шу эрур самар. Боғ аҳлин кўксидан аста бош олиб, кетаётир юраклар. Нажмиддин Эрматов июль, 2019

1 июл - Устоз Ойбек (1905-1968) хотираси куни / 1 iyul - Ustoz Oybek (1905-1968) xotirasi kuni Ойбек. Икки шеър: Тош экан бошим & Хастамен... Фатхулла Масъудов ўқиган / Oybek. Ikki she'r: Tosh ekan boshim & Xastamen... Fatxulla Mas'udov o‘qigan

Сўров Ҳайронман, ким кимга отаяпти ўқ, На ўқни тўхтатдим, на бўлдим қалқон. Кеча oкопидан чиқмаган аскар, Бугун тирикман деб бўлса қаҳрамон... Ҳайронман, не учун Ҳақ демас тилим, Ёки ўчирдимми дилдаги чўғни? Нега кўнаяпман ҳақсизликка жим, Менга бир қаранглар, ўлганим йўқми? Нажмиддин ЭРМАТОВ

''Yomg‘ir bo‘lsam kerak aslida...'' Jasur Usmon o‘qidi! Bugun tanishganimizga garchi ko‘p yillar bo‘lmagan bo‘lsada, uzoq yillik qadrdonlardek maslahatgo‘y akamga aylangan, ko‘ngli ochiq, samimiy, tinib-tinchimas Jasurbek Usmonning tuvildi kuni. Aka, tabriklayman. Ko‘p va shunday yosh qiyofada yashang. Momomning duosini olib, checham bilan davru davronni surib, jiyanlarning baxtu kamolini ko‘rib yuring! https://t.me/Jasurbek_Usmon_auditoriyasi

БАЙРАМ МУБОРАК!... Бийлар ғолиб,  ҳар доимгидай, Халқ сукутга, сукут халққа мос. Мутелиги агар кам бўлса, Тилигача кишанингни ос. Мана бўйним, сиртмоғингни сол, Косам тўлиб бўлди сабрга. Сўнгги ўтинч — фотиҳа ўқий, Сўз эркининг қабри қаерда?!.. Тириклигин кўрмадик биз-ку, Авлодлар ҳам сўрайди бир пайт. Ўшанда: ’'Биз ўлдирдик’’,  — дема, ’’Ўзи қариб ўлгандир’’,  — деб айт... https://t.me/Najmiddin_Ermatov