Фалсафий сатрлар

Чингиз Айтматов ўзбекистонлик журналистга нима сабабдан қошиқ совға қилган? Атоқли адиб Чингиз Айтматов ўзбекистонлик журналист Нусрат Раҳматга қошиқ совға қилган. Бунга публицистнинг қошиқларни коллекция қилиши сабаб бўлган. Унинг коллекциясида минг йиллик тарихга эга қошиқ-санчқи, Хитой императорлари қошиқлари, шунингдек, кокос ёнғогидан ва мармардан ишланган қошиқлар бўлган. Бугун, 27 июнь — Матбуот ва оммавий ахборот воситалари ходимлари куни. Барча қалам аҳлини ушбу байрам билан табриклаймиз!

Агар янги ғояни сингдириш қийин бўлса, эскисини йўқ қилиш ҳам қийин эмас ®Густав Ле Бон Француз психолог ва социологи

Қарздор одамнинг ҳатто гўшт ейишга ҳаққи йўқ! ШЕРЗОДХОН ҚУДРАТХЎЖА, Журналистика ва оммавий коммуникациялар университети ректори @falsafiy_satrlar

Биз олдин мияни тўйдирайлик, сўнгра у қоринни тўйғазади. Япон мақоли

Ўзбек киносида узоқ тарихни жонлантириб берадиган сифатли фильмлар кам. Аммо охирги вақтлар буни кўпайтириш учун яхши ҳаракатлар қилинмоқда. Бу ҳаракатлар натижаларидан бири — «Баҳодир Ялангтўш» фильми. Айни фильмни 6 июндан юртимиздаги барча кинотеатрларда томоша қилишингиз мумкин. Кино сифатига гап йўқлиги аниқ. Масштабли фильмларни ёқтирсангиз "Баҳодир Ялангтўш" ни ўтказиб юборманг.

Душманларим омон бўлсин, шулар сабаб мана шу даражага етдим Тоғай Мурод

Ўзбекистон бўйлаб болалар учун бепул фильмлар намойишлари ўтказилмоқда. Бугун, 1 июнь — Халқаро болаларни ҳимоя қилиш куни муносабати билан Кинематография агентлиги, Республика маънавият ва маърифат маркази, Мактаб ва мактабгача таълим вазирлиги ҳамкорлигида «Янги Ўзбекистоннинг бахтли болалари» шиори остида тадбир ўтказилди. Республика бўйлаб ёш томошабинлар учун Кинематография агентлиги буюртмасига биноан яратилган 10 дан ортиқ фильмларнинг бепул намойишлари ташкил этилди. Акция доирасида 5 ёшдан 15 ёшгача бўлган ёш томошабинлар аудиторияси учун ишланган фильмлар намойиш этилмоқда. Бундан ташқари, кун давомида Миллий кино санъати саройида болалар учун шоу-концерт дастурлари, турли мультфильм қаҳрамонлари иштирокида ўйинлар, қизиқарли савол-жавоблар ўтказилди. Шу билан бирга, болажонларни хурсанд қилиш мақсадида киносаройнинг ёзги ҳовлисида турли аттракционларнинг бир кунлик фаолияти ҳам йўлга қўйилган.

"Баҳодир Ялангтўш" фильмининг энг катта ютуғи — либослар Фильмлардаги костюмлар либослар учун ҳам Оскар мукофоти берилишидан хабарингиз бор. Ташқаридан қараганда кичик детал, бироқ бунинг устида ҳам жуда катта жамоалар ишлайди. Энди тарихий-бадиий фильмларда либослар билан ишлаш қанчалик қийин эканини таъкидламай илож йўқ. Ўзбекистон Президенти ташаббуси билан суратга олинган "Баҳодир Ялангтўш" фильмида бунга эътибор бердим. Бемалол айта оламан-ки, фильмдаги тарихий либослар устида сифатли иш олиб борилган, жуда катта меҳнат қилинган. Ўша давр нафасини бера олди десам адашмаган бўламан. Кинонинг зўр бўлишини, омадли чиқишини мана шундай деталлар ҳам ҳал қилади.

Ҳеч қачон сабрни йўқотманг - бу эшикларни очадиган охирги калит. Антуан де Цент-Экзюпери. 1940 йил фотосурати

Илиқ сўзларни айтишдан ва яхши амаллар қилишдан қўрқманг. Оловга қанча кўп ўтин қўйсангиз, шунча иссиқлик қайтади Умар Хайём