"Sadoqat" газетаси

Асилбек -Халқаро мусобақа ғолиби Туманимиздаги 14-умумий ўрта таълим мактабининг 4-синф ўқувчиси,  Каримжон Тожиевнинг шогирди Асилбек Ғофуров IMAS-2024 Халқаро математика мусобақасида иштирок этиб биринчи ўринни қўлга киритди. Ғолибни бу ғалаба билан қизғин табриклаймиз! @Kasbisadoqat

Адабий-бадий кеча 15 умумий ўрта таълим мактабида Ўзбекистон халқ шоири Нормурод Нарзуллаев таваллудининг 90 йиллиги олдидан "Яхшилик деб яшайман" деб номланган кеча бўлиб ўтди. Кечани мактаб директори И. Атавуллаев очиб, шоирнинг ҳаёти ва ижодига тўхталди. Муштарий Панжиева, Жалолиддин Ибрагимов, Меҳриёна Ҳамраева сингари ўқувчилар шоирнинг ижод намуналарини ўзбек , рус ва инглиз тилларида ўқиб бердилар. Кечада шоир қаламига мансуб шеърлар асосида яратилган қўшиқлар ижро этилди. Она тили ва адабиёти фани ўқитувчиси Малҳам Қиличева падарибузруквори, таниқли педагог Бабониёз Қиличев билан Нормурод Нарзуллаев тушган портретни мактабга тақдим қилди. @Kasbisadoqat

hamma medal bilan qaytdi Sportning jiu-jitsu turi boʻyicha Shahrisabz shahrida bo‘lib o‘tgan Amir Temur kubogida viloyatimizdan 2009-2014 yillarda tavallud topgan oʻgʻil va qiz bolalar ishtirok etdi.     Birinchi oʻrin Yakkabogʻ,  ikkinchi oʻrin Shaxtisabz va uchinchi oʻrin Kasbi tuman sportchilariga nasib qildi.      Tumanimiz vakillaridan Muhammadjon Qudratov, Farmonbek Rustamov, Sherzod Hamrayev, Bunyod  Muhtorov, Nazarbek Xozyaquvatovlar birinchi oʻrinni qoʻlga kiritishdi.Tumanimiz vakillarining hammasi medal bilan qaytishdi. @Kasbisadoqat

Bolajonlar ishtirokida "Yangi avlod" olimpiadasi o‘tkazildi Ta'lim- tarbiya tizimining sifati va samaradorligini oshirish borasida Kasbi tumani maktabgacha  va maktab  ta'limiga qarashli maktablarning 4-sinf  o'quvchilari o'rtasida "Yangi avlod" olimpiadasining tuman bosqichi boʻlib oʻtdi. Tanlov natijalariga ko‘ra 1-ōrin 46-maktab ōquvchisi Dilshoda Shodmonovaga nasib etdi. 2-ōrinni 14-maktab ōquvchisi Asilbek Ğafurov band etgan bo‘lsa, 3-òrin 13-maktab ōquvchisi Abdullajon Shuhratov, 23-maktab ōquvchisi Qilichbek Rustamov, 26-maktab ōquvchisi Firdavs Hoshimov va 27- maktab ōquvchisi Sevinchbonu Axmadovalarga nasib qildi. Olimpiada ğoliblari Kasbi tumani maktabgacha va maktab ta'limi bōlimi tomonidan estalik sovğalari bilan taqdirlandi. Zamira YŌLDOSHEVA, Kasbi tumani maktabgacha va maktab ta'limi bōlimi boshlanğich sinflar bōyicha mentori.

- Тинчлик-нондек азиз. Қайнотамнинг урушда кўрганларини сўзлаб берганларида кўзимдан ёш чиқиб кетади. Замонамизга шукроналар айтаман,-дейди уй бекаси Ҳилола. Урушни ичида бўлиб унинг даҳшатлари ҳақида ҳикоя қилаётган Хайрулла бобога боқар эканмиз у кишининг қон кечиб ҳаракат қилганликлари туфайли бугун миллионлаб одамлар бахтли ҳаёт кечираётганликларини ҳис қилдим. Шундай экан, биз ҳамиша фронтда ва фронт ортида хизмат қилган инсонларни эъзозлашимиз, қадрлашимиз лозим. Чунки уларнинг матонати тинч, осуда замонларга замин ҳозирлаган. Зиёдулла ХАЛИЛОВ, Бахтиёр РАЖАБОВ.

ДОРИЛОМОН КУНЛАР ШУКУҲИ Инсон, миллат ва халқ тарихий хотира туйғуси билан барҳаётдир. Хотира – кечаги ўтмишни, аждодлар ўгитини, миллий меросимизни англатиб турувчи муқаддас китоб зарварақларидек ҳаётимизни ёритиб туради. Қадр инсонни юксакликка кўтаради, унинг фаолиятига, орзу-интилишларига, мақсад-маслакларига олижаноблик бағишлайди. Букилмас ирода ва жасорат намунасини амалда намоён этиб, ўз ҳаётини азиз Ватанимизнинг ҳар томонлама равнақ топиши, бугунги тинч ва осойишта кунлар учун жонини фидо қилган аждодларнинг муқаддас хотирасини ёд этиб, эзгу ишларини давом эттириш, сафимизда юрган кексаларни эъзозлаш – одамийликнинг энг олий мезони ва бизга тинчлик, омонлик керак деб яшайдиган бағрикенг ва олижаноб халқимизга хос азалий қадриятдир. Шавкат МИРЗИЁЕВ, Ўзбекистон Республикаси Президенти. Иккинчи жаҳон урушида кўп миллатли Ўзбекистон халқи ҳам жанг майдонларида ва фронт ортида жасорат ва матонат кўрсатиб, фашизм устидан қозонилган ғалабага муносиб ҳисса қўшди. Ана шундай қаҳрамонлардан бири Муғлон маҳалла фуқаролар йиғинида яшовчи Хайрулла бобо Шерматов. Уруш бошланганида 17 ёшга бўлган Хайрулла Шерматов Муғлон қишлоғидан ҳарбий хизматга чақирилди. Қисқа муддатли тайёргарликда Хайрулла мерганликда маҳоратини кўрсатди. Узоқдан кўрсатилган нишонга 25 кишининг орқасидан фақатгина Хайрулла Шерматовгина аниқ теккизгани учун снаперчилар отрядига командир қилиб тайинлашди. Хайрулла бобо Шерматов ҳозир юз ёшда. Уруш хотираларини сўрасангиз қиёфасида махзунлик зоҳир бўлган ҳолда суронли йиллар ҳақида гапириб беради. Фронтнинг олд чизиғида хизмат қилган отахон уруш тугагунга қадар уч марта ярадор бўлган. Икки қулоғини ҳам ўқ олиб кетган. Бу воқеа қандай бўлганлигини Хайрулла бобо шундай эслайди. Жанг бир зумгина тинди. Окопда турган иккита немис аскарига кўзим тушди. Қуролни ўқталиб уларни қуролсизлантирдим. Ўзларини немис эмас, француз эканликларини айтишди. Ҳужжати йўқ. Ҳужжат кўришга фурсат ҳам йўқ эди. Ишондим. Олдимга тушириб қисмга олиб келаётган эдим. Окопдан ҳамрохлари чиқиб, менга қарата ўқ узишди. Калламни мўлжаллаган бўлса керак, лекин бахтни қарангки, икки ўқ ҳам калламга тегмасдан ўнг ва чап қулоғимни юлқиб кетди. Омон қолдим,-дейди отахон. Кимлар билан жанг қилгансиз? Сўраймиз Хайрулла бободан: - Уруш давомида русларни деярли кўрмаганман. Қозоқ, қирғиз, туркман биродарлар билан душманга қарши жанг қилганмиз. Менинг қисмимда 33 нафар снайперчи қиз бор эди. Душманни додини берардик. Отган ўқлари мўлжалга бехато тегарди. Баъзи шаҳарларда бўлганимизда очдикдан жуда қийналганмиз. Бирга жанг қилаётган солдат кўз очиб юмгунча ҳаётдан кўз юмганлигини кўп кўрдим. Отажонов деган қирғиз йигит билан айни жанг қизиган пайтда окопда танишдик. Яримта буханка нон топиб олган экан. Баҳам кўрдик. Жойимизни ўзгартириш учун энди қўзғалгандиколдимизга бомба портлади. парчаси унинг пешонасига келиб тегди. Танишингиз билан икки-уч кун юрасиз. Кейин кўрмайсиз. Душманга қанча яқин борсангиз шунча яхши.Бу жуда хушёрликни талаба қилади. Узоқдан отилган ўқ, душманга боргунча совиб, таъсири йўқолади. Ҳаракатингиз беҳуда кетади. Хайрулла Шерматов золимларни доғда қолдирган бахтли инсон. Жанговор хизматлари муносиб тақдирланган. Урушдан қайтиб келиб Қарши шаҳрида механизаторлик курсини тамомлагач давлат хўжаликларида то нафақага чиққунга қадар 20 йил механизаторлик қилган, ғалла ўрган, бошқа қишлоқ хўжалик ишларини бажарган. - Муғлонда, Жейновда, Хўжахайронда кўп ишлаганман. Хўжахайронлик Ҳалим бобо билан елкамга -елка ишлашанмиз.Кечаю-кундуз тинмасдик.Трактор кам, экин майдонлари кўп.Кеча-ю, кундуз ишламасак белгиланган режани уддалаш қийин эди,-дейди Хайрулла бобо механизаторлик қилган йиллари ҳақида эсларкан. Турмуш ўртоғи Овот Хўжанафасова билан 7 нафар ўғил, 4 нафар қизни тарбиялаган. 60 нафарга яқин набира, чевараларнинг суюкли бобожони. Хайрулла бобо ҳозир ўғли Зокир билан бирга истиқомат қилади. Ҳовли саранжом-саришта. Ҳар хилдаги гуллардан баҳри дилингиз очилади. Келинлари Ҳилола Нурова отахонга меҳр кўрсатиб келаётганидан мамнун.

БАЙРАМИНГИЗ МУБОРАК БЎЛСИН АЗИЗ ҲАМКАСБЛАР! 3 май Жаҳон матбуоти эркинлиги куни сифатида дунё бўйлаб кенг нишонланади. Бундан бош мақсад ахборот эркинлиги тамойилларини илгари суриш, барча минтақаларда ахборот олиш ва тарқатиш эркинлиги ҳолатига баҳо бериш, сайёрамизда рўй бераётган воқеа-ҳодисаларни холис ва ҳаққоний ёритиб, инсон ҳуқуқ ва унинг манфаатларини таъминлашга муносиб ҳисса қўшиб келаётган беҳаловат касб эгалари – журналистларни қўллаб-қувватлашга қаратилган. Мамлакатимиз равнақи йўлида сидқидилдан хизмат қилиб келаётган оммавий ахборот воситалари ходимларини, қадрли устозларни 3 май – Жаҳон матбуоти эркинлиги куни муносабати билан самимий муборакбод этамиз. @Kasbisadoqat

Tomorqan topilayotgan millionlar Qazoq qishlogʻida yashaydigan Hamza Abdurahmonov dehqonchilikning hadisini olgan.Tomorqada asosan sholgʻom etishtirib,oila daromadini oshirmoqda. Bundan 25 yil oldin sholgʻom eka boshlagan oila boshligʻi qaynonasi Bahmal momodan sholgʻom etishtirish sirlarini oʻrgangan. -Sholgʻomni barvaqt plyonka ostiga ekamiz.Navroʻz bayramida hosil tayyor boʻladi.Men hovlimning 7-8 sotih joyiga urugʻ sepib, har yili 8-10 million soʻm daromad qilaman,- deydi H.Abdurahmonov. Ushbu xonadonda boʻlganimizda oila bekasi Malohat Eshmurodova, qizlari Visola Asadova, qoʻshnilari Vazira Yorqulova, jiyanlari Maʼruf Rajabov kovlangan sholgʻomni bozorga chiqarishga tayyorlashyotgan ekan.Qoʻshni Malika aya Sharipova nabiralarga qarab turibdi.Hamma ish bilan band. Mahsulot tuman markazidagi dehqon bozoriga, Qarshi shahridagi Erqoʻrgʻon bozoriga, Koson, Muborak va hatto Samarqandga ham sotiladi. Bu esa tomorqadan millionlar topish imkoniyatini yaratadi. @Kasbisadoqat

ЁШЛАРГА ҒАМХЎРЛИК УСТУВОР МАСАЛА Мамлакатимиз Президенти Шавкат Мирзиёевнинг юртимиз ёшларига кўрсатаётган ғамхўрлиги боис келажагимиз давомчиларининг мукаммал билим олишлари, касб-ҳунар ўрганишлари, спорт билан доимий шуғулланишлари учун барча қулайликлар яратилган. Бундай имкониятлардан оқилона фойдаланган ёшлар ўзларига биркитилган вазифаларни шараф билан адо этишмоқда. Kасби туманида ҳам ёшларни билим олиши, касб-ҳунар ўрганишига алоҳида аҳамият қаратилмоқда. Эътибор ва ғамхўрлик кўрсатилган ҳолда улғайган ёшлар келажакда юртимиз истиқболи, халқимиз фаровонлиги учун хизмат қиладиган инсонлар бўлиб вояга етади. Жорий йилнинг бошида ёшлар баланисини шакллантириш мақсадида 52 минг 169 нафар ёшлар 3 та “яшил”, “сариқ”, “қизил” тоифага ажратилди. Давлат кўмагига муҳтож 488 нафар ёшлар “Оғир” тоифага киритилиб, уларга ҳар томонлама кўмак бериб келинмоқда. 👉Мақолани батафсил бу ерда ўқиш мумкин👈 Telegram

"Sadoqat" gazetasining 2024- yil 26-apreldagi 8 - soni oʻqish uchun mushtariylar hukmiga havola qilinadi. @Kasbisadoqat