Scorpion ℡ ̇ ⇣💜

شكرا يارب لإنك غيرت اللي أنا رتبته وشكرا لإنك رتبت اللي أنا لغبطته

يارب الي يراقبنا بعين المحبة نورهاله والي يراقبنا بعين الحقد اعميهاله .♥️

قبل ما تنتظر مني حاجة ارجوك اسأل نفسك هل انت بتقدملي نفس الشيء اللي انت منتظره؟ او قدمتهولي في يوم؟ وكون صريح مع نفسك هتلاقي انه لأ فا خف بجاحة شوية.

مش كل حاجه تستاهل المعافره انت مش مضطر تصلح كل حاجه غلط حواليك مش مضطر تثبت وجهة نظرك لكل الناس سلامك النفسي اهم من انك تبقا صح فاختار الحاجات ال تستاهل انك تحارب عشانها عشان متلاقيش انك ضيعت سنين من عمرك واستنفزت طاقتك في ولا حاجه وانت بتحارب في معركة مش ليك🍃🫀.

‏هو اعتراف حزين بس حقيقي مش كل الانتصارات العظيمة مفرحة زی مثلا نسيانك لصاحب عمرك اللي خذلك تجاوزك لشخص كنت بتحبه جدا تسيب حلمك وتجرى ورا حلم جديد كل دى انتصارات عظيمة فعلا بس حزينة جدا .

يامزاجك وانت عمال ترشد التائهين ومش عارف تغادر متاهتك الخاصة.

الناس بتستكر على الناس صبرها ورضاها! عاوزين اللي عنده مصيبة يبقه علطول بيعيط أو مكشر! لو ضحك أو هزر يبقه ماعندوش دم أو مابيحسش أو مش فارق معاه! ماينفعش يبقه راضي؟ عنده تسليم؟ عارف ان كل حاجة بأمر ربنا وحده! ماينفعش هو شخصيته كدا؟ مرحه؟ بيكتم حزنه؟ شوية الضحك دول اللي بيهونوا عليه؟ حاجة عجيبة والله!

قد أنسى كل شيء، إلا أثر الحنية التي عاملني بها أحدهم في تلك أيامي الصعبة 💙

في ناس ما بيكفيهاش الأذى النفسي اللي بيسببوه لينا، فبيقررو يكملو علينا ويتهمونا إن العيب كان فينا إحنا، إحنا اللي حساسين أوڤر، إحنا اللي وحشين وبنزعل بسُرعة، إحنا اللي مش فاهمينهُم وإحنا السبب في كُل حاجة، يعني من الأخر يا نتقبّل تجاهُلهم ونتحمّل قِلة ذوقهُم وكلامهُم اللي زي السِم يا هيطلع العيب فينا وإننا أُس المشاكل والخراب.. لكن هما؟ هما ملايكة ما يطلعش منهُم العيب.. وإحنا بقى العيب نفسه.

وصلت✌🏻

بمناسبة الصحاب فالصحاب يا جماعة مش بالصور والمنشات وكتر الخروجات والكلام! الصحاب الحقيقية بتبان لما انت بتبطل تبان. ‏ يعني انت مش هتعرف صحابك فعلاً غير وانت لوحدك في أزمة أو فترة صعبة ومش عايز حد في حياتك.. مش هتعرف حبهم ليك غير وسط الضيق والحزن.. ولو ما شوفتش سند حقيقي في كل فترة صعبة مريت بيها في حياتك، يبقى انت عمرك ما صاحبت ناس فيها خير ولا عرفت صحاب بجد.

الحزن بيغير وقادر يخليك تتصرف عكس طبيعتك ممكن تبان عصبي رغم ان مافيش اهدي منك تبان قاسي وانت جواك حنيه الدنيا كلها تبان مندفع ومتهور وانت الرزانة والعقل كله للاسف الحزن بيحولك بيخلك واحد تاني الحزن بيحولك حرفيا . وفي الوقت دا معظم الناس هتبعد عنك ومش هتتحملك ومش هيقف جنبك غير اللي مؤمن بيك وعارف ان اللي انت فيه دا مش بايديك وغصبن عنك

الـواحد مجـنن النـاس وهـو فـِ حـاله لا بيهش ولا بينـش مبـالك بـق لـو هشيـت ونشيـت !😃

‏أوقات بتحتاج لحد يدعمك نفسياً يحسسك إنك لسة كويس، إن لسه فيه أمل فيك، وإنك تقدر تعوض كل حاجة بفضل ربنا، وممكن تكون أنت عارف ده، بس لما حد بيقولهولك الوضع بيختلف.

بحترم أوي الناس الشوّافة اللي بتقدر ظروف ونفسيات بعض ،وتحسن الظن ،ويكفوا الأذى .

السبب اللي خلاني ابطل ارد على الغلط بالغلط اني ادركت ان "الكل يرى الاخر بعين طبعه" يعني انت شايفني كدا مش عشان انا كدا، لا دا عشان انت اللي كدا معذور بقى ربنا معاك

انا والفنان أحمد شيبه يوم ما نفتح الدفاتر مش هنخلي لحد خاطر.

اللي عدّى مرة واتنين وتلاتة مش هيعدّي طول الوقت. واللي سكت مرة واتنين وتلاتة مش هيسكُت على طول. واللي إشترى خاطرك ورِضاك مرة واتنين وتلاته مش هيعمل كدا باقي عُمره. بلاش تتعاملوا مع الناس اللي في حياتكوا على إنكو ضامنينهم أوي كدا .. وما تراهنوش على طيبة حد طول الوقت .. كُل واحد وعنده طاقة وفي لحظة واحدة مُمكن اللي قُدامك يجيب أخره وتسمع منّه لقد نفذ رصيدك .. وكدا خِلصت خلاص.

لما تلاقي طرف بيعمل دوشة ويرمي اتهامات علنية ويقعد يشوه في حد بصفات مش فيه اعرف مليون ٪؜ انها صفاته هو لكن عشان دماغه تعباه فبيسقطها علي غيره. المحترمين المتزنين مش بيعملوا كدة. ولما تلاقي طرف ساكت ومش بيرد اعرف انه الأقوي والأكثر فهماً واتزاناً واحتراماً لنفسه وسايبه يكمل اعترافاته علي نفسه. الإنسان الفارغ دايماً يحب يعمل دوشة وفوضي يتوه بيها اللي قدامه ويغطي بيها ضعفه. مش كل اللي بيصيح مظلوم ولا كل ساكت ضعيف.

اكبر عقاب من ربنا لحد انه يصدق نفسه انه يسيبه كدا ظالم وقاسي وهو فاكر نفسه معاه حق ان ربنا يسلط عليه نفسه تقوله انت فله ومظلوم وكمل وانت صح ربنا ما يسلط علينا انفسنا ابدا