| Farg'ona viloyat Kengashi

O‘zbekiston Ekologik partiyasi Furqat tuman kengashi tomonidan Tomosha mfy da joylashganQVP da Jamoatchilik monitoring o‘tkazdirildi Yashil makon umummilly loyihasi doirasida bahor mavsumida 200 ta daraxt ekish rejasi berilgan shundan daraxtlarning 80 foizi kokargan, sug‘orish tizimi ariqdagi suvdan sug‘orishligi aniqlandi.

5-iyun "Butunjahon atrof-muhit kuni" munosabati bilan Farg‘ona neftni qayta ishlash korxonasida tadbir tashkil etildi.

Биз табиатни асраймиз! ✍️Экологик билимларни болалик давридан кичкинтойларга бериб бориш орқали, уларнинг қалбида нафақат она табиатга, балки, Она ватанга меҳр-муҳаббат шакллантирилади. Табиатни, Ватанни севган инсондан эса асло ёмонлик чиқмайди. 📌Марғилон шаҳридаги 4-мактабгача таълим ташкилотида ҳам болажонларга экологик билимлар берилиб, улар миллий қадриятларимиз асосида тарбиялаб келинмоқда. Хусусан, ота- боболаримиз ўгит ва маслаҳатларида таъкидланганидек, сувга тупирмаслик, чиқинди ташламаслик, дарахтларни кесмаслик, хайвонот ва ўсимлик оламига эхтиёткорона муносабатда бўлиш турли дарс машғулотларида тушунтириб борилмоқда. ⚡Айниқса, кичкинтойлар иштирокидаги турли тадбирлар ҳам ёшларнинг экологик маданиятини оширишга муносиб хизмат қилмоқда. Хусусан, 5-июнь "Бутун жаҳон атроф-муҳит куни" муносабати билан боғчада болажонлар иштирокида "Биз табиатни асраймиз" мавзусида тадбир ташкил этилди. Тадбир "Болажон мактабга тайёрлов гуруҳи тарбияланувчилари иштирокида бўлиб ўтди. 🌴Тадбир боғча ҳовлисидаги" Эко майдон"да бўлиб ўтди. Эко майдонга яшил оламга ҳос бўлган турли гуллар, ўсимликлар, рангли шарлар қўйилган. Шунингдек қушлар, турфа гуллар, жўжалар ва тошбақа каби жониворлар олиб чиқилиб, уларга меҳр ва парвариш кўрсатиш кераклик акс эттирилди. Бундан ташқари тарбиячи устозлар ва болалар иштирокида чиқиндилардан ясалган ижодий ишлар ҳам намойиш этилди. Тадбирнинг асосий ғояси "Биз келажак авлод учун жавобгармиз" бўлиб, унда болажонлар гуруҳларга бўлинган ҳолда билимларин намойиш этдилар. Байрам тадбирида Ўзбекистон Экологик партияси Марғилон шаҳар кенгаши раиси, шаҳар кенгаши депутати Матлубахон Абдураҳмонова ҳам иштирок этиб, болажонларни ушбу байрам билан қутлади. М. Абдурахмонова болалар билан мулоқотда она табиатни асраш, ўсимликларга, хайвонларга, табий бойликларимиз саналган ер, сувга эҳтиёткорона муносабатда бўлиш лозимлигини таъкидлади. Тадбирнинг жажжи иштирокчилари боғча опалари ёрдамида ортиқча чиқиндилардан, хусусан, ранг бўёқларни ишлатишда фойдаланиб, гўзал расмларда,ўзлари чизган суратларда, ижодий ишларда тўрт фаслни акс этдирдилар. Чиқишларда иштирокчилар чиқиндиларни белгиланган қутиларга ташлаш лозим эканини ҳам кўрсатиб бердилар. Тадбир сўнгида иштирокчи болажонларга ташриф буюрган мехмонлар томонидан турли эсдалик совғалари топширилди.