QORAKO‘L.UZ | Расмий канал

Ҳудудда аниқланган муаммо сектор раҳбари ташаббуси билан ҳал қилинди Қоракўл туман прокурори, 2-сектор раҳбари Дилмурод Диниев томонидан сектор ҳудудидаги аҳолини қийнаб келаётган муаммоларни аниқлаш ҳамда ҳал этиш бўйича бир қатор ишлар олиб борилмоқда. Жумладан, сектор раҳбари томонидан “Зиёрат” маҳалласида ўтказилган ўрганишда ҳудуддан ўтувчи 1 км узунликдаги ички хўжалик йўли таъмирталаб аҳволда эканлиги аниқланиб, мазкур ички хўжалик йўлига қум-шағал ётқизилди ҳамда ҳудуддаги кўпчилик аҳолини қийнаб келаётган муаммо ҳал қилинди.

#Эътироф Самарқанд вилояти Қўшработ туманида Эргаш Жуманбулбул ўғлининг бахшичилик мактаби анъаналарини кенг тарғиб қилиш ва хотирасини абадийлаштириш мақсадида ўтказилган ёш бахшилар кўрик танловида Қоракўл тумани 16-сон болалар мусиқа ва санъат мактаби бахшичилик синфи ўқувчиси Жамшид Исмоилов "Энг фаол иштирокчи" номинацияси билан тақдирланди. 👉 @Qorakoluzofficial✅

Қоракўлллик муай-тайчилар совриндорлар сафида Фарғона шаҳрида спортнинг муай-тай тури бўйича ёшлар ва ўсмирлар ўртасида ўтказилган Ўзбекистон чемпионатида тумандошларимиз Гулчирой Шоназарова 42 кг вазн тоифасида 2-ўринни, Эъзозбек Умаров эса 57 кг вазн тоифасида 3-ўринни қўлга киритди. Шу муносабат билан Қоракўл тумани ҳокимлиги ва кенг жамоатчилиги номидан умидли спортчиларимизни, шунингдек, уларнинг оила аъзолари ҳамда мураббийларини эришган ғалабалари билан самимий қутлаб, келгусида бундан-да катта ютуқларни тилаб қоламиз! 👉 @Qorakoluzofficial✅

Асосий эътибор фуқаролар мурожаатларини ижобий ҳал қилиш Қоракўл тумани 3-сектор худудига қарашли Қуввача МФЙда Ўзбекистон Республикаси Президентининг ПҚ-4102 сонли қарори талабларига асосан сектор штаби ишчи гуруҳи аъзолари ҳамда "маҳалла еттилиги" билан биргаликда аҳоли томонидан йўлланган мурожаатлар қайта ўрганилди. Ўрганиш натижасида турли мазмундаги жами 17 та мурожаатлар ижобий ҳал қилиниб, келгусида сектор ҳудудида амалга ошириладиган ишлар юзасидан тегишли чора тадбирлар белгилаб олинди. 👉 @Qorakoluzofficial✅

Qorako'l tumani IIB boshlig‘i, podpolkovnik Shaxob Hayitov 3-sektor hududidagi mahallalarda "xonadonbay" tizimi asosida o‘rganishlar olib bordi Jarayonda sektor rahbari tomonidan mahalladagi “yettilik” vakillari, shuningdek, hududlarga biriktirilgan bank xodimlariga ishsiz aholini, ayniqsa, xotin-qizlar va yoshlarni ish bilan taʼminlash, tadbirkorlikka ko‘maklashish, tomorqa yerlaridan samarali foydalanish bo‘yicha tegishli ko‘rsatmalar berdi. Aholini daromadli qilish bo’yicha joriy yildan butun mamlakatimiz bo’ylab tadbiq etilayotgan "Sayhunobod tajribasi" Qorako’l tumani 3-sektorda ham keng joriy qilinib, u orqali oilalar daromadini oshirish yuzasidan keng ko'lamli ishlar amalga oshirilmoqda.

Shakarbek mahallasida sayyor qabuli o‘tkazildi Qorako'l tumani DSI boshlig'i, 4-sektor rahbari Shohruh Hasanov sektorga qarshli Shakarbek mahallasida sayyor qabul o‘tkazdi. Qabulda mahalla aholisi tomonidan asosan  ichki yo'llar ta'miri, tadbirkorlik faoliyati uchun kredit ajratish va boshqa ijtimoiy masalalar bilan  bog‘liq murojaatlari ko‘rib chiqildi. Shuningdek, aholining mavjud muammolarini yaqindan o‘rganish, murojaatlarning joyida ijobiy hal etilishiga asosiy eʼtibor qaratilib, qo‘shimcha o‘rganish va muddat talab qiladiganlari qonuniy qaror qabul qilish uchun ish yurituviga olinib, ijrosi alohida nazoratga olindi. 👉 @Qorakoluzofficial✅

Ёшлар ва уларнинг ота-оналари билан самимий мулоқот ташкил этилди Мамлакатимизда сўнгги йилларда ёшлар масалалари сиёсат даражасига кўтарилгани боис улар билан боғлиқ муаммоларни ҳал этишга катта эътибор қаратилмоқда. Ёш авлодга эътибор ҳар қачонгидан ҳам долзарб аҳамият касб этаётган айни даврда уларнинг орзу-истаклари, қизиқиш ва интилишлари билан танишиш, шунга кўра рағбатлантириш асосий масалага айланди. Шу муносабат билан, Қоракўл тумани ҳокими Хуршид Тохиров ёшларни қийнаётган муаммолар билан танишиш, бартараф этилишга кўмаклашиш мақсадида Полвонлар маҳалласидаги сўлим боғда ёшлар ва уларнинг ота-оналари билан учрашув ўтказди. Учрашув аввалида туман ҳокими мамлакатимизда ёшларга қаратилаётган эътибор, уларнинг комил инсонлар, келажакка муносиб ворислар бўлиб етишишлари учун яратилаётган имконият ва шароитлар хусусида сўз юритди. Туман ҳокими шунингдек, маҳалла ҳудудидаги таълим муассасалари раҳбарларига мактабларда «Сўнгги қўнғироқ» тадбирларини ўтказиш жараёнида Мактабгача ва мактаб таълими вазирлиги томонидан ишлаб чиқилган тавсияларга қатъий амал қилишни сўради. Шундан сўнг, тегишли мутасаддилар иштирокида ёшларни қийнаётган муаммолар, фикр ва таклифлар тингланиб, уларга қонуний ечим топиш чоралари белгиланди.

- Яқинда Ачаря университетида ўтказилган қабул имтиҳонларида мактабимиздан 28 нафар ўқувчи қатнашиб, шундан 24 та тенгдошим (улар қаторида мен ҳам) ўқишга қабул қилиндик, - дейди 26-мактаб ўқувчиси Лола Аҳмедова. - Бу биз учун катта бахт. Олийгоҳимизда яратилган имкониятларни кўриб, одамнинг ҳаваси келади. Туманимизда мана шундай замонавий университетни ташкил қилган барча мутасаддиларга миннатдорлик билдираман.

@Qorakoluzofficial✅