Summii Jaalalaa
Walaloo jaalalaa Iccitii jaalalaa Dhokksaa jaalalaa Summii jaalalaaa Walaloo Jaalalaa Midhaa jaalalaa fi Gudunfaa jaalalaa Taphaa fi gammachuu jaalalaa keessaa Walaloodhan dhamsaa jaalalaa Dabarfachuun walin haa hirmanuu......!!!!! @BonaBushra
إظهار المزيدلم يتم تحديد البلدلم يتم تحديد اللغةالفئة غير محددة
349
المشتركون
لا توجد بيانات24 ساعات
لا توجد بيانات7 أيام
لا توجد بيانات30 أيام
- المشتركون
- التغطية البريدية
- ER - نسبة المشاركة
جاري تحميل البيانات...
معدل نمو المشترك
جاري تحميل البيانات...
Repost from Riyaad Raayyaa
Hunda keessaa filadhee
Sikeenyaan bakka addaa
“Keessa jiraadhu” jennaan
Onneekoo fuutee baddaa?
Haqni kiyya sin dhiisu
Lakkii dhiisi shaggituu
Nama akka koo siif ta'u
Eessattiyuu hin argitu
Sin jaaladhe malee
Akkuma lubbuukoo
Mee maalan si godhe
Nattimi cubbuukoo
Jaalalan siif laadheef
Naaf deebiftee jibba
Maaliif na laaffifta
Mogolee fi jilba?
Anoo ofirran si jaalla
Lubbuu kiyyan siif laadhaa
Akkamiinan danda'ee
Si dhabeemmoo jiraadhaa?
Atoo anaaf dhalattee
Anuma qofaaf maltaa
Jaalala dhugaa dhiiftee
Kam barbaacha imalta?
Ihim....
Onneekoo dhiigsitee
Osoon siif gaggabuu
Narraa fagaatteetta
Fiigus sin qaqqabu
Osoon siduuka laaluu
Madaan onneekoo dhiigee
Dhumnisaa bareedaaree?
Kan waadaa galee diige
Anaaf qooda rabbiiti
Hiree kootu siin alaa
Haqni imimmaan kootimmoo
Guyyaa tokko siin gala
Yooti kan onneerraa
Jaalatteen wal geesse
“Maal jette” naan jedhi
Na taajjabda teessee
Har'a sitti fakkaannaan
Gowwoomtee garaa hirtaa
Akkuma har'a na gante
Atis ganamuuf jirta
Haqni jaalala dhugaa
Nu agarsiisa dhufee
Gaafas anis sin jibba
Hin arraabummoo tufee
Garaa koollee si nuffa
Jabaatee akka dhagaa
Gaaf-tokko arguuf teenya
Adeemi karaa nagaa!
✍️... Riyaad Raayyaa
@Dhangaa_walaloo join godhaa
Repost from Riyaad Raayyaa
Irbuun nu waliif seenne
Waadaan keenya kanaaree?
Furtuu kiyya maleessa
Ormi onneekee banaaree?
“An siifan dhaladhe
Atis naaf uumamtee
Onnee koo gubbaatti
Kanumaaf 'shuumamtee'
Qabeenyaan sin jijjiiru
Ani sodaa rakkinaa
Walumaan nama taanee
Bor qananii arginaa
Shiroo nyaannee jiraanna
Sin gaafadhu bargarii
Laga tokkoo burqine
Yoomuu-n baanu gargari!
Yaa hiree dhuunfaa kootii
Kan ganamaaf galgalaa
Sijalaa qofa banti
Onneen koollee balbala
Gar-tokkee qaama kootii
Tokkicha haga kumaa
Si woliin qofa beeki
Jiruunkoo hanga dhumaa
Ejjannnoon koo jabaadha
Qilleensillee nan raasuu
Waadaadha! du'a malee
Homtuu gargar nun baasuu”
Jettee naaf seentee turteem
Kakattee galtee irbuu
Har'a maaltu fideree?~waadaa naaf galte diigdee
Orma jaalattee sirbuu?
Osoon “kooti” siin jedhee
Mataarratti si baadhuu
Dhangaa jaalala dhugaa
Waakkii malee siif laadhuu
Dhagaa jirmatti bu'ee
Of cabsee, of funuunsee
Akka dhala dhabaatti
Ofirra si kunuunsee
Osoon si gammachiisuuf
Ofiif gaddee laaladhuu
Of gatee siif jiraadhee
Ofirra si jaaladhuu!
Biqiltuu jaalalaa koo
Kichummaatti kolaaftee
Maaf dugda natti galtee
Imimmaan koo lolaafte?
Egaa....!
Erga deemtee tolekaa
Iyyus bu'aa hin qabuu
Kanan sirraa dhabellee
Rabbiin biraa hin dhabu
Har'a na madeessitus
Waliin turre kaleessa
Na ganteef sin abaaru
Sin eebbisa maleessa
Jiruun sitti haa tolu
Gammadiitii milkaa'i
Umuriidhaan jaariitii
Biyya lafaarra taa'i
Akka qaroo ijaatti
Hunduu sihaa laallatu
Kan ati filatte sun
Naa'ol sihaa jaallatu
Madaan jaalala dhugaa
Har'a na baasus kophaa
Nan amana gaaf-tokko~kan har'a siif roobe kun
Naafis inuma copha!
Gantummaa keetiin gargar..
Cabnus akka dhagaatti
Hamaa keemmoo hin fedhu
Sitti haa tolu, nagaatti!🙌
✍️... @Riyaad_Raayyaa
@Dhangaa_walaloo join godhaa!
#Yaa_Jaalallee
❤️💘💘💘❤️
har'i boru deema
nagaya bakka buusee
jalqabaan onnee Tiyyas
sii boo'uu barsiisee
imimmaan ganamaa
maddi isaa si biraa
osoon jiruu mitii bar
du'ullee wajji jirraa
Repost from Riyaad Raayyaa
#Eid_Mubarak
Kan biyya keessa jirtan
Gara maatii galtanii
Kan biyya alaa jirtanis~haadhaaf abbaa keessaniif
Ergitanii qaltanii!
,,,
Hireen isin fageessus
Maatii kan keessanirraa
Waan qabdan hiixattanii
Bakkuma teessanirraa
,,,
Warri keyriin yaadattan
Maatii keessaniif ollaa
Baga nagaan geessani
Nullee isiniin tollaa
,,,
Jireenya fooyyeffachuuf
Baarii gama ceetanii
Ayyaana maatii faana
Dabarsuu osoo feetanii
,,,
Hiree jiruutiin har'a
Kan fagaattan wolirraa
Milkiif argataan galaa
Abdii godhaa olirraa
,,,
Kan rakkoon gadditanii
Jirtan imimmaan cobsaa
Jiraachuun hunda caala
Kan du'e yaadaa obsaa
,,,
Maddi jireenya isaa
Akka tasaatti gu'ee
Meeqamee kan nubiraa
Waggaan asitti du'e?
,,,
Waggaa ga'uu jechuun
Xiqqoo miti firaa
Meeqatu nubiraa
Deeme ganda aakiraa
,,,
Fedha Rabbiin qofa
Baraa bara ceenaa
Tola Rahmaan kana
Maaliif xiqqoo seena?
,,,
Kan har'a jiraadhaaf
Ol galee gad-ba'u
Fedha rabbiin malee~sekondiif lubbuun turuu
Wollaahii hin danda'u
,,,
Hargansuun adda cita
Onneen rukuttaa dhaabdi
Lubbuutu qaama gattee
Galmee du'aarra yaabdi!
,,,
Waggaa ga'uu jennaan
Laayyoo seetaa tarii?
Fedha Rabbii qofaan
Bullee argina barii
,,,
Fedha Rabbii qofaan
Nagaan kaana hirribaa
Waggaa ga'uun beeki
Kennaa, isa dirriba
,,,
Tarii milkaa'uu dhabdee
Hagam rakkoon sidhaalu
Fayyaa qabduuf galati
Qabeenya mara caalu
,,,
Jireenya dirra lafaa
Kan zalaalamaa se'ee
Osoo jiraachuuf jooruu~meeqatu qoomaa du'e
Gororrumtisaa fe'ee
,,,
Tola Rahmaan dagatee
Duniyaaf dhabee sabrii
Du'a osoo hin yaadatin
Meeqatu bu'e qabrii?
,,,
Eeyyama isaatiin qofa
Lubbuun ardiirra teenya
Tola Rabbiitiin qofa
Ayyaana waggaa geenya
,,,
..... Kanaafuu .....
Namuu murtiisaan du'a
Tola isaatiin dhalataa
Kan nagaan waggaa geessan
Rabbii guddaa galataa!
,,,
Guyyaa hundarra caalu
Ibaadaan haa jabaannu
Rakkataa haa mil'annu
Arjummaa haa qabaannu
,,,
Haqa jaraa yoo eegne
Har'aafi boru tollaa
Haadha hiyyeessaaf yatiima
Hunduu yaadadhaa ollaa
,,,
Shiraaf daba jallataan
Hajjii deemuu kajeelee
Warra daanga'ee hafe~ egeree sin haa waamu
Karaan hunduu qajeelee
,,,
Kanneen hajjaatanillee
Sinirraa haa qeebalu
Qananiin biyya lafaa
Ammarraa haa eegalu
,,,
Ibiddi nu daangesse
Baranarraa haa dhaamu
Dachiin ardal-harafaa
Nuunillee nuhaa waamu
,,,
Ayyaanni bara kanaa
Kan milkii nuuf haa ta'u
Kan baranaan nu ga'e
Kan dhufuun nuhaa ga'u
,,,
Addunyaa guutuu irraa
Biyya adda addaa teessanii
Muslimootni martinuu
Baga nagaan geessani!
✍️.... Riyaad Raayyaa
@Dhangaa_walaloo
Repost from Riyaad Raayyaa
Gochaafi jechi keenya
Erga ta'eetii faallaa
Yeroo walii gubuurra
Mee adda baanee laalla
Gaafa an “mirga” jedhu
Atimmoo jettee “bitaa”
Wal guggubuu kanarra
Na dhiisi, sirraan citaa!
Hireen murtii waaqarraa
Erga waliif nun qoodnee
Jireenya nuuf hin ta'u
Akkasittiin wal oodnee
"Kan walii miti" jedhee
Kan nu qoode rabbumaa
Furtuu rakkina ofiis
Kan beekkatu abbumaa
Qaamaan wal-bira teenyee
Yaadaan Dirree'f shaggarii
Fakkeessinee buluurra
Nagaan baana gargari!
Rabbumatti hirkadhuu
Muradhuutii garaakee
Anis karaa koon deema
Atis deemi karaakee!🚶_💃
@Dhangaa_walaloo join godhaa
✍️...Riyaad Raayyaa
اختر خطة مختلفة
تسمح خطتك الحالية بتحليلات لما لا يزيد عن 5 قنوات. للحصول على المزيد، يُرجى اختيار خطة مختلفة.