ْ

يا لَّج صدري مثل لج الجماعة ‏لا مرهم طِرقي وقاموا يعزمون

وين أنت يارجوى .. حيَاتي ومشهاي ‏عسَاك في عيش يسير و مسرّه ‏ماغير أحسّب في غيابك خطاياي ‏و أستل عليك ستار عذري و أجرّه ‏

‏شابت على رجوى الملاقى مواعيد ‏حتى ذبل وردٍ شريته ،، عشانك .

‏قال أحبك و امتلا الكون من حولي بياض ‏ يا البياض اللي كساني عسى ما أنت بكّفن؟

‏القلب يجبرني عليك انت .. بالذات ‏ولا العرب واجد .. وغيرك مزاين ‏اونس بقلبي كل ما قفيت ضيقات ‏مدري بلاي الحب ولا الولع شين ‏ان جيت ابشرحلـك شعوري بما فات ‏ترجف ضلوعي وأصبح الجرح جرحين ‏ما ترحم اللي يسهر الليل ما بات ‏ضاعت حياته بين يمكن وبعدين .

لازم تفكر فيه و تـقـند الراس ‏الطاري اللي مر بالي و سقـته ‏قليل من يفهم على كثرة الناس ‏طرقً مع أهل الفكر مر و طرقـته ‏أسمن يخلي القلب ضون و محماس ‏ما مر يومن بالعمر ما ذكرتـه جاني وانا حول المدينه ومحتاس ولـديت عيني لـ نجوم و لـمحته حطيت له قبل الزهر عقد الألماس والخيل تصهل والرسن ما تركته يا أهل الفكر يا اللي على قب الأفراس قافي لجل عين الفريده بدعته غطيتها عن كل عاذل و بلاس وعن الهروج اللي تقفي سترته أثر الهوى في بعض الأحيان و سواس يطري لو اني من زمان هجرته

ياراسي اللي فيك علمً لايشاف ولايقال مايكشفه مجهر ولايحكيه قاموس اللغه حقايقً شتى من الواقع ويربطها الخيال منظومتن لو صاغها قوقل هدفها تبلغه حاولت اطلعها ولكن مالقيت لها مجال دماغ يقبلها وترفضها ميات الادمغه هذا يسندها جنوب وذا يحدرها شمال واخاف اضحي بالعمر للعالم المتفرغه والعلم سقف المعرفة والشك اساس الاحتمال قرضة ملح ماهيب علكً كل فاضي يمضغه حاولت اخفيها وسوت بي سواة بلاعدال أرسم كروكيّ المساحة في دواير مفرغه وأضحك على عقلي واسوي له فنون الاحتيال مثل سواتي يوم احلق الدقن والشيب اصبغه واماطله بوعود واجد واتظاهر بالهبال لكن ماتمشي على العقل الحيل والمروغه اجاوبه بإجابتن وحده ل ٥٠٠ سوال وان جبت له مفهوم باطل جاب حقً يدمغه خذني لحالي وانفرد بي والبشر راحوا لحال أسبر على الضيحه ماشوف الا العقل والاشمغه عالم وقامات اجتماعيه واهل شهرة ومال لكن ماغبطها ولو هي فالنعيم منغنغه

‏أنا البارحه مابين خط الأمل والياس ‏تقاطع طريق الهمّ .. معْ سكة الراحه ‏على مفرق الخطين تآه الفكر وإحتاس ‏أسايس مزاجي مسايسة خيل جمّاحه ‏وحضٍ سوات الطلقه أللي علىَ الترباس ‏يصيّب الهدف وإلا مع الطير مرواحه

عسى عيونك الي بين الأغضاي و السلهام ‏ما يجذب نظرها إلا سحابي و براقيّ ‏أنا أخاف من طاري المفارق بشكلٍ عام ‏مثل ما تخاف الجن ، من رقية الراقي ‏أبي عمري وعمرك يجي من ثلاث أرقام ‏وحـنا عـلى الحـب وعلـى هـقوة الهاقي ‏عطيتك عن الاوضاع نبذه وروس اقلام ‏و متى ما ( تواجهنا ) بعلمك بالـباقي