Employment office Surendranagar

DocScanner Mar 7, 2023 10-46

Photo from Nitin Parmar

(--) મહિલા અગ્નિવીરની ભરતી સરકારશ્રીની અગ્નિપથ સ્કીમ અનુસાર ઇન્ડિયન આર્મીમાં મહિલા ઉમેદવારોની અગ્નિવીર જનરલ ડ્યૂટી એટલે કે વુમેન મિલીટરી પોલીસની પોસ્ટ ઉપર ભરતી માટે ભરતી પ્રક્રિયા શરૂ કરી દેવામાં આવી છે. ઇન્ડિયન આર્મી દ્વારા દેશભરમાં રાજ્ય અને પ્રદેશ પ્રમાણે અલગ અલગ ભરતી પ્રક્રિયા હાથ ધરવામાં આવે છે. મહારાષ્ટ્ર, ગુજરાત, ગોવા, દીવ, દમણ તથા દાદરાનગર હવેલીના ઉમેદવારો માટે ઝોનલ રિક્રૂટિંગ ઓફિસ, પુણે દ્વારા ભરતી પ્રક્રિયા હાથ ધરવામાં આવે છે. જે પણ બહેનો અગ્નિવીર જનરલ ડ્યૂટીની પોસ્ટ ઉપર દેશ સેવા સાથે નોકરી કરવા માંગતા હોય તેમની માટે હાલ સુવર્ણ તક છે. શૈક્ષણિક લાયકાત : અગ્નિવીર જનરલ ડ્યૂટી(મિલીટરી પોલીસ)ની પોસ્ટ ઉપર ૪૫ ટકા સાથે ધોરણ ૧૦ પાસ કરેલ મહિલા ઉમેદવારો અરજી કરી શકે છે. ધોરણ ૧૦માં દરેક વિષયમાં ઓછામાં ઓછા ૩૩ ટકા માર્કસ હોવા જરૂરી છે. ભારતીય ગોરખા કમ્યુનિટીના હોય તેમની માટે માત્ર ધોરણ ૧૦ પાસ જરૂરી છે. અહીં લાઇટ મોટર વ્હીકલ ડ્રાઇવિંગ લાઇસન્સ ધરાવતા હોય તેવા મહિલા ઉમેદવારોને ડ્રાઈવરની પોસ્ટ ઉપર ભરતી માટે પ્રાથમિકતા આપવામાં આવશે. વયમર્યાદા : અહીં અગ્નિવીર જીડીની પોસ્ટ ઉપર અરજી કરનાર મહિલા ઉમેદવારોની વય સાડા સત્તર થી એકવીશ વર્ષ હોવી જરૂરી છે. મહિલા ઉમેદવારનો જન્મ તા.૦૧-૧૦-૨૦૦૨ થી તા.૦૧-૦૪-૨૦૦૬ વચ્ચે કે આજ તારીખે થયો હોવો જોઈએ. અહીં શહીદ થયેલ આર્મી જવાનના વિધવા પત્ની હોય તેમની માટે વય મર્યાદા ૩૦ વર્ષ સુધીની રહેશે. વિધવા મહિલા/ત્યક્તા મહિલા ઉમેદવારો કે જેમને કોઈ સંતાન ન હોય તેઓ પણ અહી જણાવેલ યોગ્યતા ધરાવતા હોય તો અહી અરજી કરી શકશે. શારીરિક ધોરણ : અહીં મહિલા ઉમેદવારો માટે ઊંચાઈ ૧૬૨ સે.મી. તથા ઊંચાઈના સપ્રમાણમાં યોગ્ય વજન જરૂરી છે. અહીં આર્મીમાં સર્વિસ કરતાં હોય તેમનં દીકરી હોય કે એક્સ આર્મીમેનના દીકરી હોય અથવા તો આર્મીમાં શહીદ થયેલ જવાનના વિધવા પત્ની હોય અથવા તો રમતવીર હોય તેમને ઊંચાઈ અને વજનમાં છૂટછાટ આપવામાં આવશે, જે તમે અહીં સ્ક્રીન ઉપર જોઈ શકો છો. ભરતી પ્રક્રિયા : હવે મે વિડીયોની શરૂઆતમાં જે હતું કે આર્મી દ્વારા ભરતી પ્રક્રિયામાં ફેરફાર કરવામાં આવ્યો છે, તે ફેરફાર એ છે કે હવે ઇન્ડિયન આર્મી દ્વારા ભરતી માટે સૌપ્રથમ ભરતીમેળાની જગ્યાએ સૌપ્રથમ ઓનલાઈન CEE એટલે કે કોમન એન્ટ્રન્સ એકજામિનેશન લેવામાં આવશે. અને ત્યારબાદ ઓનલાઈન ટેસ્ટમાં સફળ ઉમેદવારોની ભરતી રેલી યોજી શારીરિક કસોટી લેવામાં આવશે. હવે આર્મી દ્વારા આ ભરતી સંદર્ભે ઓનલાઈન CEE લેવાનું તા.૧૭-૦૪-૨૦૨૩થી નક્કી કરવામાં આવ્યું છે. એટલે માત્ર આ એકજ તારીખે પરીક્ષા નહીં હોય, પરંતુ તા.૧૭ એપ્રિલથી પરીક્ષા શરૂ થશે અને ઉમેદવારોની સંખ્યા પ્રમાણે પરીક્ષા આગળ ઉપર ક્રમશઃ અલગ અલગ તારીખે હશે. પરીક્ષા ગુજરાતમાં અમદાવાદ/ગાંધીનગર, આણંદ, જામનગર, મહેસાણા, રાજકોટ, સુરત અને વડોદરા ખાતે લેવામાં આવશે. તમે જ્યારે ઓનલાઈન ફોર્મ ભરશો ત્યારે તમારે આ કેન્દ્રોમાંથી કુલ પાંચ કેન્દ્રોની ચોઈસ ફોર્મમાં આપવાની રહેશે. અહીં આપે આપેલ ઓનલાઈન ટેસ્ટના માર્કસને આધાર ઇન્ડિયન આર્મી દ્વારા મેરીટ યાદી તૈયાર થશે અને આ મેરીટ યાદીમાં સંવિષ્ટ ઉમેદવારોને શારીરિક ક્ષમતા કસોટી માટે નિયત કરેલ ભરતી રેલી કેન્દ્ર ખાતે બોલાવવામાં આવશે. અહીં ભરતી રેલી કેન્દ્ર ખાતે ઉમેદવારે એડમિટ કાર્ડ અને સાથે અહી જણાવેલ તમામ અસલ પ્રમાણપત્રો અને તેની પ્રમાણીત બે નકલો સાથે હજાર રહેવાનુ રહેશે. ભરતી રેલી ખાતે ઉમેદવારની શારીરિક કસોટીમાં સૌપ્રથમ ૧.૬ કિમી દોડ હશે જે ઉમેદવાર જો ૭ મિનિટ અને ૩૦ સેકન્ડમાં પૂરી કરે તો ઉમેદવારનું નામ ગ્રૂપ-૧માં સામેલ કરવામાં આવશે અને જો ઉમેદવાર ૮ મિનિટમાં દોડ પૂરી કરે તો ગ્રૂપ-૨માં નામ સામેલ કરવામાં આવશે. દોડમાં જે ઉમેદવારો પાસ થસે તેમની માટે ૧૦ ફૂટ લાંબો કૂદકો ૩ ફૂટ ઊંચો કૂદકો વગેરે પરીક્ષણો હશે. પરીક્ષા ફી : અહીં હવે અરજી કરનાર ઉમેદવારોએ ઓનલાઈન અરજી સમયે પરીક્ષા ફી પણ ઓનલાઈન ભરવાની રહેશે. આર્મી દ્વારા આ પરીક્ષા ફી રૂ.૨૫૦ રાખવામા આવી છે, જે તમારે ઓનલાઈન ફોર્મ ભર્યા બાદ ભરવાની રહેશે. અરજીપ્રક્રિયા : આ ભરતી અંગેની વિશેષ માહિતી તથા ઓનલાઈન અરજી માટે આપે ઇન્ડિયન આર્મીની વેબસાઇટ https://www.joinindianarmy.nic.in ઉપર સંપર્ક કરવો. ભાઈઓ અને બહેનો બંને માટે અરજી કરવાની પ્રોસેસ સરખીજ છે. ઓનલાઈન અરજીની છેલ્લી તા.૧૫-૦૩-૨૦૨૩ છે.