Верхневилюйский район 💯 РГ "Үөһээ Бүлүү"

Бүгүн, ыам ыйын 29 күнүгэр Үөһээ Бүлүү улууһун нэһилиэктэрин баһылыктарын кытта быйылгы ыһыахтарбытын тэрийиигэ сүбэ мунньахтаатыбыт. Нэһилиэктэр ыһыахтарыгар бэлэмнэниини саҕалаабыттарын биллэрдилэр. Быйыл 8 нэһилиэккэ үбүлүөйдээх ыһыахтар ыытыллаллар. Ол курдук, Өргүөт нэһилиэгэр - Өргүөт нэһилиэгэ төрүттэммитэ 385 сылыгар уонна "Өргүөт" совхоз тэриллибитэ 40 сылыгар анаммыт ыһыах ыытыллар. Өргүөт совхоз үбүлүөйүгэр анаммыт ыһыахтар Туобуйаҕа уонна Быракааҥҥа ыытыллаллар. Нам, Ороһу, Балаҕаннаах нэһилиэктэрин холбоһуктаах ыһыаҕа "Барахов" совхоз үбүлүөйүгэр ананан ыытыллар. Оҥхой нэһилиэгэр - РФ үтүөлээх артыыһа Симон Федотов 85 саастаах үбүлүөйүгэр анаммыт ыһыах тэриллэр. Уонна Кэнтик нэһилиэгэр - Кэнтик төрүттэммитэ 125 сылыгар аналлаах үбүлүөйдээх ыһыах ыытыллар. Бүгүҥҥү күнтэн ыһыах тэрээһиннэригэр күүстээх бэлэмнэниини ыытары нэһилиэк баһылыктарыгар, культура департаменыгар сорудахтаатым. Үөһээ Бүлүү улууһун ыһыаҕа бэс ыйын 24-25 күнүгэр ыытылларын бигэргэттибит. Ыһыахтар графиктара (Барыллааһын): 1. “Кэнтик нэһилиэгэ” муниципальнай тэриллии - Бэс ыйын 14-15 күннэрэ 2. “Быракаан нэһилиэгэ”  муниципальнай тэриллии - Бэс ыйын 15 күнэ 3. “Ороһу нэһилиэгэ”, “Нам нэһилиэгэ”, “Балаҕаннаах нэһилиэгэ” муниципальнай тэриллиилэр холбоһуктаах ыһыахтара - Бэс ыйын 14 күнэ 4. “Туобуйа нэһилиэгэ” муниципальнай тэриллии - Бэс ыйын 16 күнэ 5. “Дүллүкү нэһилиэгэ” муниципальнай тэриллии Бэс ыйын 16-17 күннэрэ 6. “Кырыкый нэһилиэгэ” муниципальнай тэриллии - Бэс ыйын 18 күнэ 7. “Маҥаас нэһилиэгэ” муниципальнай тэриллии - Бэс ыйын 18 күнэ 8. “Оҥхой нэһилиэгэ” муниципальнай тэриллии - Бэс ыйын 19 күнэ 9. “Далыр нэһилиэгэ” муниципальнай тэриллии - Бэс ыйын 21 күнэ 10. “Харбалаах нэһилиэгэ” муниципальнай тэриллии - Бэс ыйын 20 күнэ 11. “Боотулуу нэһилиэгэ” муниципальнай тэриллии - Бэс ыйын 21 күнэ 12. “Сургуулук нэһилиэгэ” муниципальнай тэриллии - Бэс ыйын 21 күнэ 13. “Үөдүгэй нэһилиэгэ” муниципальнай тэриллии - Бэс ыйын 21 күнэ 14. “Хоро нэһилиэгэ” муниципальнай тэриллии - Бэс ыйын 21 күнэ 15. “Үөһээ Бүлүү улууһа (оройуона)” муниципальнай оройуон - Бэс ыйын 24-25 күннэрэ 16. “Мэйик нэһилиэгэ” муниципальнай тэриллии - Бэс ыйын 28 күнэ 17. “Өргүөт нэһилиэгэ” муниципальнай тэриллии - Бэс ыйын 28-29 күннэрэ (барыллааһын быһыытынан) 18. “Тамалакаан нэһилиэгэ” муниципальнай тэриллии - бэс ыйын 21 күнэ 19. “Хомустаах нэһилиэгэ” муниципальнай тэриллии - Ыһыах буолбат #Ыһыах #ҮөһээБүлүү T.me/ValeriNikolaev

#банкет ⭐️ Оҕо искусство оскуолата выпускниктарын атаарда Ыам ыйын 28 күнүгэр Николай Бойлохов аатынан оҕо искусство оскуолатын сырдык саалатыгар быйылгы выпускниктарга үөрүүлээх банкет үрдүк тэрээһиннээхтик ааста. Быйыл оҕо искусство оскуолатын 23 оҕо ситиһиилээхтик үөрэнэн бүтэрдэ: художественнай кылааһы Майя Васильевна Саввина салайыытынан 4 оҕо, Прасковья Петровна Новгородоваҕа 1 оҕо үөрэннэ, Николай Николаевич Хобусаров баян кылааһын 1 оҕо, Никифор Никифорович Афанасьев кылааһын 3 оҕо, домра кылааһын Спиридонова Татьяна Даниловнаҕа 3 оҕо, саксофон кылааһын Иванов Сергей Сергеевичка 5 оҕо (ол иһигэр 2 блокфлейта), фольклор кылааһын Иванова Сайаана Васильевнаҕа 4 оҕо, Хобусарова Марианна Владимировнаҕа 1 оҕо үөрэхтэрин бүтэрэн, государственнай экзамен туттаран, туоһу сурук ылар чиэскэ тигистилэр. Бу күн оҕолору култуура департаменын салайааччыта Айталина Михайловна Мойтохонова, оскуола дириэктэрэ Анатолий Валерьевич Иванов, Николай Бойлохов төрөппүт уола Александр Николаевич, кийиитэ Любовь Андреевна кэлэн эҕэрдэлээтилэр, алгыс тылын эттилэр. Сылын аайы үгэс быһыытынан оҕолорго уонна учууталга бириэмийэ ананан бэриллэр. Ол курдук, быйыл оҕо искусство оскуолатын бириэмийэтэ былырыын домра кылааһын бүтэрбит Настя Ивановаҕа туттарылынна. Михаил Мойтохонов аатынан стипендия фольклор кылааһын бүтэрээччигэ Василина Васильеваҕа туттарылынна. Николай Бойлохов аатынан стипендия, "Бастыҥ үөрэнээччи" анал аат Симона Семеноваҕа, “Бастыҥ учуутал” Майя Васильевна Саввина буолан, үрдүк сыанаҕа туттарылыннылар. Сыллата буоларын курдук, выпускниктар концерт көрдөрдүлэр, күлэ-үөрэ оонньоотулар, көхтөөхтүк үҥкүүлээтилэр. Төрөппүттэр оҕо искусство оскуолатыгар уонна учууталларыгар барҕа махтал тылларын эттилэр. Ырыа- тойук аргыстаах, үҥкүү куттаах, уруһуй абылаҥнаах искусство оскуолатын банкета үрдүк таһымнаахтык ааста. Төрөппүттэр, учууталлар, ыалдьыттар, оҕолор бары астынан тарҕастылар. "Үөһээ Бүлүү" хаһыат

🔴🔴🔴Күндү Үөһээ Бүлүү улууһун олохтоохторо! "Эбээ Маайа от чэйдэрэ" нэһилиэнньэттэн харчыга от-мас тутарын биллэрэр. Сатаабат буоллаххытына, инструкция ыытабыт. Тутар сыананы уонна онтон атын ыйытыылары, бу нүөмэринэн билсиҥ: 8-999-244-88-82 ИП Кононова М.Д. ОГРНИП: 322140000000348

Бүгүн, ыам ыйын 29 күнүгэр Үөһээ Бүлүү сэлиэнньэтин дьаһалтата «Куорамыкы» күөлгэ 15 маҥан куһу, 4 хааһы ыыталаата🪿🦆🪿🦆🪿 Күндү олохтоохтор кэлиҥ, сэргээҥ !

“Дети Азии-2024”: в Якутске завершают ремонт основных спортивных объектов 🏆 До начала Международных спортивных игр “Дети Азии-2024”, которые пройдут в Якутске с 25 июня по 7 июля, осталось чуть меньше месяца. 🏗️ В эти дни в столице завершается ремонт зданий и спортивных объектов. В основном они должны быть готовы и сданы к концу мая-началу июня. 🥅🏊🏻 Всего на Играх “Дети Азии” будет задействовано 16 спортивных объектов. Самые главные события Игр, такие как торжественная церемония открытия и закрытия, пройдут в стадионе “Туймаада”.

Дьаарбаҥкаҕа үөрэх управлениета, "Тускул» оҕо киинэ, оҕо технопаарката, Оҕо искусство оскуолата, Үөһээ Бүлүүтээҕи техникум, маҕаһыыннар бэрэстэбиитэллэрэ кытталлар. Оҕолорго үлэ, сайыҥҥы лааҕырдары билиһиннэрэллэр, бириэмэни туһалаахтык атаарарга ыҥыраллар. Маны тэҥэ "Абитуриент штабыгар" ханнык идэҕэ туттарсыахтарын сөбүн ыйаллар-кэрдэллэр. Инникитин да маннык тэрээһиннэр буолуохтара, көхтөөхтүк кыттаргытыгар ыҥырабыт! @uoheebuluu

Бүгүн, Үөһээ Бүлүү улууһун дьаһалтатын иннигэр, муниципальнай болуоссакка Дьарыктаах буолуу киинин тэрийиитинэн 14-18 саастаах оҕолорго үлэ дьаарбаҥката арылынна. Үөрүүлээх арыллыыга улуус баһылыгын социальнай боппуруостарга солбуйааччы Анна Уларова, үөрэх управлениетын солбуйааччы Леонид Огочонов, Дьарыктаах буолуу киинин инспектора Зария Мойтохонова эҕэрдэ тыллары эттилэр. Мустубут дьону "Үрүйэчээн" оҕо образцовай ансаамбылын оҕолоро, талааннаах оҕолор үҥкүүлээн, ыллаан эҕэрдэлээтилэр. Үрдүкү кылаас оҕолоро флешмоб ыыттылар. @uoheebuluu