👑قَنَاة المَلِكات👑

‏صورة من مروة يوسف

هذا هو الحجاب الشرعي🍃

السلام عليكم ورحمة الله وبركاته انا هبه نجاح هكمل ١٧ قريب انا كنت مقطعه في الصلاه وكنت بلبس بناطيل لكن كنت بحب البنات المنتقبات والمختمرات وكنت بتشد ليهم اوي و من سنتين تقريبا قلت لماما اني عايزه البس الخمار وافقت وبابا كمان معارضش خالص ولبسته فعلا ومن بعدها وابتديت افكر في النقاب وكنت بتكلم مع ماما في الموضوع امي كانت بتقعد تضحك وكانت مفكره ان بهزر في شهر ١٠ اللي فات لقيت ٢ من صحابي لبسوا النقاب ومن هنا كانت نقطه التحول قولت لماما ان انا مش بهزر في موضوع النقاب وان انا هكلم بابا في الموضوع ولو وافق هلبسه قعدت تقول انتي حره مع ابوكي روحت لبابا اقعد يزعق ورفض تماما واقعد يقولي لما تتجوزي وفضلت اتكلم معاهم في الموضوع دا كتير لحد ما في يوم قلت لماما لو ملبستش النقاب مش هروح الدروس ومش هخرج من البيت قالتلي لو مخرجتيش روحتي دروسك هقعدك في البيت وهخرجك من المدرسه وانا خفت جدا وطلعت روحت الدرس وكان في واحده صحبتي لبسته من فتره صغيره وكنت بحكيلها و قالتي صلي قيام الليل ومن بعدها وانا مش بسيب ليله الا اما اصلي القيام ولو في يوم كسلت او حاجه كنت اقول لنفسي النقاب مش دا حلمك وجينا قبل رمضان وخلاص مش عايزه اخرج من غير النقاب وهما مش موافقين جبت كمامه ولبستها وقولت مش هخلعها الا لو لبست النقاب فضلت اسبوع البس الكمامه ولكن امي جات في يوم وقالتلي اخلعها قلت زي كل يوم وهتسبني اخرج لكن زعقت وبابا سمعها وجه زعق وضربني وكنت لبسه الخمار جت امي وشدته من علي راسي وقالتي لخمار ولنقاب عشان تحترمي نفسك سبحان من عطاني القوه سعتها وقلتها مش هخرج من غير الخمار لو هتموتيني وبابا قلها ادها الخمار خلها تروح درسها وخرجت وفضلت رمضان كله ادعي بالنقاب وكان عندي امل اني البسه في العيد ولكن محصلش جيت بعد العيد عرفت ان شوفت بنت خالتي بالنقاب وزعلت اوي لكن مكنتش متأكده هيا ولا لا وسألت ماما وقالتلي ايوي وتاني يوم وقفت قدام بابا وقلتله انت رافض النقاب ليه قولي سبب مرضش عليا قولتله خلاص مفيش سبب يبقي هلبس النقاب مش هخرج غير بيه قام مسكني من شعري وقالي لا وبرضه انا لسه واقفه بتكلم معاه لقيته بيقولي خلاص زي النهارده انا وافقه بقول ايه التغير المفاجئ دا بس شرط شرط ان البس نقاب الوان وانا مكنش عندي غير نقاب اسود انا كنت جبته بس انا قلت ماشي وطلبت منه فلوس ومرضيش يديني ورحت لماما قالتي مش معايا وقلتله انا اجيب نقاب ازاي دلوقتي قالي خلاص مش لازم تلبسي واقعد يزعق وزعلت جدا انه قالي كلمه وخلف بيها بعدين حكيت لصحبتي على اللي حصل قامت جابتلي نقاب جزاها الله خيرا وبقيت فرحانه اوي روحت لبسته تاني يوم ورحتله قالي لو قمت هقطعه وانا خفت فا رحت خلعته وجيت في يوم لبسته تاني واتصدمت لما لقيت ماما بتقوله سيبها تلبسه طلما عايزه ولكن بابا رفض وقال اكيد هيجي وقت وتلبسيه وبعدها في ليله بقيت ادعي واعيط وقمت الصبح كان عندي امتحان وقولت هقوله لقيته وافق وقالي روحي البسيه ودي كانت تاني صدمه ليا لبسته يوم الخميس يوم 9/5/2024 حابه اشكر معلمتي ام عبيده بجد القناة والجميلات اللي فيه بحبكم في الله وربنا يجمعنا في الفردوس❤️ بعتذر على الاطاله

المنقبات زادوا جميلة صابرة صادقة نحسبها كذلك تعالو شوفوا ملكة اليوم وقصتها 👇🩷