دفعه التابلت

الهدف من البيدج عاوزين نساعدكم ونحاول نخفف عنكم ثقل الايام احنا كنا زيكم من فتره .. احنا هنكون تحت بند عابرون وسيبقي الأثر 💙

السلام عليكم انا اخوكم احمد رشدان طالب كليه صيدله الفرقه الأولي معايا الدكتور اسلام سيد طب جامعه الازهر ومعايا البشمهندس مصطفى ربيع هندسه جامعه الازهر والبشمهندس يوسف جامعه الفيوم أن شاء الله محتوي البيدج ... هنزل لينك صراحه او اكتر من لينك علي حسب .. المهم اي حد عنده مشكله هيبعت سواء بقي مشكله نفسيه او مشكله مع ماده معينه او غيروا وان شاء الله هنحاول نساعده بقدر الإمكان ... وهنرد عليه ولو تطلب الأمر نتواصل معاه هنتواصل تاني نقطه هنزل دائما مسدجات تحفيزيه .. هيكون فيه تحديات مذاكره وشهادات تقدير عليها أن شاء الله اخر حاجه بقي ودي مهمه هيكون خلال كل اسبوع كول او اتنين نستضيف حد من الطلبه اللي ربنا كرمهم واتفوقوا وحققوا حلمهم يكلموكوا عن تجربتهم ويحلوا معاكم اي مشكله أن شاء الله 💙

إمتحان الوحدة الأولى من العمالقه + الإجابات

نصايح لدفعة تالته ثانوي الجديده♥️ 1_الاونلاين احسن من الدروس بكتير بس لو انت مش هتقدر تغصب نفسك إنك تقعد تذاكر يبقى الدروس احسن عدد الحصص ميزيدش عن حصتين لكل مادة 2_ابتدي بالعضويه في الكيمياء نص الامتحان منها ومتسيبهاش للاخر لو انت في مجموعه خلي المستر بتاعكم يبتدي بالعضويه 3_الانجليزي اتدرب كتير اووي على حل القطع هتيجي مع الاستمراريه وهتبقى اسهل حاجه بالنسبالك "عندك قطعتين في الامتحان ب15درجه". واهتم بالاسكيلز "المهارات" زي "علامات الترقيم,البرجراف'الايساي والايميل". +الامتحان مكنش مرتبط بالمنهج محتاج حد عارف يحل قطع وعارف المهارات +حصيلة كلمات كويسه بس كداا 4_العربي اهتم بالحل في القراءه والنصوص وخصوصا النحو حل كتييييير حوالي 16سؤال نحو في الامتحان وكل سؤال فيه فكره لازم تحل كتيررر 5_الفرنساوي مش محتاج ماده سهله هي والجيولوجيا شوية مذاكره تقدر تظبطهم كويس 💙 6_الفيزياء عندك عباره عن __(أ)كهربيه ودول 4 فصول وعليهم في امتحان أخر السنه 47درجه من 60 واهم فصلين فيهم التاني والتالت ركز كويس فيهم __(ب)حديثه ودول برضو 4 فصول وعليهم 13 درجه في الامتحان شد حيلك شويه في الكهربيه 7_متحلش كتير من الاول وتجيب كتب كتير وتضغط نفسك علشان هتتعب ف الاخر هات اللي مطلوب منك وبس واعمل اللي مطلوب واللي استاذك بيقولك عليه وبعد ما تخلص المنهج ابقي هات كتب كتير وحل براحتك وده هيكون ف الشهور الأخيره وكده هتستفيد اكتر♥️ #ثانويه_عامه

موقع التنسيق فتح للمرحلة التالتة بالتوفيق للكل ♥️ https://tansik.digital.gov.eg/application/

الأوراق المطلوبة للتقديم للكليات :- 🔺باذن الله بعد اعلان نتيحة تقليل اغتراب والتحويل بعض الكليات هتفتح تقديم الملفات المطلوبة للتقديم في الكليات ⁦1️⃣⁩ صورة بطاقة الترشيح . ⁦2️⃣⁩ اصل شهادة الثانوية العامة + صورة منها . ⁦3️⃣⁩ اصل شهادة الميلاد + صورة منها . ⁦4️⃣⁩ صورة البطاقة الشخصية ⁦ ⁦5️⃣⁩ عدد ٦ صور حديثة مقاس ٤ في ٦ . ⁦6️⃣⁩ استمارة ٢ جند [ للذكور فقط ] . ⁦7️⃣⁩ المصاريف [ تختلف من كلية للتانية ] . ⁦♦️⁩نصائح هامة أثناء التقديم للجامعة 2021 ⁦1️⃣⁩ صور بطاقة الترشيح بعد ما تطبعها حوالي ٥ صور ، لانك هتدخل بيها من بوابة الجامعة وهتبقي ضمن ورق التقديم وهتحتاجها . ⁦2️⃣⁩ الصور مينفعش تبقي غير مقاس ٤ في ٦ لو روحت بصور صغيرة هترجع بيها ومش هياخدوا ورقك . ⁦3️⃣⁩ استمارة ٢ جند و ٦ جند بتيجي من منطقة التجنيد اللي انت تابع ليها ، وبعض المدن والمراكز بتجيبها من مديرية الامن ، افضل حاجة تسأل واحد من بلدك اكبر منك وكان في ثانوية وقوله كنت جايبها منين . ⁦4️⃣⁩ بعض الكليات بتطلب دوسيه بلاستيك مع ورق التقديم ، عشان تحط في ورقك ⁦5️⃣⁩شهادة الميلاد لو عندك واحدة قديمة ،⁦⁩👏 اتأكد ان فيها رقم ثلاثي تحت كده ، لو مش فيها ، استخرج واحدة تانية غيرها جديدة وهيكون فيها الرقم الثلاثي ده . ⁦6️⃣⁩ لما تروح تجيب استمارة ٢ جند واستمارة ٦ جند ، هتجيبها بالبطاقة فقط ، وممكن حد يجبهالك عادي . ⁦7️⃣⁩ صورة البطاقة الشخصية مهمة في بعض الكليات فالكل يعملها احتياطي .

هام 💯 طريقه كتابه الرغبات ف التنسيق https://m.facebook.com/groups/319090329430646/permalink/628464205159922/