ዶ/ር ሶፎንያስ ኤርምያስ_Dr Sofonias Ermias

ለጥርስ ጤና መልካም የሆኑ ስድስት ምግቦች ወተት ወተት በካልሺየምና በሌሎች ንጥረ ነገሮች የበለፀገ ስለሆነ ለጤናማ ጥርስ ጠቃሚ ነው፡፡ በተጨማሪም በአፍ ውስጥ ያለውን የአሲድ ደረጃ የሚቀንስ በመሆኑ የጥርስ መበላትን ይከላከላል፡፡ በመሆኑም ወተትን መጠቀም የጥርስ ጤናን ለመጠበቅ ወሳኝ በመሆኑ ወተትን ማዘውተር ይመከራል። አሳ አሳ ቫይታሚንና ሌሎችን ማዕድናት በውስጡ የያዘ በመሆኑ ለጤና ጠቃሚ ነው፡፡ በአሳ ውስጥ ለጤና አስፈላጊ የሆኑ ንጥረ ነገሮች ስለሚገኙበት እንዲጠቀሙ ይበረታታል፡፡ የስጋ አይነቶች ለአፍ ጤና መልካም እንደሆኑ ይነገራል ፤ አሳ በተለየ የተሻለ ጠቀሜታ አለው፡፡ ትኩስ ፍራፍሬ ትኩስ ፍራፍሬ አብዝቶ መመገብ ለጥርስ ጠቃሚ ነው፡፡ በሲትሪክ አሲድ የበለፀጉትን አለመመገብ ቢኖርብዎትም የብርቱካን የአሲዱ መጠን ዝቅተኛ በመሆኑ ከሌሎች በተሻለ መጠቀሙ መልካም ነው። ጥርስን ለማንጣት የሚረዳ ስትሮቤሪ እና አፕል የመሳሰሉትን መመገብ ጠቃሚ ነው፡፡ እርጎ እርጎ ፣ ከድድና መንጋጋ በሽታ የሚከላከሉ ካልሺየምና ፕሮባዮቲክስ ስላለው ለአፍ ጤና ጠቃሚ ነው፡፡ ስለዚህ በየቀኑ እርጎን ከገበታ አለመለየት ይመከራል። ነጭ ሽንኩርት ነጭ ሽንኩርት ለአፍ ጤና ጠቃሚ ከሆኑ ምግቦች አንዱ ነው፡፡ ነጭ ሽንኩርት በውስጡ ባለው አሊሲን ንጥረ ነገር በአፍ ውስጥ ያለን ባክቴሪያ ይገድላል። እነዚህ ባክቴሪያዎች አብዛኛውን ጊዜ የጥርስ መበላትና የአፍ በሽታ የሚያስከትሉ ናቸው፡፡ ሽንኩርት ሽንኩርትም በአፍ ውስጥ ያሉ በሽታ አምጪ ባክቴሪያዎችን ይከላከላል። ለዚህም ሽንኩርት ጥሬውን መጠቀም አስፈላጊ ነው፡፡ መሰረታዊ ጉዳይ ለጥርስ ጤና የአፍ ንፅህና አጠባበቅ ልምምድ ማዳበር እና የተጠቀሱትን ምግቦች መመገብ በጣም አስፈላጊ ነው፡፡ ካልሆነ የጥርስ እንደ ብሬስ፣ ጥርስ ተከላ እና ሌላም ከፍ ያለ ህክምና ሊያስፈልግ ይችላል፡፡ በቴሌግራም 👇 @DrSofonias

በእርግዝና ወቅት የሚታዩ የአደጋ ምልክቶች ብዙዎች እናቶች የተስተካከለና ችግር የሌለበት/ኖርማል የእርግዝና ወቅት ያሳልፋሉ። ሆኖም ግን በእርግዝናዎ ወቅት አንዳንዴ ሊታዩ የሚችሉ የማስጠንቀቂያ ምልክቶችን ማወቁ አስፈላጊ ነገር ነዉ፡፡ ምንም እንኳ የህክምና ባለሙያዎ የእርስዎን እርግዝና የሚመለከት አስፈላጊዉን ነገር የሚነግርዎ ቢሆንም ማንኛዉም በእርግዝና ወቅት ለሚመጣ ችግር መጠነኛ ተጋላጭ ናቸዉ የሚበሉትም እናቶች እንኳ ሳይቀር ስለአጠቃላይ በእርግዝና ወቅት ሊታዩ ለሚችሉ የማስጠንቀቂያ ምልክቶች ማወቅ ያስፈልጋቸዋል፡፡ በእርግዝናዎ ወቅት ከሚከተሉት ዉስጥ አንዱ እንኳ ካለዎ ባፋጣኝ የህክምና ባለሙያዎን ማነጋገር ያስፈልጋል፡፡ የህክምና ባለሙያዎን ማነጋገር ከዚህ የበለጠ ችግሮችን እንዴት ማወቅ እንደሚችሉ ይረዳዎታል፡፡ ችግሮችን/የማስጠንቀቂያ ምልክቶቹን ባዩበት ወቅት ወዲያዉ ሕክምና ያለማግኘትና መዘግየት ችግሩን የከፋ ሊያደርገዉ ስለሚችል ምልክቶቹን ባዩበት ወቅት ማማከር ተገቢ ይሆናል፡፡ በእርግዝና ወቅት ሊታዩ የሚችሉ የማስጠንቀቂያ/የአደጋ ምልክቶች ዉስጥ፡- • ከብልት በኩል መድማት ካለ (Vaginal Bleeding)፡- ይህ ሁኔታ ሲከሰት ምክንያቱ የተለያየ ነገር ሊሆን ይችላል፡፡ ከነዚህ ዉስጥ ዉርጃ፣ የእንግዴ ልጅ ከማህፀን ግድግዳ ላይ መላቀቅ (placental abruption)፣ የእንግዴ ልጅ አቀማመጥ ችግር መኖር (placenta previa) እና ሌሎች እንደ ከሆርሞን ጋር የተገናኘ መድማት ወይም ፅንሱ ከማህፀን ግድግዳ ጋር በሚጣበቅበት ወቅት (Implantation bleeding) ሊሆን ይችላል፡፡ • የዳሌ ዉስጥ ወይም የሆድ ህመም/ቁርጠት መኖር፡- ይህ ዉርጃ፣ ከማህፀን በላይ እርግዝናና የእንግዴ ልጅ ከማህፀን ግድግዳ ላይ መላቀቅ ሲኖር የሚመጣ የህመም አይነት ሲሆን በተጨማሪም ዕጢዎች(ሲስት) ካሉ፣ የማህፀን እድገትና የጅማት ላይ ህመሞችም ይህ ሁኔታ እንዲከሰት ያደርጋሉ፡፡ • ተደጋጋሚ የሆነ/ የማያቋርጥ የጀርባ ላይ ህመም መከሰት፡- ይህ ዉርጃን፣ ያለጊዜዉ የሚከሰት ምጥ መምጣት ሊያመላክት የሚችል ሲሆን በተጨማሪም የኩላሊት/የፊኛ ኢንፌክሽን፣ ሲስት(ዕጢ) ሲከሰትና በኖርማል እርግዝና ወቅትም ሊኖር ይችላል፡፡ • ከብልትዎ የሚፈስ ፈሳሽ ካለዎ( Gush of Fluid from Vagina)፡- የእንሽርት ዉሃ ያለጊዜዉ መፍሰስ፣ ያለጊዜዉ የተከሰተ ምጥና ዉርጃ ምልክት ሊሆን ይችላል፡፡ • የእጅና ፊት ላይ እብጠት፡- የፊትና እጅዎ ላይ እብጠት ከተከሰተ በእርግዝና ወቅት የሚከሰት የደም ግፊት መጨመር በሽታ ምልክት ሊሆን ይችላል • ከፍተኛ የሆነ የራስ ምታትና የአይን እይታ ላይ ብዥታ መፈጠር፡- ይህ በእርግዝና ወቅት ለሚከሰት የደም ግፊት መጨመር በሽታ መከሰትና የደም ግፊቱ በጣም ሲጨምር እና ለሚጥል በሽታ አይነት መንቀጥቀጥ(Ecclampsia) ሲያጋልጥ የሚመጣ ምልክት ሊሆን ይችላል፡፡ • መደበኛ የሆድ ቁርጠት ከ37ኛ ሳምንት በፊት ከተከሰተ፡- ይህ ከቀኑ በፊት የተከሰተ/የመጣ ምጥ ምልክት ሊሆን ይችላል፡፡ ወይም ከጨጓራዎ ጋር የተያያዘ ችግር ሊሆን ይችላል፡፡ • ትኩሳት፡- ትኩሳት የኢንፌክሽን መኖር ምልክት ሊሆን ይችላል፡፡ ኢንፌክሽን በእርግዝናዎ ወቅት መከሰት ፅንሱን ሊጎዳዉ ስለሚችል የህክምና ባለሙያዎን ማማከር ያስፈልጋል፡፡ • የልጁ/የፅንሱ እንቅስቃሴ መቀነስ ካለ፡- ይህ በማህፀን ያለ ልጅዎን መታፈን ወይም በህይወት ያለመኖር አለያም የልጁ በቀስታ መንቀሳቀስ ምልክት ሊሆን ይችላል፡፡ አንዲት እናት በእርግዝናዋ ወቅት ከላይ ከተጠቀሱት ምልክቶች እንዱ እንኳ በየትኛዉም የእረግዝናዋ ወቅት ካጋጠማት ያለምንም ቅድመሁኔታና ቀጠሮዋን ሳትጠብቅ የህክምና ባለሙያዋን ማማከርና ተገቢዉን ህክምና ማግኘት ይጠበቅባታል፡፡ ዶ/ር ሶፎኒያስ ኤርሚያስ በቴሌግራም 👇 @DrSofonias

ከማዕዳቸው እርድን ቢያርቁ የሚመከሩ ሰዎች እርድ ላይነን ከሚሰራበት ተልባ መሰል የቃጫ ተክል (ፈላክስ) ቀጥል በአለማችን በስፋት ገበያ ላይ የሚውል ቅመም ነው፡፡ እርድ በውስጡ የያዘው ኩርኩሚን የተሰኘ ንጥረ ነገር ደስ የሚል ሽታ እና ደማቅ ቢጫ ቀለም አላብሶታል፡፡ እርድ በርካታ የጤና በረከቶች እንዳሉት ሁሉ አንዳንድ ሰዎች ሲጠቀሙት የመደበት፤ የማስመለስ እና የሆድ ህመም እንደሚሰማቸው ይናገራሉ፡፡ እርድን ከበርበሬ ጋር ቀላቅሎ መጠቀምም የኩርኩሚን መጠኑ ከ2 ሺህ እጥፍ በላይ እንዲያድግ እንደሚያደርገው ይታወቃል፡፡ ይህም እንደ ደም ግፊት መዛባት ላሉ የጤና እክሎች ይዳርጋል፡፡ በዚህም የተነሳ አንዳንድ የህብረተሰብ ክፍሎች እርድ ባይጠቀሙ ይመከራል፡፡ እነዚህም፦ 1. እርጉዝና የምታጠባ እናት ነፍሰጡር አልያም ጡት የሚያጠቡ ሴቶች እርድ ባይወስዱ ይመከራል፤ ከወሰዱም በከፍተኛ ጥንቃቄ ሊሆን ይገባል፡፡ እርድ የወር አበባ ኡደትን በማዛባት የእርግዝና ሂደት እንዲሰተጓጎል ያደርጋል፡፡ አባት ለመሆን በተዘጋጁ ወንዶች ላይም የቴስቴስትሮን ሆርሞን መጠን እንዲቀንስ እና የስፐርም እንቅስቃሴ እንዲገደብ በማድረግ ህልማቸውን የማጨናገፍ እድል አለው ተብሏል፡፡ 2. የሀሞት ጠጠር ያለባቸው ሰዎች በሀሞት ጠጠር ህመም የሚሰቃዩ ሰዎችም እርድን ከሚወስዱት ምግብ ባይቀላቅሉት ተገቢ መሆኑ ተነግሯል፡፡ 3. ቀዶ ጥገና ለማድረግ የተዘጋጁ ሰዎች የቀዶ ጥገና ህክምና ለማድረግ የተዘጋጁ ሰዎች ከህክምናው ከሶስት ሳምንት በፊት ጀምሮ እርድን ከምግባቸው ውስጥ መጨመር አይኖርባቸውም፡፡ ምክንያቱም እርድ የደም መርጋትን በመቀነስ በቀዶ ጥገና ወቅት ከፍተኛ የደም መፍሰስ እንዲኖር ስለሚያደርግ ለጤና አስጊ ነው፡፡ 4. የኩላሊት ጠጠር ህመምተኞች እርድ በየቀኑ በብዛት የሚመገቡ ሰዎች በኩላሊት ጠጠር ህመም የመጠቃት እድላቸው ከፍተኛ መሆኑ ይነገራል፡፡ 5. የስኳር ህመምተኞች እርድ በደም ውስጥ የሚገኝ የስኳር መጠንን ስለሚቀንስ የስኳር በሽተኞች የእርድ ፍጆታቸውን መቆጣጠር ይኖርባቸዋል፡፡

ወሲብና የጀርባ ህመም ================= የጀርባ ህመም በተለይ የታችኛው ጀርባ ህመም ብዙ እንቅስቃሴዎችን ከባድ ከማድረጉም ባሻገር ጥቂቶችን ደግሞ ፍፁም የማይቻሉ ሊያደርጋቸው ይችላል፡፡ ባለሙያዎቹ እንደሚሉት የጀርባ ህመም ከዕለት ተዕለት ስራችን ጀምሮ ከሌሎች ጋርም ባሉን ቅርቦች ላይ ከፍተኛ ችግር ሊፈጥር ይችላል፡፡ ሌላው የጀርባ ህመም በጤናማ የወሲብ ግንኙነታችን መካከልም ችግር ማምጣቱ የማይቀር ነው፡፡ በመጀመሪያ፣ ሥር የሰደደ ዝቅተኛ የጀርባ ህመም አካላዊ አሰራር ላይ ችግር ይፈጥራል፡፡ ይህ ህመም ደግሞ እየተራዘመ ከመጣ ደግሞ እንደ ድብርት፣ ብስጭት እና ቁጣ የመሳሰሉ ስሜታዊ ችግሮችን መፍጠር ይጀምራል፡፡ እንግዲህ በእነዚህ ስሜቶች ምክንያት አካላዊ ንክኪን ማስወገድ እና እራስዎን ማግለል ሊጀምሩ ይችላሉ፡፡ ይህ ደግሞ በቀጥታ በጤናማ የወሲብ ህይወትዎ ላይ ከፍተኛ ችግር መፍጠሩ አይቀሬ ነው፡፡ ታዲያ ምን ተሻለ? 1) ከአጋርዎ ጋር መነጋገር == ስቃዩን ለማስረዳት አስቸጋሪ እና በተመሳሳይ ጊዜ ለመረዳት አስቸጋሪ ሊሆን ቢችልም፣ ከአጋርዎ ጋር ስለ ጉዳዩ መወያየቱ ግን አስፈላጊ ነው፡፡ ምክንያቱም በግንኙነትዎ ውስጥ ሊፈጠሩ የሚችሉ ውጥረቶችን ከማርገብ ባሻገር አጋርዎ ሁኔታውን በተሳሳተ መንገድ ተረድውት ከሆነ በመነጋጋር ወደ መግባባት መምጣትና በመሀከል ያሉ አለመግባባቶችን ማስወገድ ያስችላል፡፡ 2) አይጣደፉ ዘና ይበሉ == እንዲሁ በቀጥታ ወደወሲባዊ እንቅስቃሴዎች ከመግባትዎ በፊት እንዳለብዎ የጀርባ ህመም አይነት ጡንቻዎችዎትን የሚያፍታቱ አንዳንድ እንቅስቃሴዎችን ያድርጉ፡፡ ለምሳሌ፣ ረጋ ያለ ማሳጅ፣ ሰውነትን ሞቅ በማድረጊያ ፓድ ማሸት አልያም ምቾት የሚሰማዎት ከሆነ በበረዶ ማሸት፣ ሞቅ ባለ ውሃ ገላዎን መታጠብ፡፡ 3) ትራሶችን ይጠቀሙ == ሙሉ ለሙሉ ያለ ድጋፍ በጀርባ መተኛት 55 ፓውንድ ያክል ጫና በአከርካሪዎ ላይ እንዲርፍ ያደርጋል፡፡ ነገር ግን ጉልበትዎ አካባቢ ትራሶችን ቢያደርጉ ይህን በአከርካሪዎ ላይ የሚያርፈውን ጫና በግማሽ መቀነስ ይችላሉ፡፡ እንዲሁም ከጀርባዎ አልያም ጭንቅላትዎ ላይ ትራስ ደገፍ ቢሉ ከስቃይዎ እፎይታን ያገኛሉ፡፡ 4) የተለያዩ ወሲብ የማድረጊያ ስታይሎችን ይሞክሩ == የዘርፉ ባለሙያዎች እንደሚሉት ከሆነ በተለይ የጀርባ ህመም ያለባቸው ሴቶች በወሲብ ጊዜ ትራስ ከስር በማደርግ በሆዳቸው ቢተኙ ጤናማ ወሲብ መፈፀም ይችላሉ ይሉናል፡፡ 5) ወሲብ የሚያደርጉበትን ቦታ ይቀይሩ == እንደሚታወቀው ወሲብ አልጋ ላይ ብቻ የሚፈፀም ጉዳይ አይደለም፡፡ የተለያዩ ምቾት ሊሰጡን በሚችሉ ቦታዎች ሁሉ ላይ መከወን ይችላል፡፡ ለምሳሌ የጀርባ ህመም ያለባቸው ሰዎች ተኝተው ወሲብ ከማድረግ ይልቅ ወንበር ላይ አልያም ሶፋ ላይ ተቀምጠው በማድረግ እርካታን ማጣጣም ይችላሉ፡፡ 6) ህመሙ ካልተወገደ ዶክተርዎን ያማክሩ እንደባለሙያዎቹ ገለፃ ከሆነ አብዛኞቹ የጀርባ ህመሞች በአከርካሪ ላይ በሚከሰት እብጠት ምክንያት የሚመጡ ሲሆኑ ተገቢውን የህክምና ክትትል ካገኙ ከ2 እስከ 6 ወራት ባሉት ጊዜአት ውስጥ መዳን ይችላሉ፡፡ ነገር ግን ህመሙ ከስድስት ሳምንታት በላይ ከቆየ እንዲሁም በእግርዎ ላይ ህመም የሚሰማዎት ከሆነ፣ በአንጀት ወይም በሽንት ፊኛ መቆጣጠሪያ ላይ ችግር ከጋጠምዎ ፈጣን የሕክምና ማግኘት ግድ ይልዎታል፡፡ ዶ/ር ሶፎኒያስ ኤርሚያስ በቴሌግራም 👇 @DrSofonias

ሞቅ ያለ ውሃን መጠጣት አስገራሚ ጠቀሜታዎች አብዛኛዎቻችን ከአልጋችን ከተነሳን በኋላ ሰውነታችንን ለማነቃቃት እራሳችንን በትኩስ ቡና ወይም ሻይ ቀኑን እንጀምራለን፡ ውሃ በምንጠጣበት ጊዜም ቀዝቃዛ እንዲሆን እንመርጣለን ነገር ግን በአዩርቬዲክ ህክምና መሰረት ሁሉም ስህተት ናቸው። በተለይም በጠዋቱ ሞቅ ያለ ውሃን መጠጣት ሰውነታችን የተፈጥሮ በሽታ ተከላካይ ሕዋሳችን ውስጥ ሊገነባ የሚችል ሜታክቢክ ፈሳሽ በመፍጠር ሰውነታችንን መዳን ይችላል ሞቅ ያለ ውሃ መጠጣት አፋችን ባይጣፍጠንም ካፌይን እና ሻይ የመሳሰሉትን ለጤንነትዎ በእጅጉ መቀነሱ ጠቃሚ ሊሆን ይችላል።. ለዚህም ስድስት ምክንያቶችን ማስቀመጥ ይቻላል። 1. ጠዋት ላይ አንድ ሞቅ ያለ ኩባያ ዉሃ ከሰውነትዎ ዉስጥ መርዛማ ነገሮችን ለማፅዳት ይረዳል። ውሃ እና ሌሎች ፈሳሾች በሆድዎ ውስጥ ያለውን ምግብ ይሰብራሉ እና የምግብ መፍጫ ስርዓቱ በሂደት ላይ ያስጉዛሉ። 2.በባዶ ሆድ የሞቀ ዉሃ መጠጣት የሆድ ድርቀትንም ይከላከላል 3. ተፈጥሯዊ ከፍተኛ ኃይል ያለው የቤት ውስጥ መድሐኒት ተብሎ የሚጠራው የሞቀ ውሃ, ከወር አበባ እና የራስ ምታ ህመምን ለማስታገስ ሊረዳ ይችላል። 4. አንድ ብርጭቆ ሞቃት ውሃን ማለዳ ማለዳ መጀመሪያ ላይ መጠጣት ክብደትን ለመቀነስ ሊረዳ ይችላል። ከዚህ በተጨማሪም የጨጓራና ትራክት እና ኩላሊት የተሻለ ጤንነት ወይም አገልግሎት እንዲኖረው ይረዳል 5. የደም ዝውውርን ያሻሽላል፡ ይህም ጡንቻዎች ዘና እንዲሉ በማድረግ, ደካማ የደም ዝውውርን እና ፍሰትን ያስወግዳል 6. ከእድሜ ቀድሞ የሚመጣን እርጅና ያዘገያል። በሰውነታችን ውስጥ መርዛማ ነገሮች መኖራቸው ወደ እርጅና በፍጥነት እንዲያመራ ያረገዋል, ነገር ግን የሞቀ ውሃው ሰውነታችንን ከነዚህ መርዛማ ንጥረ ነገሮች ለማጽዳት ይረዳል። የቆዳ ሴሎችን በመጠገን የቆዳችንን የመሳብ /elasticity ይጨምራል ዶ/ር ሶፎኒያስ ኤርሚያስ በቴሌግራም 👇 https://t.me/DrSofonias

❕በሴቶች ላይ በወሲብ ጊዜ የሚፈጠረው ህመም መንስኤ ምንድነው? 👉 ብዙውን ጊዜ አንዲት ሴት ወሲብ ስታደርግ በቂ የሆነ የሴት ብልት ቅባት ካላመነጨች ህመም ሊያጋጥማት ይችላል ይህ እንዳይፈጠር ሴቷ ይበልጥ ዘና ብላ ከወሲብ በፊት ረዘም ላለ ጊዜ በወርም አፕ ብልቷን ማዘጋጀት አለባት በአንዳንድ ሴቶች የፈሳሽ መጠን ማነስ መዘግየት ወይም ጭራሽኑ ያለማመንጨት ችግር ሲያጋጥም ፍቅረኛሞች ወይም ባለትዳሮች የወሲብ ቅባት በባለሙያ በማሳዘዝ በመጠቀም ህመሙ ሊፈታ ይችላል ፡፡ 👉 ሌላ የተለመደ ሁኔታ ደግሞ በሴት ብልት ጡንቻዎች ውስጥ ያለፈቃድ ሽፍታ መከሰት ነው ፣ አንዳንድ ጊዜ ጉዳት እንዳይደርስ በመፍራት ፣ በማፈር እና በመሸማቀቅ ይከሰታል ። ለዚህ ደግሞ አዕምሮን በማሳመን እና ወደ ደስታ ስሜት በመቅረብ ይህ ችግር እንዳይፈጠር ማድረግ ይቻላል ። 👉 የሴት ብልት ኢንፌክሽኖች። እነዚህ ሁኔታዎች የተለመዱ እና በአብዛኛው በልብስ አለመመቸት ፣ በአየር እና ውሃ መቀያየር እንዲሁም በንፅህና ጉድለት የሚመጡ ኢንፌክሽኖችን ያጠቃልላሉ ፡፡ እነዚህ ኢንፌክሽኖች በቀላሉ ራስን በመንከባከብና በሀኪም በሚታዘዙ መድሀኒቶች ሊወገዱ ይችላሉ ። 👉 በማህጸን ጫፍ ላይ ያሉ ችግሮች (ወደ ማህፀኑ መከፈት) ፡፡ በዚህ ሁኔታ ብልቱ ከፍተኛ ዘልቆ ወደ ማህጸን ጫፍ መድረስ ይችላል ፡፡ ስለዚህ በማህፀን በር ላይ ያሉ ችግሮች (እንደ ኢንፌክሽኖች) በጥልቀት ዘልቆ በሚገቡበት ጊዜ ህመም ሊያስከትሉ ይችላሉ ፡፡ 👉 ኢንዶሜቲሪዝም. ይህ ከማህፀኑ ውጭ ከማህፀኑ መስመር ጋር የሚያድግ እጢ የሚከሰትበት ሁኔታ ነው ፡፡ በእንቁላል ላይ የሚገኙትን የቋጠሩ እባጮች ሊያካትቱ ይችላሉ ፡፡ 👉ማረጥ በማረጥ ጊዜ የሴት ብልት ሽፋን መደበኛውን እርጥበት ሊያጣ እና ደረቅ ሊሆን ይችላል ፡፡ 👉 ከቀዶ ጥገና ወይም ከወሊድ በኋላ ብዙም ሳይቆይ ወሲብ መፈጸም ። ምንጊዜም ከየትኛውም አይነት ወሊድ በኋላ ቢያንስ ለስድስት ሳምንታት ከግንኙነት መቆጠብ አለብን ። 👉በግብረ ሥጋ ግንኙነት የሚተላለፉ በሽታዎች. እነዚህም የብልት ኪንታሮት ፣ የሄርፒስ ቁስሎች ወይም ሌሎች የአባለዘር በሽታዎችን ሊያካትቱ ይችላሉ ፡፡ 👉 በሴት ብልት ወይም በሴት ብልት ላይ ጉዳት። እነዚህ ጉዳቶች ከወሊድ ከወሊድ ወይም በወሊድ ወቅት በሴት ብልት እና በፊንጢጣ መካከል ባለው ቆዳ አካባቢ ከተሰራ ቁራጭ (ኤፒሶዮቶሚ) እባጭ ሊያካትቱ ይችላሉ ፡፡ 👉 ቮልቮዲኒያ. ይህ የሚያመለክተው በሴት ውጫዊ የወሲብ አካላት ላይ ተጽዕኖ የሚያሳድር ሥር የሰደደ ህመምን ነው - በአጠቃላይ ብልት ተብሎ የሚጠራው - የላባውን ፣ ክሊቱን እና የሴት ብልት ክፍተትን ጨምሮ ፡፡ በአንድ ቦታ ላይ ብቻ ሊከሰት ይችላል ፣ ወይም ከአንድ ጊዜ ወደ ሌላው በተለያዩ አካባቢዎች ይነካል ፡፡ ሐኪሞች ምን እንደ ሆነ አያውቁም ፣ እና የታወቀ መድኃኒት የለም ፡፡ ነገር ግን ከሕክምና ጋር ተደምሮ ራስን መንከባከብ እፎይታ ለማምጣት ይረዳል ፡፡ ✅ ከሁሉም በላይ ግን በግልፅ ከፍቅረኛና ከትዳር አጋር ጋር በግልጽ በመነጋገር እና ወደ ህክምና በማቅናት ከዘመናት ህመምና ጭንቀት በአንድ ቀን ቀላል ምክር እና ነፃ ህክምና እፎይ ማለት ይቻላል ።

እባካችሁ በደንብ ይነበብ ጠቃሚ መረጃ ነው ይድረስ ለሴቶች እህቶቼ ማሳሰብያ ለሴቶች!! ለእረጅም ጊዜ ተረከዛቸው ከፍ ያለ(hill) ጫማዎችን ማድረግ ቋሚ ለሆነ የአጥንት መታጠፍና(hammer toes) መሸሽ(bunions) ያጋልጣል።ይህም የሚሆነው የእግር የፊተኛው መዳፍ ላይ የሰውነት ክብደት ሙሉ በሙሉ በማረፉ ምክንያት በሚፈጠር ጫና ነው።የጫማው ተረከዝ ከፍታ በጨመረ ቁጥር የሚፈጠረውም ጫና በዛው ልክ ይጨምራል። ይህም ጫና ለጉልበትና ለጀርባ አጥንት ጉዳት መነሻ ምክንያትም ነው።በመሆኑም አዘውትሮ እንደዚህ አይነት ጫማዎችን ማድረግ ለጉዳት ያጋልጣል። *እባክዎትን ለሌሎችም ያጋሩ* ዶ/ር ሶፎኒያስ እርሚያስ በቴሌግራም 👇 https://t.me/DrSofonias

የሴት ብልት የፈንገስ ኢንፌክሽን (Vulvovaginal yeast infection) የሴት ብልት የፈንገስ ኢንፌክሽን ምንድን ነው? የሴት ብልት የፈንገስ ኢንፌክሽን በሴት ብልት የውጨኛው ቆዳ ላይ የመቆጣት እና የማሳከክ ስሜት የሚያስከትል ኢንፌክሽን ነው። ይህ ኢንፌክሽን የሚከሰተው ካንዲዳ(candida) በመባል በሚጠራው የፈንገስ ዝርያ ነው። የሴት ብልት የፈንገስ ኢንፌክሽን ምልክቶችና የህመም ስሜቶች ምንድን ናቸዉ? ምልክቶቹ የሚከተሉትን ያካትታሉ ● የሴት ብልት የውጨኛው ቆዳ ማሳከክ ● የሽንት ማቃጠል ● የሴት ብልት እና የሴት ብልት የውጨኛው ቆዳ ማቃጠል፣ መቅላት ወይም መቆጣት ● በወሲብ ወቅት ህመም ● የሴት ብልት ፈሳሽ አንዳንድ የሴት ብልት የፈንገስ ኢንፌክሽን ያላቸው ሴቶች ከሴት ብልት ውስጥ ትንሽ ፈሳሽ ሊኖራቸው ይችላል። ይህ ፈሳሽ በአብዛኛው ነጭና እንደ አይብ የሚበጣጠስ ነው። ነገር ግን ቀጭን እና እንደ ውሃም ሊሆን ይችላል። ምልክቶቼ በፈንገ ኢንፌክሽን ምክንያት መሆኑን እንዴት አውቃለሁ? አብዛኛዎቹ ሴቶች የምልክታቸው መንስኤ የሴት ብልት የፈንገስ ኢንፌክሽን ይሁን ወይም ሌላ ነገር ይሁን ሊያውቁ አይችሉም ። የሴት ብልት የፈንገስ ኢንፌክሽን ምልክቶች ከሌሎች የሴት ብልት ኢንፌክሽን ምልክቶች ጋር ተመሳሳይ ናቸው ፤ ስለዚህ ምርመራ ሳያደርጉ በዚህ ምክንያት ነው ብሎ ለመናገር በጣም አስቸጋሪ ነው። እርግጠኛ ለመሆን ሃኪም ወይም ነርስጋ ቀርቦ መታየት እና ከማህጸን ፈሳሽ ናሙና ተወስዶ የላቦራቶሪ ምርመራ ማድረግ ያስፈልጋል። የሴት ብልት የፈንገስ ኢንፌክሽን እንዴት ነው የሚከሰተው? የሴት ብልት የፈንገስ ኢንፌክሽን የሚያመጣው ፈንገስ አብዛኛውን ጊዜ በአንጀት ውስጥ እና በሴት ብልት ውስጥ ይኖራል። ይሁንና የፈንገሱ ቁጥር አነስተኛ በመሆኑ አብዛኛውን ጊዜ የበሽታ ምልክቶች አይኖርም። የተወሰኑ መድሃኒቶች (በተለይም አንቲባዮቲክስ) ፣ ጭንቀትና ሌሎች ምክንያቶች ፈንገሶቹ እንዲባዙ ሊያደርጉ ይችላሉ። ይህ በሚሆንበት ጊዜ የማህጸን የፈንገስ ኢንፌክሽን ምልክት መታየት ይጀምራ። ከስር የተዘረዘሩት ለሴት ብልት የፈንገስ ኢንፌክሽን የሚያጋልጡ ሁኔታዎች ናቸዉ ●የአንቲባዮቲክስን መጠቀም ●የወሊድ መቆጣጠሪያ እንክብሎች መጠቀም ●የስኳር በሽታ ●እርግዝና ●የተዳከመ የሰውነት የበሽታ መከላከያ ስርዓት (የኬሞቴራፒ ሕክምና፣ኤች አይ ቪ) የሴት ብልት የፈንገስ ኢንፌክሽን እንዴት ይታከማል? ለሴት ብልት የፈንገስ ኢንፌክሽን የሚሆኑ መድኃኒቶች ​​ሊወስዱ ይችላሉ። መድኃኒቶች የሚዋጡ ወይም በሴት ብልት ውስጥ የሚቀመጡ ሊሆኑ ይችላሉ። በሴት ብልት ውስጥ የሚቀመጡት መድሃኒቶች በክኒን ወይም በክሬም መልክ ሊመጡ ይችላሉ። ለሴት ብልት የፈንገስ ኢንፌክሽን የሚወሰዱ ሁሉም መድሃኒቶች ኢንፌክሽኑን የሚያስከትሉ ፈንገሶችን በመግደል ይሰራሉ። ጥሩ ስሜት የሚሰማኝ መቼ ነው? ሕክምና እንደጀመሩ በጥቂት ቀናት ጊዜ ውስጥ ጥሩ ስሜት ሊሰማዎት ይችላል። ህክምናን ካጠናቀቁ በኋላ ካልተሻለዎት ​​ዶክተርዎን ወይም ነርስዎን እንደገና ማየት አለብዎት ፤ ተጨማሪ መድሃኒት መውሰድ ወይም ሌላ መድሃኒት መውሰድ ይኖርብዎት ይሆናል። ባለቤቴስ ህክምና ማድረግ ይጠበቅበታል? የሴት ብልት የፈንገስ ኢንፌክሽን በግብረ ስጋ ግንኙነት የሚተላለፍ አይደለም ። አልፎ አልፎ ከአንዱ ወደ አንዱ የመጋባት ሁኔታ ቢስተዋልም ፤ ባለሙያዎች የወሲብ ጓደኛ ህክምና እንዲያደርግ አይመክሩም። ..................................................... @DrSofonias

ልጆዎ በድንገት ነስር ቢነስረው ከዚህ በታች የተዘረዘሩትን 8 ነገሮች ተግባራዊ ያድርጉ‼️ 🛑 ነስርን ብዙ ጊዜ ቤት ዉስጥ በቀላል ዘዴዎች ማቆም ስለሚቻል በመጀመሪያ እርሶ መረጋጋት ይኖርቦታል❗️ 🛑 በመቀጠል ልጆዎ ጭንቀላቱን ትንሽ ወደ ፊት ዘንበል አርጎ አፍንጫው አጥንት በታች ያለውን ለስላሳ የ አፍንጫ ክፍል ቢያንስ ለ10 ደቂቃ ጫን አርጎ መያዝ :: 🛑 ቶሎ ከለቀቁ መልሶ ሊደማ ይቺላል 🛑 በዝህ መንገድ ቀላል ነስር ከሆነ ይቆማል ካልተሳካ ግን ለተጨማሪ 10 ደቂቃ አሁንም ደግሞ አፍንጫውን ጫን አርጎ መያዝ ይኖርቦታል 🛑 በሁለት ሙከራዎች ወይም በ 20 ደቂቃ ዉስጥ ካልቆመ በአፋጣኝ ወደ ሆስፒታል ይሂዱ‼️ 🛑 ልጆዎ በአፉ እንዲተነፍስ ይንገሩት 🛑 ⚠️ ይጠንቀቁ ❗️ በፍፁም ልጆዎን ወደ ላይ ቀና ማድረግ ወይም ማንጋጠጥ የለበትም:: ምክንያቱም ቀና ስላለ ደሙ ወደ ውጭ አይፍሰስ እንጂ ወደ ዉስጥ በምግብ ቱቦ በኩል በብዛት እንዲፈስ እና ወደ ጨጓራው እንዲገባ ያረጋል ይሄ ደሞ ከፍተኛ የደም ማነስ እና ትውከት ሊያስከስት ይቺላል:: ⚠️ ሶፍት ወይም ሌላ ነገር ወደ አፍንጫ አይክተቱ ምክንያቱም እነዚህ ነገሮች መድማቱን ሊጨምሩት ይቺላሉ ⚠️ የልጆን ሁኔታ በቅርበት ይከታተሉ ⚠️ ነስሩ ከቆመ በኋላ ለተወሰነ ሰዓት ልጆ አፍንጫውን እንዳይነካካ እና በኃይል እንዳይናፍጥ ከባድ ነገር እንዳያነሳ ያርጉት 🔺 የልጆች ነስርን መከላከል ይቻላል። 👉 መከላከል ይቻላል ሆኖም ሙሉ ለሙሉ ማስወገድ ግን የሚቻለው በሀኪም ሲታከም ነው:: ስለዚህ መከላከያ መንገዶቹ ምንድናቸው? 📌 ልጆች አፍንጫቸውን ለአደጋ ከሚያጋልጡ ነገሮች ማራቅ 📌 አፍንጫቸውን እንዳይነካኩ ማስተማር 📌 የልጆች ጥፍርን ማሳጠር 📌 የአየር ንብረቱ ደረቅ ከሆነ አፍንጫቸው ዉስጡን ቫዝሊን በመጠኑ መቀባት ወይም እንፋሎት መታጠን 📌 ጉንፋን እና አለርጂን በአግባቡ መታከም 📌 መድሃኒቶችን ያለ ሀኪም ትእዛዝ አለመውሰድ 📌 ቋሚ የህፃናት ሕክምና ክትትል ማድረግ 👩‍⚕️ወደ ሆስፒታል መሄድ ያለበት መቼ ነው ⁉️🏥 🔺 ከላይ እንደ እንደተጠቀሰዉ የማይቆም ከሆነ 🔺 ባንዴ ብዙ ደም መፍሰስ ካለ (ከ1 ስኒ በላይ) 🔺 ልጆዎ ራስ ማዞር እና መሳት ካለው 🔺 ተደጋጋሚ ነስር እና የጥርስ መድማት ካለ 🔺 ቆዳው በቀላል ምት (አደጋ) የሚበልዝ ከሆነ 🔺 ከ 2 ዓመት በታች ነስር ከተከሰተ 🔺 ልጆዎ ከዚህ በፊት የደም ማነስ ካለበት 🔺 ተከታታይ ደም የቀላቀለ ትውከት ካለበት

የነጭ ሽንኩርት መድኃኒትነት ***** 1. ነጭ ሽንኩርት ስራን በትክክል ለማከናወን፣ የሰውነት ሕዋሳትን ጤናማ ለማድረግ ፣ድካምን ለማስወገድ፣ዕድሜን ለመጨመር፣በአይጥና በልዩ ልዩ ተባዮች የሚመጡትን ተስቦ በሸታዎችን ለመከላከል ነጭ ሽንኩርት መብላት በጣም ጠቃሚ ነው፡፡ 2. ማንኛውም ሰው መጥፎ ሽታ ባለበት አካባቢ ለፅዳት ከመሰማራቱ በፊት ነጭ ሽንኩርት ከትፎ ቢበላ ከማንኛውም በሽታ ከሚያመጡ ተዋህሲያን ለመዳን ይቻላል፡፡ 3. በቂ ሕክምና በሌለበት አካባቢ በቁስል ለሚሰቃይ ሕሙማን በነጭ ሽንኩርት ጭማቂ አጥቦ በቁስሉ ዙሪያ በመደምደም በፋሻ ወይም በንፁህ ጨርቅ በማሰር ሕመምተኛውን ለመፈወስ ይችላል፡፡ 4. ነጭ ሽንኩርት ቀቅሎ እንፋሎቱን የካንሰርንና የቲቢ በሽታዎችን ለመከላከልና በሳንባ አካባቢ ብርድና ጉንፋን ለማዳን ፍቱን መድኃኒቱ ነው፡፡ 5. ብርድ ብርድ በሚያሰኝ ሕመምና በተለይም በጥርስ ሕመም ለሚሰቃዩት ሕሙማን ሁለት ራስ ነጭ ሽንኩርት የውስጠኛውን ሽፋናቸውን በመላጥ በሁለቱም ጉንጫቸው በተለይም በተነቃነቀው ጥርስ በኩል ነክሰው ረዘም ላሉት ሰዓት ቢጠቀሙበት መልሶ መልሶ ይጠነክራል፡፡ 6. ለአስም፣ ለጉሮሮ ክርካሪ ወይም ኮርታ ለተባለው በሽታ እንዲሁም ጉሮሮ ለማፅዳት የነጭ ሽንኩርት ጭማቂ በስኳር ወይም በማር መጠጣት የተፈተነ መድኃኒት ነው፡፡ 7. ነጭ ሽንኩርት የራስ ምታትና የደም ብዛት ያለባቸው ሰዎች ከ3 እስከ 5 ቀናት በማከታተል ሦስት ሦስት ፍንካች በቀን ሦስት ጊዜ ቢበሉ ከድካምና ከደም ብዛት ሊፈወሱ ይችላሉ፡፡ 8. በደም መርጋት ምክንያት ለሚሰቃዩ ፣የልብ በሽታን፣ የፊንጢጣ ኪንታሮትና የእግር ደም ሥር እብጠት varicose የተባሉትን በሽታዎች ለመከላከልና ለመዳን ነጭ ሽንኩርት በመብላት መፈወስ ይችላል፡፡ 9. ነጭ ሽንኩርት የቆላ ቁስል፣ችፌን፣የጨጓራ በሽታን ወረርሽኝን ኮሌራን ሳይቲካን የቁርጥማትን ሕመምን እንደሚያድን የተረጋገጠ ነው፡፡ እባክዎን ይህን ጠቃሚ መረጃ ለወገኖ እንዲደርስ Share በማድረግ ይተባበሩን! ምስጋናችን ከልብ ነው!

የኩላሊት ህመም ምልክቶች የኩላሊት ምልክቶች ሕመም አብዛኛውን ጊዜ ምልክት የለሽ ናቸው፡፡ እነዚህ የህመም ምልከቶች ከታዩም ደግሞ ከህሙማን ሕሙማን ይለያያሉ፡፡ በተለይ የሕመሙ መጀመሪያ አካባቢ መለየት አስቸጋሪ ነው፡፡ ይሁን እንጂ አበይት ምልክቶቹ የሚከተሉት ናቸው፡፡ • የፊት እብጠት ብዙ ጊዜ የፊት ፣ የሆድ እና የእግር እብጠት የኩላሊት ህመም መለያ ናቸው፡፡ በኩላሊት ህመም ምክንያት የሚከሰት እብጠት በመጀመሪያ ከዐይን ሽፋን በታች ሊከሰት ይችላል፡፡ (ይህ የፔሪኦሮቢታል እብጠት ይባላል) በተለይ በማለዳ ጎልቶ ይታያል፡፡ ነገር ግን ሁሉም እብጠት የ የኩላሊት ሕመምን ያመለክታል ማለት አይደለም፡፡ በተወሰኑ የኩላሊት ህመሞች ውስጥ መደበኛ የኩላሊት ሥራ ቢኖርም እብጠት ይከሰታል (ለምሳሌ ኔፍሮቲክ ሲንድሮም)። ከባድ ህመም ቢከሰትም በአንዳንድ ታካሚዎች ላይ እብጠት ላይታይ ይችላል፡፡ • የምግብ ፍላጎት ማጣት ማቅለሽለሽ ፣ ማስመለስ የምግብ ፍላጎት ማጣት ፣ በአፍ ውስጥ ያልተለመደ ጣዕምና የምግብ መመገብ ደካማነት የኩላሊት ችግር ምልክቶች ናቸው:: • ከፍተኛ የደም ግፊት አብዛኛውን ጊዜ የኩላሊት ችግር ያለባቸው ታካሚዎች የደም ግፊት ይኖራቸዋል። የደም ግፊት ችግር በወጣትነት ዕድሜ (ከ 30 ዓመት በታች) ከተገኘ ወይም በምርመራው ወቅት የደም ግፊት በጣም ከፍተኛ ከሆነ ምክንያቱ የኩላሊት በሽታ ሊሆን እንደሚችል መጠርጠር ያስፈልጋል። • የደም ማነስ እና ድክመት የደም ማነስ ችግር ያለበት ሰው ቶሎ መድከም ፣ ማተኮር አለመቻል እና የቆዳ መገርጣት ዋንኛ ምልክቶች ናቸው። አንዳንድ ጊዜ ሥር የሰደደ የኩላሊት መድከም የመጀመሪያ ደረጃ ላይ አነዚህ ብቸኛ ምልክቶች ሊሆኑ ይችላሉ። የደም ማነስ ያለበት ሰው በመደበኛ ህክምና በሚሰጡ መድኃቶች ካልዳነ፣ የኩላሊት ህመም እንዳለበት መጠርጠር ያስፈልጋል። ከዚህም ተጨማሪ ምልክቶች -መለስተኛ ደረጃ የጀርባ ህመም ፣ አጠቃላይ የሰውነት ህመም ፣ እና የእግር ማሳከክ እና ህመም በኩላሊት ህመም ውስጥ ተደጋጋሚ የሚታዩ ምልክቶች ናቸው። በልጆች ላይ ደግሞ በሚገባ አለማደግ ፣የቁመት ማጠር እና የእግር አጥንት ቀጥ አለማለት የህመሙ መኖር ማሳያ ነው፡፡ ብዙ ጊዜ የሚታዩ ምልክቶች 1. የሽንት መጠን መቀነስ የኩላሊት ህመሞ በጣም የተለመደ ነው። 2. በመሽናት ወቅት የሚያቃጥል ስሜት ፣ በተከታታይ መሽናት (ያልተለመደ ድግግሞሽ) እንዲሁም ደም ወይም መግል በሽንት ውስጥ ማየት እና የሽንት ቧንቧ ህመም በሽታውን የሚያሳዩ ምልክቶች ናቸው። 3. የሽንት ፍሰት መዘጋት ሽንትን ለማውጣት ችግር ይሆናል፡፡ ምንም እንኳን አንድ ሰው ከላይ ከተዘረዘሩት ምልክቶች መካከል የተወሰኑት ሊያሳይ ቢችልም የግድ ሰውዬው በኩላሊት ህመም ተይዟል ማለት ግን አይደለም። ሆኖም እንደዚህ አይነት ምልክቶች ባሉበት ሁኔታ ሐኪምን ማማከር እና የኩላሊት ህመም እና ሌሎች ህመሞች መኖር ወይም አለመኖራቸውን በደም እና በሽንት ናሙና ምርመራዎች ማረጋገጥ ያስፈልጋል፡፡